~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[mn.mn]

لا لا الظاهر حليمو عطوها قرصة من قلب لان لبسها تغير 180 درجة

جم طويل من عقب الكوكتيل وماكسي من عقب اللي فوق الركبة والقولة لي الرقبة من عقب الترصرص بالصدر

قلعتهاااااااااااااا تستاااااااااااااااااااهل

اللهم لا تجعل مصيبتنا في ديننا ولا تجعل الدنيا أكبر همنا

 

[mn.mn]

همبوشة الصورة معبرة وترى ذكرتني بروحي قبل لان انا كان وزني 95 وفوق

وليش بتوصلين 45 ؟ جم عمرج ؟ متزوجة ؟ عندج عيال ؟

جنه اذا وصلتي 60 يكون هذا الوزن المثالي ؟

والزنجبيل والدارسين ممتاااااااااااز حق البطن انا لما استمريت عليه وايد بطني خف بس انا اشربه الحين عشان اطهر بسرعة

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

صباح الخير

وايد عجبتنى ديوانيتكم وان شاء الله اكون ضيفه خفيفه معاكم صج ان الوزن ثقيل بس الروح خفيفه ان شاء الله


وابى معاكم التزم واضعف برمضان الكريم


الوزن 95 الطول 159 والرجيم تخفيف ومشى ان شاء الله


وتقبلوا مرورى تحياتى لكم بالرشاقه والتخفيف

:68_asmilies-com::68_asmilies-com::68_asmilies-com::68_asmilies-com:هلا فيج همبوشة حياش الله في بحر الرشاقة لووووول:dddds: هيا بنا نسبح لووولوتقبلي مني هذه الوردة:tek:

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

من من .. اي و الله الحاله صعبه ما ادري وين الشخشيه عني ؟
و عنيد و جسوت شكلهم ملتزمين --->مو قلنا الاراده تجلب بناس وتهد ناس .

لوووول

 

[همبوشه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

صج والله من من يعنى انتى كنتى مثلى وجم وصلتى الحين ؟ شجعينى يعنى فى امل انا اضعف

وان شاء الله بشرب الزنجبيل والدارسين ونشوف شصير فينى


الله يحييج مميزه دائما ومقبوله الورده مشكوره وايد

اى صج ما رديت على سؤالج منمن انا متزوجه اى وعمرى مو صغير متوسطه العمر وعندى بنت وولد توأم

 

[tamto0om]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم اشلونكم يا رشيقات المستقبل باذن الله ترى ماكو شي صعب

اتمنى اكون عضوه خفيفه عليكم وتتقبلوني بصدر رحب

معاكم اختكم تمتوم وزني 68 وطولي 158
كان وزني في بداية رجيمي 86 والحمدلله وصلت لي الستينات بالنسبه لي كان حلم ماراح يتحقق بس الحمدلله بارادتي صار
وناويه اوصله 54 معاكم انشالله بوصل لي هدفي
حبيت اشجعكم واقولكم انتو قدها وغيرنا اللي ضعفو مو احسن منا وترى الضعف يحلي يعني ضعفو في سبيل الجمال

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم اشلونكم يا رشيقات المستقبل باذن الله ترى ماكو شي صعب

اتمنى اكون عضوه خفيفه عليكم وتتقبلوني بصدر رحب

معاكم اختكم تمتوم وزني 68 وطولي 158
كان وزني في بداية رجيمي 86 والحمدلله وصلت لي الستينات بالنسبه لي كان حلم ماراح يتحقق بس الحمدلله بارادتي صار
وناويه اوصله 54 معاكم انشالله بوصل لي هدفي
حبيت اشجعكم واقولكم انتو قدها وغيرنا اللي ضعفو مو احسن منا وترى الضعف يحلي يعني ضعفو في سبيل الجمال

عليكم السلالام هلا تمتووووومة اشلونج ماشاء الله عليج مبروك نزول الوزن والارادة الله يتمم عليج وتوصلين حق الوزن اللي تبينه عاشوا عاشوا :eh_s(9)::eh_s(9)::eh_s(9)::eh_s(9)::eh_s(9)::eh_s(9)::eh_s(9)::eh_s(9)::eh_s(15)::eh_s(15)::eh_s(15)::nbvppw::nbvppw::nbvppw:
قاعدة احتفل فيج لوووول

