يآ إلتربويه ،، يآ كلية إلتربيه ،، الله عليــكم @@ (( صور ))

[روح الدنيا]

ولا بعد حلايا القاعه اللي ندرس فيها غرفه سايقنا اكبر منها ههههههههههههههههههههآي


والحمامااااااااااات ووما ادرااااااااااااااااااااااااااااك ما الحمااااااااااااامااااااات يييييييييييييييييييييييو


خخخخخخخخخخخخخخخخخخخ

الله يعينا بسسسسسسسس عالاقل انتو بتخرجون بتفتكووووووون انا توني مستجده باقي لي 4 سنين يآعزتي لي فيذمتي



بنات الكليات الثانيه انا عازمتكم بكره على كافتريتنا حيآكم oster_av1: سيده تروحون مستشفى الهآدي هههههههههههههههههههه :eh_s(3): الي جآيها مغص والي بيجيها صدآع واللي شوي وتطيح غشيآنه

وحتى الحامل الي بشهرها السآدس لاجات كافتريتنا بتولد ههههههههههههههههههههههآي


:eh_s(3):

من صجج تعزمينهم خخخخخخخخخخخخخ

عاد متعودين ع الاكل النظيف وربي تسمم و فضيحه على مستوى الجامعات العالميه

حيااج الله اتحفينا بآرائج منووره << يا حبج للسوالف :eh_s(21):

امبيه الله يعينكم وان شاءالله صوتكم يوصل

...،،

اي هين والله و لا حركت فيهم شعره
و حياتج ما حركو ساكن

أختي الكريمَـه الإسترآحه من عمل الرابطه وبرعايه وهذا لا يعيب الرابطه أبداً ..

أختي العزيزه إن كان الإتحاد قادر على عمل كل ما يفعله لكليه العلوم الإداريه لماذا لا يعمل
القليل لطلبه التربيه " المظطهدين " الذين لم يطلبو شيئاً كثيراً , ولماذا الجمعيه التربويه لا تفعل شيئاً ؟

سؤال لـ أخواتي في كليه التربيه : هل تقيم الجمعيه حفل تفوق لكم ؟

مادري اذا تقيم او لا بس خليها تحط لوحة للمتفوقين بالأول عشان حفله

ههههههههههههههههههههههههههههههههههههههههههههههههههههههههههههههههه


صح لسااااانج على كل كلمه قلتيها .. بجد شر البليه مايضحك !!


بردتي جبدي بكلااااامج



بس حابه اضيف جم شغله ..

اول شي موقف صارلي بعد مافازت التربويه بانتخابات الجمعيه <<مع العلم اني قطعت الصوت هالسنه وطنننننننشت فيهم ولو تشوفين وحده من بنات التربويه احرررقتني مكالمات وانا مكبررره المخده بس كدرت علي نومتي الله يهديها ..عز الله للانتخابات مستعدين يدقون مره ومرتين والف مره اما غيره عمك اصمخ !!

المهم <<نسييييت الموقف

كنت باللابات انا ورفيجتي ودخلت وحده من بنات التربويه وتوزع ورد <<هذا اللي فالحين فيه الحمدلله والشكر !! المهم لما جت عندنا قالت رفيجتي عاد سنعوا الكليه مو بس توزعون ورد فقلت بعدها اي واول شي الكفتيريا سنعوها تراها لووعه .. تخيلوا البنت من ثقتها الزايده انهم كل سنه يفوزون ضحكت وقالت اي ان شاءالله <<لهدرجه مستخفين فينا ومو عادينا شي !!

والا المقر طبعا قاعدين داخل و مسكرين الباب @@ ليش مسمينه مقر بالله عليكم !!



والا الكفتيريا حدث ولا حرررررج !!! <<مهما اتكلم ماراح اوفي هالمهزله شي ..!
كااافي ان نطق درب لي الآداب عشان ناكل والا احيان من المكاين !!


والا المصلى !!!! بالله وين تبونا نصلي بالممرات اللي كلها تراب والا بالاستراحه غير الزحمممه سوالف البنات وصوتهم العالي وخصوصا اللي يتسدحون داخل بوقت الصلاه !! عييييييييييييب علليييكم استحوا على وجيهكم وقوموا خلوا العالم تصلي على سنع !!


والا الممراااات !!

اللي شالوا المظلات وخلونا نتصرقع بالشمس !!

معقووووله من الصيفي وانتوا تشتغلون فيها وماخلصتوها ليلحين هذي وهي مظلات لو غيرها شتسوون ؟!!

والا مستانسين بسوالف النقازيه اللي العام "الحمدلله والشكر" والا يوم الحلاو مادري الكاكاو .. والا الصاااج اللي مو فالحين الا فيه !! يجيبونه ويحطونه بالممر !! بالله شلون تبونا ناكل والذبان والتراب دار مداره !!! الله يزيد النعمه ..!!


شـ أقوووول وشـ اخلي من هالكليه والقائمه اللي ماسوت شي طووول هالسنين اللي مفتخرين فيها !!


لكن والله خلاااااااااااااااااااص طفح الكيل <<بدت الفصحى

اذا ماسنعوا شي مستحييييييييل اصوت لهم .. وبنغيررر عل وعسى تتحسن اوضاع الكليه ونبطل من هالمهززززله اللي صايره

لا السنه الجايه كلنا مستقله و ان شاء الله نسوي حمله توعيه للقائمة المستقله

يقهرون بنات التربويه موو ؟

 

[روح الدنيا]

رد: رد : يآ إلتربويه ،، يآ كلية إلتربيه ،، الله عليــكم @@ (( صور ))

روح فديييييييييييييييييييييييتج صح لسااااااااااااااااااااااااااانج انتي والبنات وصوتكم بيوصل غصب ان شاء الله


من زمااااااااااااااااااااان خاطري اتكلم واقووول انا هذي رابع سنه لي وكنت علوم وحولت تربيه بس من ثاني سنه وانا اخذ مواد بالتربيه

صراحه الوضع بالتربيه من سيء لي اسوء الله يعينا بس

بخصووص القاعات اللي بمبنى 2 قاعه هالكبر فيها 60 طالبه والله البنات شوي ويقعدون بحضن الدكتور

والجبرات والله هذاك اليوم وحده تشتكي تقول عندي محاضره الساعه 2 فيها ومافي تكييف متنا حر تقول نكلم السكيورتي والعالم بس محد يرد علينا يقول زين زين بنسوي التكييف نجي بعد يوميين ماكو فايده ...

والا مبنى 5 اللي جنه قلعة الرعب .. الطوف قديمه والاضاءه خفيفه والله مو ناقص هالمبنى الا هياكل عظيمه يوزعونها بالسقف >> هالمبنى لو اموت ما اخذ فيه محاضرات بعد الساعه 3 ...

والا الممرات اللي من شهر 5 يعدلون فيها اشدعوا لو هادمين الكليه ورادين بانينها جان يمديهم خلصوا تعبنااااااا من الغباااااااار لازم نمشي ونرفع العبايه والغبار يوصل لي الشيله اذا رحنا الكليات الثانيه العالم تضحك علينا يقولون طالعين من حفره على هالغبار ..!!! حسبي الله عليهم شنو يسوى عليهم لو تطيح وحده بحفره >> بالله هذي حاله معلمة مستقبل تخاف لا تطيح بحفره ههههههههههههههههههههه

حرااااااااام عليهم كل شي بهالكليه خرااااااااااب ما تقولون كليه بدوله نفطيه

اتوقع جامعات الهند اكشخ يمكن

كله بصوووب والكافتيريا بصوووووووووب ... انا الحمدلله حاسة الشم عندي ضعيفه < هذي نعمه ترى >مادري شسالفة الريحه اللي الكل يشتكي منها بس الزحمه مو طبيعيه جنه قاعدين بالقاهره مو بالكويت .. ليش ما يفصلون كافتيريا الشريعه يعني اكثر كليتين فيها بنات مخلينهم بكافتيريا وحده !!!
والاكل انا قبل كنت اخذ من كاريبو كان يهبل بس الحين من حطوا هذا سكند صرت اخذ منه بس عصير واخذ من كرسبي دونات بعد الله يستر من كرسبي ...

الله يعينا بس ونتخرج من هالكليه بدون تسمم ولا اصابات

روح انا معااااااااااااااج قلبا وقالبا بهالحمله

بنسوي اكثر من حمله حق هالكليه اول وحده مانبي نطيح حق الممرات هههههههههههههههههههههه

والثانيه ما نبي نموت حق الكافتيريا

جزاج الله خير وبميزان حسناتج ان شاء الله

هههههههههههههههههههههههههههههههههههههههههههههههههههههههههههههههههههههه

عدل عدل اخترتي اسامي للحمله كفوو كفوو هههههههههههههههههههههههههههههههه

خلج معانا و نشوف اخر التطورات و الموضوع موضوعج و اقلطي بأي وقت

اي والله شي يقهرررررررر
ماقول الا حسبي الله عليهم
اشتغلو بضمير يا التربويه !!!


