- إنضم
- 27 فبراير 2009
- المشاركات
- 708
- مستوى التفاعل
- 0
- النقاط
- 0
السلام عليكم ورحمة الله وبركاته ..
بنات ودي أترك الدوام لأن تعبت ..
أقولكم المميزات .. والعيوب وأنتوا أحكموا ..
وأنصحوني عفيه ..
المميزات :
1- تميزي بالدوام لفهمي الشغل وتمكني منه ..
2- مسؤولي زين ..
3- مكاني زين ومناسبني ..
4- البونص السنوي حلو ..
5- زميلتي إنسانة حبوبة وايد وتساعدني وايد ..
6- رفيجاتي بالدوام .. أحب قعدتهم وأستانس معاهم ..
7- أحب طلعة الدوام وكمبيوتري بالدوام وكل شي ..
العيوب :
1- الإجازات مو على كيفي ..
2- المرضيات والرخص والطارئة يسوونها سالفه إذا خذيتهم والمسؤول ينفس علي ..
3- الدوام بعيد وايد عن بيتي ..
4- الراتب لكم عليه ..
5- الشغل أووووووفر .. لأن قسمنا متكون من 2 ورئيس القسم ..
يعني إذا غابت زميلتي أو خذت إجازة ممنوع أطلع من الدوام ( استعباد يعني )
6- زوجي دوامه شفتات وما نشوف بعض كلش ..
( بنات يوم دوامه ليل محد يسويله ريوق الصبح .. لأني بالدوام .. وساكنين بشقة بروحنا )
7- دوامي طويل .. أوصل البيت 3 ونص .. وأكون دايخه ومالي خلق أسوي غدا وشغل بيت ..
أنا ساكنه بعيد عن أهلي .. ومااسوق السيارة إلا حق الدوام .. يعني بيضيق خلقي عدل إذا تركت الدوام .. :0bee2e8d89:
بنات والله تعبت .. الحمد لله زوجي راتبه زين .. ومستعد يصرف علي ..
وماقدر أغير دوامي .. لأن زوجي يقول مابيج تشتغلين بمكان ثاني ..
يعني إذا تركت خلاص .. مالي غير البيت ..
محتارة وايد .. خايفة أتخذ قرار وأكون غلطانه وأندم ..
وخايفه أضل بالدوام .. وحرام أضايق روحي .. نفسي علي حق ..
أنتظر نصايحكم .. وشكراً لأنكم سمعتوني بضيقتي ..
