تفسير احلام الحوامل

[ام وليد hamood]

رد: رد : تفسير احلام الحوامل (3)

مشكورة ام وليد

انا حامل وحملت انه في وحدة من معارفنا بتضيف اختي المتزوجة واللي ماحملت بعد ولا مرة بالحقيقة صينية مليانة موز وعطتها موزة وقشرتها بس اختي ردتها وانا كنت باخذها بس ما اخذتها

وشفت عنب ابيض ما اكلته بس لمسته وشفته عند اختي المتزوجة واللي عندها بنات بالحقيقة

ارجو التفسير والف شكر غلاتي

ان شاء الله رزقة مقسمه عليكم .. والموز بالحلم ولد الله اعلم

 

[ام وليد hamood]

رد: تفسير احلام الحوامل (3)

ساء الخير انا حلمت اني ولدت 3 توائم وعلي فكره انا حامل

تقومين بالسلامة ان شاء الله .. وهذي اضغاث احلام . والله اعلم

 

[ام وليد hamood]

رد: تفسير احلام الحوامل (3)

قوووة ياام وليد


عندي حلم بس ماايخصني يخصني يخص اختي واهي طاالبة بالجامعه


احلمت انهاا كانت بغرفتها والي تشوووف ثووور يطق الباااب واهي ماااسكة الباااب وبعدهااا خاافت وركضت لغرفة الوااالد وقااام الوااالد


يتصااارع مع الثووور واهي منخشة وراااء الوااالد وقعدت من النوووم حبيت اعرف شنوو تفسيرة

معناه خطاب لاختج والله اعلم .

 

[ام وليد hamood]

رد: رد : تفسير احلام الحوامل (3)

السلام عليكم ....شلونج ام وليد وعساج علي القوه
انا حامل بآخر السادس وقبل لاأحمل حلمت وتكرر معاي مرتين ان بغرفتي في سريرين غير سريري....وبعد الحمل حلومي وايد
ومره حلمت بعد بكبتين...ومره اتحلم بنات ومره صبيان مع العلم بعيالي قبل لما احلم بجنس الجنين يكون صج نفسه بس هالمره مضيعه بالاحساس مايندري
بس اخر حلومي كنا حماتي معطتني خاتم ذهب في فص حمر,,,ومرتين حلمت ماسكه بأيدي مفتاح
وقبل يومين وصدفه نفس اليوم حلمت ان بداري في حصان 2 واحد لونه بني والثاني يتراولي غامج اسود او بني غامج
وبنفس اليوم قالي ريلي ان حلم ان شاري حصان بني وماسك السرج مادري شي يمسكون فيه الحصان بأيده

ملاحظه...اختي حملت عقبي بشهرين

وبعد نسيت مره حلمت جنا ريلي معطيني ساعه هديه بكيس بس مافجيتها ولاشفتها وحطيت الكيس علي الارض
وعقب حلمت ان يايب هديه لي تلفون نقال...ومره بعد حلمت ان عندي عضو ذكري صغير
وشنو الحلم اذا وحده حلمت متزوجه شخص ثاني غير زوجها((مرتين احلم اني متزوجه وليد الطبطبائي))

كل احلامج تدل على الولد ...والحده اذا حلمت انها تتزوج واحد ثاني او تجامع غي زوجها واهي حامل معناه ولد والله اعلم

 

[ام وليد hamood]

رد: رد : تفسير احلام الحوامل (3)

السلام عليكم

شخبارج الغاليه

الله يعطيج العافيه مقدما


انا عندي حلم يمكن تكرر معاي بفتره حملي اكثر من 8 مرات

بس باشكال مختلفه


اول الايام كنت احلم ان اكو مجموعه من الناس يسولفون معاي ويضحكون وجذي وبعدين مرة وحده اكتشف انهم ( جن )
وابتدي اقرا بويههم سورة الكرسي والمعوذات بس يقعدون يضحكون علي يعني مايتاثرون
وباخر الحلم اقعد ااذن بويوههم وهني يتاذون ويوخرون عني
وثاني حلم نفس الطريقه لكن اخر الحلم اذنت وقعدت اقول ( اعوذ بكلمات الله التامات من شر ماخلق و اعوذ بكلمات الله التامه من كل شيطان وهامه ومن كل عين لامه ) وهني تاذوا ووخروا عني
وبالحلمين وانا ااذن بويوهم او اقرا قران صوتي يختنق ويرد يطلع جنه احد ماسكني من بلعومي ودايم لما اقعد من النوم القى نفسي كنت اقرا على نفسي صج وانا نايمه ..