يعطيج العافيه
وآنا أأيدج بكل كلمه قلتيهاااا

الله يعافيج و فعلا ماكو ضمير و حسبي الله و نعم الوكيل

نات التربوية المفروض يقدرون شوي مو معقوله جذي الاستراحة صغيره وحاطيلهم مقر شدعوه عليهم!!!!!!

و انا بضم صوتي لصوتج وبصوت للقوائم الثانية اذا ما قدروا التربوية انهم ينفعونا :lkmnkl:

نعم و بالنهايه راح نتفق على قائمه تقدر تقايش التربويه

و ان شاء الله تكون المستقله

لانها الاقرب للحق والله كريم

و الموضوع موضوعج حيااج :eh_s(20):

 

[روح الدنيا]

رد: رد : يآ إلتربويه ،، يآ كلية إلتربيه ،، الله عليــكم @@ (( صور ))

على طاري الكافيهات إلي بالكلية

في كافيه ماني قايلة إسمه تبع كليات كيفان شربت منه ميلك شيك

سيييييييييييييده ددددخت ><

الحمدلله ع السلامه :krkrkr:

اجر و عافيه الله يعينااا بس الصبر الصبر

مغيرينهم بإذن الله :tomato2:

صج صج الله يعينكم



وبعدين اللي تقول انه القوائم تساعد الطالبات من كيفها ومو مجبورة عيل ليش ينزلون الانتخابات وييمعون اصوات عشان لي فازوا يرقصون ويرشرشون ماي بالكليه!!! شنو وظيفتهم بالضبط؟؟!! ،، انزين البنات ماطلبوا شي بس عالاقل يبون يشوفونكم بعد الانتخابات بالكلية اقل شي اقل شي تسوونه فتحوا الباب لهم وسمعوهم وكونوا قد الثقة!

اكيد هذه مهمتهم انهم يساعدون الطلبه ويشوفون طلباتهم واكـــــيد مشكورين على هالشي ويعطيهم العافية بس القائمة اللي تقول انه هالشي مو من واجبنا عيل لاتنزلون الانتخابات المره اليايه اذا ما لكم خلق الطلبة!! انتوا يبتوا التعب لانفسكم :bbbiu: ،، خلوا التعب للقوائم اللي تشتغل ويهمها راحة الطلبة والطالبات واحنا باصواتنا لهم نرد لهم الجميل :eh_s(7):


وتسلمين صاحبة الموضوع وتقبلي مروري

:ggdw::ggdw::ggdw::ggdw::ggdw:


اوافقج الرأي و اختصرتي علي الطريق ،، مشكوووره على مرورج نورتي و كلامج درر :$

 

[روح الدنيا]

عفوااااا عفوواااااا


بنااات


انا ما هددت و لا جبت شي من عندي !!


كل اللي بوصله مو تهديد


لكن اذا ما تحركت التربويه من حقناا نشوف غيرها و ننسحب منهم إحنآ كـ طلبه صوتنا لهم


من حقناا نوري الناس الحقائق و كل شي بالكليه


حتى لا نلام !!


و كلامي مافيه شي غلط


و بليز لحد يفسر كلامي على مزاجه و اطماعه !!


و اذا تبوني ند انا ند لكم و ما اتراجع


وبليز لحد يألف على راسي :sfg:

 

[ام حديجان]

رد : يآ إلتربويه ،، يآ كلية إلتربيه ،، الله عليــكم @@ (( صور ))

عاشووو بنات التربية

لبى قلوبكم والله

ارتفع ضغطي وقت الانتخابات بس والحمدلله الحين جدا سعيدة ومتفائلة لان البنات كلهم صحوو وانتبهو على وضع الكلية وانه حان وقت التغيير





دام تحركنا ان شاء الله كل شي بيتغير



حبيبتي ( روح الدنيا )

انتي امشي واحنا معااااااااااااااااااااج :icon30::icon30:

 

[G A L A W I]

رد : يآ إلتربويه ،، يآ كلية إلتربيه ،، الله عليــكم @@ (( صور ))

روح قلبي
اخاف تفوز المستقله ويزيدون الطين بله
الله يستر<<استانست ع موضوعج الله يعينج علي

 

[روح الدنيا]

رد: رد : يآ إلتربويه ،، يآ كلية إلتربيه ،، الله عليــكم @@ (( صور ))

عاشووو بنات التربية

لبى قلوبكم والله

ارتفع ضغطي وقت الانتخابات بس والحمدلله الحين جدا سعيدة ومتفائلة لان البنات كلهم صحوو وانتبهو على وضع الكلية وانه حان وقت التغيير





