البارت الثامن عشـــر
سعد : اى الله يخليكم مابي امي وابوى يوصلهم اى خبر
يوسف : لاتحاتي ماراح يوصلهم خبر
سعد : خالد شنو قالك المحقق امس وشنو راح يصير
خالد : ان شاء الله خير اليوم بودونها الطبيب الشرعي وتطلع نتيجة التحليل
وتبين برائتك
يوسف : انا بعرف اشلون تجرأ هذى وتسوى كل اللى سوته ماتخاف ؟؟
خالد : هذى وحده ماتخاف يايوسف ولا تفكر بشنو بصير بعدين هذى اللى فى راسها تسوى
ومايهمها العاقبه وشنو بصير
يوسف : هذى وحده مجنووونه مو صاحيه
وقعد يوسف وخالد وسعد عند باب السجن ويتريقون كلهم
يوسف وخالد برى السجن وسعد داخ
ل السجن ومد يده من بين قضبان الباب وياكل
الساعه 8.30 خالد يتصل على دوامه وياخذ منهم اجازه اسبوع اضطراريه
والساعه 9 يوصل المحقق ويدخل عليه يوسف وخالد
خالد : السلام عليكم
المحقق : وعليكم السلام
خالد : يعرف المحقق على يوسف وان اهو اخوهم الكبير
يوسف : يستفسر من المحقق بخصوص القضيه
المحقق : يفهمهم ان الموضوع راح ياخذ على الاقل 3 ايام على ماتظهر نتيجة الفحوصات
بعد ماتقوم المريضه وتم ترحيلها الى الطبيب الشرعي
خالد ويوسف يحاولون يطلعون سعد بكفاله
ولكن المحقق كان رافض هذا نهائيا
وهم قاعدين يحاولون ان يطلعون سعد بكفاله
يدق تلفون المحقق وبعد ماخلص المكالمه
المحقق : ابشركم الشاكيه الحين بطريقها الى الطبيب الشرعى للفحوصات وان شاء الله بعد جم ساعه الفحوصات راح تكون موجوده عندى اهنى
خالد : صج يعنى اذا اثبت الطبيب الشرعى ان الشاكيه ماتعرضة لاعتداء راح يطلع سعد
المحقق : خالد انت ليش متأكد ان الشاكيه ماتعرضة لاعتداء ؟
خالد : انا متأكد ان اخوى ما يسوى التهمه اللى متهم فيها وبعيده عنه هذى السوالف
يوسف : صح كلام اخوى خالد يا حضرة المحقق
المحقق : بس هم بعد ماتطلع النتيجه مو معنا ان خلاص اخلصت القضيه هم بعد فيها نيابه وهناك فى حق عام على الشاكيه اذا كانت متبليه على سعد
وسعد راح يحق له ان يرفع قضيه عليها يعنى السالفه راح تطول
خالد : وسعد راح يكون محبوس بعد ؟؟
المحقق : لا اكيد راح نفرج عنه بس بضمان مالى لما تخلص القضيه
ويطلع الحق فيها
خالد ويوسف راحو البيت
رقيه وعبد اللطيف وشيماء وامل قاعدين بالصاله
رقيه : هااا رحتو شفتو اخوكم سعد تطمنتو عليه ؟؟
يوسف : اى يمه تونا راجعين منه الحمد لله بخير ومافى اى شى
عبد اللطيف : خلاص عيل العصر ان شاء الله انا وامكم راح نروح نطمن عليه
اذا انتو مشغولين عادى احنا بنروح مع شيماء
خالد : لالا لا مالا داعي تروحون اهو مافى شى والله
عبد اللطيف : وشفيك اخترعة ؟؟
يوسف : لا ماخترع ولا شى بس الزياره ممنوعه له
الكل @@
رقيه : ليش ممنوعه اهو في شى خطر يعنى
يوسف : لا يمه مافى شى خطر عليه على المريض اللى معاه
حاطين عليه اجهزه وانتى تدرين سعد مرافق معاه بنفس الغرفه
عبد اللطيف : خلاص نروح وماندخل الغرفه سعد يطلع لنا برى الغرفه يوسف وخالد يطالعون بعض
خالد : يبه يمه عفيه فهمو والله سعد مافى شى وبخير وانا اليوم العصر بروح له وبدخل تلفون مع الممرض بالخش يكلمكم
اهو مايصير يطلع من الغرفه لان الغرفه معقمه ويرد يدخل مره ثانيه
عبد اللطيف : خلاص بس اليوم تروحون لازم يكلمنا يكلمنا
خالد : ان شاء الله وعد راح يكلمكم
والكل تغدى وبعد الغدى كل واحد صعد غرفته
شيماء : خلود حبيبي احلفك سعد فى شى وانتو خاشين ماتبون تقولون
خالد : لا حبيبتى مافى شى انتى شكيتى بعد مثل امي وابوى
شيماء : اى والله شاكه ان سعد فى شى وانت ويوسف حتى الغدى ماتغديتو عدل والحزن باين على عيونكم اثنينكم وخصوصا انت انا اعرفك من عيونك
خالد : صدقينى حبيبتى مافى شى
شيماء : حبيبي فى شى بس انت ماتبي تقولي على راحتك
ويدق رقم خالد
يرفع التلفون الوووو نعم
الووو المحقق معاك
خالد يقوم يطلع برى الغرفه خير وصلة النتيجه ؟؟
المحقق : اى وصلة حياك اذا حاب تعرف
خالد : الحين بجيك انا وخوى
خالد : سكر التلفون من المحقق وتصل على يوسف وقاله
يوسف : اوكى انا البس وجايك انطرنى تحت بالصاله دقايق