الحلم الثالث والرابع مافيهم اختلاف وهم الخامس نفس الشكل
الحلم السادس حلمت ان الجن مايبون ياذوني انا
لا يبون ياذون اختي واخوي
يعني جنه الجن تلبسوهم وانا قعدت ااذن بويوههم ليما طلعوا منهم وبعدين حاولوا ياذوني ماقدروا وراحوا عقب ما اذيتهم وانا ااذن ونفس الطريقه هم صوتي كان يختنق
اي وتذكرت وانا بالحلم اني حامل .. قمت استودعت الله جنيني وبعدين دخلت الغرفه واذنت بويهه اخوي واختي وقريت عليهم المعوذات ليما افتكوا

الحلم الاول كان زوجي معاي ويوم اكتشفت انهم من الجن قمت اقوله اذن معاي وانا كنت ااذن بصوت عالي واهو ياذن بصوت عادي بس ماتضررنا لا انا ولا اهو الحمدلله




لحد يخترع بنات لووول لان فعلا عقدني هالحلم 8 مرات تكرر بفتره حملي كلها اللي ماتعدت 5 شهور والحمدلله رب العالمين على كل حال

تدل احلامج على على القوة والعزة والنصره على الاعداء ان شاء الله..وارقي نفسج حبيبتي . والله اعلم

 

[ام وليد hamood]

رد: تفسير احلام الحوامل (3)

السلام عليكم شلونج ام وليد انا حلمت اني زوجي جايبلي دبلة تركواز ولبسته وايدى الثانيه فيها خاتم او دبله مشايهه ونفس الون لها بس اكبر كنت اقول بالحلم الله يانعم البله هاذي انعم من الدبله القديمه لان البدله القديمه كبيره ودقشه واقول بالحلم وناسه ببلغ البنات بالدوام ان زوجي جابلي هديه وانا الحين حامل بالخامس وخير انشالله

اان شاء الله بنوته والله اعلم

 

[ام وليد hamood]

رد: تفسير احلام الحوامل (3)

ام وليد الله يعينج على احلامي

تذكرت حلم بس مادري حلمته قبل لا ادري اني حامل ولا عقب


جني بمكان جنة مدرسة ومن بعيد اشوف ريال قاعد يبني يمكن او نجار المهم لابس بلوزة صفرة وجنز وكنت معجبة بعضلاته وامر على غرفة اهو داخلها واحاول اتحرش فيه واخليه ينتبهلي كنت لابسه لون فاتح يمكن ابيض او بيج فستان حلو خامتة طايحه وناعمة اتوقع حرير وكان شكله كويتي بس جنه جنسيته كانت غير

ان شاء الله ولد والله اعلم

 

[دلوعه خطيره]

رد: تفسير احلام الحوامل (3)

قوه ام الوليد حلمت حلم امس قعدت فرحانه حييييييييييييييييييييييييييل

حلمت اني ولدت ومو عارفه شنو جبت بس دخلت غرفه كلها ورد احمر وبالونات احمر وفرش احمر تهبل الغرفه وكنت انتظر يقولون لي شنو جبت وكان عندهم نظام اذا جبتي بنت يقولون انتي جبتي شوق واذا جبتي ولد يقولون انتي جبتي عدنان وكان انا اول مادخلت شفت قدامي كلمه شوق وتضايقت شوي بس الممرضه قالت لا هذا مو لج انتي جبتي عدنان يعني ولد وكاني من الفرحه سجدت لله واقول الحمدلله واكررها وكان معاي خواتي سجدو معاي


بصراحه حلم روعه ياترى له تفسير عندج

 

[الفقيره]

رد: تفسير احلام الحوامل (3)

اهلين ام وليد ,,

امي حلمت ان اخوي الصغير لابس دشداشه وغتره
وقالت الحمدلله ياسعد أخيرا نظفت أخيرا صرت سعد الأولي ورجعت لبست الدشداشه
كان يتبسم لها

