حمد و ساره .... و هل العشق حرام ؟؟_____ روايتي الثالثه

[so_what]

waiting

 

[عروس الدنيا]

رد : رد: رد : حمد و ساره .... و هل العشق حرام ؟؟_____ روايتي الثالثه

تمااام كلووولووولووولوووش اشوه اشوه انهم تزوجوا بس الظاهر بتمر عليهم ايام صعبه مع اهله ..

بس هم فى تعليق ما ادرى اتوقع ان مو سهله على الابو انه يرضى يزوج بنته بالطريقه هذه ... يعنى لا اهل ولا شى ولا حتى الشاهد اى واحد يايبه وعطاه فلوووس عشان يشهد ما ادرى هم مو حلوه بحق ابو ساره بس ماعليه نكمل ونشوووف ..

ننطر نشوف اشبيصير ...
و ابو ساره الضاهر كان المفروض اشرح اكثر ...
لم تكونين موجوده و ما عندج اهل كلش كلش كلش
يعني اهو ما عنده اخوان و لا خوات
و لا زوجته ... و اذا في اهل من بعيد يمكن لي شافهم ما يعرفهم
مثلا عيال عم ابوه او امه ...
و اهم عايله على قدهم و اي واحد باسم حمد يخطب بنتهم .. ليش يرفض و الزواج على سنة الله و رسوله ؟؟
انشالله مع الايام بتتوضح لكم الصوره

 

[بنت حمووله]

رد : رد: رد : حمد و ساره .... و هل العشق حرام ؟؟_____ روايتي الثالثه

اكووو بارت اليوووووووم؟؟؟؟
نااااطره بشوف شنو اخرت هالحب:23_asmilies-com:

 

[بنوت كيوت 77]

والله لي فترة مادخلت النت مادري وش فيه شكله مرضان :27d66a9c24b146327bfوالبارات قريتها وانا للحين مندهشه كل شي صار بسرعة بسرعة احس في شي مدري عندي احساس :j013::23_asmilies-com:
واسفة ماكنت بعكم في الفترة اللي فاتت=ماخذه مقلب على نفسها:eh_s(22):

 

[بطة رشيقة]

اى ان شالله نكمل ونشوف قواج الله يا عروس وموفقه وبانتظار بارت يديد ​

 

[كويتية و النعم]

مبدعة ياا عرووس مبدعة كالعاادة
الرواية روووعة ..،
يعطيج الف عاافية حبي ..
نااطرينج ..

 

[^^عاشقة النوتيلا^^]

نااااااااااااااااااطره
بارت

 

[عاشقة البحر 93]

We Are WaiTinG FeDeTCh:eh_s(9):

 

[Tom ♥ Jerry]

نآطرين لا تطولين علينا حبيبتي

 

[so_what]

waiting

 

[سارووونه22]

:aha::aha::aha::eh_s(21):ناطرينج:eh_s(21)::aha::aha::aha:

 

[نياره]

ناطرين البارت

 

[kity]

ناطرين

 

[انفال العازمي]

رد : رد: حمد و ساره .... و هل العشق حرام ؟؟_____ روايتي الثالثه

لعيبونــج


up

up

up

up

up

 

[صعب الكلام]

رد : حمد و ساره .... و هل العشق حرام ؟؟_____ روايتي الثالثه

يسلموووووووووووو....ناطرينج لاتتاخرين....:bye22:

 

[عروس الدنيا]

رد : حمد و ساره .... و هل العشق حرام ؟؟_____ روايتي الثالثه

الجزء السادس عشر




نزلت ساره ... ملاك عل ارض .. فيها براءه و طهاره .. و من اول ما خطت حطت عينها بعين حمد
تبي تشوف لي داخل داخل عيونه .. يمكن توصل من عيونه لي قلبه و تشوف اذا اهي موجوده بقلبه

حمد ابتسم ... عينه ابتسمت .. و قلبه ابتسم ... هذي حبيبتي .. قمر ..

