اللـــــي امفــــكره انــــها اتحــــمل تعالوا عنـــــدنا تجمــــــع *****

[marom]

انا سويت اشعه الصبغه الشهر اللي فات .... اول شي كنت مخترعه واحاتي اشلون راح اسويها .. بس الحمد لله اجتزت هالمرحلة اهي تعور شووووي جنها عوار دوره شهريه على شي حااار شوي طبعا انا سويييت منااااحه وصراخ لكن الحمد لله
فانتي يالفنانه اذا شاكه انه في شي توكلي على الله والله يرزقج ويرزقني ويرزق كل وحده تطلب الذرية

 

[طير الحب]

انا وياكم بنتى الصغيره شهر 1 تكمل 6 سنين

عندى وراها 4 اجهاضات

ودى احمل يارب توزقنى وخواتى

 

[همسات ليالي]

الله يرزقكم الذريه الصالحه يارب

 

[الفنانه79]

يالله وين باجي البنات؟

 

[ياسمينا]

وانا بعد وياااااكم ولدي الصغير سنه وسبع اشهور ودي احمل ان شاءالله لاكمل السنتين احسن
وتوني قطيت حبوب المانع ذبحتني بس تعطيني مناعه 6شهور تقريبا
ويااااااااارب ترزق كل محرومه

 

[ام الكتكوته]

والله انا بعد زايغ قلبي ودي اييب لبنتي اخو او اخت يترسون عليها البيت

بس لي الحين الله ما كتب لي

بنتي اسم الله عليها عمرها سنتين وسبع شهور

وقطيت الحبوب تقريبا صار لي سنتين

وراجعت عند ليلى ابو الليل وسويت اشعه بالصبغه

وكل شي الحمد لله سليم وتحاليل زوجي بعد سليمه

ادعو يا بانا ان الله يكتب لي هالشهر

والله صج صج زايغ قلبي

ومشكوره اختي الفنانه على هالتجمع وعلى مواضيعج المميزه والله اني من متابعينج

قرقت وايد صح

 

[صــــدفــــه]

أهليـــن

شخباركم اليوم ؟؟

حبيــت اقولكــم بنــات اني مااحمــل الا بكلوميـــد << نفس امي الله يحفظها

لان دورتي مقطعه اول ماتزوجـــت على طووول راجعت قالت عندي ضعف

وعطتني كلوميــد وحملت على طول الشهر اللي بعده بس حبــوب خفيفــه حيــل

50 غرام حبه وحده لمده 3 ايام بس ...

واجهاضي الثاني هم بكلوميد والشهر اللي بعده حملت على طـــول

وهذا انــا انطر دورة العــوار علشان اخذ كلــوميــد ...

تتوقعــون بنــات اقدر احمــل بدون كلــوميد ...

 

[الفنانه79]

هلا والله بالغاليين وين البنات

وينكم يالله نبي انسولغ وانهذر اشوي انعرف راسنا من كرياسنا

انا ان شاءالله هالشهر اول مااتيني الدوره راح اروح اراجع عند دكتورتي وتبدي معاي بالعلاج

بس قبلها عندي برنامج ثاني وقت الدوره

يالله الحين كل وحده تقول برنامجها للدوره علشان نتهيأ للحمل باءذن الله

ناااااااااااااااااطرتكم

 

[dalprincess]

والله انا حملت على بنتي اول ماتزوجت علطول .... والحين عمرها سنه و5 اشهر وبخاطري احمل بس ماقدر لاني ادرس بس مفكره انشالله اذا صار عمر بنتي 3 سنين او 3 ونص احمل انشالله ....

 

[ميموالفهد]

مرحبا بنات
كيفكم عجبني الموضوع حييييل وحبيت اشارك
اول شي احب اقول للاخت صدفه الافضل انك ترتاحين على الاقل 6 شهور اذا مو سنه لانك مجهضه اكثر من مره وكذا الرحم يتعب اذا تكرر الحمل والفترات متقاربه ...
الحين احب احكي لكم عني انا ولله الحمد عندي ولد عمره سنه ونص كل ما كبر يصير ودي اتأخر بالحمل اكثروهالموضوع محيرني حييل ما ادري ايش انسب فرق بالعمر يكون بين الطفلين انتم شرايكم ياليت تفيدوني؟؟؟
واسفه ع الاطاله

 

[صــــدفــــه]

حبيبتي ميمــو افضل شي الحيــن تحملين

لان افضل فرق بوجهة نظــري 3 سنين وانت ماعلى تحملين وتولدين

بيصير عمره 3 سنين الله يخليه لج ...

ومن ناحية الراحه صاجه المفروض ارتــاح ... حتى امي تقولي بس انا معانده

<< تمــوت باليهال ...

وهم أحس استعجلــت بسالفــة الكلــوميد ... بس انــا دورتــي نفــس امــي وفيهــا

ضعف علشــان جذيــه استعجلــت لأنــي عارفــه اني ماراح احمــل لا بكلوميــد

امممممم ... الفنانه ... بالنسبة لبرنامجي للدورة ان الدكتوره عطتني حد اقصى بعد

الاجهاض 40 يوم وتنزل الدوره واهي تقول الحد الاقصى شهر بس انا زدت 10 ايام

واليوم صارلها 29 يوم يعني تقريــبا شهــر ...

