~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[just-me]

عنيد... يمدحون مطعم زمان اول اللي قبال المركز العلمي

يقولون احلى من صويلح.. يبيله نسوي اجتماع لجنة الذواقة هناك

 

[just-me]

بطه مايسوى تطلعين من الدوام كملي احسانج و غيبي باجر

عموما انا ودي ودي انام و ما اطلع و الوي اول يوم العيد الامن بعد الخمس العصر

وين باقي البنات؟؟؟

ألحين يوم تعدل النت؟؟؟

 

[بطة رشيقة]

لالاجسوووت ودى اطلع اروح اى مركز تجميل قريب ابى اشترى ميكاج كامل ابيه مكياجى تكحين ومخلص لا حمر لا بلشرات ولا ولا شى لا كحل كل شى مخلص احك البودر حك عشان اطلعه خخخخ شدعوا شدعوعند الله السعه عاد قلت ودى اروح اجدد حق العيد وعيد يا سعيد بالعيد


وعلى العيد اهو صح يعنى لويه من الصبح واحاول قد ما اقدر انى اضبط الغتره على كارز وصيحه ولويه ولازم لازم كل عيد نتناحر مع قوزو اهو يبى يتغدى فى بيت يدته وانا ابى اهلى اقوله انت روح يقول لا شلون اروح وبعدين يسئلووونى وين مرتك !!! يا سلام ... عاد احنا قاعد نروح لها الصبح نبارك لها واهيا اقدر احصلها بوقت ثانى لان عندها اكثر من يوم زواره واخلى وعليه علينا ما نتيمع الاب اليوم هذا والله يقدرنا ان شالله انا نرضى الكل والجميع .. وعيدكم مبارك خخخخخ وصاااجه جسوت كل سنه الريوق ما ينوكل .. بس اهم شى ان احنا نشد الحزام لى العيد عشان القميص ما يطلع ضيج ويصير مبحبح شوى ابيه ابى اشوف ال 70 قريب متى يارب متى ... ​

 

[just-me]

بطه مري مشرف خوش مكان للمكياج و يمج

ز اذا تبين شويونه نصايح على قدي حاضرين

وعلى الزوارة تغدي اول يوم عند امج و اهوه عند امه و ثاني يوم عند خالتج عشان هم

اهوه يستانس انه يومين عند امه :denya:

وثالث يوم بلشوا صيام بس انحلت قضية فلسطين:dddds:

 

[بطة رشيقة]

اى ان شالله اكيد جسووت انا بعد ما ابى اصير نحيسه وما اخليه يشوووف اهله بس ما ادرى اذا خالتى بتسوى غدا عيد حقى ما اتوقع بس انا اللى على بسويه الصبح بروح اباك حق يدته وخالتى بتكون هناك وتالى نشوف شلون اذا قالت تعالوا تغدوا رحنا ماقالت عادى

وعلى المكياج اى ادرى مشرف حلو والله وحاطته ببالى وعلى النصايح اى والله جسوت لا تبخلين علينا بنصائحج الذهبيه ابى كريم اساس سنع وينفس الوقت يكون طبيعى وابى بودر هم يكون طبيعى مسكره حلوه كحل داخل العين انا مجربه مال مكياجى ومجربه مال برجوا حلوين بس اذا فى احلى ما اقول لا

شنو فطوووركم اليوم ..؟

انا ودى اسوى صينيه دياى بالفرن وسلطه جرجير ( حشى عرفت اسمك من قردك كل يوم اسوى الجرجير خخخخ ) بس والله وايد سهله وصحيه وخفيفه وبنفس الوقت الجرجير عندى منه وايد خخخخخخخخ

وبسوى مقالى بس ما راح اكل منهم يارب يارب ارزقنا الاراده وخفف عنا يارب يارب يارب .. ​

 

[just-me]

