مد أيده على شعري

[Tom ♥ Jerry]

.


حبيبتي لآ تسوين سالفه عشان مكآن !
مليون مكآن تشتغلين فيه آلزم مآ عليج ريلج و بيتج !

خلاص قوليله انا راضيه بالمكآن الي آنته تختارلي اياه :*
على الاقل استانسي يغار عليج

 

[نشيج الروح]

حبيبتي أنتي وريلج غلطانين ( شلووووون ؟) الحين أقولج ...
شوفي الحوار ببدايته كان حلو وماشي ...بس ليما اعترض المفروض أنج ما تراددين ... لازم تقولين له حبيبي شنو البديل ... خلنا نتفق ... وهو ذكر لج عيوب الداخلية ذكري له مميزاتها الي ببالج ... يعني السالفة باختصار المفروض تكون أخذ وعطا ومو إجبار .... ولا تكونين عنيدة وتحطين ببالج أن جذي بتكون شخصيتج قوية بهالفعلة الي فعلتيها...و مو إجبار أن المرة تشتغل ... يعني ريلج عادي لا قالج قعدي في البيت ... المفروض تحمدين ربج أن ريلج متفهم وقاعد يناقشج بالمكان الي تبينه ...
أما عن ريلج فشكللله فقددد أعصابه والمفروض يتعوذ من إبليس بدل ما يكمل السالفة ويطلع حرته فيج ...

روحي اعتذري له واتفقوا على مكان وتنازلي إذا أمكن ...

والله يووووووووفقج

 

[نشيج الروح]

حبيبتي أنتي وريلج غلطانين ( شلووووون ؟) الحين أقولج ...
شوفي الحوار ببدايته كان حلو وماشي ...بس ليما اعترض المفروض أنج ما تراددين ... لازم تقولين له حبيبي شنو البديل ... خلنا نتفق ... وهو ذكر لج عيوب الداخلية ذكري له مميزاتها الي ببالج ... يعني السالفة باختصار المفروض تكون أخذ وعطا ومو إجبار .... ولا تكونين عنيدة وتحطين ببالج أن جذي بتكون شخصيتج قوية بهالفعلة الي فعلتيها...و مو إجبار أن المرة تشتغل ... يعني ريلج عادي لا قالج قعدي في البيت ... المفروض تحمدين ربج أن ريلج متفهم وقاعد يناقشج بالمكان الي تبينه ...
أما عن ريلج فشكللله فقددد أعصابه والمفروض يتعوذ من إبليس بدل ما يكمل السالفة ويطلع حرته فيج ...

روحي اعتذري له واتفقوا على مكان وتنازلي إذا أمكن ...

والله يووووووووفقج

 

[غلا ماجد]

العناد ما ينفع

 

[قطوه دايخه]

رد : مد أيده على شعري

عدل كلامه واغلب الراييل حاطين اكس على هالمكان

ومعروف هالمكان سمعته مو اوكي حتى لو انتي كنتي اوكي واخلاقج عاليه ينحط عليج هالحجي وتخترب سمعتج وبعدين مو من زين المكان
انا من وانا ياهل ادري انه هالمكان اي شي وحتى ابوي امفهمني انه هالمكان سمعته مو اوكي وحتى لما تزوجت اكتشفت انه زوجي بعد عنده نفس هالنظره على هالمكان
وبعدين حبيبتي في وايد اماكن احسن من الداخليه ومعاشاتهم قويه
المكان سمعته مو زينه ليش اتروحين حق هالمكان بريولج
مالقيتي غير هالمكان
شنو فيه حلو ؟؟ اول مره اسمع احد يبي الداخليه
اللي اعرفه يطلع قبولهم هناك ويدبسون فيه أو اللي ينقبلون يكونون ما عندهم واسطه يغيرون أو اللي يبنقبلون اتكون شهاداتهم شويه فيحصلون هالمكان لأنه معاشاته قويه وما راح يحصلون طالما انه ما عندهم شهاده أو شهادات ثنويه

سوري بس هذي وجهة نظري وانا اتفق مع وجهة نظر زوجج ابهالمكان

وبعدين عيب تطلعين وترقعين الباب جذي حتى لو كان في اختلاف ابوجهة النظر حليها بالتفاهم لا تكبرين الموضوع نفس ما سويتي

تقدرين تنطرينه لين يهدا وتكلمينه باسلوب حلو وتعطينه جم كلمه حلوه وتقصين عليه ابجم كلمه حلوه >> ترا الراييل مثل اليهال بسرعه ينقص عليهم
وبسرعه يتنرفزون فا دام زوجج من النوع اللي يتنرفز حاولي تكسبينه ابلحظة العصبيه انتي هدي وبعدين اذا هدا تفاهمي معاه على كل اللي تبينه صدقيني ابتكبرين ابعينه اذا شافج ساكته واهوه امعصب بيحط اباله انج تفهمنيه وتقدرينه احسن ما يتنرفز وانتي تتنرفزين ويكبر الموضوع واثنيناتكم تتحسفون كل واحد يسوي حركه ما يثمنها لأنه معصب

أتقي الله حبيبتي لاتحطين بذمتج عشان غيرج يتحجي تحطين بذمتج روحي وشوفي المكان وايد اماكن بالداخليه محترمه انا اختي تشتغل بالداخليه والله كلهم محترمات ولاراعيات خرابيط واختي الثانيه مدرسه تقولنا البلاوي تشيب الراس عندهم بالمدارس وبلاوي المدرسات لاتحطين بذمتج ترا تحاسبين عليها يوم القيامه كل مكان فيه الزين والشين

 

[احلى ـآ وحده]

التفاهم بالهداوه واذا بغيتي الشي سايريه وعطيه جم كلمه حلوه تنفع ويطخ وهما يذوب
بس هم انتي غلطانه على رقعه الباب لو انا ذبحني

 

[غدووور الكويت]

رد : مد أيده على شعري

الله يعينكم بنات كلكم ماخذين عيادي من رياييلكم
الله يسخرهم لكم ويحنن قلوبهم عليكم بس أحس في عامل مشترك بين البنات وهو العناد
صدقوني العناد يخرب البيوت وكل شي بالتفاهم حلو والله يهدي هالرياييل اللي ما يعرفون يتفاهمون

 

[شقرديـه عالطل]

ماادري والله
بس انتي شوي زودتيها والريال مايبي العناد لو ماخذته بالهداوه يمكن صار اوكي
والله يهديكم

 

[على الطيب تربيت]

رد : مد أيده على شعري

حبووووووبه الي فهمناااااه

انج تناقشتي بمكان عملج ورفض وقمتي وصفقتي الباب بقوووه يعني رساله إنك ولا شي وان موعاجبني كلامك


حبوووبه الزوج هو ولي امر الزوجه ومسؤل عنها يحرمها يمنعها ان شاف فيه خوف عليها والاختلاط مايبيه كيفه هو حر

ومعاند الرجال صعب وللرجال كرامته ...

طيب انتي عاندتيه وصفقتي الباب وش تبين ردة فعله ؟؟؟ يجي يحب راسج ولا يقول عفيه لاعاد تصفقين الباب ..

كل شي يجي بالتفاهم والحوار السنع والادب اما العناد والغصب مايجيب فايده ...

ومدة ايده مو سهله

فمن رايي .. تروحين تكلمينه بهدووء وتقولوين له حبيبي مهما اشتد بينه الحوار والكلام ماتوصل ليدرجة تمد يدك علي ان كنت ترضاها لي انا مارضاااها ولا أسمح فيهااا ...

وان مديت يدك مره ثانيه ماراح اسكت لان الله سبحانه ما يرضى الاهانه لعباده ....\

عندك شي فهمني اياه بالكلام ..


والله يعينج ودعواتج انه ربي يسهل الامور بينكم وانتبهي يابنت على نفسج ...