 

[بطة رشيقة]

رد: رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم صباح الخير يا بنات شلوونكم عساااكم بخير .. صج صج صج الوضع كل ماله وبالنازل الشخشيه اللى تبونها تساعدكم بروحها تبى احد يساااعدها

( قبتك يا عبد المعين تعين لئيتك يا عبدالمعين عايز تنعااااااااااااااااااان ) لالالا جد جد جد الوضع كللش مو زين !!!!!! بس عن نفسى اليوم بسبح وباللليل بمسك لى طفاااحيه كبيره وبطلع من بحر البربسه لى متى جذى يعنى امس استغفر الله مانى قادره انام من البلعه ليش يعنى شنو شلون جذى وصلنا للحاله هذه اللى ناكل لما ما نشبع لالا اعوذ بالله من الشيطان الله يخفف عنا ويثبتنا يارب لا تخسر تعبنا ..

حبيبتى تمتوووووم مشالله مشالله تبارك الرحمن وايد فرحت وشتجعت لما شفت وزنج وين كان ووين صار وصاجه سبحان الله الواحد لما يلتزم وايد يحقق اهداااااف وان شالله ربى بيثبتنا وبننجح ان شالله ..

اختى همبوووووشه ترى انا بعد كان وزنى بيوم من الايام 95 وكسووور وصار 73 والحين للاسف زايد بس ما ابى اقول جم لانى ان شالله بعيد الامجااااد والله يقدرنى ...

زيووووووووون ها بتطلعين من البحر اليوم والا لا انى امد يد العون لكى ولمنمن ولجسوت وعنيد من تريد ان تمسك بيدى ونطلع من بحر التخربط اتللى راح يولد لنا الزوايد والشحوم والمتن والجكر ... يالله منو تبى تطلع وياى ...

؟؟؟؟


يارب يارب يارب ثبتنا يارب يارب :eh_s(2):​

 

[بطة رشيقة]

رد: رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

منمن حبيبتى والله كسرتى خاطرى صج صج صج الدوره برمضان ييتها تحر وتبط الجبد وعلى الحبوب انا مره سالت الفتوه وقالوا لى ان اهو ربج معطيج رخصه بس ما يمنع انج تاكلين حبوب اذا زوجج راضى :080402ask_prv: شكو زوجى ما ادرى بس انا يعنى عقب ما كلتهم استاذنت منه :050103nbh_prv: بس هذا كان فى السنوات المنصرمه والله يعينج ان شالله وهالله هالله على الرجيم والرجيم هالله هالله عليه ... واى انا مفتشله من المساابقه احس شيخه البنات بتقوولى انتى شكو قاعده طلعى احسن لج :bbbiu:​

 

[عنيّد]

صباح الخير

شوووووونكم


التزمناااا ٦ ايام و٣ ايام عقبهم سمررررردحه

ياخي الحياة صعبه صراحتن يعني

:d


اليوم باك تو الرجيم بس مو من قلب :eh_s(13):

 

[بطة رشيقة]

رد: رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

تونى حاطه مشاركه وين راحت ..؟؟؟؟؟؟​

 

[بطة رشيقة]

رد: رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هلا هلا هلا عنيدووووووووو ابيه الوضع جدا تعيس والوزن اتعس !!!!!

 

[عنيّد]

بطبط ،، لووووول بصراحه اي والله
بس هم زين اني ماسكه العصا من النص لا سرايين ولا ظلمه

<<< ترقع لعمرها خخخخخخخخ

 

[بطة رشيقة]

:eh_s(11):

الله كريم ان شالله ربى يقوى ارادتنا يالله عنيد خل نشد الحيل حساااافه على تعب السنين يروح عشان كبه وسمبووووسه الله كريم ان شالله ​

 

[زيـنـه]

رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

صباح الخير و التاخير

اليوم مني ومن نفسي قلت باسوي استأذان الصبح يكون بنام شوي .. بس ما تهنيت كل 5 دقايق رن المنبه .. يعني جنك بو زيد ما غزيت !
لاني نمت عدل و لارحت دوامي مبجر !

عموما انا مليت من وضع البلعه .. يعني ليش سحوري بدال الموزتين صار بردين سنيكرز ؟

عموما .. بحاول من اليوم لي اخر رمضان 10 ايام .. و عقب رمضان 10 ايام لي موعدي .. جود هال 20 يوم تعدل اللي صار !

