مشكورين بنات وعساكم عالقوه
.
ليز انا مو ماخذه تدريب فـ مادري للاسف
بس اعرف جم بنيه داوموا اليوم عند الحمود
وللاسف مادري شقال لهم
.
بنات ترى صوتكم امانه ـ ومساءلين عليه يوم القيامه
سو اتمنى تكونون حقانيين باعطائكم الصوت لمن يستحقه
واعتقد حنا وصلنا لمرحله عمريه وتعليميه وهذا من فضل الله ..
وضعنا الحالي يحتم علينا التصويت باقتناع تام
مو عشان فلان وعلان ..
هذي رفيجتي ، وذيج عدوتي ، هذي بدويه وذيج حضريه !
هذا بقبيلتي وذاك لأ !!!
شوفوا انجازات كل قائمه ..
خلال سنه ، شنهو جدول كل قائمه وشاللي سوته
شنهي الاشيا اللي تفيدكم عالمدى البعيد ، مو شغل بو يومين والسلام !!!!
.
وبليز ..
مانبي هيصه وشيلات انتخابيه
ولا نبي مزايدات ولا تكسبات انتخابيه
اللي بيفوز بنبارك له بكل ذوق ووساعة صدر
والله يعينهم على حمل الامانه
سواء مستقله والا متحدون
.
سوري احس كلامي قاسي وجاد شوي
بس فعلا انغثيت من سوالف اليهالوه
سواء بالرسايل الخاصه والا الفيس بوك ولا حتى بالكليه
.
وتذكروا ..
الانتخابات يوم ، والزماله دوم
وافهم يافهيم