قعدت ساره يم حمد و صاروا يصورون مع اخوان ساره و اختها و امها و ابوها .. بعدين المصوره دخلتهم و صارت تصورهم بروحهم


خلصت المصوره راحوا يتعشون كلهم ... حمد سحب ساره من ايدها يلا
ساره : ناكل بالاول حمد
حمد : لا لا يالله مافيني صبر ؟؟؟
ساره : هاو حمد اشفيك ؟؟
حمد : انتي امشي معاي

حمد : عمتي بنمشي احنا
ام ساره : مبجر حبيبي
حمد : ميخلف كلها يومين بنريح شوي
ام ساره : خلاص على هواكم

ساره اهني ما قدرت تتكلم .. حست ان الساعه تسوي دينق دينق
الحين اهي سندريلا الي بتطلع من البيت القديم عشان تدش البيت اليديد
بس هل سندريلا تحب البيت القديم .. البيت الي ربت فيه مع اطيب ناس
ام و ابو لونهم ابيض ... البياض الخارجي ممتد لي الداخل .. و اخوانها الي البراءه في ويوهم
البراءه الي لازالت موجوده حتى بأمها و ابوها

حست مو قادره تتكلم .. تشوف اخوانها بعيونهم .. تشوف ابوها .. تشوف امها
و بقلبها تقول سامحوني .. جذبت عليكم و خنت الامانه .. بس بالاخير صار الي أبيه .. تزوجت بالحلال
و نسيبكم يشرف الكل ... سلمت ساره على اهلها .. و دموعها سبقوها قبل مدت الايد
و دموع امها و ابوها و اخوانها كانت اكثر و اكثر .. في نسمه بتطلع من البيت
حطت ايدها بيد حمد ... بتبدي دنيا يديده .. مع ريال اختاره قلبها ..بينهم عمر
بس قلوبهم قريبه حيل

ركبت السياره .. و بصكت باب السياره .. حست انها صكت باب بحياتها و فجت باب

اول ما قعدت و اهي تمسح دموعها

ساره : حمد انا احبك و لا تظن هل دموع حزن .. بس هذي لفراق هلي .. بس قلبي مستانس اني بكون معاك
حمد : عاذرج حبيبتي و عارف مو سهله على البنت تهد بيت اهلها
ساره : بس انا مستانسه اني بكون معاك و ادري انت بتداريني و تهتم فيني مثل اهلي وزود
حمد : اكيد .. انتي بعيوني

وصلوا ساره و حمد الفندق .. و دش حمد بالاول و غسل و بعدين ساره دشت و غسلت جسمها و تعطرتو يوم طلعت و اهي لافه روحها بالروب

شافت حمد يقلب بشوي اوراق

ساره : حمد شتسوي ؟؟
حمد : ها .. لا ولا شي بس ابي ازهب هل اوراق الصبح بي المندوب ياخذهم يخلص لنا كل شغلنا بالوزارات
ساره : اي زين تسوي
حمد : سويره يا قلبي تعالي وقعي انا وقعت خلصت بس ابي توقيعج بد و بخليهم تحت بالريسبشن عشان محد يزعجنا

وقعت ساره عل اوراق و بحطة اخر توقيع كان حمد لامها من وراها
حمد : ساره حبيبتي اخذي هذا
ساره : شنو هذا ؟
حمد : حبوب يا قلبي .. مانع
ساره : ادري ليش ؟؟
حمد : لان ما نبي عيال بهل فتره
ساره : حمد من صجك ؟؟ ليش ما نبي
حمد : اولا ابي اهلي يدرون بالاول .. بعدين انا بستانس معاج بسافر و اروح و ارد مابي اتقيد و التزامات من اولها
ساره : ادري بس الكل يتزوجون و ايبون عيال و يسون الي تقول عليه
حمد : لا لامابي ياهل ياخذج .. عل اقل سنه خليني افرح فيج تالي نيب يهال كثر ما نبي
ساره : على هواك و بلعت الحبه



