اشفيها (ـ...ـ)) ؟؟.... قولي شنو مافيها ...

[monmon12]

السلام عليكم بنات ​

اول شي بس تذكير قبل لا ندش موضوعنا عشان الردود

أصلح المسيء بحسن فعالك ودل على الخير بجميل مقالك

الهدف نناقش مشكله اجتماعيه وليس انتقادشخصي وأرجو اٍتأذاني قبل نقل موضوعي ​

نبدي بسم الله الرحمنالرحيم

واللهم صلي على محمدوآله وصحبه وأزواجه المنتجيبن جميعا من غير تفريق واحشرنا معهم يوم الدين​

قال تعالى في كتابه الكريم​

(وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ)
[الروم: 21]​

الزواج ​

شراكة في الحياة وميثاق غليظ بين الزوجين بأن يقوم الآخر باعطاء حقوق الثاني​

طول ما كان هذا العقد الي يبنهم فعال​

ولا ينتهي او تذهب الحقوق مع الوقت ​

وهذا الي صاير عندنا ​

بعد فترة بسيطة من الزواج ولأن الزوجين تعودوا على بعض اهني تبدي المشاكل​

أنه مادري شلي يخليهم ياكلون حقوق بعض مع الوقت ​

كأن هذي الحقوق تكبر وتضعف وتمرض مع الوقت ​

الرجل ​

عنده بيته وعياله رقم واحد​

فلازم ايهو عليه ان يوفر متطلبات هالبيت ويوفر لهم كل ما يحتاجونه​

لأنهم مسؤولية برقبته فيحس بثقل كبير​

لازم يتأكد انه ما عليهم قاصر ​

عشان جذي الريال من الصعب عليه كلمة طلاق​

وهذا من أسباب ان الله خله عقدة النكاح بيد الرجل ​

وبسبب هذه المسؤوليه​

يضحي الرجل بحريته الي ايهي عنده أهم شي في حياته وقد يضحي أيضا بمشاعره من أجل هذا البيت​

ايه في رجال كثيرين ضحو بقلوبهم عشان بيته ومرته ​

لكن هم هذا بشر ويخطأ ​

وقد يتساهل في بعض الأحيان بهذه المسؤوليه او أنه لا يتحملها وهذا يكون رجل سيء أناني تصعب معاشرت​

لكن ​

حريمنا ​

ههههههههههههههههههه​

صح بشر ويخطأون بس ما يبون أحد يقولهم انتو غلط​

شوفو لا تزعلون مني بس خل اقولكم شنو مشكلة حريمنا بالكويت​

وهذا المنتدى نسائي فعشان جذي أقولكم ​

المرأة كويتية شقردية هب ريح​

تسوي كل شي البيت من يهال ومدارس وجمعية وغيره كله على راسها ​

وما تقصر ​

وتكشخ وتلبس وتتعدل وتتزين ​

لكن شنو مشكلتها مع الرجل الكويتي ( وتذكرو انا مو قاعده أعمم على الكل ) ​

وانا ترى قاعده انقلكم شنو ايهم يشوفون فينا ​

اول شي​

السانها ​

طويييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييل ​

وايد وايد وايد وايد​

ترد على الريال بنزرة وحده وعصبية​

اذا قال شي ما عجبها يعني عندها شطاره انها جعمت الريال ​

وترادد وتلاجج وساعات يكون رد قبيح​

وهذا الشي انا شفته من نصايح البنات في المنتدى ​

حنانة ​

الحين الحين تسوي واذا ما سوا​

سطرتله كل خياس فيه​

وكله تكلمه بالوقت الضايع ​

بعدين تقول كل ما اتكلم يقول مو قته ايه فعلا مو وقته​

جافة ​

المشاعر عندها فقط بغرفة النوم والمشاعر بعد سن معين عيب​

شنو وين قاعدين عيالنا صارو طولنا عندنا أحفاد ​

الجنس ​

عندها شي غصبا عليها تسوي والريال حييل يتضايق من هالشغله وايهي تحسسه انه غصبا عليها ​