بطه قريت على السريع وبرد على الاسرع

الفاونديشن جربي hd مال ميك اب فور ايفير و جربي الدرجة اللي تحسين انخا نفس لونج

و على الحلو امس سويت كيكة اوريو و طارت تبارك الرحمن

1 كريمة كي دي دي اجرخيها و لمن تتكثف ضيفي
1 قيمر كي دي دي + نص قوطي عود نستله و مع 18 حبة اوريو طحنيهم مع الابيض اللي فيهم

على فكرة زيون معلمتني الطريقة بس انا عافستها حدر فوق و معدله عليها كلها تقريبا لووووول

المهم لاخلطتيهم صبيهم على كيك سارالس فانيليا و فوقهم بسكوت اوريو على عداله

وبالفريزر نص ساعة تالي نزليها و بالعافية

سلام اشوفكم من البيت

 

[زيـنـه]

رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم

شلوونكم ؟

انا اليوم اخذت يوم اجازه .. رحت طعمت البطل الصغير .. و تالي مريت مدرستهم خذيت يونيفورماتهم لان المدارس عقب العيد

جسوت ما تشوفين شر على عوينتج .. و على العيد ما انصح اتغير العاده الاوادم كلها تعايد الصبح احس العصر و الاالليل مو عيد و اصلا في ناس ما يقعدون العصر و الا ما يستقبلون ...زهوة العيد باول النهارالفراره و الله يعين .
و على الحلو ... انتي ابتكرتي حلو من عندج .. رجاءا .. لا تلزقين هالطريقه بطريقتي ..حقوق الملكيه الفكريه محفوظه... لووول

بطبط .. اللهم امين .ربج المسهل على كل الامور .. و على العيد حالج من حالنا .. قوزو يبي يمعة اهله و عمامه .. و انا ابي يمعة اهلي و خوالي.. بس الحمدلله نجحت و لي سبب وجيه و مقنع و الحمدلله حتى اهله اقتنعوا .

عنيد .. ما قصرتي ياللي مازرتني .. بس اللي مضيق خلقي الوزن بالعالي .. ساعات اقول ما بقى الا اقل من 10 ايام خل اقزرهم تبتربس و ابلش عقب العيد .. وساعات اقول لا خل احاول امسك روحي علشان ما ازيد زود و النزول يصير صعب .
و الله محتاره!.!؟

عبير .. اللهم امين .. بشري عسى زدتي في هالشهر ؟

 

[همبوشه]

رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم

انا اليوم الحمد الله ما كليت وايد شربت نص الشوربه وكليت 3 قفاش شوربه مع سلط وقلااص ماى وشبعت بسرعه بس خايفه انا من هالسالفه اخاف بعدين معدتى تتعود على هالكميه والهكميه اشوى حيل احاول ازيد بس مو قادره واليوم وزنى 93 وايد استانست


ومن من صح كلاامج بس الاهم بالنسبه لى هالناس المعينين ما تصدقين ان انسدت نفسى وسبيايب اهما


تمتوم الف مبروك على النزول وما شاء الله وزنج حلو وانا بعد ضعفت زين بسرعه نزل وزنى مستانسه اشلون بنت اختج عساها بخير الحين احسن

تيوخه التختوخه حياج الله معانا وان شاء الله تضعفين مثلى انا مستانسه من بديت مع البنات وانا نازله 2 كيلو وان شاء الله انزل اكثر وكل البنات

بطه رشيقه الله يحيج مشكوره ما قصرتى

 

[mn.mn]

السلاااااااااااااام عليكم

شلونكم وشخباركم ؟

أنا اليوم حدي مالة ومالي خلق مادري شسوي مالي خلق القعدة بالبيت ولا لي خلق الطلعة بالزحمة

ريجيميا وضعي نص ونص بس الحمد الله مشيت نص ساعة قبل الفطور ومو ناوية أقطع المشي لي العيد

جسوت على روتين يوم العيد من عمرنا تعودنا على القعدة الصبح صج نكون لي الحين مقفلين بس حلاة العيد

جذي والحمد الله انا حوستي مو وايد اروح الصبح حق يدة ريلي وتالي بيت أبوي لي المغرب وثاني يوم غدا الحمولة

وزمان أول أنا بعد مدحوا لي إياه فريج صويلح الحين صار الله يزيده مو حلو أكله

زيون زين سويتي ما داومتي اليوم وسلامة البطل وان شاء الله اليوم تكونين أحسن

بطبط بالعافية الميك أب اليديد عاد أنا امس سويت جرد وقطيت اللي من زمان مو مستخدمته

وفطوري اليوم مقلوبة لحم وشوربة وبيتزا وبس الحمد الله استغفر الله ملينااااا من الطباخ والنفاخ

عبووووووووورة هلا والله حبيبتي وعساج من عوداه وتقبل الله طاعتج ولهنا عليج

همبوشة بالعافية اللي كليتيه وربي يرزقج ما تتمنين

عنيد فعلا وضعج الرجيم فيه جهاد مع اليمعة اليومية ربي يتمم عليكم وان شاء الله بعد رمضان تبدين الجد عدل

 

[tamto0om]

رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هبوشه الله يبارك فيج ومبروووك عليج بعد وانا ما عندي بنت اخت هذي متميزه

والباجي اشلونكم وشخباركم انشالله ابخير واشلون الرجيم معاكم

 

[◇◇◆»RyoOoma]

رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

اهلييين بنات شلونكم حبايبي شخباركم

بالنسبة للرجيم كلش كلش كلش كلش مو اوكي صارلي من امس لي اليوم وانا وايد اكل ومابقى شي على السفرة بصراحة خلاص ارادتي كلش ماكو راحت وحده من البنات بقسم الرجيم حاطه موضوع عن جاي اسمه "جولي" وايد يمدحونه الي نزلت 14 كيلو والي بسبوع 3 كيلو المهم بصراحة بشربه لان حيل يمدحونه وانشاء الله راح اييبلكم النتايج المضمونه

 

[tamto0om]

رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

انا صارلي يومين استخدمه وابصراحه مشى بطني وااايد س ما قست وزني ابي اتفاجأ لان احس ضعفني وحاليا قاعده اشربه

 

[شوكولاته&فانيلا]

اشلونكم شخباركم

الله يتمم على اللي مستمرين في الريجيم وربي يوفق اللي مبربسين ويردون للريجيم قريب يارب موفقين جميعا

::

::

امس كان اوكيه واليوم بعد الحمد لله..

عالفطور امس اكلت ثلاث حبات رطب+اربع رشفات شوربة..

بعد الصلاة اكلت ايدام تونة بجزر وفطر اكلته بقفشه بدون خبز +سلطة

عالعشر اكلت حبة مقالي بالجبن..

والسحور اكلت حبتين مقالي بالجبن+روب قليل الدسم+3 حبات رطب<<جني كثرت:botetoo:

::

::

::

اليوم قبل الصلاة اكلت كوب لبن قليل الدسم+3 حبات رطب


بعد الصلاة جبت كوب سلطة بس مااكلت منه غير النص +علبة تونة..

وعالعشر ونص اكلت 2 من حلو السميد <<وحده بشيرة ووحده بدون شيره..

السحور ان شاء الله باقي كوب السلطة حق الفطور+2 سمبوسة بالفرن صغار+لبن قليل الدسم


::

::

وترى ماوزنت ماعندي ميزان ومحد فاضي يوديني الصيدلية:flower:

ان شاء الله بأخر رمضان بوزن مره وحده ونتيجة وحده ويارب اكون نازلة..

...

