حماتي تستعرض عند اخوانها

[الغاليه نونو]

الحين انتي تقولين انج من بيئه محافظه وتمدحين بعمرج وقاعده تقرظين بحماتج وتوصفينها بكلام كلش موزين تقولين تستعرض وتتعمد تستعرض جدام اخوانها ؟؟؟؟؟؟؟؟؟؟؟؟؟؟؟؟؟؟؟؟؟ هذى ابروحها تهمه فيها دم للركب


خلي نيتج طيبه يمه والبنت ماسوت شي كيفها قاعده بالبيت ومستانسه بعمرها تلبس اللي تبيه دام اهلها راضين انتي شكو حارقه دمج
صج الحشمه حلوه ومحد يعافها بس دامها بالبيت كيفها محد له شغل فيها

انا اشوف السالفه عاديه حيل وكلامج عنها اهو عين الغلط

 

[LuLiTa]

رد: رد : حماتي تستعرض عند اخوانها

عاادي هذوول اخوانها مو غرب ,,, و يمكن ببيئتهم اهمه متعودين جذي,,, و اذا كانت مطلقة و ماخذه راحتها بلبس البيت خلاص سويتيها عندها نقص !! هذا بيت ابوها و اللي فيه كلهم محارمها تبينها تلبس نقاب وعباة جدامهم ؟؟ اهي اذا ما خذت راحتها ببيتها وين تاخذ راحتها ؟؟؟؟ عجيب امركم اتغارون على رياييلكم حتى من خواتهم !!

حبووبة ترا من راقب الناس مات هما ,,,,

 

[الجورية2010]

رد : رد: رد : حماتي تستعرض عند اخوانها

واااااااااي مشكله الي يتزوجون من بيئه مختلفه

حبيبتي هذول اخوان و متعودين على بعض طوووووووول عمرهم عايشين مع بعض و رابين مع بعض

بس انتي و مرت حماج خففو الغيره شوي و انشالله تنحل الامور
يمكن انتو شوي تفز قلوبكم لانها احلى منكم او جسمها احلى من اجسامكم بس ترى عيب تقولين تستعرض جدام اخوانها
هذول اخوان و البيئه الي تربو فيها متقبله هالشي .. فاذا مو عاجبينج تطلقي بس ما تقدرين تربينهم من يديد شنو يلبسون جدام اخوانهم خصوصا ان امها موجوده

تذكريني بقصه سامعتها من قبل اعتقد بالمنتدى عن وحده يابوها من السعوديه و زوجها اخوهم و انصدمت لما شافت البنات يبلسون بجايم و قالت حرام و ما يجوز البنطلون و قعدت تشيش الولد على خواته و لما تهاوشو ........................................... و اخر شي قامت الي( تقول حرام و ما يجوز ) تلبس جينزات و بلايز تطلع نص صدرها عند عمها او زوجها !!

فكل السالفه حبيبتي انكم مو متعودين على هالوضع و شوي شوي تتاقلمين
و صفي النيه .. هذول اخوان لا يروح تفكيرج بعيييييييييييييييييييييد

انا مااغار منها ولاهمتني وانا الحمدلله موناقصني شي وموضوعي توعية للبنات وفيه ابيكم تشاركوني تفكيري انا ماادقق على لبسها كثر حركاتها واسلوبها والبنت اعرفها قبل لاتطلق ماكانت جذي وشاللي دخل الطلاق بالموضوع وبالشرع والدين لبسها موجايز واختي والله العظيم انا احبها وودي انصحها بس شنو اقولها البنت تطلع من غرفتها كاشخة مكياج وتسريحة ولبس مغري وحركات دلع ولما يجون اخوانها تسكت وتدقق عليهم شلون يطالعونها تحسين تبي تلفت وبس يعني لما يجون اخوانج تسكتين وكأنج قاعدة بخطبة ولاتكونين على طبيعتي ياليت الصورة وضحت

 

[الجورية2010]

رد : رد: حماتي تستعرض عند اخوانها

ماخفتي ربج وانتي تقولين هالكلام
اخوانها شكلها الغيره عمت قلبك اعوذ بالله
حرام رمي المحصنات

@@@@@@@@@@@

ياساتر انتي فهمتيني غلط

اي غيرة واي رمي محصنات

انا مامشيت بالشارع وقلت عنها شي

ولا كتبت اسمها بالمنتدى

ياليت تشوفين ردودي وموضوعي عدل وبعدين تكتبين اللي تبين

 

[كرز حالي.]

رد : حماتي تستعرض عند اخوانها

لو كان لبسها في شي غير عادي وموطبيعي جان تكلمو اخوانهابس يمكن اهي جذي من قبل لا تيينهم انتي

 

[الجورية2010]

رد : حماتي تستعرض عند اخوانها

ليش اخواها مو ريال وووي والله عيب
اشدعوه تستري وطلعي لخوج

بس ما عليج منها طاف كيفها _shh_:

انا ماهمتني بس والله محيرني اللي تسويه معقولة النقص يسوي جذي؟؟؟

 

[miss-winter]

يمكن حكم انتي يايه من بيت محافظ فعندج هذا شي غريب وعجيب واهيا متعوده عند اخوانها ويوم ماكلموها فمعناته ان متعودين عليها لاتفهمين الامور غلط وربي يهديها اذا كانت قاصده

 

[ToOoTi]

رد: رد : حماتي تستعرض عند اخوانها

الله يهديها

 

[الجورية2010]

رد : رد: رد : حماتي تستعرض عند اخوانها

الله يهديهااا

آآآآآمين والله اتمنى لها الخير

 

[الجورية2010]

رد : حماتي تستعرض عند اخوانها

حتي المكياج ما اطلع عند أخواني لبسي دراعه كم طويل ساعات حتي رقبتي ما اطلعها

اذا شافو لبسي في شي قالو عيب استحي الحمره ما تدور عندنا ما يحبون

لان تربيتنا جذي في حد للعوره حتي بين خواتج الحريم

وي قطيعه وين الحياء

الحياء شعب من شعب الايمان

بس اعتقد حماتج فيها شي بعقلها الله يهديها

يمكن الايام راح تبين المستخبي

 

[يمة يادلبي]

وليش مستغربين بالله
ترا هالزمن يخررررع اتوقعوا أي شي
الله يكافينا الشرررر
وترا مشكلتج للأسف مالها حل لأن بنظر اهل ريلج هالشي عادي
وأنا اشوف ان بامكان البنت تلبس اللي تبيه في بيتها خو اذا مالبست في بيتنا وين تلبس
بس كل شي له حدوووود

 

[Ray.Bana =$]

الحمد للهـ والشكر :eh_s(12): اللهـ يهديهآ انزين ماجربتوآ تحآجونهآ أو تسألين ريلج اهيا لييش جذي وخل يحاجيها

 

[ياشوقي للجوري]

رد : حماتي تستعرض عند اخوانها

لا مو عادي حتي لو كان اخوها عيب تلبس جذية
اطلع صدرها وتلبس الضيق حتي المحارم مو اي شئ تلبسينه عندهم

 

[Om -TOota]

رد : حماتي تستعرض عند اخوانها

لاحول وقوة الا بالله

اللهم لاتؤاخذنا بما فعل السفهاء منا يارب العالمين


حاولي تنصحينها الدين النصيحه

 

[الجورية2010]

رد : رد: رد : حماتي تستعرض عند اخوانها

الله يهديج

بالله الحين هذا موضوع؟؟؟

تدورين من وراه حل؟


هي رابيه في بيت اهلها جذي بعدين قاعده في بيت ابوها كيفها مو قاعده بالشارع بصراحه استغرب من هالمواضيع بدال لا تخلين الشيطان يزرع افكار مو زينه فيج ادعي لهاا بالتوفيق والا علشانها تطلقت صارت العين عليها؟؟؟ وصرتوا تنتقدون تصرفاتهاا


الله يهديج بس صومي

انا قلت هدفي من الموضوعي اوعي البنات بضرورة الانتباه للبس جدام اخوانهم وثانيا ابيكم تشاركوني تفكيري
وهي ماكانت جذي مثل ماقلت وموعشان تطلقت العين عليها لا
كا اختها عندنا ارملة وحلوة وجسمها بعد حلو ماسوت سواتها
والله يسمع منج ويهدينا كلنا
انا موضدها ومااكرهها انت فهمتيني غلط للاسف

 

[[[ عيون جابر ]]]

رد: رد : حماتي تستعرض عند اخوانها

والله صاجه لبسها يفشل كلش موحلوه تطلع فيه جدام اخوانها

 

[الجورية2010]

رد : حماتي تستعرض عند اخوانها

شـورتات و بلاااايـز ضيجـه و جابينيـز و حفـر .. عاااااااادي الحـيـاه حلـوه:denya::eh_s(6)::eh_s(6):

اي والله الحياة حلوها والحياء احلىىىىىىىىىىى

 

[كرز حالي.]

رد : رد: رد : حماتي تستعرض عند اخوانها

لا تتهمينها بالنقص حبيبتي ومو زين تقولين معقوله النقص يسوي جذي
قولي الله يهديها بس
انتي عند ريل وماتدرين باجر شيصير بنصيبج
لا تقولين نقص
الله يهدي الجميع

 

[الجورية2010]

رد : رد: رد : حماتي تستعرض عند اخوانها

بعدين هذيله اخواااانهاااا وهي عمة عيالج

يعني عيييييب تقولين عنها هالكلام وتغتابينها وانتي صايمه؟؟؟


عجبي!!

الغيبة لما اقول واصرح باسمها لكن هل انت تعرفيني او تعرفين عن منو اتكلم؟؟؟؟؟؟؟؟

 

[الجورية2010]

رد : حماتي تستعرض عند اخوانها

يمكن اهما طبيعتهم جذي عادي واايد ناس جذي ..
لا اتكبرين السالفة حبيبتي وانه على الظن اثم

ان شاء الله مااكون مكبرة السالفة

ويكون ظن بس

والله البنت تغيرت عقب الطلاق ياربي ماودي اكمل