ما تشعره بانها مستلذه او مستمتعه وياه ​

ايهي عبالها الريال يبي بس قميص نوم ومكياج وعطر ​

لأ​

يبي تفاعل معاه ​

المعاير والتمنن​

شقول شخلي انته ووانته وانته ​

أنا سويت وانا سويت وانا سويت​

وأهلك سوو وهلك قالو​

الكشخه والتزين واللسان الحلو مو له ​

حق رفيجاتها وحفلاتها واهلها ​

ايهو وايد عليه عطر وقميص نوم وحبيتين مكياخ وخلاص جذي انا ما قصرت​

بس تعالي شوفي حق العروس والاستقبلات التفنن​

الزعل الماصخ ​

الي ماله داعي كماضي قبل لا يعرف المره اشلون يتحاسب على شي ما كنتي موجوده فيه ​

الغرور في كلامها وتصرفاتها​

أنا ماكو مني ​

أنا ما علي قاصر​

روح شوف منو ترضى فيك ​

في واااااااااايد راح يرضون فيه فلا تسوينها سالفة تحدي​

النميمة والطعن باللآخرين​

ما يحتاج أتكلم اشلون يحشون في بعض ​

واشلون بعض البنات يتكلمون بعنصرية عن جنسيات معينه توصل لحد الطعن بالأخلاق والشرف وحتى الشكل​

كأنها ايهي اختارت ان تكون كويتيه​

وكأن العالم كله مافي أحد غيرهم​

يعني عشان بس اسهس جنسيتها كويتيه عندها هذا فضل على الناس​

وانها أحسن منهم جمالا وخلقا وجسما وكل شي ​

عجيب هالمنطق؟؟​

وتقولون ليش ما يحبونكم الناس؟؟؟​

دفشة بالتصرفات ​

عشان والله الحين ميانه بيني وبين الريل​

وانا لا تلوميني من المسؤوليه صرت جذي​

واذا تهاوش وياها​

تنقلب مخلوق متوحش ​

شي يخرع أصا يتهاوش مع واحد من الربع بالدوانية مو مرته​

غير التهديد والوعيد​

انا اسمع سوالف والله تخرع بعدين عقب كل الي تسوي ​

تستغرب انه ريلها مو مثل قبل​

لا تصيرون مثل الهندي الي يتعب طول الشهر ووقت المعاش يغيب​

بنات ​

هذا الكلام انا ما يبته من فراغ ​

أقروا المواضيع اقرو ردود البنات ​

وشفته بالواقع من بيوت ​

الرياييل غاصين بالحريم وما يبي يطلق عشان العيال​

وايهي عبالها انه حاسبلها حساب ​

الكويتيه ​

الي يتحكم فيها مشاعرها وهوى نفسها وليس عقلها ​

وهذا الي مخرب عليها صفاتها الزينه ​

الأخلاق الأخلاق الأخلاق ​

خاصة لما يكون زوجج سيء ​

الزينه تبين صجتها ومعدنها في الشده مو وقت الرخاء ​

عشان تعرفون ليش الريال يروح يدور وحده ثانيه ​

يبي راحته ​

اذا ما صرتي راحته وأذيتيه وأصرتي انج مافيج غلط​

تحملي الشرع حلله 4​

انا أرجو اني نبهتكم ​

لأن هذا الي صاير للأسف ​

 

[كتكوته و اموره]

رد: اشفيها لالكويتيه ؟؟.... قولي شنو مافيها ...

حبيبتي لا تعممين و انا ما اتفق معاج صراحة كلش

 

[monmon12]

رد: اشفيها لالكويتيه ؟؟.... قولي شنو مافيها ...

حبيبتي لا تعممين و انا ما اتفق معاج صراحة كلش

لكن شنو مشكلتها مع الرجل الكويتي ( وتذكرو انا مو قاعده أعمم على الكل ) ​

ماقرتي هالسطر؟؟؟؟؟

رايج وتنتي حره شكرا على المرور

 

[رحيل المرافيء]

رد : اشفيها لالكويتيه ؟؟.... قولي شنو مافيها ...

كلامج صحيح
بنات هالوقت طوالة لسان وشوفة نفس
مو عاجبك طلقني
وعبالها اذا هي تشتغل خلاص تتطلق وبتعيش ملكة
حيل حيل شوفة نفس مو شوية
والرياييل مظلومين

 

[جـــواهر]

رد: اشفيها لالكويتيه ؟؟.... قولي شنو مافيها ...