(( الحلم تكرر عليها مرتين ))

 

[@الدلوعه@]

رد : تفسير احلام الحوامل (3)

السلام عليكم لو سمحتي ام وليد تحلمت ان فيه رجال يحذفني بالصخر وهو رجال غريب ما اعرفه ومره تحلمت كاني اتصارع مع حيوان ما عرف شنو بس اقربله شبه الكنغر ومره تحلمت كاني راكبه سياره مع رجال لونهم اسود مع العلم انا حامل

ام وليد ناطره تفسير الحلم

 

[فجورة الشطورة]

رد: تفسير احلام الحوامل (3)

السلام عليكم انا دايما احلم اني ولدت وجبت بنت
وفي حلم ثاني خالتي ام زوجي تصب لي الشاي و شربتة
تكفين ام وليد فسريلي الحلم

 

[BABY MASTER]

رد: تفسير احلام الحوامل (3)

مرحبا ام وليد عساج ع القوة

حلمت:

اني انا و بنت خالتي مارين يم بيت طليقي وجان نقول بندش عليهم و يوم وصلت عند عتبة باب بيتهم الا متغيره صايره درج
اشحلاته ابيض و باب اشحلاته خشبي كبير و فيه ولد صغير قاعد معطينا ظهره لابس دشداشه بنيه وشعره اسود كثيف و يوم بغينا ندخل
جان اسمع صوت ناس و رياييل جان اقول لبنت خالتي انا هونت مانبي ندش عليهم امشي خل نروح من هنيه,,,

:::::::::::::::::

للعلم:

انا حامل بالتاسع ومطلقه وبنت خالتي مالجة و مو ماخذه من اهل طليقي و بيت اهل طليقي في الواقع غير عن اللي بالحلم
بيتهم الدرج متكسر و الباب قديم و طايره صبغته وسبب طلبي للخلع وطلاقي كان ام زوجي حسبي الله عليها’’’’

............

اسفه ع الاطاله يعطيج العافيه,,,,,,,,

 

[MissChoco]

رد: تفسير احلام الحوامل (3)

ام وليد حبيبتي مافسرتي حلمي

 

[قلبي سلومي]

رد : تفسير احلام الحوامل (3)

السلام عليكم ام وليد


حلمت اني رحت الجمعية او السوق جان اشوف لبس برتقالي يهبل جان اخذ صدرية ونعول ولفة لبنتي واطالع الفساتين البرتقالية قلت
الله شحلاتهم بس ما راح اخذهم بنطر بنتي تكبر مو اللحين بعدين ولا اشوف لج ضب يشبه ولد حماتي بالضبط جنه اهو وخذيته ورحت لحماتي قلت شوفي يشبه ضاري ولدج ولا يدق تليفون قالو حماتج جواهر ماتت قعدو يبجون بدون صياح انا خليت الضب وصعدت فوق شقتي ولقيت زوجي ضعيف وبالصج اهو مربرب المهم لقيته ضعيف بس وجهه منور ويبتسم لي قلت جواهر اختك ماتت وقعد يبتسم وبعدها ما اتذكر شنو صار بس بسرعة قعدت من الحلم

 

[ملكه بكبريآئي]

رد: تفسير احلام الحوامل (3)

السلام عليكم .. ام وليد انا حلمت كأن زوجي شايل غزال ويطالع ابوه ويضحك وكأن بسيارته غزال بنت واقول الزوجي بجي غزال ذكر بعد وبجيبون ولد

 

[نـــــ أم ـــــور]

رد: تفسير احلام الحوامل (3)

اللهم امين
الله يجزاج خير يارب ماقصرتي ويجعل عيالج صالحين بارين فيج يارب
ويرزقج ومن تحبين الجنة

مشكورة

 

[كويتية 2]

رد: تفسير احلام الحوامل (3)

