أبي أفضفض ولا بنجلط تعبانه حييييييييييييل

[جوري الغرام]

رد : رد: أبي أفضفض ولا بنجلط تعبانه حييييييييييييل

لا تعطين للشيطان فرصه ان يوسوسلج ويخليج تيأسين من الدعاء

انتي المفروض تدعين وتنسين تنطرين الاجابه يعني ادعي وخليها على الله


وانتي غلطانه لانج مو قاعده تخالطين الناس ولا تروحين عزايم وعروس اي مشوار لو تافه مع امج او اي احد روحيله الله يقول اسعى يا عبدي اسعى معاك مايصير تقعدين جذي مكتئبه وتفكير بالماضي وانتي مو قاعده تسوين شي..!!!

اول شي عليج تنظمين حياتج وتحافظين على صلواتج الخمس بوقتها لان اذا حياتج مخربطه بتكتئبين زياده


ولازم تشتغلين وتحسين ان منج فايده وان لج وجود...وان قدرتي كملي دراستج


والله يوفقج ويرزقج ويسعدج

والله كلامج كله عدل :rerrerek:

وبالنسبه لدراسه أنا بعد ما أنفصلت من التجاري كملت بالدورات الخاصه وشهادتي دبلوم اللحين

وتسعدني مشاركتج بموضوعي :aha:​

 

[جوري الغرام]

رد : أبي أفضفض ولا بنجلط تعبانه حييييييييييييل

يا حبيبتي والله ادمعة عيوني وانا اقرا موضوعكج تدرين من وين تبدين طريقج من عند امج صدقيني ربي بيفرجها عليلج اهتمي فيها ولا تحاولين انج اتحطين بينج وبينها حواجز من غير قصد منج بس عشان نفسيتج تعبانه اطلعي معها قربيها منج مافيه احد بالدنيا بحبك الخير والتوفيق مثلها وتقربي من رب العالمين اجتهدي بالدعاء والصلاه واخذي عمره مع الولده والله اذا شفتي الحرم وصليتي فيه الدنيا ذي تصغر بعينج ويزيد بقلبج الايمان وبعدها شوفي اشلون تبدين والله يا قعدة البيت انها اتجيييب الهم والنكد حتي وانا متزوجه وعند اعيالي اصلا الشغل يقوي الشخصيه و.يحسس ان لج وجود انتي تبين راينا وكل البنات مقصرو وكلنا انقول اطلعي من البيت شوفي الناس لا تخلين الشيطان والوساويس تتحكم في حياتج انتي انسانه فاهمه قطي كل شي وراى ظهرج وصنعي واحده ثانيه فيه دورات حلوه دشيها اتعلم الوحد اشلون يتخلص من العادات والسلوك السالبي واشلون يبداءوصدقيني بجد حلوه هالدورات والله انا كل مابغيت اغير شي في حياتي وحسيت انا ابي احد يساعدني بعد رب العالمين ادخل دوره واتشوفين اشلون تعطيني حماس خاصه اذا بغيت افتح مشروع او اغير نشاط شغلي او افتح فرع والله قلبي معاج احنا بشر ونضعف بس استعيني بالله وخلي السنه الجديده سنة خير وغيري كل شي حتى غرفتج واللونها اشتري لك غرفة نوم جديده ابدي ابدي ابدي لاتخلييييين ايديج على خدج وتقولين حظي ارضي بقسمة ربي وانتفضي من هالحسره على عمرج والله توا الناس الحمد لله سليمه مافيج مرض هذي نعمه ابهري نفسج واللي حواليج تغيري كل يوم غيري شي حتى مكان الاكل النوع كل شي وين تقعدين جيبي لج ورود ملا بس اي شي يغير نفسيتج لا تستسلميين باين ان روحج حلوه قوي شخصية و ياربي فرح قلبج ويسعد ايامج والله مارح انسى وبدعليج على طول ​