حشا موكويتيه وحش كاااااااسر لا مو وحش كاسر قراندايزر

افا عليج ؟؟

الكويتيه لسانها طويل ؟؟
الكويتيه تعاير ؟
الكويتيه جاقه ؟؟
حنانه ؟؟

اااشدعوااااااااا

مايصير تحكمين من ردود بنات المنتدى
لو صج هذي صفات بنات الكويت جان المطلقات ترس البيوت ؟
لاتقولين لي ان الزوج الكويتي مسكين يعني مايقدر يقول انتي طالق ؟؟

ااااشدعوااااااا ؟؟

موضوع مبالغ فيه جدا جدا

مسكين الكويتي مظلووووووووووووووم

 

[فوفو22]

رد : اشفيها لالكويتيه ؟؟.... قولي شنو مافيها ...

بسكم ذبحتوا الكويتية

1- الكويتية بنت عز وخير يعني لما تتزوج ما لها اي اطماع خارجية او تكد على اهلها من خير ريلها

2- قناة cnn من سنتين تقريبا اختارت المراة الكويتية (كونها اكثر اناقة بالشرق الاوسط)وتواكب الموضه ومودرن

3- كلنا لما نتزوج الكويتيات نتعاطف مع الزوج ونوقف معه بالسراء والضراء

4- بنات الكويتيات اغلبهم ببيت اهلهم معززين وما يدخلون المطبخ بس لما تتزوج لا اله الا الله شوفيهم بفسم المطبخ تدور الاكله اللي يشتهيها ريلها

5- الكويتية 24 ساعه تفكر بارضاء وسعاده زوجها

بسكم تكسير مجاديييييييف فيها والله يا ان الكويتية..........من عمر الدنيا

ايام الغوووووص اللي ما لحقتي عليه ......كانت تدير بيت كامل ...لمن يرجع زوجها عقب 9 شهور

لما بحجي عن الكويتية يبيلي صفحااااااات

كافي ان قلوبنا نظيفه وبيضا ......

فوفو

 

[دلوعة عمري]

رد : اشفيها لالكويتيه ؟؟.... قولي شنو مافيها ...

صح لسانج و الله يوفقنا في زواجنا و يسر امورنا يا رب

 

[عادت ذكرياتي]

رد: اشفيها لالكويتيه ؟؟.... قولي شنو مافيها ...

حبوبة ميخالف تتقبلين نقدي

أولا : الأخلاق و .....إلخ ما تقتصر على جنسية معينة .....
ثانيا : اسمحيلي على هالكلمة " ماله داعي هالموضوع " يا ليت تتقبلين كلامي بصدر رحب.... بصراحة عندج مواضيع وااايد مفيدة وآنا من متابعينها بس هالموضوع ما عجبني ......" سوري على هالكلمة""""

لي متى تفكيرنا يصير منحط نخص جنسيات معينة سواء الكويتية أو غيرها

الإنسانة المتعلمة تترفع عن الخوض في هالمواضيع ..

ما ادري هذا راييي وبتقبل النقد منج أو من غيرج

 

[monmon12]

رد: رد : اشفيها لالكويتيه ؟؟.... قولي شنو مافيها ...

كلامج صحيح
بنات هالوقت طوالة لسان وشوفة نفس
مو عاجبك طلقني
وعبالها اذا هي تشتغل خلاص تتطلق وبتعيش ملكة
حيل حيل شوفة نفس مو شوية
والرياييل مظلومين

وهذي المشكله الي فيها بعض هالصفات مو راضيه تعترف بالهشي

أكبر دليل أنه موجود في المنتدى من ردود البنات

 

[ماني من الناس]

رد: اشفيها لالكويتيه ؟؟.... قولي شنو مافيها ...

طبعا هالشي ينطبق على فئه من النساء سواء كانت اوروبيه مصريه خلييجه يابانيه بطيخيه ,,,,,,,,,,

يعني الشي ماله علاقه بالجنسيه نقدر نقول مثلا,,,,,,,,وهالشي موجود بنوع معين من النساء,,,,,,,,,,,

وهالشي يرجع الى عده اسباب,,,,,

1 ) لشخصيه المرأه نفسها,,,,,,
2 ) تربيتها,,,وشلون معالجتها للسلبيات والايجابيات لوضع مجتمعها ,,,,
3 ) ثقافتها ووعيها يعني مو شرط ماخذه دكتوراه عشان تفهم,,,
4 ) الفن في اسلوب التعامل,,,,

 

[monmon12]

رد: اشفيها لالكويتيه ؟؟.... قولي شنو مافيها ...