دام تحركنا ان شاء الله كل شي بيتغير



حبيبتي ( روح الدنيا )

انتي امشي واحنا معااااااااااااااااااااج :icon30::icon30:

:q8:

منوووره ام حديجان

و انا والله ماقدر امشي بدونكم كلنا واحد لـ رفعة كليتنا و نشرف وطنا و جامعتنا


التغيير قادم بإذن الله و هو مولانا نعم المولى و نعم النصير

:q8:

 

[روح الدنيا]

رد: رد : يآ إلتربويه ،، يآ كلية إلتربيه ،، الله عليــكم @@ (( صور ))

روح قلبي
اخاف تفوز المستقله ويزيدون الطين بله
الله يستر<<استانست ع موضوعج الله يعينج علي

خلهم يزيدون ،، ماكو وضع أسوء من هالوضع


متى ما صار التغيير توجد المنافسه


و كل ما حمي الوطيس و زادت المنافسه


زادت خدمة الطالب << و هذا هو الهدف


و ان شاء الله مجرد ما ننتهي من موضوع الجمعيه و نحسمه


نشوف الاتحاد المُهمش لـ كليتنا


الطريق طويل و يبيله إيدين ناس قويه و لا تخشى بالله لومة لائم


والله كله لـ رفعة كليتنا و جامعتنا ووطنا


و لا لي ناقه فيها و لا جمل

مو داش جيبي شي

و لا زايد قيمتي شي


الحمدلله كل انسان محفوظه له كرامته و محفوظ له احترام الاخرين لـ عقليته و ذاته


اما اذا طلع الموضوع عن هالاطار و بدا الاستغلال و التخبط


نووقف كلناا


احنا نساء و رجال المستقبل


ما نرضى بـ هالشي


ان تهاونا عن اي امر مهما كان صغير جانا الأكبر


و اتمنى تنورينا دايم سعيدين بوجودج أختي


لآآآآ ضغينه

 

[المشاعر تحبك]

رد : يآ إلتربويه ،، يآ كلية إلتربيه ،، الله عليــكم @@ (( صور ))

بعد جبدي والله يا نور الدنيا طلعتي كل اللي بخاطري ... واللي داشين وعلبالهم انها حرب قوائم فهم غلطانين احنا ندور التغيير والتقدم لكليتنا و مو هدفنا ننصر قائمة عن قائمة ... سواء الوسط الدمقراطي ولا المستقلة احنا مستعدين نتكاتف كلنا بنات التربية بس نشووووف شي سنع بكليتنا نشوف تغيير والله العظيم ملييييييينا وطقت جبودنا حتى المبنى الجديد اللي كنا متعشمين فيه طلع مو لنا !!!!

نور الدنيا قدام واحنا وياج قلباً وقالباً

 

[أبله^زوزو]

نصيحه سوو جوله استطلاعيه لكليه الدراسات التكنولوجيه (التابعه للتطبيقي) لشويخ

والله تطلع جنه على كليتنا خخخخخخخ

الله يهنيهم .. بس صج حسسوني ان التربيه لاقامت ولاقعدت عندهم

مشاءالله مختبرات وقاعات يطرق فيها الخيل وشي مرتب ونظيف

خلف الله على الزريبه الي عندنا

 

[هب العطر]

رد : يآ إلتربويه ،، يآ كلية إلتربيه ،، الله عليــكم @@ (( صور ))

السلام عليكم

خواتي

شوفوا انا ابلة ,يعني تخرجت , يعني مالي شغل لا بهذيلي و لا بهذيلي

لكن


أعتقد ان القائمة دورهم ( بالمطالبة )

و ليس ( اصدار القرار )

مو بيدهم يغيرون قانون ,

مو بيدهم يصدرون قرار ببناء مصلى او مبنى او حتى ( جبرة )

مو بيدهم يصدرون قرار فتح شعب

هم اللي بيدهم ( يطالبون ) و يسعون ,, لو بيدهم شيء ما يقصرون لأنهم راح يستفيدون , راح يدرسون بالمبنى اليديد و يصلون بالمصلى اليديد و ياكلون اكل حلو ,

لو بيدهم جان ما بخلوا صدقوني

انا يوم كنت طالبة , شنو بيدي ؟؟ اصدر قرار ؟؟ هل القائمة الفلانية او العلانية , بيدها ( الحل و الربط ) ؟؟؟

مستحيل !!! حتى لو عند القائمة الفلانية واسطات او القائمة العلانية عندهم واسطات , هم مو بيد الطلاب و الطالبات يسوون شيء او يتحكمون !!