و مضت الليله

و مروا يومين عسل على ساره و حمد .. قضوهم بالغرفه و ما طلعوا بين سوالف و ضحك و نوم و حب
و لين يه اليوم الي بيروحون فيه شقتهم

حمد سوى الجيك اوت بالليل و راحوا شقتهم

وصلوا الشقه حمد خذا ساره و راواها الشقه غرفه و غرفه و عجبتها حيل حيل
و كانوا تعابى راحوا ينامون .. و بالفراش

ساره : حمد حياتي .. باجر انا وين راح اداوم ؟
حمد : انا ادليج باجر او اخلي السايق يوديج ..
ساره : يعني خلاص ما راح اداوم بمكتبي القديم
حمد : لا قلنا الاحسن تنتقليين
ساره : راح اشتاق لك الصبح
حمد : هههه احسن عشان ارجع الاقيج ناطرتني بشوق

ساره : لا تخاف حتى و انت معاي مشتاقتلك
حمد : ما عبر انا على هل كلااااااااااام يا ربي

و ناموا حمد و ساره .. و راحوا الدوامات و ردوا .. و ضلت ايامهم ورديه ..بس اغلبها يقضونها بالشقه

لين بيوم

ساره : حمد من زمان ما طلعنا .. صارت طلعتنا بيت اهلي و بس
حمد : حياتي معاج حق .. قومي لبسي يالله
ساره : وين بنروح
و خذاها حمد ووداها سيشل الجليعه

ساره : حمد من صجك اقولج بطلع توديني الشاليهات
حمد : هههه عن اللويه اهني وناسه و اخذ راحتي معاج
ساره : يعني اشبسوي جدام الناس
حمد : اشرايج ناخذ غرفه
ساره : لا يبه مو حاسبه حسابي
حمد : حسابج بشنو مابي شي انا بس ابيج
ساره : لا لا شنو ما يصير
حمد : اوكي نتعشى و نتمشى شوي عل بحر و نرد
ساره : اوكي .. يلا هم تغيير

و مرت عليهم اشهر .. يستانسون يقعدون يسولفون

و مرت الايام .. و يه الصيف

حمد : ساره بقولج شي بس ما ابيج تغلقيين
ساره : اشصاير خرعتني حمد
حمد : لا لا ما يخرع بس ممكن شوي يضايقج
ساره : اي اوكي يلا قولي
حمد : عندي دوره شهر بره الكويت
ساره : خرعتني و الله قلت مصيبه .. اوكي شالمشكله دام صيف اخذ اجازه و اي معاك
حمد : مو هذي المشكله .. ان الدوره كورس مكثف و مسوينها لرؤساء الاقسام بس
يعني بيكون عندي محاضرات بالنهار و بالليل
و بالليل برد الفندق تعبان بنام .. ما يصير اخذج معاي و الديره بعيده و انتي بروحج تخافين تطلعين و تروحين بتزهقيين
ساره : لا صدقني عادي .. اقعد بالفندق المهم اكون وياك
حمد : لا حبيبتي ما يصير و اليوم سولفت ويه رفيجي و اتفقنا نكون يميع .. راح تمليين و انا اذا يبتج بينشغل بالي معاج و ما راح اركز
ساره : حمد و انا شسوي شهر من غيرك اهني ؟؟
حمد : انا اقول اشرايج احجز لج انتي و اهلج هم تسافرون ؟؟؟ مع قروب يعني
ساره : مادري .. ما توقع اهلي يحبون السفر
حمد : لا ليش ما يحبون .. انا ادور لكم سفريات تاخذكم تفرفركم جم دوله
ساره : مادري والله شقولج
حمد : بدال لا تقعدين اهني بالديره و بروحج و بيروح عليج الصيف عل اقل تروحين تشوفين و تتسلين على ما ارجع انا
ساره : خلاص اكلم اهلي و اشوف
حمد : كلميهم و قولي لهم سفرتهم من الالف لي الياء علي .. بس يزهبون جوازاتهم كلهم
ساره : ما تقصر حبيبي و انشالله بقولهم