حشا موكويتيه وحش كاااااااسر لا مو وحش كاسر قراندايزر

افا عليج ؟؟

الكويتيه لسانها طويل ؟؟
الكويتيه تعاير ؟
الكويتيه جاقه ؟؟
حنانه ؟؟

اااشدعوااااااااا

مايصير تحكمين من ردود بنات المنتدى
لو صج هذي صفات بنات الكويت جان المطلقات ترس البيوت ؟
لاتقولين لي ان الزوج الكويتي مسكين يعني مايقدر يقول انتي طالق ؟؟

ااااشدعوااااااا ؟؟

موضوع مبالغ فيه جدا جدا

مسكين الكويتي مظلووووووووووووووم

انا ماقلت الكويتي مسكين با عمري

ولا عممت ولا قلت هالصفات بالكل

لكن هذا الشي موجود في بعض البنات

عمري روحي شوفي المحاكم

الحين الطلاق صار موضه وواذا مو مصدقيني رةحو طلعو الاحصائيات وشوف السبب

 

[بنت شرق]

رد: اشفيها لالكويتيه ؟؟.... قولي شنو مافيها ...

اختى اذا كلامج عن بنات هالجيل انا اوافقج 100 %
اما اذا كلامج عن بنات جيل الستينات فاقولج لا مو صحيح لانهم حريم سنعات شايلين الريل وبيتهم وبيت الحموله كل شى قايمين فيه من طبخ وتوجيب وسنع

 

[احلى ديما]

رد : اشفيها لالكويتيه ؟؟.... قولي شنو مافيها ...

والله الكويتية ماكو منها كافي انها متحملة عدم تحمل الريال المسؤولية وصايره اهي الريال واهيا المره

 

[monmon12]

رد: رد : اشفيها لالكويتيه ؟؟.... قولي شنو مافيها ...

بسكم ذبحتوا الكويتية

1- الكويتية بنت عز وخير يعني لما تتزوج ما لها اي اطماع خارجية او تكد على اهلها من خير ريلها

2- قناة cnn من سنتين تقريبا اختارت المراة الكويتية (كونها اكثر اناقة بالشرق الاوسط)وتواكب الموضه ومودرن

3- كلنا لما نتزوج الكويتيات نتعاطف مع الزوج ونوقف معه بالسراء والضراء

4- بنات الكويتيات اغلبهم ببيت اهلهم معززين وما يدخلون المطبخ بس لما تتزوج لا اله الا الله شوفيهم بفسم المطبخ تدور الاكله اللي يشتهيها ريلها

5- الكويتية 24 ساعه تفكر بارضاء وسعاده زوجها

بسكم تكسير مجاديييييييف فيها والله يا ان الكويتية..........من عمر الدنيا

ايام الغوووووص اللي ما لحقتي عليه ......كانت تدير بيت كامل ...لمن يرجع زوجها عقب 9 شهور

لما بحجي عن الكويتية يبيلي صفحااااااات

كافي ان قلوبنا نظيفه وبيضا ......

فوفو

حبيتي فوفو اشكرلج تعليقج

بس ترى انا بيديت ببميزات الكويتيه قبل مسواؤها

وانا كويتيه وقاعده اشوف بنات ديرتي فيها هالصفات

مو بس في المنتدى بالدوام بالجامعه بالسفر

انا لو ما بيلهم الخير جان ما انبهم على عيوبهم

عادي الكويتيه انسانه وتغلط

بس العيب انها ما تعترف بغلطها وتظل تكابر بعنادها

 

[monmon12]

رد: اشفيها لالكويتيه ؟؟.... قولي شنو مافيها ...

حبوبة ميخالف تتقبلين نقدي

أولا : الأخلاق و .....إلخ ما تقتصر على جنسية معينة .....
ثانيا : اسمحيلي على هالكلمة " ماله داعي هالموضوع " يا ليت تتقبلين كلامي بصدر رحب.... بصراحة عندج مواضيع وااايد مفيدة وآنا من متابعينها بس هالموضوع ما عجبني ......" سوري على هالكلمة""""

لي متى تفكيرنا يصير منحط نخص جنسيات معينة سواء الكويتية أو غيرها

الإنسانة المتعلمة تترفع عن الخوض في هالمواضيع ..

