رحت دشيت على الدكتور
قتله أنا بدعت بالأكل الأسبوع اللي طاف وحاسه إني زايده
قالي أوكي أمشي على الميزان
مت من الخووف ... طلعت زااايده كييلوووو
بغيت أبجي .. قالي الدكتور عادي .. أمشي خليني أضوقها لج
قعد يدورها يدورهاا مو لاقيها ... واي مت من الخوف قلت وييين أختفت !!!
جان يحط تحت ظهري مخده عشان أرتفع شوي وتبرز .. ويدور يدور مالقاها .. قلت الله يستر
جان يقول رفعي ريلج لي فوق وارفعها .. ويدور ... جاان يلقااها ... قلت الحمدلله
قزني أبرة على بطني صوب الخزان وضوقها 4س .. وهذا أقل شي .. قالي عشان إنتي أول مرة أضوقها لج .. أخاف لي ضوقتها أكثر ماتتحملين
وشوي شوي أزيد لين نوصل 12س .. قتله أوكي .. وقالي 4 مناسب حق وزنج وجسمج .. ماتحتاجين أكثر كبداية
قبل لا أقوم يابلي قلاص ماي .. قالي شربي جدامي قبل لاتقومين .. بشوف يطووف ولا لأ .. شربته والحمدلله طاف
وقالي أكلي من كل شي الحين بس شويه .. لاتحرمين نفسج نهائيا من شي .. حتى الكاكاو أكلي قطعة صغيرة عن خاطرج إذا إشتهيتيها
أممممم ... وقالي متى ماحسيتي أنج قمتي تاكلين كميات كبيرة .. تعاليلي أضوقها لج
وبس هذا كل شي .. وأي سؤال آنا حاضرة