اختي , انتي بديتي الموضوع ( التربوية - الاسلامية - القائمة ) و هذا واضح انك مع القائمة الثانية بكل صراحة ووضوح , صح و الا انا غلطانة ؟

مبين 100 % انك مع القائمة الثانية , اذا انتي مو عضوة فيهم , فأنت مشجعة متعصبة وايد و تبينهم يفوزون بأي ثمن ,,

مع انك تعرفين داخل قلبك ان حتى القائمة الثانية همين مجرد طلاب و طالبات ,يعني مو وزراء و لا بيدهم عصاة سحرية !

 

[هب العطر]

رد : يآ إلتربويه ،، يآ كلية إلتربيه ،، الله عليــكم @@ (( صور ))

كون المطعم وسخ يكرمكم الله , و فيه اظافر , فالقائمة مو مسؤولة تحاسبهم ! و ما تقدر لو يفحطووون انهم يقولون لهم ثلث الثلاثة كم ؟ فيه عندنا بلدية الكويت و حماية المستهلك , هذي مسؤوليتهم , بمجرد بلاغ بسيط يصيدون العمال المخالفين و يغيرونهم و يسكرون المطعم بكبره ,, و صدقيني لو تقدمتي ببلاغ للجمعية التربوية صدقيني راح يسوونها و يتصلون ,,,

كون المصلى اغلق , فالطلاب و الطالبات - بغض النظر من اي قائمة - مو اهما اللي صكوه , و هدموه ! مو اهما , تلاقينهم متضررين , خصوصا الشباب ! لانهم راح يضطرون يروحون المسيد اللي برا الكلية لأن البنات يقدرون يصلون باستراحة البنات

المناظر اللي حطيتي صورها : الحفريات و الطابوق و الصخر , مو شباب و بنات القائمة الفلانية هم اللي حفروا الحفرة و حطوا الطابوق !! هذي اصلاحات تنفذ بناء على مناقصات بتاريخ معين ما يقدرون لو يفحطون انهم يأجلونه يوم واحد

الشرهه على اللي رست عليهم المناقصة !! لانهم ما يابوا عمال سنعين و ما فيه متابعة وراهم , تلاقينهم يشتغلون ساعة و ينامون شهر ! شوفي شوارعنا و حفرياتها و تلاقين نفس الشيء

او انتي تبين عيال القوائم يشيلون الشبل و هيلا هلما هيلا هيلما يحفرون ؟ هم ما يصير


و بالنسبة للي يصير بالانتخابات , الانتخاب حرية شخصية , لك حرية تصوتين و لغيرك حرية يصوت

اما انك تكتبين بأسلوب غريب و تألبين الحشود ضد ناس غافلين بشكل يؤكد لكل من يقرأ لك انك فعلا ن القائمة الثانية , فمو جذي تآخذون الفوز ,

صدقيني


نصيحة

 

[هب العطر]

رد : يآ إلتربويه ،، يآ كلية إلتربيه ،، الله عليــكم @@ (( صور ))

كون المطعم وسخ يكرمكم الله , و فيه اظافر , فالقائمة مو مسؤولة تحاسبهم ! و ما تقدر لو يفحطووون انهم يقولون لهم ثلث الثلاثة كم ؟ فيه عندنا بلدية الكويت و حماية المستهلك , هذي مسؤوليتهم , بمجرد بلاغ بسيط يصيدون العمال المخالفين و يغيرونهم و يسكرون المطعم بكبره ,, و صدقيني لو تقدمتي ببلاغ للجمعية التربوية صدقيني راح يسوونها و يتصلون ,,,

كون المصلى اغلق , فالطلاب و الطالبات - بغض النظر من اي قائمة - مو اهما اللي صكوه , و هدموه ! مو اهما , تلاقينهم متضررين , خصوصا الشباب ! لانهم راح يضطرون يروحون المسيد اللي برا الكلية لأن البنات يقدرون يصلون باستراحة البنات

المناظر اللي حطيتي صورها : الحفريات و الطابوق و الصخر , مو شباب و بنات القائمة الفلانية هم اللي حفروا الحفرة و حطوا الطابوق !! هذي اصلاحات تنفذ بناء على مناقصات بتاريخ معين ما يقدرون لو يفحطون انهم يأجلونه يوم واحد