و كلمت ساره اهلها ووافقوا على السفر و حجز لهم حمد سنغافوره و استراليا و اتفق مع القايد مال الرحله ان يسوي لهم رحلات اضافيه بحيث يكون

البرنامج كله فل بدون ما يضلون يوم من غير قايد


و صار وقت سفرة حمد ودع ساره من البيت و كانت سفرة ساره بنفس اليوم بس بالليل

و سافرت ساره و كانت طول الوقت تفكر بحبيبها خصوصا ان الرحله طويله لي سنغافوره

و لم وصلت دقت عليه و ما كانت تحصله لي بعد يومين

حمد : هلا بحياتي و قلبي و روحي
ساره : حمد اشكثر ادق عليك ليش ما ترد
حمد : حبيبتي ساره .. انتي باستراليا و انا بامريكا .. تعرفين الدنيا شلون مقلوبه .. يوم احنا نهار انتوا ليل و يوم احنا ليل انتوا نهار
ساره : اختبصت عليك مشتاقتلك موت موت
حمد : انا اكثر حياتي انتي
و ضلوا يسولفون ...
و صارت مكالماتهم قليله بحكم الوقت

و مر الشهر و صار وقت ردة ساره الكويت
وصلت ساره الكويت و كلها لهقه .. حسبت بتشوف حمد
بس يوم وصلت شافت السايق ناطرهم و قال لها ان طيارة حمد عليها تاخير و يقولج نطريه بالشقه لا تروحين بيت اهلج

ردت ساره الشقه و صارت تبخر و تسنع .. و زهبت الهدايا الي يايبتهم لحمد على السرير
و سبحت و تعطرت و تمكيجت و لبست
و اول ما تبطل الباب ساره نطت بحضن حمد
ساره : احبك حيل حيل حيل انا
حمد : والله انا اكثر .. افيييييي بشم ريحتج يا بعد ريحة اهلي انتي
ساره : اخر مره توخر عني هل وقت .. ما اقدر والله ما اقدر
حمد : و لا انا اقدر صدقيني

و ضلوا بشوقهم و حنينهم

و داوموا ثاني يوم و ردوا لحياة العسل الي كانوا فيها
و مرت عليهم فتره .. حمد قال لساره

حمد : ساره ابوي تعبان حيل و بالمستشفى و اانا لازم انام عنده هل فتره على ما يرخصونه
ساره : حمد زين الي ذكرتني .. الحين انت مو قايلي امي و ابوي متوفيين ؟؟؟ و بعدين قلت لابوي ان ابوك مو موافق ؟؟ شالسالفه شلون بتروح لابوك

؟
حمد : هاه .. لا بس انا قلت جذي عشان لا تزعليين انه اهلي مو راضين اخذج و ابوي عايش ... بس ما كنت اقدر القى مبرر ثاني جدام ابوج
ساره : يعني ابوك و امك عايشين اثنينهم
حمد : اي اثنينهم عايشين
ساره : و اثنينهم مو موافقين على زواجنا ؟؟
حمد : لأ .. الاثنين رافضين النقاش الى اليوم
ساره : يلا مو مهم .. اشفيه ابوك
حمد : تعبان و بينام بالمستشفى
ساره : حبيبي عمي ما يشوف شر .. اي زين تسوي هذا ابوك
حمد : انتي هل فتره خلج بيت اهلج .. و اذا انا بغيت ارجع الشقه ابدل و لا اسبح اقولج تمرين
ساره : خلاص الي يريحك حبيبي و اذا تبيني انام بالشقه ترى عادي ما عندي مانع
حمد : لا لا مابيج تضلين الليل بروحج هناك بقعد احاتيج و لا اقدر احاجيج و انا عند ابوي باحاتي
ساره : خلاص حياتي اروح عند اهلي
حمد : اي اي روحي الدكتور يقول يمكن 10 ايام او اسبوعين بالكثير
ساره : المهم يقوم بالسلامه .. ربي يشافيه