خالد : دخل الغرفه وقام يبدل ملابسه
شيماء : خير حبيبي فى شى وين بتروح ومنو متصل عليك ؟
خالد : حبيبتى المستشفى بروح حق سعد انا ويوسف
شيماء : @@ خالد شنو فيه ماراح اخليك تطلع الا تقولى شنو فيه ليش تقعدنى على اعصابي
خالد : انتى اشفيج خلينى اطلع اروح اشوف اخوى سعد يوسف ينطرنى وهو معصب
شيماء : حزة بخاطرها وزعلت على خالد بطريقة كلامه وعصبيته وهى عاده سعد مثل اخوها تفضل اطلع
خالد : قام يطالعها بنظرات وطلع
خالد ويوسف بالسياره
يوسف : خير خالد شنو قالك المحقق
خالد : ماقالى شى غير ان الفحوصات طلعت وهى عنده الحين اذا حابين تشوفونها تعالو
يوسف : يعنى ما قالك شنو فيها
خالد : شنو بكون فيها يعنى غير بتثبت برائة سعد
يوسف : والله ما يندرى
خالد : يوسف انت عندك شك يعنى ان سعد يكون مدين ومسويها ؟؟
يوسف : لالا بس والله انا خايف
خالد : مستحيل ان سعد يسوى جذى اسكت ترك بديت تخوفنى الحين نوصل ونعرف كل شى
وصلو عند المحقق
خالد : السلام عليكم
المحقق عليكم السلام
تفضلو استريحو
خالد : خير بشرنا
المحقق : للاسف ما ادرى شنو اقول لكم
خالد ويوسف @@
المحقق : الشاكيه بعد الفحص اتضح انها تعرضة حق اغتصاب عنيف مع ضربات وخدوش فى جميع جسدها وهذ الشى حط سعد طبعا فى موقف حرج
خالد ويوسف @@
يعنى سعد معقوله يكون مدين فى هذى القضيه
المحقق : هذا الواضح من اقوال الشاكيه ومن الفحوصات
انا ابيكم تروحون حق سعد وتقعدون معاه وتفهمون منه كل شى
بدون لا يكون معاكم احد ترى موقفه وايد ضعيف فى القضيه
خالد ويوسف
راحو حق سعد وقالوله عن الفحوصات وان موقفه ضعيف وحتمال ان يطول فى السجن
وفى احتمال يترحل السجن المركزي
سعد @@ والله بريئ والله بريئ ماقربت صوبها ولا حتى لمستها بيدى
اكيد اهى مسويه شى وقطت بلاها علي هذى الحقيره
خالد : اهدى ياخوى احنا لازم نشوف محامى يوقف معنا ويكشف بعض ملابسات القضيه وموقفك
فيها يوسف خلك مع سعد انا خطر فى بالى شى لازم اقوله للمحقق
يوسف وسعد @@
شنو اللى خطر في بالك علمنا
سعد : خالد لاتقط نفسك فى بلوه حلفتك
خالد : لا يا خوى لاتحتاتى وقام
يوسف : انا بروح معاك
راح يوسف وخالد للمحقق
خالد : سعد بريئ من التهمه واثبت لنا من كلامه ان اهو حتى ايده مالامست ايد فاطمه لما شافها عشان يحل الخلاف
المحقق : بس الكلام مايثبت الا فى دليل وانا ماشوف دليل غير مجرد كلام
خالد : يمكن تكون فاطمه افتعلت هذا الشي مع واحد ثاني
متعمده لتنفيذ تهديدها له من قبل وانسبت هذا حق سعد
المحقق : وهذا الشي اللى انا بعد قاعد افكر فيه
وعشان جذى طلبة من الطب الشرعي اخذ عينات من السائل المنوى
فى الضحيه لما تعرضة للاغتصاب وبعد مايتم اخذ العينه
راح نطابقها مع عينه من السائل المنوى حق سعد
يوسف : وهذا راح يطول الاجراء فيه
المحقق : لا ان شاء الله باجر او بعده يكون كل شى خالص وجاهز على مكتبي
خالد ويوسف راحو حق سعد وقالوله اللى قاله المحقق
وقام سعد وجهه يعطى الوان من هذى المشكله اللى طاح فيها بدون سابق انذار
وقالوله ان لازم يكلم امه وابو لان بدو يشكون ان في شى
وبالفعل سعد كلم امه رقيه وابو عبد اللطيف وتطمنو عليه وتطمن عليهم
ومشى خالد ويوسف على موعد باجر الصبح يكونون عنده
وفى البيت
رقيه وعبد اللطيف كانو مستانسين انهم تطمنو على سعد
بس شيماء كانت زعلانه على خالد
طبعا وكعادتهم حبايبنا فى الروايه مايستغنون عن بعضهم
تصالحو و كل واحد فيهم تفهم الثاني بقلوبهم المحبه لي بعضهم
وتراضوا
اليوم الثاني الساعه 11
تم اخذ عينه من فاطمه واخذ عينه من سعد
ودخول العينتين فى مختبر الطب الشرعي ليتم توافقهم
او عدم التوافق مع العينه المأخوذه من فاطمه
وفى الساعه 1 ظهرا
تم وصول العينتين الى المحقق
وتم الاتصال على خالد من قبل المحقق لاخباره بنتيجة العينات
خالد : اتصل على يوسف والاثنين راحو للمحقق
خالد : السلام عليكم
المحقق وعليكم السلام حياكم تفضلو
يوسف : بشر
المحقق : العينات جدامي وتبين ان اخوكم سعد
نهاية البارت