والله ماتدرون شكثر أنا فرحانه بمشاركاتكم وتفاعلكم أحس اني مو بروحي :eh_s(2):
وخلاص ببتدي من جديد بقدم على وظيفه وأخالط الناس وربي يعوضني ان شاء الله
انزين حبيبتي وين هالدورات اللي تعلم الانسان شلون ينسى السلوك السلبي اللي فيه والله حيل بتفيدني ​

 

[جوري الغرام]

رد : رد: أبي أفضفض ولا بنجلط تعبانه حييييييييييييل

لازم اتصيرين قويه الضعف اهو الي قاعد اردج لورا قد ماتقدرين اهتمي برووووحج عاد من غير مبالغه اهتمي بصحتج اهتمي ببشرتج بجسمج ورشاقتج . ترى الوظيفه زينه حقج وزياده الخير خيرين راح اجوفين ناس يديده وراح اتعرفين على بنات وحريم ومطلقات وناااااااس اشكال وارناق بس لا تياسين خلج اقوى من جذي وتقربي من رب العالمين والصبرمفتاح الفرج انسى الزواج والاعيال الحين وفكري فنفسج حبي نفسج وانا متاكده باذن الله الي تبينه بيصير لاتخافين ماراح تاخذين واحد متزوج ولا راح يكون عندج شريجه الانج اكبر من جذي

وهذا اللي بسويه أهتم بنفسي و أسعى ورا الوظيفه وبتقرب لربي لانه اهوا الوحيد اللي بنجيني ويفرجها علي

وجملتج الأخيره حييييييييييييييييييييييييييييييييييييييل فرحتني :sfg: تدرين ليش ؟؟؟؟ لان كل ما أفكر اني كبيره و مطلقه محد بياخذني غير المتزوج وتكون عندي شريجه وأحتر حيل وأنتكس وأعيش بهم وأندب حظي وليش أنا جذيه أتعذب وماأتهنى بحياتي مثل البنات ..............​

 

[جوري الغرام]

رد : رد: أبي أفضفض ولا بنجلط تعبانه حييييييييييييل

الله يعينج حبيبتي وصح مادري ليش النظيفه تتبهدل والوصخه اللي من واحد لواحد تتزوج امبجر وتاخذ واحد يدهينه لا تنكتين دنيا مقلوبه يالله تعييينا بس والله ييسر امورج ويسهلها على كل وحده عافه نفسها

شفتي شلون وهذا اللي يخليني أتعب نفسيا والله يوم كنت بالتجاري أشوف بنات أعوذ بالله وبعدين تزوجوا وخذوا أحسن الرجاجيل ومتهنين بحياتهم وأنا الشريفه واللي ماعندي خرابيط أتزوج و أتطلق ومايجيني الا عوير و زوير !!!!!!!!!!!!!!!!!!!!!!!!!!!!!!!!!!! ياربي شنو الحكمه صج دنيا مقلوبه :rgewrg:​

 

[جوري الغرام]

رد : رد: أبي أفضفض ولا بنجلط تعبانه حييييييييييييل

يااحياااااتي وياااعمري...والله قلبي تقطع عليج..​

اول شي احمدي ربج قايمه قاااعده على النعمه الي انتي فيهااا انتي انسانه نظيفه وتزوجتي وانفصلتي...عادي( انا انفصلت وسبب الزوج مومني)..والي لها تاااريخ صدقيني ان ضميرها يعذبهاااا...ومو مرتااحه...​

والله اعرف اكبر العايلات يخلفون الحريم من الرياجيلهم وريااجيلهم الله بالخير بس قدام الناس زي العسل..​

الدنيا هموم ومشاكل.. ومنو مرتاح فينا...بس الحمدالله على حال..​

اصلا منو مااجرب الانفصال او الطلاق... والله العظيم عمري 23 الحين وريفجاتي اغلبهم الي ماتم اسبوع او شهر وتطلق..​