الشرهه على اللي رست عليهم المناقصة !! لانهم ما يابوا عمال سنعين و ما فيه متابعة وراهم , تلاقينهم يشتغلون ساعة و ينامون شهر ! شوفي شوارعنا و حفرياتها و تلاقين نفس الشيء

او انتي تبين عيال القوائم يشيلون الشبل و هيلا هلما هيلا هيلما يحفرون ؟ هم ما يصير


و بالنسبة للي يصير بالانتخابات , الانتخاب حرية شخصية , لك حرية تصوتين و لغيرك حرية يصوت

اما انك تكتبين بأسلوب غريب و تألبين الحشود ضد ناس غافلين بشكل يؤكد لكل من يقرأ لك انك فعلا ن القائمة الثانية , فمو جذي تآخذون الفوز ,

صدقيني


نصيحة

 

[هب العطر]

رد : يآ إلتربويه ،، يآ كلية إلتربيه ،، الله عليــكم @@ (( صور ))

شيء ثاني اختي الغالية علشان اكون وصلت الامانة لكل اللي يقرا

انتي تقولين ان القائمة الفلانية كله منهم و ما وراهم خير صح ؟

فيه كليات ثانية مسكوها نفس القائمة , و فيه اصلاحات و الكليات تهبل هم اللي سووها ؟؟ هم اللي بنوها ؟

فيه كليات اشرفت عليها القائمة اللي انتي تتكلمين عنها , و سنين من ايام ما كنت انا بالكلية , و الكلية زيروووو و كلها اصلاحات و مبناها مبنى مدرسة ؟

اشرايج باللي الحين ينتقد هالقائمة الثانية و يقول لهم : كله منهم صار لنا دهر نداوم بمدرسة ؟!!

 

[Ajmal E7sas]

الله يعينكمـ

انا بالآداب بس ما اطب التربية ,, ماحسها جامعه
الاداب وايد ارحم ,, والدليل عيال التربيه كله قاعدين عندنا
شكثر بنات و شباب التربية يقعدون بالآداب مشالله اعرف ويوههم اشوفهم اكثر من بنات الاداب نفسهم

ان شاء الله تتسنع الكليه و تتعدل
لانه صج الحال ما يسـر

يعطيج العافيه على الموضوع ..

 

[هب العطر]

رد : يآ إلتربويه ،، يآ كلية إلتربيه ،، الله عليــكم @@ (( صور ))

شيء ثاني اختي الغالية علشان اكون وصلت الامانة لكل اللي يقرا

انتي تقولين ان القائمة الفلانية كله منهم و ما وراهم خير صح ؟

فيه كليات ثانية مسكوها نفس القائمة , و فيه اصلاحات و الكليات تهبل هم اللي سووها ؟؟ هم اللي بنوها ؟

فيه كليات اشرفت عليها القائمة اللي انتي تتكلمين عنها , و سنين من ايام ما كنت انا بالكلية , و الكلية زيروووو و كلها اصلاحات و مبناها مبنى مدرسة ؟

اشرايج باللي الحين ينتقد هالقائمة الثانية و يقول لهم : كله منهم صار لنا دهر نداوم بمدرسة ؟!!

 

[ام حديجان]

رد : يآ إلتربويه ،، يآ كلية إلتربيه ،، الله عليــكم @@ (( صور ))

حبيبتي ( هب العطر )

اسمحيلي برد عليج بكذا نقطة

..

اذا انتي تشوفين ان اختي ( روح الدنيا ) تبع القائمة الفلانية .. فـ اظمن لج ان انا مو منهم
وكلامي من كلامها

ليش التربية اردى الكليات !!!

بينما الاداب جارتنا صار فيها تطور ملحوظ بعد ماحاشها التغيير

احنا ما نطالب بمنبى جديد لان ندري هالشي عندهم مستحيل .. لكن نطالب بابسط الامور ( مصلى طالبات )

ماشالله تبارك الرحمن لما اشتهوو بنو مصلى كبير خارجي للطلبة بينما في مسجد كبير داخلي صوب الشريعة دقيقتين مشي يوصلون له وياخذون على هالخطوات اجر !!!

والطالبات مالهم حق تبنون لهم مصلى !! اوك ماتقدرون اقترح عليكم تحولون مصلى الطلبة > طالبات


ليش كفتيريا التربية اخيس كفتيريا !!!

اذا الجامعة هي المسؤولة عن هالسوالف ليش نشوف تفرقة بين كل كلية

شوفي كفتيريا آداب !! اجتماعية !! ادارية !!


القصد مو التوجه لقائمة ومعاداة القائمة الثانية

لا لا

الغرض من هالموضوع ان يشوفون لنا حل مع الوضع اللي صار لا يطاق

صبرنا سنين لكن كل شي وصل حده

..