ما ادري هذا راييي وبتقبل النقد منج أو من غيرج

عمري انتي

اكيد اتقبل نقدج

وعاجي نختلف بالراي مو شرط لام نتفق بكل شي


شوفي عمري انا ترى ما ذميت بالكويتيه
ولا عممت الصفات هذي

لكن هذي الأشياء موجوده وقاعده تنتشر بين بنات هالجيل واااايد

وقاعده تزيد نسبة المطلقات

هذا موضوع تنبيه

دايما يقولون شنو قاصرنا شنو ناقصنا شنو فينا غلط

اذا ما وقفنا وحاسبنا نفسنا عدل راح احنا ننظر

انا أخاف على بنات ديرتي مالي شغل بدير ثانيه

ابيهم يوتعون لأني أحبهم وشايفه شي مو زين فيهم

 

[برونزيه شقرا]

رد : اشفيها لالكويتيه ؟؟.... قولي شنو مافيها ...

حبيبتي الموضوع يعني احس غير هادف شنو راح نستفيد من هالسوالف
وبعدين الاخلاق مالها شغل بالجنسيه نهاااااااااائي
وموكل الكويتيات مثل ماقلتي لا حبيبتي غلطانه باحصائيتج وبعدين الكويتيه شبعانه الحمد الله والمنه لله على شان جذي الهجوم يصير عليها قوي
وبعدين سويتي الريال الكويتي ملاك لا ياعمري في وفي اصابعج مو سوى
وبعدين فوفو ماقصرت
وياريت نقرا مواضيع هادفه بقسم الحياة الزوجيه لنستفيد
وتقبلي مروري حبويه

 

[monmon12]

رد: اشفيها لالكويتيه ؟؟.... قولي شنو مافيها ...

طبعا هالشي ينطبق على فئه من النساء سواء كانت اوروبيه مصريه خلييجه يابانيه بطيخيه ,,,,,,,,,,

يعني الشي ماله علاقه بالجنسيه نقدر نقول مثلا,,,,,,,,وهالشي موجود بنوع معين من النساء,,,,,,,,,,,

وهالشي يرجع الى عده اسباب,,,,,

1 ) لشخصيه المرأه نفسها,,,,,,
2 ) تربيتها,,,وشلون معالجتها للسلبيات والايجابيات لوضع مجتمعها ,,,,
3 ) ثقافتها ووعيها يعني مو شرط ماخذه دكتوراه عشان تفهم,,,
4 ) الفن في اسلوب التعامل,,,,

طبعا مو بس محصور على الكويتيه

بس انا منتداي اسمه كويتيات
وانا كويتيه

يهوموني بنات ديرتي
مابي أحد ينزل دمعتهم او يأذيهم

لازم لازم نبدي نغير نفسنا

ونصايحج جدا مفيده يا ريت نبدي كلنا نتعلم منها

 

[monmon12]

رد: اشفيها لالكويتيه ؟؟.... قولي شنو مافيها ...

اختى اذا كلامج عن بنات هالجيل انا اوافقج 100 %
اما اذا كلامج عن بنات جيل الستينات فاقولج لا مو صحيح لانهم حريم سنعات شايلين الريل وبيتهم وبيت الحموله كل شى قايمين فيه من طبخ وتوجيب وسنع

يا ريت البنات يتعلمون من هالجيل هذا جيل أمهاتنا فعلا حريم بمعنى الكلمة

دشو الجامعات واقتحمو سوق العمل وامسكو المناصب وتزوجو ويابو عيال وبيوتهم محافظين عليها

يا ريت مثل جيل الستينات

 

[monmon12]

رد: رد : اشفيها لالكويتيه ؟؟.... قولي شنو مافيها ...

والله الكويتية ماكو منها كافي انها متحملة عدم تحمل الريال المسؤولية وصايره اهي الريال واهيا المره

والله صح كلامج بس ايهي تخرب على نفسها بالهصفات المو زينه

 

[جـــواهر]

رد: اشفيها لالكويتيه ؟؟.... قولي شنو مافيها ...

انا ماقلت الكويتي مسكين با عمري

ولا عممت ولا قلت هالصفات بالكل

لكن هذا الشي موجود في بعض البنات

عمري روحي شوفي المحاكم

الحين الطلاق صار موضه وواذا مو مصدقيني رةحو طلعو الاحصائيات وشوف السبب

السبب الكويتيه يعني ؟؟

يعني الطلاق كله من المره ؟؟

الرجال كلش ماله ذنب ؟؟

يعني الكويتين منزهين عن الخطا مافيهم المدمن مافيهم السكير مافيهم اللي مطين عيشة مرته مافيهم الللي مايخاف الله بأهله ؟؟؟