تجمع مراجعات مستشفى رويال حياة

[DrabeeL]

رد: تجمع المراجعات عند دكتورة ( ليلى اشكاني ) و الي جربوها حياكم

الحمد لله بشرتوني انا اراجع عندها
كل مراجعاتي بحولي كانت هاديه وكنت اتنرفز ماتسولف:friends:
بس اخر مره بالعياده اليديده الحمد لله كانت عجيبه لوول الظاهر المكان أثر في نفسيتها او لاني كنت اخر وحده داشه عليها:eh_s(10):

الله يسهل علينا جميعا ويوفق الدكتوره ويآجرها oster_av1::eh_s(8):

 

[_Pure_]

رد: تجمع اللي ناوين يولدون برويال حياة يا الله تعالوا

بيور بغيت اسالج جم خذو عليج خدمه الضيافه باليوم الواحد؟ وجم وحدة اييبون حق سيرفس التقديم؟

خدمة الضيافه حسب الساعات و انتي تختارين جم وحدة تبين و سعرهم اظن 10 بالساعه مو متاكده
سالي الموظفه عبير اهي المسووله

 

[_Pure_]

رد: تجمع الحلوات اللي يراجعون عند الدكتوره سلوى الرفاعي ؟؟؟

ولدت برويال حياة
و الدكتوره خذت بس عالخياط اظن ٨٠ دينار
و طلعت تكلفة الولاده ٣١٧٧ دينار لاني خذيت افخم جناج الاوركيد بروحه سعره غالي و مع خدمات ثانيه صكت الفاتوره ال٣ الاف الحمدلله على كل حال
ولا ترا الولاده الطبيعيه برويال حياة سعرها ٦٠٠ دينار بالغرفه العاديه اذا اقامه يوم واحد

 

[اميرة المحبة]

رد: تجمع الحلوات اللي يراجعون عند الدكتوره سلوى الرفاعي ؟؟؟

شخباركم كروشات اليوم رحت استقبال بنت خالتي ودكتورة سلوى الرفاعي ولدتها ومدحتها حيييييييييييييييييييل افكر اولد عندها بس للحين ماقررت

الله يسهل عليكم كلكم يارب

واحلى باقة ورد حق حبيبتي العضوة فلة فديتج يا ام خدود حلوووة

 

[فله]

رد: تجمع الحلوات اللي يراجعون عند الدكتوره سلوى الرفاعي ؟؟؟

حبيبتي بيور حمدلله ع السلامة والله يجعلها مواليد الخير بس 3000 واايد شدعوة خابرتج طبيعي تولدين الله لايخسرج انا احسبها لسفره لاوربا خخخخخخخخخ اهم شي راحتج
ننطر الخياط عاد مو تنسينا قاعديلج لين تطلعين من الاربعين بالسلامة وان شالله تطلعين احلى عروس

 

[فله]

رد: تجمع الحلوات اللي يراجعون عند الدكتوره سلوى الرفاعي ؟؟؟

فديتج يالاميرة واي احرجتيني ماعليج زود
بس الخدود اختفت من النساة والحمل
ممكن تقولين لنا وين ولدتها وجم كانت تكلفة الولادة

 

[_Pure_]

رد: تجمع الحلوات اللي يراجعون عند الدكتوره سلوى الرفاعي ؟؟؟

حبيبتي بيور حمدلله ع السلامة والله يجعلها مواليد الخير بس 3000 واايد شدعوة خابرتج طبيعي تولدين الله لايخسرج انا احسبها لسفره لاوربا خخخخخخخخخ اهم شي راحتج
ننطر الخياط عاد مو تنسينا قاعديلج لين تطلعين من الاربعين بالسلامة وان شالله تطلعين احلى عروس

اي والله انصدمت من الفاتوره بصراحه انا كنت حاسبه حساب الفين دينار كحد اقصى و انا والده طبيعي
بس اللي صار ان الجناح الياسمين حجمه وسط كنت ابيه بس كله محجوز فا اضطريت اخد الجناح الفي اي بي الاوركيد هذا اكبر واحد و افخم شي برويال حياة و هم بعد الخصم يظل سعره غالي وايد بس يالله الحمدلله المره اليايه ماني ماخذة جناح كبير بس غرفه عاديه ام 700 دينار ولا 1000 دينار بس ماراح اسوي استقبال كبير مره ثانيه و اصلا ماله داعي حق ثالث طفل و الله يسهل عالجميع

 

[ملح الكويت كله]

رد: تجمع اللي ناوين يولدون برويال حياة يا الله تعالوا

الحمدالله على سلامتج pure ويخليها لج يااارب

 

[ملح الكويت كله]

رد: تجمع المراجعات عند دكتورة ( ليلى اشكاني ) و الي جربوها حياكم

اشلووون سونارها وااضح ولاتغلط بجنس الجنين؟

 

[أشبـاهـ المطـر]

رد: تجمع اللي ناوين يولدون برويال حياة يا الله تعالوا




بنات كلامكم شجعني عن المستشفى
دقيت على وداد بصراحه مافهمت عليها ولاشي !!
انا عندي تأمين من شركة النفط
وتأمين بحدود 1500 واهيا تقول يغطي الغرفة الليلي بس
واتعاب الدكتور بس ابره الظهر لا لاخياط بعد ؟؟!!

