¨°•√♥ مشكله للمناقشه - موضوع متجدد¨°•√

[هوفه]

والله يا صباح الخير ريلج على ما اتعودينة
واذا انت سكتي عن حقوقك راح اتريحينة من المصرف انا ما اعرفج ولا اعرفة بس الظاهر انة بخيل... وما يحب يدفع ...وانت اذا رحتي السوق اتعمدي تشترين شئ وهو اللي يدفع واذا قالج انت دفعي لا تشترينة ......... ولا اتروحين الجمعية بروحج دايما روحي معاة .....واذا رحتي السوق دايما تعمدي تنسين البوك وقوليلة اشترلي وانا بالبيت اعطيك وطنشي واذا قالج وين الفلوس قوليلة من صجك تبي من مرتك افلوس

 

[رهوف]

good morning

الله يعينج ويعيني معاج المشكلة مو الحين لأن الحين انتي قادرة على مصروفج المشكلة بعدين اذا يبتي عيال ما راح يعطيج او اذا بيعطي 50 الحكومة وهذي ماتكفي لبس الياهل والألعاب آنا بصراحة هذي المشكلة متعبتني لأن كل شي له دوا الا البخل

 

[أم فصولي]

شوفي إختي أنا بنصحج نصيحه لوجه الله ،، سمعيني حبيبتي
أول شي في الزواج وخليها حلقة في إودانك على قولت إخوانا المصريين يحليلهم ،،
أول نصيحه لاتقارنين زوجج بأي أحد ثاني حتى لوكان منوووووواصبري عليه،
ثانيا إذا كان إنسان مصلي وموراعي خرابيط خلينا نكون صريحين اصبري عليه ،،
ثالثاإذا انتي عارفة من قرارت نفسج إنه راح يتغير إصبري عليه ،،
شوفي ياحبيبتي أنا متزوجه من 14سنه والحمدلله الله مع الصبرين ،،
ةإحمدب ريج إن عندج معاش وإن أهلج حليوين ،، وانتي قيسي نبض أهله هل هو كريم أو بخيل ،،
وأخيرا يا عزيزتي مالج إلا الصبر والتحمل وإنشالله تحملين وجيج جاهل يغير زوجج ويصلحه قولي آآآآآآمين ،، وأنا ودي أنصح بس جني طولت عليج ،،
وشوفي غيرج اللي مومتزوجه واللي ماتشتغل واللي واللي فقولي الحمدلله واتكلي على الله سبحانه

 

[goodmorning]

مشكوووووووووورين بنات على تفاعلكم معاي
وبغيت الباقي يشاركووون بعد...
بس بنات عندي سؤال ..صج الريال يتغير بعد أول طفل وشنو يتغير فيه بالضبط.... نبي نسمع صاحبات الخبرة واللي صارلهم فترة متزوجين...

 

[رنين]

لأ هو ما يتغير بعد اول طفل...

انتي اللي تتغيرين و تتغير أولوياتج.
لشافج تغيرتي يبدي هو هم يغير اولوياته و ينتبه الى حق الياهل.
و معروف الريال ياخذ وقت وايد أطول من المره في الانتباه حق ها المسؤوليات.


لكن اذا قصدج يتغير يعني كان مقصر بحقوقج و بعد الياهل يصير بقدرة قاده ريال بيت و سنع و منع و قايم بكل ما عليه و تتغير أخلاقه السيئة الى زينه....
ما أظن . الا نااااادر من الرياييل

لأن تغيير المبادي ما يجي بتغير الظروف....لكن يحتاج لتغيير الأفكار و بالتالي تتغير أخلاقه.

 

[أم شامه]

الله يعطيكم العافية:eh_s(17):
بصراحة حلووولكم تهبل:eh_s(15):
بس اقولكم على حل علشان تفكون نفسكم من الحنة مثلي:eh_s(6):
انا طول مامعاشي بمخباتي الله لايعوزني له:eh_s(3):
اروح اشتري اغريضاتي على راحتى من غير حنه ورنه وياااية من جمعيتي وجياستي تحت أباطي داشة مطبخي راصة ارغراضي بثلاجتى وانا رايحة غرفتي
وسيارتي تحت أمري ( أيوااااااا) عاشو الحريم

 

[موت الحمر]

ياريت تقرون موضوعي حاسة نفسي راح اموت م البجي و الالم

http://www.q8yat.net/showthread.php?t=83811

 

[Soganan]

السلام عليكم ورحمة الله وبركاته،،،، نظراً لحاجة المنزل للخدامة أول مرة جبت خدامة فلبينية كانت عيوب الدنيا فيها بس تحملتها لما مضت سنتين، والحين عند خدامة جديدة أندونيسية ،،، والحمد لله زينة وفرق بينها وبين الأولى بس فيها عيب ينرفزني مو عارفه شلون أتعامل مع هالعيب وهوه إنها ما تفهم أي لغة ،،، يعني المشكلة وجود عدم تواصل معها وبينها وبين العيال؟؟؟ هل عندكم حل لذلك؟

 

[عنايد]

مدام زينه اصبري عليها ماصيرها تتعلم واذا شاطره بتتعلم بسرعه وموفقه ان شاء الله

 

[نونه احلى بنوته]

السلام عليكم عندنا وعندج خير اشرايكم اني انا بروحي مع العمال اشيل عفش الشقه وتصدقون اهو نايم بالغرفه؟؟؟؟؟ شتقولون عفيه ردو علي وقولولي منو الريال فينا

 

[أم^مشمش]

والله مشكلة الحريم مع رياييلهم الدوانية لو الله يفكنا منها احنا بخير وبنفس الوقت يروح الدوانية ولا يروح مجمعات ويفرفر بالشوارع والشي الي يقهر السوالف كلها تخلص بالدوانية واذا رجع البيت ماكو كلام يقوله اصلا يكون ماله خلق يتكلم

 

[ShoOog el3YoOoN]

الله يعينكم ..

صج مافي احد مرتااح <<< شفيييه عبدالله رويشد

لا بس صج بناات كل وحده تشووف مشكلة الثانيه تهون عليها مشكلتها الحمدالله على كل حال اهم شي الصحه والعافيه وباجي الاشياء مقدور عليها وبتنحل انشاءالله ..

 

[وردة فوشية]

حبيبتي انتي اهدي شوي و الرياجيل لهم نفسية معقدة مرات حسب الحزة اللي تكلمينه فيها
انتي دوري الوقت المناسب عشان تطلبين منه اللي تحتاجينه و الله يهديه و يوفقج

 

[هيونة الحبوبة]

ترى الحياة تعاون وإذا كان هذا طبعه توجهي للخالق القدير إن يسخره لج ولعياله والله يهديه

 

[غادةالكاميليا]

ااااااااااااااااااه ه ه ه ه ه
لما اتذكر قلبي يعورني ومااقدر اكمل ......................

 

[المشخوطه]

السلام عليكم جميعا ويعطيكم العافية
أحب أقولكم أن المشكلة موبس جمعية وأكل لأنه كلة لج ولعيالك وعليج بالعافية المسألة أكبر من جذي مثلا أنا كل شيء احط بالبيت مثل الاثاث الي نقعد علية والثلاجة والتلفزيون حتى أهله اللي تحت معاي شريتلهم والهدايا في كل مناسبة اعطيه وهو طبعا ماعمره جابلي هدية ولاذكرمناسبة حلوة وعلى فكرةصارلي 10اسنين وانا على الحال واذا كلت خل نطلع نتعشى يقول ماعندي فلوس وماني معشيج من فلوسك احس اني مومطلعج وضميري مايريحني ؟؟؟؟؟؟؟؟
بس الضمير مريحة في اشياء ثانية ولو يسويلي ايشيء قدره وقوله يعطيك العافية يحياتي الله خليك لنا !!!!!!! بس اقول انة كل اللي اسويه لنفسي ولعيالي واحسبها صدقة الانه الفلوس اذا ماصرفتها الحين وستانست متى اصرفها في اول وتالي راح تروح اهم شيء اشتري راحتي وعلى فكر قولي انك حطيتي وعطيتي راح تقوووووووووم الدنياااااا وتطيح هذا رياجيل الزمن كل يقول احليها تشتغل وتصرف على البيت ولاليش مشتغله؟؟؟؟؟؟؟؟؟؟؟؟؟؟؟ طنشي وعيشي حياتك وبالتوفيق للجميع

 

[المشخوطه]

السلام عليكم جميعا ويعطيكم العافية
أحب أقولكم أن المشكلة موبس جمعية وأكل لأنه كلة لج ولعيالك وعليج بالعافية المسألة أكبر من جذي مثلا أنا كل شيء احط بالبيت مثل الاثاث الي نقعد علية والثلاجة والتلفزيون حتى أهله اللي تحت معاي شريتلهم والهدايا في كل مناسبة اعطيه وهو طبعا ماعمره جابلي هدية ولاذكرمناسبة حلوة وعلى فكرةصارلي 10اسنين وانا على الحال واذا كلت خل نطلع نتعشى يقول ماعندي فلوس وماني معشيج من فلوسك احس اني مومطلعج وضميري مايريحني ؟؟؟؟؟؟؟؟
بس الضمير مريحة في اشياء ثانية ولو يسويلي ايشيء قدره وقوله يعطيك العافية يحياتي الله خليك لنا !!!!!!! بس اقول انة كل اللي اسويه لنفسي ولعيالي واحسبها صدقة الانه الفلوس اذا ماصرفتها الحين وستانست متى اصرفها في اول وتالي راح تروح اهم شيء اشتري راحتي وعلى فكر قولي انك حطيتي وعطيتي راح تقوووووووووم الدنياااااا وتطيح هذا رياجيل الزمن كل يقول احليها تشتغل وتصرف على البيت ولاليش مشتغله؟؟؟؟؟؟؟؟؟؟؟؟؟؟؟ طنشي وعيشي حياتك وبالتوفيق للجميع

 

[جوجو.]

اسمحولي اشارككم للمره الاولى اول شي على طاري الدوانيه اشوف مرت اخوي بتغير شقتها بسبة الدوانيه لان زوجها نايم الا شوي بالدوانيه والله يعينكم يابنات

 

[anwary]

السلام عليكم انا عضوه يديده واتمنى اني اكون خفيفة عليكم ,,,
ودي اتكلم عن مشكلة وحده عزيزه علي ومو عارفه شلون تتصرف هذي البنت متزوجه صارلها 9 اشهر زوجها حرمها من اهم شي واللي اهيا نعمة اليهال لأن لي الحين ما دخل عليها اهوا ريلها وايد ملتزم اللي 24 ساعه بالمسجد بس هذا مو معناته مايعرف لان كل شي بالفطره بس للاسف مو قادر يدخل عليها او بالاحرى مايعرف شلون او مايحس حاله حال الرياييل والله مادري شنو سالفته بالضبط المهم عالج عند دكاتره وايد يقولوله مافيك شي بس مشكلتك يمكن نفسيه لان كل واحد فيكم حاط في باله لازم يصير هالشي وتصير مشاكل اذا ماصر هالشي فمن جذي ما يقدر يدخل والمشكله بعد ان زوجته ملت من الموضوع وطاح من عينها لان حسته غير عن باجي الرياييل وتفكر بالطلاق .
لو وحده فيكم يصير فيها هالشي شنو بتكون ردة فعلها وشلون تتصرف؟

السلام عليكم,,
هذي المشكله كنت كاتبتها قبل فتره والحين صارلهم سنتين و3 اشهر واهما لي الحين بنفس المشكله ، الزوج شوي غبي بهالسوالف ومايعرف والبنت تخاف شوي ومابقى طبيب نفسي ماراحتله وكانت تاخذ حبوب تدوخها علشان ماتشد وترخي نفسها وهم ماكو فايده، والبنت تعبت نفسيتها والزوج بعد وتفكر الزوجه بالطلاق وتحس ان وايد ضيعت من عمرها خصوصا لما تسمع ان البنات اللي تزوجوا عقبها حملوا وصار عندهم اكثر من ياهل واهيا حتى مادخل عليها زوجها ، تفكر بالطلاق وبنفس الوقت متردده،،،،
ياريت اللي تقدر تفيدها ماتبخل عليها بالنصيحه لان مسكينه تعبت نفسيتها وايد ومو قادره تتحمل أكثر
؟؟؟؟

 

[Soganan]

السلام عليكم،،،، أود إنكم تعطوني مقترحات وأراء وخاصة من السيدات المتزوجات اللي يساعدون في البيت مادياً، عندي مشكلة أبدية هي الماديات شلون تضبطون أموركم بالموضوع هذا؟؟؟ شي ثاني أبي تقولونلي رايكم فيه لما يصير أي خلاف بيني وبين زوجي طبعه يعصب وايد وما يحس على روحه شنو يقول بس اللي يقوله ما يرضيني أنا أعرف قاعدة واحدة أهيه الإحترام ولو الإحترام ضاع ... ضاعت معه الحياة... لما يصير يرادد عليه وإحنا نتهاوش ما أقدر أمسك روحي إلا أرد بس طبعاً بدون طولة لسان هذه أهم شي بس أرد أدافع عن نفسي وما أسكت،،، خاصة لو كان يقول شي ما صار أو يبهر ويملح فوق الموقف اللي قاعد يتكلم عنه.... ولما نتصالح نبهته كذا مره إلا طولة اللسااااااااااااااااااااان.... الموضوع هذا مأثر علي وايد... مخليني خايفه من بكره .... وإحساسي بالحب ناحيته مع مواقف من هالنوع يصير ضعيف جداً .... شو الحل؟؟