ليه ؟؟؟ من شنو؟؟؟ مومن رداة منهم لا والله من القسمه والنصيب...​

وجاء عند الترمذي قال: قال رسول الله صلى الله عليه وسلم: (لَا يُؤْمِنُ عَبْدٌ حَتَّى يُؤْمِنَ بِالْقَدَرِ خَيْرِهِ وَشَرِّهِ، حَتَّى يَعْلَمَ أَنَّ مَا أَصَابَهُ لَمْ يَكُنْ لِيُخْطِئَهُ، وَأَنَّ مَا أَخْطَأَهُ لَمْ يَكُنْ لِيُصِيبَه ) رواه الترمذي، وصححه الألباني​

والله ياااحياتي لوبتقعدين طالعين وراج ماارا تتقدمين بحياتج للافضل...وفتحتي للشيطان باب وباب كبير بعد عشان يدمر حياتج..​

يما بنات تعدوا 45 وتزوجوا اول زواج وناس يرزقون بالعيال وناس ينحرمون...​

هذي ارزاق موزعه من ربج..وهذا الشي مكتوب من قبل يخلق سيدنا ادم....انا والله حاااسه فيج لان جربت الانفصال..​

وكان الخلل من الزوج وتكدرت ومت من الحره ...بس تدرين ترا الحياة مااوقفت ولا احد تعطل علشااني الدنيا ماااشيه..​

وعداد العمر شغال..​

من هني قلت مااحد راح ينفعني الا الله ثم نفسي.حطيت هدف بحياتي..​

مااطالع وراي واقووول ياليت وياليت...وحساافه ... ولو...وانا ماستاهل..​

بالعكس صرت اقول الحمدالله والشكر على كل حال...ودخلت كملت راااسي..وللحين قاااعده ادرس..والله يفتح لج ابواب رزق ​

ورا ترتاح نفسيتج تدرين ليش لانج رضيتي بالقدر خيره وشره ورضيتي بقسمت ربج...​

..يما ناس متزوجين ومن اول زواجهم مومرتاحين بس يجاملون الناس وعندهم عيال واخرتها ينفصلون بعمر متأخر والعيال ​

يضيعون..ويجيبون مصاييب لاهلهم...شنو الفااايده؟؟؟؟​

لو الله ارزقج بالفتره الي فاتت من عمرج بزوج وطلع اكبر مغاازلجي وراعي بنات..شراح يكون موقفج...​

او يطلع راعي مخدرات...​

او يطلع حبوب وخوش واحد ويتوفى بحاادث او حتى يمرض مرض خطير....​

(والله هذا الواااقع مومن عندي اعرف بنات جذي حظوظهم)..​

فالحمدالله والشكر عدد ماكان وعدد مايكون وعدد الحركات وعدد السكون..​

1-اول شي قولي الحمدالله انا بصحه وعاافيه...​

2- وامي بخير...تسوى الدنيا وعليها..​

3-الحمدالله سيارتي تحتي​

4-معاااشي لي...​

الف الحمدالله على النعمه...​

واشغلي نفسج بهوايه عندج...او توظفي او اخذي ماااستر سوي شي تفخرين فيه....​

والله يوفقج ويرزق بواسع رزقه حبوبه...:eh_s(7):​

الحمد لله على نعمة الصحه والعافيه
أنا غلطتي اني ما نتبهت لعمري والله عداد العمر ماشي ومحد بياكلها غيري زين انج انتبهتي لنفسج وماصرتي مثلي أنا يوم تزوجت كان عمري 23 سنه نفس عمرج اللحين وتطلقت بعد شهرين بالضبط كنت ببدايه العشرينات ( يازينه من عمر ياليته يرجع ))
وخلاص بنسى الماضي وأقطه ورا ظهري وبنتبه لنفسي وحياتي بركز على الوظيفه وأنا أحب القراءه بشتري كتب أتسلى بقراءتهم وفعلا اللي يرضى بالقدر بيرتاح لان قنع ان هذا نصيبه فمراح يتضايق أنا قعدت فتره كله أقول<< ليش يصير فيني جذيه أشمعنى أنا >> أستغفر الله يارب انك تغفري بس والله كل ماأنسى وضعي الاجتماعي (( اني كبيره و مطلقه )) الناس تذكرني والله قهر ​

