رد : رد: حمد و ساره .... و هل العشق حرام ؟؟_____ روايتي الثالثه
وااااااااااااااي على هالحمد
شوفي اخت عروس انا عادة ماحب الشخصيات اللي مثل حمد تلوع جبدي ايبون لي حارج واشمئز منهم
يعني واحد عبارة عن سلة تناقضات اخاف عليج واحبج واغار ومابي اجيسج وحالة حالة وبنفس الوقت
يلبس ويفصخ وكل شي عنده عادي واكره ما عندي يوم قالها عادي احنا برة الكويت
شنو يعني الله داخل حدود الكويت ؟؟؟؟؟؟؟؟؟؟؟؟؟ لا وجبح ويهها يتطنز بعد شنو يعني بتلبسين عباة ؟؟؟
دام انك تموت عالتفصخ شلك بالغيرة والحمية لا واللي يبط الجبد اكثر انا مابي اجيسج واهو مسافر وياها بروحها
بعدين وايد شايف عمره على شنو مادري خاصة لما قالها اكيد ابوج بيوافق لان اهلج عل باب الله
واي واي يا كره الثقة وحسافة تصدق الظروف معاه ويمشي كلامه
يعني ماكو لا نسبة ولا تناسب
بعدين اشكره اشكره اشكره ان متزوج وانا متاكدة ان لما تجكه بيقولها امي وابوي زوجوني غصب
اذا البنت ما تنغصب انته طول بعرض بتنغصب وطبعا واحنا مغمضين اللي متزوجها بنت اصل وفصل وفلوس
بالله سارة شفيها ؟؟؟؟؟؟؟؟؟؟؟؟؟؟؟؟
واللي يبط جبدي بسارة انها وثقت فيه وخذته واهي مغمضة اهي وابوها اللي احسه يبيه نخي وباجلا بالقهوة الشعبية
اكو ادمي يزوج بنته من غير لا يسال عن الريال وللاسف في وايد ناس جذي وايد عل نياتهم بطريقة غبية
سامحيني عروس وايد اشتطيت بس مقهورة
نزلي لنا بارت خل تبرد جبودنا انا ناطرة المجهول ... على ثوالة سارة بس مو هاين علي يستغلها ويشيخ عليها
انا من كثر ما اكره حمد ... شفت واحد يشتغل مع رفيجتي اسمه حمد كرهته هههههههههههههههههه تخيلته اهو
تسلم ايدج وناطرين بارت يديد
وناسه ماشالله تعليقاتج حلوه يا ريت الكل يشاركني جذي عشان اتعلم شوي منكم
شخصية حمد يمكن تكون شخصيه متناقضه لان عنده اشياء خاشها ... و دايم الي يخش شي يحاول يضهر العكس ..
و مساله ما بجيسج حمد كان يبي يكسي ثقة ساره الكامله ... و فعلا كسبها و الدليل موافقتها على الزواج منه و بشروطه
و تنازلها عن وايد اشياء لانها صارت تثق فيه ثقه عمياء ... هل شخص سافرت معاه و حافظ عليها بوقت كان يقدر يسوي الي يبي ... و هذا الي كان يبيه حمد بالضبط
و مسالة اللبس هذا شىء موجود بكثره و بعض الرجال ما يحسون ان له علاقه بالغيره
ان بره و الجو العام غير عادي تسوي زوجتي الي تبيه بس بالديره جدام الاهل و الربع لا عيب
ز فعلا اهل ساره الطيبه عندهم عيب كبير ... يعني ما سال عن الريال و اكتفى بانه مسؤولها وولد عايله معروفه و رضى بالشروط بدون تفكير حتى و اهم ناس على باب الله و ساعات عدم مخالطة الناس تكون سبب رئيسي للضياع
و مشكوره حبيبتي على كلامج العسل :s142:
