رد : احلى تجمع امهات موالـــــــــ سبتمبر +اكتوبر يــــــــــــــــــــــد 2010
بسم الله الرحمن الرحيم ,,,
وبه نستعين ,,,
تقرير اليوم ,,,
استيقضت من النوم الساعه 5 مساء ,,,
وبما ان عيالي غايبين اليوم بالجمله عشان يرتاحون من الامتحانات ,,,
وغيبت عيال الروضه عشان مالي خلق اقعدهم من النوم ,,, ههههههه
اتفقت مع ابو ناصر ’’ اقري روان عشان تعرفينه ’’ ههههههه
اتفقنا نطلع الساعه 8 ,,, ادري متاخر لكن حكم القوي على الضعيف ,,,
وعشان اعشي عيالي وانومهم ,,,
طلعنا طبعا 8 ونص ,,, مواعيد العرب ,,, عقب الطق والمطاقق مع عيالي الذربين ,,, خخخخخخخ
ورحنا مجمع النقره الجنوبي وشريت لعيالي بجامات للنوم وملابس داخليه ومريت محلات قمصان النوم بس ماشريت شي ,,,
وكان على راسي يحن ولوع جبدي ,,,
وعقب ما خسرت 54 دينار ؟؟؟؟؟؟؟؟؟
طلعنا ,,, واقنعته عقب الحنه ’’ الحنه تعنى الزن على الراس وليس الحنه اللي تنحط بالايد والراس ’’ احلفي ,,, ههههههههههه
حنيت ’’ حنينا الايادي حنينا الايادي بفرحتج يا بلاي ’’ وي جني عريت ,,, لوووووووووووول
ا
لمراد قلتله خل نروح مكان نقعد فيه ,,, اموووت على القعدات ’’ لا يروح بالكم بعيد ’’ خخخخخخخ
قررنا نروح بلازا حولي ,,, ولي مغزى من اختيار هالمكان عشان اروح لمذكير مسوي تنزيلات بس ما قلت لأبو ناصر ’’ ركزي روان ’’
ماقلتله بروح لمذركير لأني ان قلت بيهون ,,, كيدهن عظيم ,,, خخخخخخخخ
وصلنا بلازا ونزلنا تحت حق الكوفي شوب اللي على اليمين او ما تنزلين ,,, خو ماكو غيره بالسرداب ,,,
وقلتله دقيقه بروح مذركير وانت اطلبلي كابتشينو على ما اجي ,,,
طبعا عطاني ذيج الخزه !!! يمه !!! هههههه
ويوم رحت المحل والا كلش قاعدين يصكون الباب جان انخاهم واقول للفلبينيه تكفين يا بنت نخيتج ما نخيت رخوم ,,, شدعوه هههههه
جان تقول : وي كلوز ناو مدام ,,, قلت دقيقه بليز اونلي ون ثنق ,,, جان تقول اوكي بطرف خشمها ,,,
ورحت شفت التبان اللي قالتلي عنه مرت اخوي كان ب13 وصار ب6 ونص ,,, اشو اني ماشريتع جان احتريت ,,,
المهم طلعت لأني ماني شاريه اللحين بس بشوف وبعدين بهجم هجمه محترمه ,,,
والا يا قردي صكوا البوابه الالكترونيه ,,,
يا قردي بيغدون فيني ,,, ولغير الناطقين باللهجه الدنماركيه ,,, بيبوقوني او بيغدرون فيني ,,, ههههههههههههه
جان اقول للفلبيني بلييييييييز اي اي اي ,,, جني انتصار الشراح في بيباي لندن ,,,
قلتله بليز مي هير دونت كلوز ,,, جان يقول اي نو مدام بت عشان نو بودي كم ,,, وانا عيوني @@ ,,,
يا الهي اين انت يا الفريدو لتنقذني ,,, شعندها ماريا مرسيدس ,,, خخخخخخخخخ
مالكم بالطويله ولغير الناطقين باللغه الدنماركيه ,,, ما اطول عليكم ,,,
فتحوا لي الباب وطلعت اجري وانا اتنشق انفاس الحريه ,,, اقعد على التعبير خمسه من خمسه ,,, شعندها الابله ,,, خخخخخخخخ
رحت للكوفي شوب وشربنا وكلينا وطلع حسابنا 4ونص حق 2 كابتشينو وكيكة شوكليت شيز كيك ,,,
ويوم طلعنا رحنا حق صيدلية القاهره ,,, طبعا مو في مصر لأ يم المجمع ,,, احلفي ,,, هع
وشريت حبوب ياسمين لمنع الحمل وسالت الصيدلي متى اكلهم قال بعد ماتربعني ,,, يعني اذا خلصتي الاربعين ,,,
اعتقد غلط ,,, متى اكلهم يا بنات ,,,
ويوم ركبنا السياره قلت لابو ناصر ’’ روان معاي ’’ ههههههه
قلتله مر الجمعيه ,,, جان يعصب يقول بس كافي دواجه اليوم وهم لغير الناطقين باللغه الدنماركيه الدواجه تعني القز والفراره ,,,
عاد ردينا البيت ولقيت الواويه عيالي الاثنينه الكبار قاعدين مو نايمين بس الصغار ,,,
وزفيتهم وناموا الساعه 11 ونص ,,,
وخلصت وملصت ويت الديايه وعنفصت ,,,
كانت معكم مراسلتكم الجميله ,,,
اريج الجوري ,,,
منطقة حولي ,,,
والسلام عليكم ورحمة الله وبركاته ...