 

[يآكثر آحبك.~]

رد : أبي أفضفض ولا بنجلط تعبانه حييييييييييييل

الله يفرجها عليك حبيبتي ...

لاتقعدين تتحسرين طول عمرج وتفكرين هذا الي مسبب لك الي انتي فيه الحين

عيشي يومك طبيعي انسي الي انتي فيه اطلعي السوق روحي الصالون اتعرفي على زبونات الصالون عن نفسك


لاتقعدين بالبيت ترى القعده بالبيت تجيب الضيقه وتقعدين تنشغلين بنفسج

وحبيبتي مو شرط اذا طلعتي العروس ولا المناسبات راح تنخطبين وتتزوجين


ياما ناس ماخلت عرس مارحت له ولا عزيمه وللحين ما الله رزقهم

وياما ناس مايعروفون شنو الزواج وطول الوقت بالبيت وربي مرزقهم


لاتفكرين هالتفكير انا بالبيت الناس وين تشوفني


عليك بالاستغفار وربي نتايجه توفيق من ربي


وانتي ماشيه وانتي تشغلين استغفري



لاتقولين انا عمري بالـثلاثينات محد راح يتزوجني

ثقي بالله وربي يعوضك كل خير


والله قال انا ((عند حسن ظن عبدي بي) (( احسني الظن بالله )) تأملي خير ماتضيق الا تنفرج خليك متفائله لابد راح يجي اليوم
الي يفرجها ربي عليك مو بيوم وليله آصبري


ودأيمأ حبيبتي اي دعاء تدعين قولي وراهـ اللهم صلي وسلم على سيدنا محمد

ودأيما بعد خلي كلمه(( إن شاءالله )) بفمكـ


اي شي بتسوينه او راح تسوينه او للحين ماصار قولي ان شاءالله راح اسوي ... إن شاءالله راح اروح ...

لان كل الامور بيد الله والله بيسرها لك


وآقري البقرهـ ... رح تنفك ضيقتك بإذن الله


مو كله فضفضه وتتذمرين وتشتكين ارجعي لربك


ويارب يوفقك ويسرك لك أمرك ياكريم

ويفرجها عليك ... يرزقك إبن الحلال الي يونس وحدتك

ويفرحك ولايخلي عليك قاصر

اللهم صلي على سيدنا محمد

.

أتمنى اني فدتك لو بشي بسيط
وقولي لنا شنو يصير معاك

 

[جوري الغرام]

رد : رد: أبي أفضفض ولا بنجلط تعبانه حييييييييييييل

البنات ما قصروا بس احب اقول

الحل الرضا بما قسمه رب العالمين

اقرى

سورة البقرة كل يوممم
الاستغفار فى كل وقت تكونين فاضية فيه

واقيمي الليل
وان شالله ان ربي راح يعوضج ويرزقج بالزوج الصالح والذرية الصالحه


حبيبتى لازم تكونين راضيه ومقتنعه ان هذا المكتوب وبعدها ابذلى الاسباب وعسى ربي يتقبل منى دعائي واحنا بالثلث الاخير من الليل


ياااااااااااااارب يا مفرج الهموم والكرووب
يارب يامن تجلت قدرته فى كل شي
ياودود ياااودود ياااذالعرش المجيد يافعاالا لما تريد

