صــبــاح الخيـر والورد يا احلـى كويتيات .. ومبـارك عليكم الشهر .. وعساكم من عوادة ..
بـنوتات .. ماني عارفة من وين ابتدي ..
سلمكم الله انا ملـجت .. ومن ملجت يا بناات ما ادري شفيني كله تعبانة وابجي وضايق خلقي ..
بالعادة البنت لما تملج تكون مستانسة وفرحانة .. لكن انا لا .. ياربي اتعوذ من ابليس واستغفر همن اتضايق حييل ..
وخاصـة من بعض جماعتناا لمن درو اني ملجت اشهقوو .. وبعضهم يقولون حنا كناا نبيهاا ؟؟؟
وبعضهم بآركو لـي ولآمي .. وبعضهم ما يتنازلوون كلـش .. معنى امي ما قصرت فيهم توجبهم ..
المهم بنات مو هذا موضوعي ..
موضوعي الي مضايقني حييل فوق مو انا متضايقة ومتكدرة .. اهل زوجي يا بنااات .. للحين ما جوو ولا باركو ؟؟
شدعووة يا حافظ اي ليش ؟؟ ما تعرفون الواجب ؟؟
صار لي الحين شهر من ملجـت ... ولا واحد منهم جاء للبيت ويبارك ؟؟
اللهم بس بيوم الملجة .. دقت اخته وباركت لآختي بعد مو لآمي ؟؟ وبعد اسبووع بالقطارة .. دقت عشان امها تبي تبارك لآمي ؟؟
بصراحة انا حييل تضايقت وقلت لآبوي ولآمي ليش ماجو ما يعرفون الواجب ؟؟
ابوي فديته قاعد يهون علي .. ويقولي يمكن مايعرفوون .. وامهم حييل كبيرة عجوز .. وناس بدو .. قلت لآبوي شدعوة يا يبا
كلنا بدو ونعرف الواجب .. هذي اختي لما ملجت ماشاءالله جو اهل زوجها وجابوو هدية يباركون ..
جان تقولي امي يمكن يستحون وفي ناس ترى ماتجي ..
بس يا بناات هذا مو عذر .. امي وابوي مايبوني اتضايق وازعل ..
الحين ولدكم ملج علي .. وما تعرفون تسيرون علينا وتباركون ؟؟ والله حتى الهدية ما ابيهااا .. بس ابيهم يجون ويباركون لي ..
لان هذا الواجب .. وكل الناس تسويهاا .. والله حتى رفيجاتي يسالوني ها اكيد جوكم ؟؟ ونا ميته حرة .. وقلت لا للحين ماجو ؟؟
بناات قولو لي انا غلطانة ولا لا ؟؟ مو هذا المعروف عندنا بديرتناا لما الولد يملج على البنية .. يجون اهل الولد ويباركون لـ آهل البنت ؟؟
اووف والله حيل متضايقة .. حتى اهو ما دق على ابوي ويعايد له بالشهر .. بس دق عليه دقتين وسكره يقول ابوي ما يمديني اطلعه من مخباتي ولا يسكره ؟؟
قلت لآبوي دقيت عليه قالي لا .. قلت احسن .. خل يدق عليك مرة ثانية .. وهمن ما دق ؟؟
بنــاات منو منكم صار لهاا مثلي .. ماجوهاا يباركون لهاا ؟؟
ودمتم بـود ..
