&&>>تجمع لاولياء امور طلبه مدارس المستقبل <<&&

[booba]

يا بنات عندي مشكلتين


الاولى ولدي ياني يوم الخميس براسة صعروووووره شكبرها من صبي طقه وطاح على الارض وانا يوم شفتها انهبلت وبصراحة متحلفة بهالصبي يوم الاحد بروح المدرسة لانه العام كان بصفة نفس هالولد وهم كان ياذي ولدي


والثانية انه ولدي كله ناسي كتبة يايني مافي جنطته ولا كتاب ماني عارفة شلون بعرف اذا عليه واجب او دراسه؟؟؟؟؟؟

وي البيداء الله يعينج انا هم بصف ولدي ولد ماشالله شاق القاع وطالع من اولى وهو يطيح معاه بنفس الصف مشاكله وايد حتى الولد معروف عند الادارة من شطانته ووايد وليدي تعب منه
عاد هالسنه موصيه ولدي انه كلش ما يقرب منه ولايحاجيه ابد وقلتله ان دريت انك حاجيته ما تلوم الا نفسك:23_asmilies-com:

اما سالفه الكتب هذه خليها على الله ... ياما نسينا ونسينا وطلعت فيه واجبات وامتحانات واحنا ما ندري والسبه النسيان
مالج الا تنبهين ولدج على الكتب وكل ماصعد السيارة سأليه عنهم قبل لا تحركين انا اسوي جذي

 

[الرياش]

شلونكم بنات قصدي أمهات
على سالفة الطق فهو شر لابد منه في مدارس الصبيان ما شاء الله عليهم حتى لعبهم طق للحين ولدي ما ياني وتشكى السنه الي طافت ذبحني مشاري طقني ومشاري اكلمني في الصف والأبله زفتني هالسنه أشوه افتكينا مشاري مو بصفه ومره ياني مطقوق على عينه بالقلم زين ما راحت عينه وسوالف للراس , الله يستر هالسنه بس
وصج البيداء اذا الولد مستقصد ولدج من السنه الي طافت لازم اتكلمين المدرسه يسوون استدعاء لولي أمره ويكلمونه ما يصير جذيه خصوصا اذا ولدج من النوع الهادي ومغلوب على أمره ترى والله يصير مطقاقه حق الصبيان , الله يستر ولدي الي بثانيه روضه من هالنوعيه وحيل أحاتيه اشبسوي بالمدرسه

 

[الرياش]

ونعم بالله الحمدلله انا الحين هديت وارتحت
وانشالله يطلعون ابلاته شطار عكس ماتصورت
انت شلون ولدج مع ثانيه انشالله ماشيه اموركم تمام ؟؟

مشكوره حبيبتي عالسؤال ان شاء الله خير للحين تونا بالألف ما بين شي

 

[x.swar]

رد: رد : &&>>تجمع لاولياء امور طلبه مدارس المستقبل <<&&

اكسسوار شخبارج صايره نجمت التجمع شخبار ولدج؟

هلا حبيبتي ..
تسلمين بيود على الاطرااااء هههه استحيت من صجي ..:hjy5jewf:
بس عاد صرت نجمة مقفية يبيلي تلميع هههههه طول الويك اند مابينت بالتجمع ..
لااااااهية جني كووووور ومفتل .. الله المستعان .. :denya:
ياحلاتج والله يا بيود .. محد نجم هني الا انتي :ggdw: انتوا اهل الدار هههه
وولدي الحمدلله ماشي.. بس ليلحين مراجعة و ماندري شالسالفة هههه مع الخيل يا شقرا ..
حتى اليوم فكرت اغيبة بس تعوذت من ابليس ..ههه

واي صج البداية دووووووووووووووخة وتخبط خصوصا للعليمية مثلي
بنات بعترف و اقوول شخربطت فيه
اولا شريت جناط للعيال وبعدين رديتهم السنافر لما قلتو ماكو جناط مقلب رقم واحد
بعدين ابونا سال اخووه اللي ولده بالفضل والاخ قال لازم جنطة فراح سنتر بوينت وشرا جناط مقلب رقم اثنين

