ملاحظين فيرجن ؟

[:: Diva ::]

السلام عليكم








بنات ملاحظين فيرجن ؟
مافي كتب يدييده الا من رحم ربي
اجتهادات فرديه يادوب اشوف عندهم كتاب يدييد من اصدار هالسنه


شسالفه ؟!
مو عاجبني الوضع



و مريت جرير ذاك اليوم و لا ياحلاة العروض
و يا حلاة الكتب بس ماكو اصدارات دايموند بوك اليدييده
مع ان في واايد كتب اصدار السنه

 

[وهج الحب]

السلام:
انا امس في فيرجن ولقيت به كتب اللي نعرضت بالمعرض بس صحيح ما فيه كتب جديدة وايد اشتريت منه ..سري للغاية ..وهذه اخرتك ..والطريق الى كراتشي

 

[غرور المطيري]

مدري والله .. من زمان عنهم ؛
بس عموما دار جرير دائما متميزين ..

وإذا على هالملاحظات ياحبذا لو ذكرتيها للمسؤولين هناك
يمكن محتاجين لـ شوية لفتة لوضعهم !

 

[عهود الحب]

رد : ملاحظين فيرجن ؟


ديفا شلونج ؟ و شلون كتابج ماعاد تسولفين عن اخر التطورات
تدرين دورته وماحصلته بالمعرض فما قمت ادوره
ياليت الحين تقولين لنا وين نحصله بس ابي اصدار بدون صور
يصير ولا لا ؟ شسوي جبانة حدي
ما عمري رحت لفيرجن
انا من عشاق جرير و العجيري زوغة بس ينقصها الترتيب والادارة السنعة
ولو انا صاحبة المكتبة جان فتحت فرع للكتب فقط
لأنه فعلا هالمكتبة عندي فيها بلاوي و تهبل بس حوسة ومتروسة ناس تدور على ادوات مكتبية ومالهم بالكتب
وهم موقعها موشي


وهج تدرين من متى انا ادور الطريق الى كراتشي
وييييييييه دهر لدرجة مليت وماقمت ادور
بالعافية عليج و لي خلصتي عطينا رايج بالرواية

 

[Dr.Nouf]

شخباري فيرجن انا من زمان مورايحلتم كله جرير

 

[Kadin Cligin]

فيرجن ماكو كتب واجد وكلها قديمة

وشوووووووووووووووية
وفوق هذا الموظفين يبطون الجبد !

مرة وحدة رحت لهم ومالقيت شي

 

[:: Diva ::]

السلام:
انا امس في فيرجن ولقيت به كتب اللي نعرضت بالمعرض بس صحيح ما فيه كتب جديدة وايد اشتريت منه ..سري للغاية ..وهذه اخرتك ..والطريق الى كراتشي

عليج بالعافيه كتبج
ناطرين تقاريرج

 

[:: Diva ::]

مدري والله .. من زمان عنهم ؛
بس عموما دار جرير دائما متميزين ..

وإذا على هالملاحظات ياحبذا لو ذكرتيها للمسؤولين هناك
يمكن محتاجين لـ شوية لفتة لوضعهم !

اذكرها لفيرجن ؟ما اعتقد مكتبه بهالشهره و الحجم ناسيه ولا تحتاج رايي
انا صار لي شهر اروح ما اشوف يدييد الا كتاب ولا كتابين
بس الابداع بالتيشيرتات و الفوط و اكسسوارات الكمبيوترات !


المكتبه اختفت


مشكوره حبي على المرور

 

[:: Diva ::]

رد: رد : ملاحظين فيرجن ؟

ديفا شلونج ؟ و شلون كتابج ماعاد تسولفين عن اخر التطورات
تدرين دورته وماحصلته بالمعرض فما قمت ادوره
ياليت الحين تقولين لنا وين نحصله بس ابي اصدار بدون صور
يصير ولا لا ؟ شسوي جبانة حدي
ما عمري رحت لفيرجن
انا من عشاق جرير و العجيري زوغة بس ينقصها الترتيب والادارة السنعة
ولو انا صاحبة المكتبة جان فتحت فرع للكتب فقط
لأنه فعلا هالمكتبة عندي فيها بلاوي و تهبل بس حوسة ومتروسة ناس تدور على ادوات مكتبية ومالهم بالكتب
وهم موقعها موشي