 

[nora al]

رد : مد أيده على شعري

وعليكم السلااام

حبيبتي اهوو خايف عليج واهوو كلاامه صح اهوو ولي امرج والكلمه كلمته ومن حقه يتحكم فيج تراا ليش الزعل ؟؟

لا تحطين ببالج انه بصغر من قيمتج بالعكس والدااخليه اناا ابووي بعد ماايرضااا يقوول لو تموتين ماتتوظفين اهنااك وريل اختي نفس الشي قالهااا انسي سكتنااا ماقلناا شي لان يخااف عليج مووو يغاار فيه فرق


لا تشدين بالكلااام الرياييل ماايوونج بعنااد ترااا سايسيه واخذي اللي تبينه والله يووفقج

 

[a9ealah]

رد : مد أيده على شعري

حبيبتي الرجال ما يجي بالعناد اذا تبين توصلين لها معلومه وصليها بدلع و مياعه والرجال ينثول هههههههه
اما اذا هو يفرد عضلاته وانتي تفردين عضلاتج بتصير معركه وانتي الخسرانه بالنهايه اسالي مجرب

 

[قلبي سلومي]

رد : مد أيده على شعري

عادي طوفي
اذا هو ماتحسف وعقل والله لو تادبينه مية مرة ماتقدرين

 

[! بــدويه وآآيــد !]

عجبتيني والله:eh_s(7):

،



افا عليج يآآ مسس فديتج والله :$

 

[ba6bo6a1]

امبيه اشفيكم على الطق اليوم ..

الكل قاعد ينطق ..

مع انه فتره مباركه وعيد ..

هـدوو بالكم وذكرو الله ..

الله يصلح بينكم .. [/Q
اي و الله مادري شالسالفة هذا 3 موضوع ريال طاق مرته

 

[قمورهـ]

رد : مد أيده على شعري

ماينلام

الداخليه انحطاط والبنات اغلبهم اكس

لاتقولون لاتحطين بذمتج متأكده انا من الحجي لان ريلي يوم راح بغت تصيبه جلطة يقول لهالدرجه الانحطاط

اهم اللي يتحرشون بالموظفين وصراخهم وضحكهم واستعراضاتهم

اعوووذ بالله

والله ماطلعت للداخليه السمعه البايخه الا من الافعال اللي تشيب الراس

الله يصلح هالبنات ..بنات عوايل ومومحافظين على سمعة واسم عايلتهم

اتمنى لو اسجل كلام رفيج ريلي اهو مسؤولهم يقول رخاص حيل تقط الوحده نفسها قط علينا ولا تطلع للشقق عادي!!

بس يعطونها الشباب جم كلمة وامنت على طول سلمت نفسها له!!

ريلج ماينلام ومامد ايده عليج الا لان فعلا الداخليه سمعتها سيئه اللي تدخل لو شريفه تنسى احد يمدحها او يخطبها او يحط راس مال

 

[Petite]

ما ألوم زوجج صراحه

حبيبتي الداخليه سمعتها مو زينه
وهو من خوفه عليج وغيرته
قال لج هالكلام

والا منو يرضى زوجته تتوظف هناك ؟؟

وبعدين صح كلامه ترى اهوا ولي أمرج
لو يقولج تقعدين بالبيت بدون وظيفه
تقولين حاضر وان شاءالله

 

[غلا ستايل]

الله يسخران ريلج

 

[miss_solitaire]

رد : مد أيده على شعري

صراحة ما عندج سالفة

و صج كلامة وزارة الداخلية سمعتهم سيئة

اذا مو من الحريم ... الرياييل اللي هناك ما يخلون وحده بحالها

و انتي الغلطانة تردين عليه بهذي الطريقة و تصكين الباب بويه بهالطرقة

المفروض تقوليله صج ... عيل وين تشور علي ابي مكان ارتاح فيه

 

[قطعة ألماس]

بنات شلوون أخليه يتحسف على مدة أيده تكفون من البارحه حاقرته ولأهمه عادي

 

[لوازم العائلة]

لاحول ولاقوة الا بالله