 

[ABEER FLOWER]

فديييييييتكم حبايب قلبي :eh_s(9):
الله يحييييييييكم

أنا بخيييييييير
و الوزن نفس ما هو
وزنت من أسبوع تقريباً 44 و شوي لوووووول
أنا في رمضان أضعف و ما آكل عدل

الله يعينكم و يقوي إرادتكم و يحقق لكم ما تتمنوووووون بصحه و عااااافيه

جسووووت إنتو ع البااااااال بس تعرفين حركات المنتدى البايخه
قطعت شهر و شوي تقريباً لاعت جبدي منه من بعد ماكان حبيبي خخخ و توني أدخله من كم يووووووووم بس
قلت لازم أطل ع الحباااااااااايب

مبروووووووك الوظيفه يا قلبووو
توني أدري
تستاهلين كل خيييييييييير

منمووووونه أنا بعد ولهت عليج
شخبار العياااااااال ؟؟؟

تقبل الله أعمااااااااالكم
و لاتنسووووووووني من دعواتكم ​

 

[mn.mn]

حست شوي بالبيت عشان يضيع الوقت وطليت بكبتات الياهال وسنعتهم شوي

قبل شوي حاشني عوار بمعدتي مادري شلون لوعة على حارج أحس أبي بس شي مااااااالح

مادري من كثر ما زادت جرعات الحلو برمضان ؟؟؟؟ المهم خذيت لي خبزة خفيفة حطيت فيها

زعتر وزيت وفعلا الحين حسيت صرت احسن

عبورة بعد عمري توله عليج العافية والعيال تمام سهارى لي الفير معاي الله يعين وتتعدل نومتهم حق المدارس

شوشو بالعافية ما كليتي وان شاء الله نطرة الميزان تعدي بنتيجة فتاكة

ريومة وتمتوم شوقتونا على جاي جولي بس هم أتوقع ما يفيد اذا ما صكينا الحلج

سحوري بيكون توست ومرتديلا وجبن وبسويلي مطارة زنجبيل ودارسين

بعد شالأخبار ؟

 

[بطة رشيقة]

قوووه بنات شلووونكم وشخباركم ...

اليوم الحمدلله ربى دومها من اراده ان شالله ( صج ان فيها صراع الجبااابره مع لاالنفس بس ماعليه ) اليوم تفطرت 3 تمرات وقلاصين ماى ومعكرونيا بالبشاميل 5 قفاش وتوست محشى دياى كلت حبتين ودايت وسلطه وشوربه وجذى حسبت حق روحى انى ماكله 9 ملاعق من اصل 12 تمام ... ( مو مصدقه روحها ) خخخخخخخخخخخخخ

وتالى عقب التراويح كلت بف باسترى وحده مع جاى اخضر ..

وتالى اشتغلت تنظيفكوووو البيت اليديد عشتوا محتاج تنظيف وما طلعت الا الساعه 11 عقب ما تفججت رحت الجمعيه ناقصتنى اغراض عاد تشريت وتونى داشه البيت مشالله الجمعيه تخرش ولويه ماجنه الساعه 12 خخخ والله وناسه يا حلو جو رمضان الله لا يحرمنا منه .. ويا حلو الجمعيه اللى يم البيت وياحلو البيت المستقل الحمدلله يارب على هالنعمه

بتسحر ان شالله لبن وتمر وربى يقدرنى ان شالله

منمن حبيتبى سلامتج من الملل والله يعينج على الروتين انا بعد احس ان بلاعيمى تعوووورنى ومالى خلق الدوام باجر اف استغفر الله

زيون انتصرنا والناصر الله خخخ ان شالله انا بعد انتصر وازور بيت اهلى والله الواحد مو عن شى بس سبحان الله كل من يبى اهله ... وان شالله هم ما نقصر بحق المحمووله السعيده وهم نروح لهم بس حلاه العيد عند اهلنا اول يوم الله يعيده علينا ان شالله ...

وعلى الرجيم اى والله حسافه علينا انا طلعت لى كرشه وضيم وان شالله بحاول اغير من نفسى هال10 ايام ... والله كريم

جسوووت ثاااااانكيووو على الطريقه مالت الحلو وشوقتينى يم يم .. وهم مشكوره على النصايح الميكأبيه وعلىق وقووولتج انا اول كنت استخدم ميك اب فور ايفر بس ما ادرى شفينى من خلص ما رديت شريت منه ان شالله بروح اشترى ...