وشريت لبنتي ملفات من دبي ورحنا اول يوم استقبال الصف الاول وشفت الاغلبية معاهم جناط مثل الكروس قالولي من سنتر بوينت
وما جذبت خبر رحت خذيت .......... الى اخر الاقتباس

أحلى عواشة .. على مقالبج .. صج صــــــــــــــــــــــــــــج كسرتي خاطري ..
واسمحيلي ترا ضحكت على مواقفج شوية .. ولا سالفة الجناط :dddds: ..ههه ذكرتيني بمواقف مريت فيها ...
وعلى الجنطة .. يقولون مايرضون جنطة .. بس انا شريت حق ولدي جنطة ظهر.. شريت ثنتين بدال وحدة هههههه
بس ماحبيت اخذ سحب .. لانهم صبيان فيقحصون فيها .. ههههه
على قولتج .. الله يكون بالعون ..

قااااعده من الصبح تعودنا على القعده امبجر الله المستعان ومريييييضه حدي الفلونزا وبلاعيمي افففففففففف

ماجوووورة فنانتنا باذن الله .. بشرينا عنج الحين ان شاء الله أحسن ؟؟ :eh_s(6):

عندنا يوم الاحد لقاء تنويري حق اولى ابتداائي الساعه ١١ لحد نهاية الدوام

اللي اعيالهم بالفضل( الورقه امطرشينها كاتبين الام والاب يعني يصير انا وريلي نروح؟! لان بالخاص متعودين ان نروح انا معاه واهو يحب ان يروح حق اعياله في كل شي عااادي ولا لا؟؟!))

اي حبيبتي .. عاادي تروحون انتوا الاثنين .. ولو اني ادري ردي متأخر

 

[x.swar]

اكمل تعليقاتي ملوت الويك اند هههه

سأليني انا مدرسه واشوووف واعرف الكويتيه مايهمها شي موكلهم طبعا بس المصريه ولا الغير كويتيه تدري انها يايته تعااااقد بالكويت اي تندني ادااء منها ينهون العقد ويقولولهم مع السلامه

أنا مقتنعة بهالشي بعــــــــــــــــد ...:eh_s(15):

لانه مدارس المستقبل صار عليهم ضغط كبيييييير

صاااااجة .. وعشان جذي احس مساكين مو قادرين يطبقون النظام والمنهج و البرنامج اللي مقررينه بهالمدارس ..

الله يعيننا ويعينهم

يا بنات عندي مشكلتين


الاولى ولدي ياني يوم الخميس براسة صعروووووره شكبرها من صبي طقه وطاح على الارض وانا يوم شفتها انهبلت وبصراحة متحلفة بهالصبي يوم الاحد بروح المدرسة لانه العام كان بصفة نفس هالولد وهم كان ياذي ولدي
قولي الحمدلله .. تبات مظلوم ولا تبات ظالم .. ههه
لا بس روحي كلمي الصبي ..

والثانية انه ولدي كله ناسي كتبة يايني مافي جنطته ولا كتاب ماني عارفة شلون بعرف اذا عليه واجب او دراسه؟؟؟؟؟؟
عندنا وعندج خيييييييييييييييييييييييييييييييييير :friends: انا ولدي يقولي يما ناسي الواجب بالخزانة .. ويايب الكتب اللي المفروض يعطيهم الابلة هههههه ..

اكسسوار .. مكانج مبين

يا حيااااااااتي والله :eh_s: .. ماتفقدين غالي ..
تسلمين وتسلملي هالذكرى .. ياعل ربي يذكرج في ملأ احسن منه ..:yaaaaaarb:
وانا فاقدة التجمع بعد .. بس شنسوي وانا وخيتج ..
اقولج كور ومفتل .. لهيت عدل بهالويك اند .. عسى ربي ياجرني .