بليز الي معاها تأمين مثلي بليز تشرحلي الطريقة
لاني صرفت واايد من تأمين والحين بخشه لولادتي

وشنو سالفة التقسيط يعني اقدر اقاسطهم الى وقت ولادتي ؟؟؟
لان بصراحه خاطري بغرفه اكبر من الليلي

 

[أشبـاهـ المطـر]

رد: تجمع اللي ناوين يولدون برويال حياة يا الله تعالوا


بيور الحمد الله على سلامتج
وطالعه من الشر والله يجعله من مواليد الصالحين

منو الي ولدج اي دكتوره وتنصحيني فيها انا وااايد عسره بالولاده اخاف من فحص
ومعاي التهاب بصدر مااقدر اخذ كمام وابي دكتوره تفهم هالشي ويعطوني ابره ظهر قبل لايفحصوني

 

[Roty]

رد : تجمع المراجعات عند دكتورة ( ليلى اشكاني ) و الي جربوها حياكم

اقول بنات انا سالتها اذا يصير اصبغ شعري قالت عادي انتوا شرايكم

 

[MiSs_PiNkOz]

رد: تجمع المراجعات عند دكتورة ( ليلى اشكاني ) و الي جربوها حياكم

ملح الكويت كله

انا ماغلصت معاي بسونار وسئلتها 3 مرات ب3 مراجعه شنو جنس البيبي ولا تقولي بنت وطلعت بنت

 

[Om_Ksha]

رد: تجمع المراجعات عند دكتورة ( ليلى اشكاني ) و الي جربوها حياكم

بنات انا بالثامن وقالتلي اراجعها كل اسبوع
انتو نفسي ولا بس انا ؟؟

مو المفروض كل اسبوعين !

لانه يقولون كثرة السونار مو زينه للبيبي !!

 

[أشبـاهـ المطـر]

رد: تجمع اللي ناوين يولدون برويال حياة يا الله تعالوا

,,,,,,,,,,,,,,,,,,,,,,,,,,,,,,,,,,,,,,

 

[أشبـاهـ المطـر]

رد: تجمع اللي ناوين يولدون برويال حياة يا الله تعالوا

مكــررر

 

[ام مهاوش]

رد: تجمع اللي ناوين يولدون برويال حياة يا الله تعالوا

مرحبا بنات والحمدالله على سلامت اللي ولدو والله يسهل ولادة اللي داشين شهرهم
انا توني محلله وودي اراجع برويال حياة عشان اولد هناك بس محتاره اراجع عند منو انا بولادتي الاولى كنت بالهادي بس الحين ما ابيه فقولولي تجاربكم مع دكتورات رويال حياة

 

[خلود العامر]

رد : رد: تجمع المراجعات عند دكتورة ( ليلى اشكاني ) و الي جربوها حياكم

بنات جم اسعار الزيارة عندها والسونار وفتح الملف

دشت مزاجي حيل الدكتوره

سعر الزياره اول مره 40 دينار شامل فتح الملف والسونار والكشف

 

[ام ورود مول]

رد: تجمع المراجعات عند دكتورة ( ليلى اشكاني ) و الي جربوها حياكم


تبين تغيرين بحياتج الزوجية ؟
تفضلوووووووووا هذا الرااااااابط راح تستفيدووون منه :icon30:


http://www.q8yat.net/showthread.php?p=19609870#post19609870

 

[الغضى]

رد: تجمع الحلوات اللي يراجعون عند الدكتوره سلوى الرفاعي ؟؟؟

حمدلله على سلامتج بيور ومبروك ما جبتي



بنات أنا توني حامل
ان شاء الله براجع عند الدكتورة لأن عيادتها قريبة من بيتنا
وبنات جارتي كلهم والدين عندها والحمدلله يمدحونها حيل
وانتم بعد ما قصرتوا تمدحونها عشان جذية قررت أراجع عندها
وان شاء الله خير .........

جربت كذا دكتورة بس هالمرة أبي كويتية والله يتمم على خير