يارب ارزق اختى فى الله وباقى اخواتى الزوج الصالح والابناء الباررين

واصلح لنااا ازواااجنا وذريااتنااااا


وارحمنااا وارحم موتاااااانا


واحسن خاتمتناااا

يارب العالمين

فعلا هذي مشكلتي اني مو راضيه بقسمه ربي وكله أندب حظي خلاص برضى بكتبت ربي لي عشان أرتاح

والله شكثر رفعتوا معنوياتي وأحس همومي خلاص راحت بغير رجعه بفضل الله ثم بفضلكم الله يخليكم لي ان شاء

الله والله أنكم أكثر من خوات تسلمون ماتقصرون ربي يفرج عليكم من كل ضيق :yaaaaaarb:​

 

[جوري الغرام]

رد : أبي أفضفض ولا بنجلط تعبانه حييييييييييييل

الله يفرج همج وغمج والله يرزقج بزوج الصالح عاجل غير اجل وكثري استغفار وقولي ربي اني لما انزلت الي من خير فقير 100 مره

تسلمين على المرور :eh_s(7):
والله مالي غير ربي الله اللي بنجيني من الهم والغم ويغير حياتي الى الأحسن ​

 

[جوري الغرام]

رد : رد: أبي أفضفض ولا بنجلط تعبانه حييييييييييييل

عورنى قلبى
عسى الله يكتب لج اللى فيه الخييير

آمين
ويشرفني مرورج ​

 

[جوري الغرام]

رد : رد: أبي أفضفض ولا بنجلط تعبانه حييييييييييييل

مالج حل غير الوظيفه .. هي اللي ان شاء الله بتغير حياتج ..

واسال الله العظيم رب العرش العظيم ان يرزقج الزوج الصالح والذريه الصالحه ..

انتي اسعي بهالدنيااا وربي بيسعي معاج .. لاتصكين الباب عليج وتنطرين .. وان شاء الله ربي يعوضج بالسعاده والخير يارب ..

صدقتي الوظيفه اهي اللي بتنسيني همي ​

 

[جوري الغرام]

رد : أبي أفضفض ولا بنجلط تعبانه حييييييييييييل

يارب يارب ياذا الوجه الاكرم والاسم الاعظم والعطيه الجزلى انه يرزقج بالزوج الصالح اللى يعوضج عن اللى فات ويرزقج بالذريه الصالحه وعورتى قلبى بس اللى جاى احلى باذن الله بس عليج بالاستغفار والصدقه وقيام الليل بتشوفين العجب

ان شاء الله اللي جاي أحلى :eh_s(17):

اني اتوظف وأتعرف بالوظيفه على بنات وأكون صداقاتي وأنسى همي وأشوف نفسي ​

 

[آطخمـُ عنزيـهِ]

رد : أبي أفضفض ولا بنجلط تعبانه حييييييييييييل

حبيبتي لاتفقدين الامل وشنو يعني دخلتي الثلاثين

قدمي ع وظيفه وغيري بحياتج وتعرفي ع صديقات

لاتفكرين بطلاقج ولاتضيقين خلقج

الزواج قسمه ونصيب

والله يعوضج بالزوج الصالح امين

ويفرج همج

ويوفقج بحياتج ويبدلها من ضيق وكدر الى سعاده وفرح :eh_s:

 

[جوري الغرام]

رد : رد: أبي أفضفض ولا بنجلط تعبانه حييييييييييييل

انا مستغربه ليش ماتقولون لناس انك بنت يعني متزوجه ومطلقه ومافك البكاره ولاجاك لان الناس على بالهم انك مو بكريه فعشان كذا مايجيك ولد يخطبك
انا فيه اكثر من وحده من قريباتي تطلقت وهي بكريه والناس تدري انها بكريه والله يخطبونهم ناس ماتزوجو فعشان كذا لازم الناس تدري انك بكريه
والله يوفقك وعليك الدعاء بجوف الليل