شلونكم بنات قصدي أمهات
على سالفة الطق فهو شر لابد منه في مدارس الصبيان ما شاء الله عليهم حتى لعبهم طق للحين
مره ياني مطقوق على عينه بالقلم زين ما راحت عينه وسوالف للراس ,

شسالفة الطق عالعين بالقلم .. الله يكافينا اياه ..
انا ولدي السنة الي فاتت هم مطقوق على عينة بالقلم ..
بس ربي سبحاااااااانه احفظه .. والا كانت شعرة وتطير العين ..
وااااي يخرعوون الصبيان .. مو نفس البنات بالمدارس .. وعلى قولة البيداء .. ماينلحق عليهم ..

 

[x.swar]

ونعم بالله الحمدلله انا الحين هديت وارتحت
وانشالله يطلعون ابلاته شطار عكس ماتصورت
انت شلون ولدج مع ثانيه انشالله ماشيه اموركم تمام ؟؟

الله يعينج بووبا على النفس الشينة اللي حاشتج ..
واهم شي انج هديتي .. والحمدلله ..

وماتدرين يمكن مو هذا الاسلوب المعتاد التعامل فيه لكن الطوبة جت براااااسك ... ههههه
انا مادافع عنها .. لكن عشان انتي ترتاحين حطيلها اعذار ببالج .. يمكن تكون صج زهقانة من اولياء الامور ..:ioljnmlk:
حبيبتي اذا انا وياج و غيرنا الحمدلله نتكلم بذرابة وادب ..
ترا في اولياء امور يطلعون الناس من طورهم .. الحمدلله الذي عافانا ..


عشان جذي فنانة سألتج سألي ابوكم اذا النقل عسارة والا سهل ههههه
كنت خايفة من هالسوالف ... :eh_s(15):

 

[Um Hasan]

صباح الخير ...
على سالفة الطق ...العام كان في واحد بصف ولدي مو مخلي أحد مو كافخة ... أذكر بس دخلت على الوكيلة وقلت اسمه ..قالت بعد هذا مو مخلي أحد كل اللي بالصف مشتكين عليه ..
أما النقل من صف لي ثاني انسوا ... وااايد صعب ...

رحت قبل يومين المكتبة ولقيت كتب جمعية المعلمين ... حق اللي حابة تشتري حق عيالها .. انا استفيد منهم ، بما انه الكتب كله بالمدرسة

 

[سفرجل]

انا ولدي ان شاءالله السنه اليايه في هالمدرسه ممكن اتقولون لي مميزات هالمدرسه من كل النواحي
والله يوفق اعيالكم يارب
وفي روضه نموذجيه في السلام

ليش امطنشيني
:lkmnkl:
كل مااكتب شى محد يرد علي :denya:

 

[البيداء_77]

ليش امطنشيني
:lkmnkl:
كل مااكتب شى محد يرد علي :denya:

هلا بعد عمري سفرجل مو مطنشينج سوري :hjy5jewf:

بالنسبة للسوال الاول يطول شرحة وانا كاتبة عنه كل شي بصفحات الاولى من تجمعنا تفصيل ممل ارجعيله وراح يفيدج وايد

اما بالنسبة للحضانات والله ماعندي فكره

 

[البيداء_77]

صباح الخير ...
على سالفة الطق ...العام كان في واحد بصف ولدي مو مخلي أحد مو كافخة ... أذكر بس دخلت على الوكيلة وقلت اسمه ..قالت بعد هذا مو مخلي أحد كل اللي بالصف مشتكين عليه ..
أما النقل من صف لي ثاني انسوا ... وااايد صعب ...