السموحه تليقفت بس كلام في خاطري

 

[روح الدنيا]

رد: رد : يآ إلتربويه ،، يآ كلية إلتربيه ،، الله عليــكم @@ (( صور ))

السلام عليكم

وعليكم السلام !

خواتي

شوفوا انا ابلة ,يعني تخرجت , يعني مالي شغل لا بهذيلي و لا بهذيلي

خير ؟

لكن


أعتقد ان القائمة دورهم ( بالمطالبة )

و ليس ( اصدار القرار )

وين المطالبه بالتربويه ؟؟ مو قاعدين يطالبون ؟؟

مو بيدهم يغيرون قانون ,

مو بيدهم يصدرون قرار ببناء مصلى او مبنى او حتى ( جبرة )

مو بيدهم يصدرون قرار فتح شعب

هم اللي بيدهم ( يطالبون ) و يسعون ,, لو بيدهم شيء ما يقصرون لأنهم راح يستفيدون , راح يدرسون بالمبنى اليديد و يصلون بالمصلى اليديد و ياكلون اكل حلو ,

منو بيده يعني تكفين حدث العاقل !!


خافي ربج @@

مسكرين المصلى و ما تحركوو ،، ( أرأيت الذي ينهى عبدآ إذا صلى )

ما سعووو و لا طالبو باللي نهوونا ؟؟

خافي ربج دخيل الله @@

لو بيدهم جان ما بخلوا صدقوني

بخيلين لانهم ضامنين التربويه من صوتي و صوت غيري ؟!!


انا يوم كنت طالبة , شنو بيدي ؟؟ اصدر قرار ؟؟ هل القائمة الفلانية او العلانية , بيدها ( الحل و الربط ) ؟؟؟

مستحيل !!! حتى لو عند القائمة الفلانية واسطات او القائمة العلانية عندهم واسطات , هم مو بيد الطلاب و الطالبات يسوون شيء او يتحكمون !!


اذا مو قادرين يوصلون صوتنا يستقيلون ينسحبون يحفظون كرامتهم و ماي وجهم و سمعتهم و يسلمون الكليه للأفضل !!

كفايه تطبيل و عبادة منصب و فلوس !

اختي , انتي بديتي الموضوع ( التربوية - الاسلامية - القائمة ) و هذا واضح انك مع القائمة الثانية بكل صراحة ووضوح , صح و الا انا غلطانة ؟

مبين 100 % انك مع القائمة الثانية , اذا انتي مو عضوة فيهم , فأنت مشجعة متعصبة وايد و تبينهم يفوزون بأي ثمن ,,

انا لحد الانتخابات لـ هالسنه و انا متعصبه للإسلاميين و التربويه ،، لكن بلغ السيل الزبى ،، و مو بكيفج تحددين انا مع منو

لو متابعه ردودي و مواضيعي بالمنتديات جان عرفتي لـ وين أرمي و شنو قصدي


جهل جهال جهل مابعده جهل ،، عفوا اذا ما كنتي ملمه بمواضيعي و ردودي لا تناقشيني و احنا غنيين عن رايج


بدل التطبيل وين بنات القائمه ما يتكلمون !!

مع انك تعرفين داخل قلبك ان حتى القائمة الثانية همين مجرد طلاب و طالبات ,يعني مو وزراء و لا بيدهم عصاة سحرية !

القائمه الثانيه اللي ذابحتج شوفي شنو مسوين بالعلوم الاداريه

و اذا مو عاجبج كلامي توكلي على الله

 

[صاحبة الأحزان]

هب العطر .. تحطينها في ذمتج ان اللي فاتحه الموضوع من قائمه ثانيه ؟؟؟؟؟

اذا تحطينها في ذمتك , فهذا يعني ان ذمتج واسعه ,, و الله يهديج ..~

احنا ما نبي شي غير يصلحون الجامعه !!

يعني اما نرفع العباة و تنكشف رجولنا !
او اننا ننزلها و تنشق او انتعرجب !

نبي نصلي !!

يا اختي راضين بالجبره المعفنه بس بنصلي !!!!!!!!
يغيرون سجادها المعفن , و يحطنها في مكان يقدر الكل يوصل له !

هل هذا صعب توصيله لاداره الجامعه .؟
او انه وصل , و صعب على من ماسك الاداره تنفيذه ؟؟

اختي الحفريات هذي قديمه من قبل الصيفي ؟؟
كلها عامود و بعدين يحطون عليه قطعه خام ؟؟

هل هذي يبيلها من صمم برج خليفة ؟؟؟؟!!!