أنا أقولج لييييييييييييش
لأني لما تزوجت ماكان عندي خلفيه كامله عن المعاشره الجنسيه :0bee2e8d89:حسبالي ان مجرد ملامسه مو فاهمه ان يدش العضوه كله (( فاهمتني )) وبعدين لو عندي قصور بالموضوع بالنهايه أنا بنت مو رجال عمره 29 سنه ورايح يخطب وأهوا مو فاهم المعاشره شلون !!!!!!!!!!!!!!!!!!!!!!!!!! ​

وأنا قعدت عنده شهر و أسبوع حسبالي ان الموضوع أوكي ( فاهمتني ) وبعدين تطلقت من سوء معاملته لي أهوا و أهله وفيه شروط كنا شارطينها طقها بالطوفه والأهم أن مو صاحي بالكويتي (( رقله خبل )) مايعرف يتكلم ولا له شخصيه خواته يمشونه على كيفهم أنا من أسبوع عرسي وأنا أبي أتطلق بس أمي تهاوشني وتقولي كلام الناس وجذيه وهذا وأنا ماأدري عن موضوع اني بنت ...........​

شلون عرفت لما تطلقت دخلت الدورات الخاصه وكان معانا بنات متزوجات وتعرفين بعضهم مايستحي تسولف عن علاقتها بالتفصيل الممل وأنا قمت أسأل لاااازم العضو كله يدش داخل وهم يضحكون علي و وجهي يصير أحمر وأتفشل أهنيه دريت ان أصلا ماصار شي بيني وبينه وأنا لين اللحين بنت والخلوه اللي صارت مجرد انه يلامسني وأنا حسبالي الوضع طبيعي للللللللللللللللللللللللللللين عرفت من البنات المتزوجات وكان عمري وقتها 25 سنه وأنا أول ماتطلقت قلنا للناس انه مو راضي أكمل دراستي ولا أتوظف ولا أسوق وفعلا أهوا منعني مع ان هذي شروطي يعني ماتبليت عليه بكلام مو فيه ولا قلت عنه خبل لأ سترت عليه عسى ربي يفضحه جانه دمر حياتي فصعبه بعد سنتين نغير كلامنا وأقول اني بنت وانه مايعرف وأنا خليته على هالأساس أنا خليته لأني شفته خبل ومايعرف يتكلم وماله شخصيه والله بأول أسبوع نقدت عليه بالبدايه أقول يمكن مستحي متوتر شوي بعدين دريت ان اهوا جذيه .... حسبي الله ونعم الوكيل فيه واللي ذكرني لهم ومدحوه لأهلي وهم جذابين ياربي يشوفونهم ببناتهم ان شا ء الله ​

 

[جوري الغرام]

رد : رد: أبي أفضفض ولا بنجلط تعبانه حييييييييييييل

:eh_s(11):

يااااحيااااتي جوري والله ياقلبي مافي احد مرتاااح وربي يعوضج باللي احسن منه عاجلا غير اجلا​

وان شاءالله تبشرينا قريب والله كل شي قسمه ونصيب والحمدالله دام تقولين انه موصاحي وماعنده شخصيه ​

ان شاءالله تكون خيره لج انج ماجبتي منه عيال وربي قادر على كل شي وربي كبيييير لا تيأسين من رحمة ربج ​

وتقربي من امج والله مهما كان تلقين قلب امج محترق عليييج صدقيني خلج صديقة امج وان شاءالله ماتخلص هالسنه ​

الا وانتي مملجه والله يوفقج وربي يسعدج وكلنااا خواااتج ليش تقولين احسسس بالوحده وقدمي على الديوان ​

وربي يكتب لج اللي فيه الخييير :eh_s::eh_s::eh_s:​

ان شاء الله ربي بعوضني باللي أحسن منه​

ايه والله الوظيفه اهيا اللي بتنسيني همي و وحدتي
من طلقني من 9 سنين وماشين بالعاشره واهو يخطب والناس ترده يسألون عنه ويدرون انه مو صاحي ويرفضونه بس أأأأأأأأأأأأأأأأأخ يالقهر طاح بجبدي ما سألنا عنه وأنا اللي كليتها :eh_s(11):​