عبوووره حبيبتى حياج الله والمفروض انتى تخافين من عيونا وما تقولين وزنج 44 خخخخ الله يعطيج الصحه والعافيه وتبين الصج يبيلج اتوقع زياده 10 كيلو تمى معانا بس اسبوعين وبتزيدينهم ( بطه بالتخربط خربت سمعه الدوانيه ) خخخخخخخخخخخخخخخ


بنات واى قلبى طاير اشوف صلاه الجيام بالتلفزيون يا حلوها ويازينها تشرح القلب سبحان الله الواحد صج الدنيا تغيره انا من كنت ب2 متوسط لى 3 جامعه يعنى قبل ما اتزوج بسنه وانا متطوعه بالمسيد الكبي لجنه تنظيم ر طول هالسنين برمضان يا حلو الاجوااااء والله شى روعه كان تدشين بجو ايمانى راقى وتحسين انج قاعده تخدمين بيت الله وتخدمين المتس وتسمعين دعوات حلوه من الحريم الكبار ومن االصغار يالله الحمدلله ان شالله اجر هالسنين ربى ما يحرمنى منه والحين مع البيت والزواج الريال مو على الكيف ما يرضى اروح وقطعت من تزوجت بس هم اقول كانت ذكريات حلوه وايام ما تنسى الحمدلله على كل حال

بقوم الحين اصفف الاغراض اللى يبتهم من الثلاجه واصلى جم ركعه وان شالله ربى يتقبل منا ولا يحرمنا من الاجر ان شالله ... ​

 

[بطة رشيقة]

حست شوي بالبيت عشان يضيع الوقت وطليت بكبتات الياهال وسنعتهم شوي

قبل شوي حاشني عوار بمعدتي مادري شلون لوعة على حارج أحس أبي بس شي مااااااالح

مادري من كثر ما زادت جرعات الحلو برمضان ؟؟؟؟ المهم خذيت لي خبزة خفيفة حطيت فيها

زعتر وزيت وفعلا الحين حسيت صرت احسن

عبورة بعد عمري توله عليج العافية والعيال تمام سهارى لي الفير معاي الله يعين وتتعدل نومتهم حق المدارس

شوشو بالعافية ما كليتي وان شاء الله نطرة الميزان تعدي بنتيجة فتاكة

ريومة وتمتوم شوقتونا على جاي جولي بس هم أتوقع ما يفيد اذا ما صكينا الحلج

سحوري بيكون توست ومرتديلا وجبن وبسويلي مطارة زنجبيل ودارسين

بعد شالأخبار ؟

منمن مبرووووووك حامل :tek:​

 

[mn.mn]

بطوووووووووووووو هلا والله هلا وأخيرا تصادفنا الفال حق جسوت من زمااااااان مو مسولفة معاكم

وين حامل يا حظي انا بأسبوع المرور :eh_s(2):

واصلا انا خلاص قررت أصير يابانية وأكتفي باللي عندي الحمد الله عسى ربي يهديهم ويصلحهم

وقواج الله على التنظيف وروحة الجمعية وتقبل الله منج انا اللي مضيق خلقي هالدورة العلة اللي ما قدرت أرفعها ولا جان انا الحين مجابلة سيادتي وقرآني

يا الله الحمد الله على كل حال انما الأعمال بالنيات وان شاء الله يمديني لي طهرت أكمل ختمتي

 

[◇◇◆»RyoOoma]

رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

من من ... شوفي انا سمعت عنه وايد وحتى عضوة بالمنتدى حاطه موضوع عنه.. تسدين الحلج بس بدون حرمان
وصج قالوا وااااايد ينفع وبسرعه يضعف انشاء الله بجربه وراح اعطلكم النتايج
وفطوم لمن توزنين قولي شصار نزلتي جم كيلو ؟؟

 

[mn.mn]

ريومة ان شاء الله تستفيدين منه وناطرين النتايج

تسحرت الحمد الله وبروح اسوي لي الزنجبيل والدارسين وخاطري بكتكات :eh_s(10):