و والله فيه بنت طاحت , عاد هي وزنها ثقيل بالله انكسر لها عصعص
و تحرولت البنت .؟ و خسرتوا شبابكم !!مستقبل البلد !!

ما تفكرون !!!

روحوا حسبي الله على من يوقف عجله التنميه

 

[روح الدنيا]

رد: رد : يآ إلتربويه ،، يآ كلية إلتربيه ،، الله عليــكم @@ (( صور ))

كون المطعم وسخ يكرمكم الله , و فيه اظافر , فالقائمة مو مسؤولة تحاسبهم ! و ما تقدر لو يفحطووون انهم يقولون لهم ثلث الثلاثة كم ؟ فيه عندنا بلدية الكويت و حماية المستهلك , هذي مسؤوليتهم , بمجرد بلاغ بسيط يصيدون العمال المخالفين و يغيرونهم و يسكرون المطعم بكبره ,, و صدقيني لو تقدمتي ببلاغ للجمعية التربوية صدقيني راح يسوونها و يتصلون ,,,

باباتي اذا القائمه مالها شغل بشي ،، بكل اللي ذكرتيه افهم انهم مالهم شغل و لا لهم فايده وجودهم و عدمهم واحد !!

هذا اعتراف منج انهم مالهم كلمه و هم و الموتى واحد ؟؟

كون المصلى اغلق , فالطلاب و الطالبات - بغض النظر من اي قائمة - مو اهما اللي صكوه , و هدموه ! مو اهما , تلاقينهم متضررين , خصوصا الشباب ! لانهم راح يضطرون يروحون المسيد اللي برا الكلية لأن البنات يقدرون يصلون باستراحة البنات

بابا @@

انتي لو ملمه بالكليه مو هذا كلامج ،، الشباب لهم مصلى داخل الكليه عند مبنى اصول و الجبرات و التربيه

بلاش عبط
،،

بنو للشباب و سوو لهم لانهم مو ضامنين الشباب و الحمدلله طلعو الشباب بـ هالمصلى خخخخخخخخخخ

قائمه فاشله ماعندها غير الهياط

المناظر اللي حطيتي صورها : الحفريات و الطابوق و الصخر , مو شباب و بنات القائمة الفلانية هم اللي حفروا الحفرة و حطوا الطابوق !! هذي اصلاحات تنفذ بناء على مناقصات بتاريخ معين ما يقدرون لو يفحطون انهم يأجلونه يوم واحد

الشرهه على اللي رست عليهم المناقصة !! لانهم ما يابوا عمال سنعين و ما فيه متابعة وراهم , تلاقينهم يشتغلون ساعة و ينامون شهر ! شوفي شوارعنا و حفرياتها و تلاقين نفس الشيء

اوكي وين القائمه ما تطالب بحقوقنا بعرف شدوورهم ،، خلهم يروحوون خلهم يعطون الجميعه للأجدر


مالهم فايد خلاص (( شهد شاهد من اهلها ))

انتي شهدتي ان مابيدهم شي !!

خلاص على شنو تدافعين القائمه مفروض تنسحب لانها صارت عجوووز مالها فايده

نعم نعم نعم لـ تجديد الدماااء


او انتي تبين عيال القوائم يشيلون الشبل و هيلا هلما هيلا هيلما يحفرون ؟ هم ما يصير

خلهم يشيلون ،، خل نحس لهم فايده

و بالنسبة للي يصير بالانتخابات , الانتخاب حرية شخصية , لك حرية تصوتين و لغيرك حرية يصوت

اما انك تكتبين بأسلوب غريب و تألبين الحشود ضد ناس غافلين بشكل يؤكد لكل من يقرأ لك انك فعلا ن القائمة الثانية , فمو جذي تآخذون الفوز ,

صدقيني


نصيحة

هههههههههههههههههههههههههاااااااااااااي


احم احم


حسيت اني كاتبه متمكنه و أسوي حشوود


انا امه من إماء الله ،، لي كتاباتي المتواضعه و التي تصب في مصلحة الطالب و الوطن

و مالي مصلحه من شي الحمدلله سجلي نظيف و اتحداج صايده علي شي


بنات الائتلافيه اذا شافوني يعرفون اني من اللي اصوت لهم


لكن عند كليتي و جامعتي و رقي جامعتنا ينسدحووون على قولة وحده من البنات !!


يجي الأفضل


على قولة الكويتيين >> نحن نستحق الأفضل