والله مشاركاتكم فرحتني وأسعدتني حسيت ان عندي خوات ومو بروحي :friends:​

 

[جوري الغرام]

رد : أبي أفضفض ولا بنجلط تعبانه حييييييييييييل

ربي يفرج عنج بهاليوم ويرزقج بلى يعوضج يارب

آآآآآآآآآآمين ​

 

[جوري الغرام]

رد : أبي أفضفض ولا بنجلط تعبانه حييييييييييييل

الله يفرج لك كربك عاجلااا غير اجلاااا

آمين يا كريم ​

 

[جوري الغرام]

رد : رد: أبي أفضفض ولا بنجلط تعبانه حييييييييييييل

بعد اذنج دشيت موضوعج ثاني مره لوووول


حبيت اقولج ايه من القرآن لازم تنتبهين لها

قال الله تعالى: ((وَلا تَيْأَسُوا مِنْ رَوْحِ اللَّهِ إِنَّهُ لا يَيْأَسُ مِنْ رَوْحِ اللَّهِ إِلَّا الْقَوْمُ الْكَافِرُونَ ))



معنى لا تيأسوا من روح الله >> اي لا تقنطوا من رحمة الله

ويقول ابن كثير رحمه الله:"ونَهّضهم وبشرهم وأمرهم ألا ييأسوا من روح الله، أي: لا يقطعوا رجاءهم وأملهم من الله فيما يرومونه ويقصدونه ، فإنه لا يقطع الرجاء، ويقطع الإياس من الله إلا القوم الكافرون"





وحديث عن رسول الله





عن أبي هريرة رضي الله عنه أن رسول الله صلى الله عليه وسلم قال : (يستجاب لأحدكم ما لم يَعْجل, يقول: دعوت ربي فلم يستجب لي) متفق عليه

أنا الحين عرفت ان سبب تعاستي ان مو راضيه بالقدر لو رضيت بقسمة ربي جان أنا مرتاحه بس خلاص بغير من نفسي والله مالي الا الله ألجأله ماغيره بيرزقني ويبعد الهم والضيقه عني وأنا لما كنت أداوم على الدعاء و الأستغفار شهرين وثلاث بعدين أيأس و أحس ان الله مايسمعني هذا كله من الشيطان أعوذ بالله منه اللحين بالتزم بالدعاء و الأستغفار لين يفرجها ربي علي ان شاء الله :eh_s(15):

ومشكوووره على مشاركاتج والله حيل رفعتي من معنوياتي وكل البنات الي شاركو بموضوعي نبهتوني لنقاط ضعفي وان شاء الله أعدلها وأغير سلوكياتي الغلط ​

 

[كرة ثلج]

رد : أبي أفضفض ولا بنجلط تعبانه حييييييييييييل

مرحبا حبيبت قلبي جوري الغرام يا ربي يكون كلامنا معج فيه عون لج بعد الله سبحانه وحنا في ها المنتدى وش نبيي غير ان انكون عون لبعض ونرفع معنويات بعض وبنسبه حق الدورات انا كويتيه بس ساكنه بالرياض ومعرف بالكويت مع ان الدكاتره اللي اخذ عندهم دورات ديما يقولون لما يعرفون اني كويتيه احنا كنا بالكويت تجينا دعوات وانسوي بالكويت وكانو حيل يمدحون مستواى الحضور والتنظيم وتفاعل الحضور واشلون اهما استفادوا منها ومن كلامهم بعد يمدحون مستواى المراكز وانا دايم اقول حق خواتي عندكم دورات حلوه لا تفوتكم اسمع فيها بس والله معرف وين مكانها بظبط بالسعوديه عندج مركز سبل للتدريب كنت ماخذه عندهم دورة مهارات التخلص من المشاعر السلبيه اخر دوره حضرتها وكان الدكتور عبدالله هادي اللي قدمها وش اقول عن ذا الدكتور صراحه مكسب للسعوديه يكون فيهم اشخاص مثله سوي سيجر عنه وشوفي وفيها والله مراكز ومدربيين ومدربات اشكثر وفيه بقطر والله ناس حضرت لهم بس للاسف جاتني ظروف ماكملت الدوره سوررررررررررري طولت عليج بس ان شاء الله افدتج واللي سألني عالخاص بعدعن الدورات الله يوفقج ويفتحها في وجهك ياكريم نسيت اقولج دشي دورة الالوان وشلون تاثيرها علينا حتى بكلام مع الناس طولت صح

