لأ طبعاً
إن شالله ما أتبرا من نسبي وقبيلتي وعزوتي وأصلي وفصلي
حتى لو لم يكن الأصل من عريبين الجدود . أنا ضد جحده وانكاره أو اعتباره سواد وجه .
فما بالج لو كانت القبيله من أكثر القبائل
صيت وذات تاريخ عريق مثل قبيلتنا العجمان ؟
لكن أشوف بشكل عام إنه ماله داعي للشاعره إنها تذكر كونها للقبيله الفلانيه أو الفلنتانيه .
شنو بيضرها لو انها ماكتبت انها من هالقبيله ؟ هل راح ينقص ابداعها ؟ راح تنقص مكانتها ؟
راح يقل شعرها ؟ راح تقل هيبتها وتواجدها بين الناس ؟ لأ ... هذا كله ماراح يأثر .
ليه تذكر الشاعره إنتمائها لهالقبيله ؟
بتقولون فخر وعز وماسوينا شي وكيفنا ومدري شنو !!!
هذا شعر يابنات مافيه فخر ولا عز ... مجرد مشاعر وأحاسيس معينه ..
بتقولون حلال وماهو حرام .. صحيح إنه حلال لكن لم يأخذ موضع يدعو للفخر
حتى في عهد الرسول عليه الصلاة والسلام - الشاعرات وحتى الشعراء كانو يكتبون بألقاب
الخنساء ماكتبت بإسم تماضر بل اكتفت باللقب
حتى الرجال منهم الصموئيل ماكتب بإسمه ...
يعني من وجهة نظري ماله داعي القبيله .
الإسم بكبره ماله داعي .. لكن بحكم تغير الزمن والإنفتاح وهالسوالف ...
صرت أتقبل تكتب بإسمها وإسم ابيها فقط .
اللي بتوصل لقلوب الناس بتوصل لكان من بيت في توقيع .... ما للإسم علاقه - و وجود القبيله
أشوفه مجرد لفت نظر أو اثاره أو نوع من التباهي .