بسم الله الرحمن الرحيم ,,,
وبه نستعين ,,,
تقرير اليوم ,,,
استيقضت من النوم الساعه 5 مساء ,,,
وبما ان عيالي غايبين اليوم بالجمله عشان يرتاحون من الامتحانات ,,,
وغيبت عيال الروضه عشان مالي خلق اقعدهم من النوم ,,, ههههههه
اتفقت مع ابو ناصر ’’ اقري روان عشان تعرفينه ’’ ههههههه
اتفقنا نطلع الساعه 8 ,,, ادري متاخر لكن حكم القوي على الضعيف ,,,
وعشان اعشي عيالي وانومهم ,,,
طلعنا طبعا 8 ونص ,,, مواعيد العرب ,,, عقب الطق والمطاقق مع عيالي الذربين ,,, خخخخخخخ
ورحنا مجمع النقره الجنوبي وشريت لعيالي بجامات للنوم وملابس داخليه ومريت محلات قمصان النوم بس ماشريت شي ,,,
وكان على راسي يحن ولوع جبدي ,,,
وعقب ما خسرت 54 دينار ؟؟؟؟؟؟؟؟؟
طلعنا ,,, واقنعته عقب الحنه ’’ الحنه تعنى الزن على الراس وليس الحنه اللي تنحط بالايد والراس ’’ احلفي ,,, ههههههههههه
حنيت ’’ حنينا الايادي حنينا الايادي بفرحتج يا بلاي ’’ وي جني عريت ,,, لوووووووووووول
ا
لمراد قلتله خل نروح مكان نقعد فيه ,,, اموووت على القعدات ’’ لا يروح بالكم بعيد ’’ خخخخخخخ
قررنا نروح بلازا حولي ,,, ولي مغزى من اختيار هالمكان عشان اروح لمذكير مسوي تنزيلات بس ما قلت لأبو ناصر ’’ ركزي روان ’’
ماقلتله بروح لمذركير لأني ان قلت بيهون ,,, كيدهن عظيم ,,, خخخخخخخخ
وصلنا بلازا ونزلنا تحت حق الكوفي شوب اللي على اليمين او ما تنزلين ,,, خو ماكو غيره بالسرداب ,,,
وقلتله دقيقه بروح مذركير وانت اطلبلي كابتشينو على ما اجي ,,,
طبعا عطاني ذيج الخزه !!! يمه !!! هههههه
ويوم رحت المحل والا كلش قاعدين يصكون الباب جان انخاهم واقول للفلبينيه تكفين يا بنت نخيتج ما نخيت رخوم ,,, شدعوه هههههه
جان تقول : وي كلوز ناو مدام ,,, قلت دقيقه بليز اونلي ون ثنق ,,, جان تقول اوكي بطرف خشمها ,,,
ورحت شفت التبان اللي قالتلي عنه مرت اخوي كان ب13 وصار ب6 ونص ,,, اشو اني ماشريتع جان احتريت ,,,
المهم طلعت لأني ماني شاريه اللحين بس بشوف وبعدين بهجم هجمه محترمه ,,,
والا يا قردي صكوا البوابه الالكترونيه ,,,
يا قردي بيغدون فيني ,,, ولغير الناطقين باللهجه الدنماركيه ,,, بيبوقوني او بيغدرون فيني ,,, ههههههههههههه
جان اقول للفلبيني بلييييييييز اي اي اي ,,, جني انتصار الشراح في بيباي لندن ,,,
قلتله بليز مي هير دونت كلوز ,,, جان يقول اي نو مدام بت عشان نو بودي كم ,,, وانا عيوني @@ ,,,
يا الهي اين انت يا الفريدو لتنقذني ,,, شعندها ماريا مرسيدس ,,, خخخخخخخخخ
مالكم بالطويله ولغير الناطقين باللغه الدنماركيه ,,, ما اطول عليكم ,,,
فتحوا لي الباب وطلعت اجري وانا اتنشق انفاس الحريه ,,, اقعد على التعبير خمسه من خمسه ,,, شعندها الابله ,,, خخخخخخخخ
رحت للكوفي شوب وشربنا وكلينا وطلع حسابنا 4ونص حق 2 كابتشينو وكيكة شوكليت شيز كيك ,,,
ويوم طلعنا رحنا حق صيدلية القاهره ,,, طبعا مو في مصر لأ يم المجمع ,,, احلفي ,,, هع
وشريت حبوب ياسمين لمنع الحمل وسالت الصيدلي متى اكلهم قال بعد ماتربعني ,,, يعني اذا خلصتي الاربعين ,,,
اعتقد غلط ,,, متى اكلهم يا بنات ,,,
ويوم ركبنا السياره قلت لابو ناصر ’’ روان معاي ’’ ههههههه
قلتله مر الجمعيه ,,, جان يعصب يقول بس كافي دواجه اليوم وهم لغير الناطقين باللغه الدنماركيه الدواجه تعني القز والفراره ,,,
عاد ردينا البيت ولقيت الواويه عيالي الاثنينه الكبار قاعدين مو نايمين بس الصغار ,,,
وزفيتهم وناموا الساعه 11 ونص ,,,
وخلصت وملصت ويت الديايه وعنفصت ,,,
كانت معكم مراسلتكم الجميله ,,,
اريج الجوري ,,,
منطقة حولي ,,,
والسلام عليكم ورحمة الله وبركاته ...