 

[جوري الغرام]

رد : أبي أفضفض ولا بنجلط تعبانه حييييييييييييل

الله يفرجها عليك حبيبتي ...

لاتقعدين تتحسرين طول عمرج وتفكرين هذا الي مسبب لك الي انتي فيه الحين

عيشي يومك طبيعي انسي الي انتي فيه اطلعي السوق روحي الصالون اتعرفي على زبونات الصالون عن نفسك


لاتقعدين بالبيت ترى القعده بالبيت تجيب الضيقه وتقعدين تنشغلين بنفسج

وحبيبتي مو شرط اذا طلعتي العروس ولا المناسبات راح تنخطبين وتتزوجين


ياما ناس ماخلت عرس مارحت له ولا عزيمه وللحين ما الله رزقهم

وياما ناس مايعروفون شنو الزواج وطول الوقت بالبيت وربي مرزقهم


لاتفكرين هالتفكير انا بالبيت الناس وين تشوفني


عليك بالاستغفار وربي نتايجه توفيق من ربي


وانتي ماشيه وانتي تشغلين استغفري



لاتقولين انا عمري بالـثلاثينات محد راح يتزوجني

ثقي بالله وربي يعوضك كل خير


والله قال انا ((عند حسن ظن عبدي بي) (( احسني الظن بالله )) تأملي خير ماتضيق الا تنفرج خليك متفائله لابد راح يجي اليوم
الي يفرجها ربي عليك مو بيوم وليله آصبري


ودأيمأ حبيبتي اي دعاء تدعين قولي وراهـ اللهم صلي وسلم على سيدنا محمد

ودأيما بعد خلي كلمه(( إن شاءالله )) بفمكـ


اي شي بتسوينه او راح تسوينه او للحين ماصار قولي ان شاءالله راح اسوي ... إن شاءالله راح اروح ...

لان كل الامور بيد الله والله بيسرها لك


وآقري البقرهـ ... رح تنفك ضيقتك بإذن الله


مو كله فضفضه وتتذمرين وتشتكين ارجعي لربك


ويارب يوفقك ويسرك لك أمرك ياكريم

ويفرجها عليك ... يرزقك إبن الحلال الي يونس وحدتك

ويفرحك ولايخلي عليك قاصر

اللهم صلي على سيدنا محمد

.

أتمنى اني فدتك لو بشي بسيط
وقولي لنا شنو يصير معاك

الله يفرجها علي وعلى كل المهمومين يارب
وحلي بالالحاح بالدعاء والأستغفار والتقرب لله هو المنجي
والله ان قعدة البيت تمرض وأنا بقدم على الديوان وربي يرزقني الوظيفه الي أتهنى فيها ان شاء الله وأتعرف على بنات ولا أحس بالوحده نهائي :eh_s(2):​

 

[روح مغليهآ]

رد : أبي أفضفض ولا بنجلط تعبانه حييييييييييييل

لازم تطلعين الحكره موو زينه درسي والا اشتغلي لاتحكرين عمرج بالبيت

والريل ماوراه الا الهم والله نادر المستانسه بحياتها من المتزوجات قولي الحمد لله والله يكتب لج النصيب الزين