اشلووونج ام وليييد عفيه مافسرتي حلمي

السلام عليييكم
اشلونج اختي اتمني تفسيرين حلمي انا قبل مااحمل تجيني احلام وبعد جم اسبوع طلعت حامل
اول حلم كنت مع اختي وكنا نشتري اغراض ولقيت وحده اعرفها اسمها ساره قاعده بكرسي وطق مطر ودعيت انه يرزقني بولد وقلت لها ادعيلي انه يرزقني بولد قالت ليش دعيتلج قبل قلت ادري بس قبل كانت ببنتي الاولي
وحلمي الثاني تحلمت اني سويت سونار وطلع بيبي جميل حيل قالت مبروك ولد وبالحلم كنت بالشهر الخامس
وحلمت بحماتي وزوجها يمي وكنت اتضايق من كلام زوجها وزوجي يمي وقالي اخوي صالح يقولج اخذي الامور ببساطه
وانا امنيتي اجيب ولد واسميه صالح ادعوولي
*

 

[so-_so]

رد: تفسير احلام الحوامل (3)

حبيبتي ام وليد ياريت تفسرين حلمي
حلمت ان زوجي يلبسني عقد ذهب
وهذا الحلم حلمته قبل ما احمل
والحين انا حامل ولله الحمد بالشهر
الثاني ‏

 

[قوس المطر]

رد: تفسير احلام الحوامل (3)

السلام عليكم شلونج يالغاليه ... حبيبتي انا مو حامل بس ان شاء الله مفكره احمل

الحلم :: تحلمت أني كنت مدوامه بالمدرسه (( انا مدرسه)) و مريت على غرفه مدرسات قسم ثاني غير قسمي و لا اشوف أقلام ( ثلاث أقلام اثنين زرق و واحد احمر ) على مكتب وحده من المدرسات شان يعجبوني و أخذ من غير ما تدري لانها ما كانت موجوده و اروح بسرعه حق مكتبي و بعد فتره يت تدور أقلامها عاد انا ما ودي أعطيها كنت ابيهم و لا أقولها عفيه أخذي الأحمر و خللي الزرق عاد اخر شي خذيت القلم الأزرق الغامج و أهي خذت الباجي وبس


و اختي بعد حلمانه ان امي تقولها أن (( انا )) عندي اربع بنات حلوييين
و ياليت تدرين لي التفسير عالخاص و تسلمييييين ما قصرتي الله يجزاج خير*

 

[كااامل الزين]

رد : تفسير احلام الحوامل (3)

السلام عليكم شلونج ام وليد انا حامل في الشهر الثاني بعد صلاة الفجر نمت ورايت خيرا انشاللة كاني في سرداب بيتنا في مكتبة وادنق تحتها في فتحة واشوف تراجي ذهب بعضها زوج وبعضها فردة وكاني هذا ذهبي انا وخواتي مضيعينة لنا فترة وفرحت يوم شفتة واقول لحماتي اشوا الخدامات ما شلفوهم المهم أخذت الذهب وحطيتة بصندوق ابيض غطاة شفاف ورحت لخواتي عطيت وحدة ذهبها تراجي والثانية ما لقيتها ورحت بعدها بيت اخوي لقيت بيت صار كبير وهو في الاصل عادي شفت عندهم مسرح كبيير والغرف كبيرة وغرفة العاب كبيرة ومكتبة كبيرة يعني كل شي واسع واقول في قلبي معقولة هذا بيت اخوي شلون صار كبير جذي نزلت سرداب بيت اخوي في مجمع سوق كبير وكاني جعت واقول لاختي بالتلفون باكل عند مطعم قالتلي تعالي انا حاجزة فندق ريحي فية المهم افتربت بالسوق وتعبت قعدت علي كرسي ويمي رجال اسمر طبعا هذا الكلام كلة ومعاي الصندوق الابيضالمهم جتني شحاذة عطيتها طلعت ربع بعدين نص من بوكي وعطيتها وكن الشحاذة تحلطمت وقلتلها اللة يعطينا ويعطيج المهم رديت الكرسي نمت وقمت لقيت غطاالصندوق تحول للابيض ونمت بعد ما لقيت الصندوق انباق واقعد اهاوش الرجال اللي يمي واقولة شلون وبعدين قلتلة لازم تساعدني اكيد الشحاذة هي اللي باقت الصندوق ونروح نمشي في طريق يلتف فينا لقيت ولد معاة عصا قدامي واخذ العصا منة وضحك الرجل مني وبس الله يعينج شطول الحلم