وان شاءالله ان يت الدورة بنقع قرفه وحبــة سودا وحلـبــه وكمون

واشرب الماي على الريق لانها تنظف وتنشط التبــويض ...

وهم باكل حسو ولهوووم لأن هذي أول دوره بعـد الاجهــاض واخاف فيه

مخلفــات من الماضــي << خخخ عايشه بفيلم

والله يكتــب اللي فيــه الخيـــر ...

 

[عيوووزه كووول]

هلا بناااااااااااااااااااااااااااات انا صارلي 7شهووور ولحد الحين ماحملت واخذت كلوميد شهر واحد بس ... وماراجعت <<<كسوووله .. بس وحده نصحتني اني اثناء الدورة اتيبخر بجاااااااي اشق الجيس واتبخر منه بيوم 5 و6 و7 من لدورة يقولون ينشط المبايض او تشربين ينسوووون .. والحين صارلها اسبووووووووع الدورة ومايتني ... وحللت قبل يومين ومافي حمل طبعا تكرمون بووول وطلع لي خط واحد ؟؟؟:eh_s(10): امي تقول يتأخر الحمل عادي ؟؟؟ معقوله؟؟؟ انتوا شتقولون بناااااااااااااااااات؟؟؟؟:eh_s(20):

 

[امووره]

وناسه اخت فنانه... عجبني الموضوع..
انا عندي ولدين الله يخليهم 8 و 4 سنوات و صارلي 10 شهور تقريبا من هديت المانع و راجعت و طلع عندي ضعف بالمبايض و اخذت كلوميد و مافاد و اخذت ابر و حملت بس الله ماكتب انه يكمل و اجهضت بالاسبوع السادس و لي الحين شهرين من اجهضت و الحين ناطره الدوره
ادعولي انها ما تشرف... و الله يرزقنا و يرزق كل محروم
وسامحوني عالطواله

 

[عيوووزه كووول]

الله يرزقج ان شاءالله .. وان شاءالله ماتشرف .. وتبشرينا بأقرب قت

 

[صــــدفــــه]

عيوووزه ... اذا توج متزوجـــه عادي فيه ناس يتأخرون سنه

أمووره ... انا مثلج مجهضه صارلي شهر بس بسألج دوره العوار اللي بعد العوار

على طول متى يت ؟؟ لان انا لي الحين مايت وخااايفه ان الهرمونات انعفست خخخ

 

[همسات ليالي]

خوووووووووش سوالف ياليت يتثبت الموضوع يا مشرفتنا

 

[جوريه]

واااااااااااااااااي فنانه جنج قريتي افكاري انا هالشهر مفكره احمل بس تسلطت علي التهابات البول اتوقع بعد مارحت الطبيب تييني حرقه وامس نزل دم مع البول ريلي يقول اخاف اجهضتي قتله بسمالله من اسبوع غاسله مسرعي احمل واجهض خخخخخخخخخخخخخخخخخخخخخخخخخخخخخخخ
انا عندي بنت وولد 5 سنين واربع سنين هالسنه بنتي بالروضه قلت تمام بس تدخل الروضه بحمل صارلي سنه واكثر قاطعه من الحبوب بس هالشهر فتحنا الطريج والله كريم ناطرين النتيجه يا سبع يا ضبع

 

[سبائك]

الله يعطيج العافيه يالفنانه على هالمواضيع الطيبه

آنا ما افكر بالحمل لان عيالي صغار......بس شدني الموضوع وفكرته

عسى الله يرزق كل البنات الذريه الصالحه يااااااااارب

 

[masaa]

القوه بنات
انا ابي احمل ويارب الله يرزقني ويرزقكم بالذريه الصالحه
انا متزوجه من جم شهر وحملت بس تعورت والله انه يوم نزل احس قلبي نزل معاه وروحي وكلي مع انه مكتوب ومقدر بس كنت اقول لو مداريه نفسي اكثر جان ماتعورت استغفر الله ادري كلامي مو صح بس غصبن علي
الحين انا لي اسبوعين من عواري وناطره الدوره
بس بنات بسال سوال حيرني انا لما كنت حامل رحت لاكثر من دكتور
رحت لماجده اليتامي وفوزيه القطان واستشاري بالراشد كلهم قالو لي ان الجنين صغير علي عمره الا \كتوره ماجده قالت ان انا التبويض عندي متاخره حيل مو مثل الناس بتاريخ اربعتعش
منو مثلي بنات؟

 

[marom]

لا لا لا يالفنانه نطري لا تعطينا البرنامج هالشهر
لانه عندي مشكله بالدوره ؟ وانا ابي ابدي معاكم السبت انشالله راح اروح حق الدكتوره واشوفها شتقولي .. نطرووووووووووووونييي وانشالله الله يكتب لنا كلنا يارب