تجمع بنات الميداني كورس اول ( تربيه اساسيه )

[سدددن]

سرااب شخباار الورشه اليوووم ؟؟

 

[سدددن]

الساعه 2 عندي حلقة بحث

برووح اشووف شنووو سالفتهاا

باذن الله يداوم الدكتورر

موو حلووه اتعنى على الفااضي

 

[om Tarooky]

توني رادة من الكليه واي المشرفه اليوم شكثر قرقت عليها احس راسي داخ واحس الامور تشابكت ببعضها بس بصراحه استفدنا منها جم شغلة بس المهم باجر راح تعرض الوسائل وطريقة التدريس بالتفصيل والتحضير وخطواته

 

[sweet cake]

وناااااااسه حطوني عند بيتنا مع الزحمه 10 دقايق

اختي معاي بالمدرسه ومستانسه عبالها بدرسها


طيب الحين بدا السؤال المهم .. شنو اجهز للمدرسه؟
الله يعينا ونعدي هالكورس على خير يااارب

 

[سدددن]

ام ترووكي شنو انتي ريااضه اطفاال ؟؟

 

[اوراد]

هااي بنات شلووونكم شخباركم ابي اسال في وحده تعرف عن مدرسة سبيكه العنجري الي بالقرين زينه ولا لا حدي ميته من الخرعه

 

[om Tarooky]

لا انا رياضيات علة جبد
اللي تسأل عن التجهيز اول شي شنو تخصصج؟ واذا حضرتي الورشة راح تستفيدين وعند موضوع منزلته حواء بقسم المعلمات مثبت في كل شي عن الوسائل التعليمية والبطاقات وتزيين السبورة والتحضير حيل مفيد انشالله اكون افدتج

 

[سدددن]

كلناا بالهواا سوااا

بس حساافة ماا دريت عن الورشة

ماقاالوو باللقااء الا حق الرياض ورشة

يعني كانت مهمه ؟؟ وايدد مفيده ؟؟

 

[سدددن]

اوراد ما اعرفهااا

يمكن ايي احدد يعرفهاا

او سالي الابلاات احسن


اناا قبل مو خاايفه بس كل ما قرب الاحدد خفت

 

[om Tarooky]

سدن انتي رياضيات؟
اذا انتي رياضيات ترى في باجر الصبح الساعه 9 ونص ورشة مهمة حيل اهم من اليوم بقاعه 214 راح تعلمنا التحضير بالتفصيل وتشرحلنا المنهج الجديد وتورينا بطاقات ووسائل تعليمية وترى ياخذون الحضور بعد
انتي ما خذيتي ورقة لما وقعتي على اسم مدرستج يوم اللقاء؟
الورقة مكتوب فيها الورشة تاريخها ووقتها حاولي تحضرين باجر لأن باجر الاهم راح تشرح بالتفصيل اليوم تكلمت بصورة عامة بس وتوزيع الدرجات وغيره باجر الاهم اوكيك

 

[sweet cake]

انا انقلش وحضرت ورشتنا وما تكلموا عن هالاشياء

بس عادولنا كلام اللقاء وبس !!!!

 

[Mort 7aSSon]

@@

شنو ورشه انا ما قالو لي

اصلن ماادري منو مرشدتي

وحتى ما حضرت حلقة بحث قلت شكو احضر وانا لي الحين ما داومت

عفيه بنات الفنيه ساعدووني

 

[سدددن]

لا يااقلبي اناا عربي

و ماا قاالوولناا ورشة

و لا عطوناا اورااق فيهاا شي

و بعدين بتعلمنا المشرفه عن طريقة التحضيررر ليش بعد ورشة

و ااساااسااا اللغة العربية مغييرين المناهج و طريقة التحضير

يمكن عشاان جذي ما سوو لنا ورشة مو عارفين طريقة التوجيه

 

[sweet cake]

يلا يلا همتكم وشدوا حيلكم الاحد دوااام


وعدلوا نومكم يا بنااات

 

[سدددن]

على ايدج

صاارلي اسبووع بعدل نوومي و لا تعدددل

باذن الله مع الدوام يتعدل غصصصصصصصصباااااااااا عنه

 

[m.a.m154]

صباح الخير بنات وينكم الظاهر مكبرين المخده
اليوم آخر يوم راحه من الاحد يبدي الكراف الله يعين ..........................................................
بنات انا عندي يوم الاحد ماده طهي وفنونه تهقون تداوم لان اسمع من رفيجاتي ان اغلبهم يداومون متأخر رفيجتي الكورس اللي طاف دخل شهر 4 ودكتورتها ما داومت .....................................................................................

 

[سدددن]

اي صااجه خلااص بنودع الراااحة

من الاحدد مشاهدات و مناوبات و احتياطات و حصص و يهااال و تحضيرات

و مشرفات و ادارة و طابوورر و وساائل و بطاقات و شفافيات و ابلاات


لا تنسوون من الاحدد بتردوون لاياام المدرسة و تحضرون الطابوور 7 و نص



ما ادري اذاا بداوم ولا لا

انتي شووفي اذا رديتي من المدرسه تعبانه لا تروحين الكليه

اذاا عادي روحي الكلية انتي اول و تالي بتروحين تحضرين لهاا

 

[سراب فوفو]

رد : رد: تجمع بنات الميداني كورس اول ( تربيه اساسيه )

سرااب شخباار الورشه اليوووم ؟؟

الحمد الله بس نفس الكلام اللي قالو لنا بلقاء التنويري
سألناهم ماراح توزعون اوراق شي يثبت انا احنه طالبات تربيه عمليه قالت لأ
قالت دشو عند الوكيله واهيا عندها كل شي وقولو احنا طالبات تربيه عمليه يايين من الكليه :eh_s(16): خايفه

 

[m.a.m154]

احنا مشرفتنا والله ما قصرت الله يجزاها كل خير اول يوم اشرحت لنا بطاقه تقرير مشاهده نماذج حصص بالتفصيل وبالورشه الثانيه صوروها لنا ووزعوها وورونا النشره اللي فيها توزيع الاسابيع واخر شي لنا 26-12 واول 6 اسابيع بس مشاهده يعني ما يقيمونا عليها يوجهون لنا الملاحظات وبعدها يبتدون يقيمونا وبالنسبه لنا بس اول اسبوع مشاهده بعد الاسبوع الاول يسلمونا الجداول ونبدأ التدريس ولازم ناخذ مرحلتين ومن كل مرحله اقل شي 3 صفوف عشان نكمل 10 حصص الاسبوع لان الصف ندخل عليهم مرتين بالاسبوع ومدرسه الفصل 3 مرات وورونا دفتر تحضير واشلون تقسيمته وعطونا فكره عن المناهج ودليل المعلم واول يوم قالولنا نجيب فلاش ميموري وبالورشه الثانيه حطولنا بالفلاش دروس ونماذج للاهداف السلوكيه وافكار لوسائل وورش عمل وبطاقات وعبارات تشجيعيه والعاب تربويه وتحاضير وكل شي يخص الرياضيات وشددوا علينا على الوقف السلوكيه انا لازم نضيفها للتحضير ونحطها اول التحضير قبل الاهداف السلوكيه ولازم كل حصه اول دقيقتين تكون وقفه سلوكيه ..................................................................................................................
بحط لكم بنود بطاقه التقويم

 

[بوووظه]

ياا حلوو أيام الميداااني


بسالكم

متى يبدي ميداني بنات الجامعه ؟؟؟؟

بليييييييييييييييز ردووا

بليززز