وهج تدرين من متى انا ادور الطريق الى كراتشي
وييييييييه دهر لدرجة مليت وماقمت ادور
بالعافية عليج و لي خلصتي عطينا رايج بالرواية

هلا عهودي والله يالغاليه اخر التطورات انا بنفسي ما اعرفها لووول
بس ادري ان الحين الكتاب يفتر بالخليج و لبنان
تحصلينه بموقعهم او عبر التلفون الي حاطينه باخر صفحه من اصداراتهم
بس حبي ماكو نسخه بدون صور :d



العجيري احبها بس تنرفزني لانها فوضويه
و مكانها عالشارع و 700 مكتبه بنفس الشارع و الشارع داااثر
قليل اروح لها علشان طريجها و مكانها

 

[:: Diva ::]

شخباري فيرجن انا من زمان مورايحلتم كله جرير

اونس و اشرح
اخر مره رحت المارينا كان بالعيد
و خذيت قرار بمقاطعة هالمجمع المروح لوووووول

الا عاد وين و شنو الظرف و الاكتفاء بالكرسنت لووول

 

[:: Diva ::]

فيرجن ماكو كتب واجد وكلها قديمة

وشوووووووووووووووية
وفوق هذا الموظفين يبطون الجبد !

مرة وحدة رحت لهم ومالقيت شي

الموظفين :eh_s(16):
ظيييييييييييييييييييييييييييييييييييييييييييييييييييييم
الله يهديهم

 

[الاحاسيس المبهمه]

يااهلاا وغلاا
دف دف
سبحااان الله اختفي فجأة وارد القااج منزله موضووع شفتي ربي شلوووون يحبناا :**

بصرااحه حدده مامدااني اروووح فيرجن ولا جرير ... ناويه اروح بس لمن اخلص كراتين الكتب إلي شريتها قصدي مجموعه الكتب ( لوووول حصيلتي الله وكييلج تكفي قريييه كامله )

 

[L a w y e R]

رد : ملاحظين فيرجن ؟

صاجه

راحت على فيرجين

والله يهني موظفينهم المفهين

 

[Tom ♥ Jerry]

.


آن شاء الله يعدلونهآ مثل مآ الحين قآم يعدلون جرير :*

 

[هرانية وأفتخر]

رد : ملاحظين فيرجن ؟

اســتانس على جـــرير بس يربي اذا رحت احس الوقـــت يمشـــي بســـرعة
و ذات السلاسل اللي بســـوق السالمية تهبل
بس مشكلتها
المكان صغير وضيج وعفيسة كأنج بمخزن​

هرانية وأفتخر​

 

[om.waleed]

رد : ملاحظين فيرجن ؟

هلا هلا اختي مشكورة عالموضوع
بالعكس في شوية كتب يديده مثل احلام مسغامني
وفي الزمامي
وهذه اخرتك شريته الطبعة الثانية لانها ماخذه على اسبوعين المركز الاول ماشاء الله
اي اي سمعت ان عندج كتاب
ممكن تقوليلي وين ينباع

 

[راعية الطويلة]

رد : ملاحظين فيرجن ؟

عمري ما رحت فيرجن

إلا اللي بالمطار

على بوابة دابنهامز
و صغينوني حيل

يختج لا بغيت كتاب

اروح العجيري أو جرير

و ذات السلاسل كل ما سعلتهم عن كتاب

يطلع لي هندي يقول:
مافي مدام

تسلمين ديفا

 

[EviL^^GirL]

سبحان الله ما عمري دخلتها وعجبني كتاب من عندهم

 

[~ miss NERD ~]

عاد كنت قايله ورى الامتحانات بطقلي فره بــ فيرجن بس ما شجعتوني
عيل خلوني على جرير ابرك

 

[Ameeraaaaaa]

السلام عليكم
طبعا بديهي ان فرع الكتاب داثر في فيرجن لعدة اسباب
اما لانه ما يحقق ارباح واتوقع هذا الصج يعني كم واحد يشتري منه كتاب !!!
وثاني شي المسوؤل مو عارف ينعشه ويحيه !!
عموما نصيحة يا بنات
اذا سافرتوا لا تضيعون وقتكم بالخرابيط زوروا المكتبات القيمة تشوفون العجب العجاب .
ونصيحة اذا رحتوا لندن روحوا مكتبة الساقي راح تشوفون كتب منقرضه وعجيبة .