بطبط .. ودي اسحبج من بحر البربسه .. بس اخاف انتي تسحبيني معاج .. شالدبره وقتها ؟ لوووول

من من .. يالله قدر و لطف .. و ان شاء الله تخلصين منها مبجر تلحقين الجيام كثر ما تقدرين .

عنيد .. الفري صار 3 .. الله يعين .. المهم انج قررت تردين بس مو من قلب .. ترى الخوف نص الشجاعه و شي اهون من شي .
قود لك .

تمتوم .. شكرا على عرض تجربتج .. و تشجيعج لنا .. ربي يوفقج و يوفقنا اجمعين .

همبوشه .. شدي الحيل .. كل اللي زاد ممكن ينقص .

 

[زيـنـه]

رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

وينكم ؟

 

[بطة رشيقة]

رد: رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هلا هلا زيون لالا ان شالله ربى قادر انه يحقق هدفنا وحملنا يارب يارب ان شالله ربىيفرح قلوبنا بالضعف والله قدرنا من قبل وان شالله نقدر الحين الله يقدرنا والله انا زيون صايره ادعى من قبلى اقول يارب انك ترجعنى انا والبنات لدرب الرجيم وان شالله الاكل ما يهزنا ولا يشوووقنا الله مرت علينا ايام كل شى جدام عيونا وما نخربط عشان روحنا وصحتنا وريااايلنا يارب يارب ان شالله يكون اليوم اخر يوم لى بالتخربط والتزم هال10 ايام اللى بقت التفت فيها لربى بدال البلعه وان شالله عقبها فى شى مهم ببالى بسويه بقووولكم عنه قريب ...

وعلى قولتج انا امس كرهت روحى والله استغفر الله من كثر ما كليت ماقدرت انام ليش اسوى بروحى جذى ..؟ شدعوا الله المستعان ان شالله بنرد ربى يوفقنا ولا يخذلنا يارب يارب ​

انا بروح اسير على رفيجتى بالقسم الثانى وان شالله ما تقولى صايره بطه وان شالله اشوووفكم على خير سى يو سون

 

[mn.mn]

ظهر الخير

واي مادري شفيني اليوم جفاني النوم ما قدرت أنام الا بعد الساعة 6 ومن الساعة 11 فازة ماني قادرة أنام

همبوشة مثل ما قلنا لج كل شي بالإرادة يصير وأنا إي بيوم من الأيام كنت بطة والحين الحمد الله هم ما زلت من عداد

المتان بس أرحم من أول ووصلت لي 74 بس للأسف الحين زايدة لي 80 بس ان شاء الله لي عودة قوية عشان

أكمل مشوار الرشاقة والله يعين الجميع :weight_lift:

بطو خلاص ان شاء الله اليوم تختمين بالعزيمة مسلسل الخرابيط ويارب صج نلتزم عدل بالعشر الأواخر

زيون ان شاء الله من اليوم خلاص ردي و10 أيام قبل العيد ترى يسوون شغل

عنيد بالعافية الفري وان شاء الله تضبط أمورج اليوم

جسوت وينج اليوم لا يكون راعية الجيتي قصدي راعية المكتب ردت ؟؟؟؟؟؟

 

[زيـنـه]

رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

بطبط .. اللهم امين نرد على الريجيم ..و ان شاء الله مثل ما قلتي نلهى بالعباده احسن لنا من البلعه .. واصلا فرصه ليش خلاص بد ماكو يمعات و لا شي الا بالعيد .

من من .. ظهر النور عالبنور ..كيفو ؟
ديري بالج لا تعتفس نومتج برمضان !!
تالي شيردها وقت الدوام ؟

 

[mn.mn]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هلا والله زيون نومتي معتفسة من أول رمضان ما أنام إلا لي نورت الدنيا وأقعد على الساعة 2

ان شاء الله راح تتعدل أول يوم العيد لاحقين على الفزعة من الصبح

وأنا والله تعباااااانة صار فيني مثلج ذاك اليوم كل شي تسلط بوقت واحد

اسبوع المرور وانفلونزا وصداع وبلاعيم الحمد الله على كل حال

فطورنا اليوم مجبوس لحم وشوربة ومقالي وبس مالي خلق اسوي شي بعد