رحت قبل يومين المكتبة ولقيت كتب جمعية المعلمين ... حق اللي حابة تشتري حق عيالها .. انا استفيد منهم ، بما انه الكتب كله بالمدرسة

ام حسن انا ولا مره شريت كتب جمعية المعلمين تهقين مفيدين؟؟

وبعدين الحين المناهج مغريرينها تهقين كتبهم مواكبة التجديد؟؟

 

[الرياش]

ليش امطنشيني
:lkmnkl:
كل مااكتب شى محد يرد علي :denya:

هلا حبيبتي البنات بأول الصفحات ما قصروا وانا وايد استفدت منهم قبل لايدش ولدي المدرسه والحمدالله ألحين أهو بثانيه ابتدائي وللحين الأمور ماشيه أوكي
بالنسبه للروضه ما أدري شنو تقصدين اذا حكومه والا خاص , انا الصراحه اعيالي أوديهم روضه خاصه ونصيحه اذا ما تبين تتعبين معاه بالابتدائي وديه روضه خاصه
حماتي اموديه اعيالها روضه حكوميه بالسلام تمدحها اهي الوحيده الي تمدح روضات الحكومه وما أدري بعد اسمها جنه النسمه

 

[البيداء_77]

يا بعد عمري كل اللي تفاعل معاي بسالفت ولدي الله يكليكم لي يا امهات احلى تجمع


اليوم رحت المدرسة وكلمت الاخصائية هلا خوووووووووش ابله محترمة وما قصرت بس قالتلي ما اقدر اناديلج الولد فلما اصريت قالتلي اناديلج الوكيله وقوليلها ولمن يت الوكيلة هم طلعت حيييييل خلوقة وما قصرت خذت اسم ولدي وقالتلي نطري وكلمت الصبي وقالتلي انه بنراقبهم على طول الله يجزاهم خير ما قصرووووا

 

[عشق]

رد : &&>>تجمع لاولياء امور طلبه مدارس المستقبل <<&&

في مدارس مستقبل حق المتوسط بنين
والا بس ابتدائي

 

[سفرجل]

انا قصدي روضه حكوميه بس نموذجيه في جنوب السره وبالذات في منطقه السلام
ماقصرتوا بس ابي المميزات على السريع مالي خلق ادور عيز

 

[<<لمار>>]

البيداء شلون وليدج وان شاء الله عرف وليدى

عيل خل اقولج ولدى شمسوى قتلة الجمعة يبلى كتاب العلوم خل اقرئ معاك الدرس الاول قالى مايبتة وانا استغربت ماعنك لكرز وين حطيتة جان يقولى بالدرج واحاتى لايكون ضاع الكتاب واليومىاحوس بكبتة ولا الدرج موراضى يسكر يوم شلناة تخيلى داعس كتاب العلوم وراة علشان مايدرس ها اولها الله المستعان

 

[<<لمار>>]

زين كلمتى الادارة البيداء مايصير ولدج ينطق كل شوى

عشق مدارس المستقبل ابتدائى بس

صاجين بنات هالنظام حلو بس علية ضغط كبير والمدرسات موملحقين

 

[<<لمار>>]

البيداء ماشفتى مدراستهم انا ماشفت غير الانجليزى ماادرى عن الباجى ويقولى ولدى انة العربى صغيرة الظاهر توها متخرجة بس شفتى اول درس بالعربى يخرع شالكلمات ماادرى اهو مطالب يتملئ بالدرس ولاكلمات خارجية بيضيعون لاصارت الكلمات صعبة وهمزة وهالسوالف شلون يفرق

 

[<<لمار>>]

بنات الصبيان فيهم طاقة والصراحة مرات يكسرون خاطرى طول اليوم محبوسين على هالكرسى اللى يتنفس يتعاقب صراخ وتهديد طول اليوم ويرجع البيت ادرس اكل نام بس اوامر شلون مايصير عنيف ويمشى ويطق بس هم ترى هذا موعذر لكن انا اقول يمكنة سبب لو يزيدون حصة البدنية اوانة يكون فى نشاط بنص اليوم يطلعون هالطاقة

 

[دلوعه وكيوت]

اشلونكم يا امهات أنا حابه انضم وياكم بالتجمع أنا اول سنه عيالي بالمدرسه ناقلتهم من خاص وحدي آحاتيهم *

 

[لوكريسيا]

و عليكم السلام دلوعة و كيوت .. حياج الله بيننا

ما قلتي عيالج الله يحفظهم بأي مرحلة و في أي مدرسة ؟؟