و مره .. طلعت ساره من الدوام و مرت الافنيوز تشرى النواقص

و اهي تفتر بالمحلات دخلت مونسون و لا تشوف حمد واقف عند غرف التبديل

ابتسمت ساره و توها بتروح له خزها حمد خزه و نزرها بعيونه و اشر لها روحي

ساره استغربت منه حيل .. و شافت نظره اول مره تشوفها بعينه

ردت قبل و اهي تحس ان ملامحها كلها انترست استغراب من تصرف حمد

طلعت موبايلها بتدز له مسج
و لا تشوف مسج منه

حمد : انا مع اختي بالسوق .. و مابيها تشوفج

ساره ردت عليه : اوكي


و راحت البيت و قعدت تنطر حمد يدق او اي يقول لها شالسالفه
و بعد ساعتيين رن موبايلها

حمد : ساره وينج
ساره : انا بالشقه ... تعال شوي ابيك
حمد : يلا كاني شوي و اوصل


وصل حمد و بيده بوكيه ورد احمر كبيييييييييييييييييييييييير


حمد : اسف يا قلبي على الموقف البايخ الي حطيتج فيه اليوم

ساره : حمد ... قبل الموقف .. اي اخت الي تقايس و انت ما عندك خوات ؟؟
حمد : هاا .. من قال ما عندي خوات
ساره : مو قلت احنا 3 شباب بس
حمد : لا حبيبتي عندي خوات ... بس قلت لح يوم خطبتج قمت اقط خيط و خيط عشان اهلج يرضون بخطبتي من دون اهلي
ساره : يعين حتى خواتك مو راضين على زواجنا ؟؟
حمد : للاسف لا
ساره : ليش يعني يا ربي ؟؟ انا اشناقصني
حمد : ميخلف حبيبتي لا تحطين بالج
ساره : اي بس الشي يحر .. متزوجين و نتخشش و لا قادرين ناخذ راحتنا و لا نيب عيال لي متى يعني
حمد : مردهم بيعرفون .. بس خليني امهد شوي شوي
ساره : تعبت يا حمد تعبت
حمد : يعني ما استاهل تتعبين عشاني شوي ؟؟ بس شوي
ساره : انت تستاهل الروح كلها
حمد : حياتي ... مشتاق لج موت موت موت

و خذاها و دخلها الغرفه

و طلع حمد سبح و و قالها برجع المستشفى و باقي 3 ايام و يرخصون ابوي و نرجع شقتنا ان شاء الله

 

[عروس الدنيا]

رد : حمد و ساره .... و هل العشق حرام ؟؟_____ روايتي الثالثه

ارجع و اكرر اسفي و انشالله هل بارت يكون طويل مثل ما تحبون .. و حاولت اختصر وااااااااااااااايد اشياء عشان الوقت
سامحوني على التاخير

 

[6amni bs]

رد : حمد و ساره .... و هل العشق حرام ؟؟_____ روايتي الثالثه

مسموحه
وااااااااااااااااااااي احسه متزوج عليها وي وي غبررررررررررره
يعطيج العاافيه كملي

 

[عروس الدنيا]

رد : حمد و ساره .... و هل العشق حرام ؟؟_____ روايتي الثالثه

مسموحه
وااااااااااااااااااااي احسه متزوج عليها وي وي غبررررررررررره
يعطيج العاافيه كملي

الله يعافيج ... و ليش حسيتي متزوج عليها ؟؟:dddds:

 

[miss disaster]

رد: رد : حمد و ساره .... و هل العشق حرام ؟؟_____ روايتي الثالثه

امممم بصراحه حمد omg

بس وراه شي يا متزوج يا ما يشوفها مناسبه حق عايلته

بصراحه قهرني لما جذب يعني ليش ؟؟؟!!!

يسلمو ناطرين الياي