•●( الـــدنــيــا مــا تـــســـوى)●•

[rayona]

وناااااااااااااااااااااااااااااااااااسه كملي

enshallah 7bibtii al7en bkmeL:eh_s(17):

 

[rayona]

رد: رد : •●( الـــدنــيــا مــا تـــســـوى)●•

thneQ 3la Part
mmm mradri laish a7es ra7 y9er shay y5reb 3la na9er o0 shdn
mm aw ymkn ohwa yt'3ayar
:eh_s(10):
mmm o0 ymkn y9er shay o0 3alii o0 zenah ma ytzwjoun :eh_s(10):
3ad enshalah ma y9er kl hatha o0 al.nhaya s3eda loool
bs twa al.part al.3asher y3nii tw al.nas 3l 89a 9a7 ?

iL3aFo 7bibtii :eh_s(21): ..
Oo n6ray el part eli bynzil b3ad shway bt3rfen etha eli twg3ti 9a7 wla '3ala6..
mm la 7bibtii iL8e9a y3ni ma bgelha shai oo et5ale9 y3ni ymkin BaGi partain ow 3 partat

 

[rayona]

Hi 7bebty ryoonh bss b3'et a8oolch mta alpart alyay ?

hla galbii .. Oo enshallah el part el yay shway oo bynzl..

 

[بيـــشو17]

عاشت ريون عاااااااشت ريون عاااااشت ريون:ada::ada:
بتنزل البارت وبتنزل البارت:aha::eh_s(6):

 

[rayona]

الــبـــارت الــحــادي عـــــشـــــر


بعدها نزلنا ووصلنا الفندق .. اول شهر كان أحلى شهر بالنسبه لي و لناصر

لانه كان مو مخلي عليَ قاصر و حمدت ربي انه رزقني بزوج مثل ناصر .. و بكل صلاة ادعي ربي انه ما يغيره علي ولا يرحمني منه


لحد ما يه ذاك اليوم الي كنت نايمه فيه لانه ناصر يطلع بليل و كل مره يردلي عادي ..


الا هالمره


سمعت صوته و اهوا يغني بس ماكان صوته طبيعي


قمت من الفراش و فتحت باب الغرفه ولا اهووو بويهيي


بس ريحته لا يعلى عليها الصراحه آآآآآآآآآآآآآرف شويه عليه


ولا



الاخ سكران



وقفت مصدومه و قلتله : نااصر حبيبي من وين ياي --> معني اشوفه سكران بس همن قلتله حبيبي

ناصر : من وين بعد .. وخري وخري عنيي و رجائن لا تخربين مزاجي أنا ممزج عدل و مكيف .. يالله وخري


انا اهني ما اقدر اوصفلكم شكلي..

كنت ..

كنت..

ابجي مقهوره على الانسان الي خذيته و انخدعت فيه ..

انقهرت على الانسان الي حبيته بالشهوور الي قضيتها معاه و كان بنظري الزوج المثالي

بس للأسف طلع مو كفو هالحب .. يعني طول المده كان يمثل عليَ .. و يغرقني بكلام الحب و عيشني احلى ايام و الحيين يطلع كل هذا تمثييييييييل ..

يومها من كثر البجي ما حسيت بروحي و غفييت على الغنفه ..


و طبعاً ظل حال ناصر جذي .. بس مع هذا كله ما قدرت اكرهه

صار حاله يومين زين و 20 يوم مو زيين

و خناقاتنا كل مالها و تزييد ..

لدرجه اني فكرت خلاص اطلق ..


و قلتله بهاليوم

كان توا راد من الجامعه و امس بليل كان يايني سكران و انا بس تعبت من هالحال اول ما رد جان اقوله : ناصر بغيتك بموضوع

ناصر : مم بعد شبغيتي

شدن : بطلق !!!

ناصر : شنوووو..؟؟

شدن : ب ط ل ق .. بس بس ناصر تعبت من هالحال ليش ليشش تغيرت ليش ليش صرت ناصر ثاني شلي صار انا ما قصرت عليك بشي ليش تشرب ليشش

ناصر : شدن انا من قبل اشرب و قلت بقطع اول ما اتزوج بس شوفة عينيج تزوجت و لا قدرت اقطعه و شدن واايد ناس مثلي يشربون و اغلبهم الي يدرسون برا يشربون .. و انا ادري انتي مو مقصره عليَ بس هذي عادة تعودت عليها ..

ويه قعد على ركبته جدامي و حط ايده على ركيبي و قالي : شدن ناصر الي تشوفينه بليل انسيي .. انا انا ما اقدر اوعدج اني اقدر اوقف شرب بس والله بحاول ..

شدن : شتحاول تقص على منو تحاول .. بسسسسسس تعبت يا اخي انت انت تحس شي ..

ناصر : بسسسسسسس شدن قلتلج بحاول و خلاص ..

شدن : شنو خلاص ناصر ... ما ابيك تقولي بحاول ابيي كلمه اكيده ..

ناصر : اووووووووه .. انتي مو مال احد يتفاهم معاج انا طالع


هدني و راح ..


راح و انا ويهي كله دمووع ..


ابي اقول ..


اشكي حق احد بس محد يمي اقدر اقوله..


زينه ودي اقولها بس شقولها زوجي سكييييييير..


ودي ادق على اخوي علي و اقوله بطلق ..


اي هذا الحل خلاص بدق ..


نمت يومها و دموعي على خدي ..
و انا كنت مقرره اني بطلق خلاص ..


بس شي بعد يومين من ذاك اليوم خلاني اتراجع

و


اهوا انــــــــــــــــي


حــــــــامــــــل


اكتشفت اني حامل يومها استانست قلت يمكن هالياهل يغير ناصر و يرده ناصرالي عرفته من قبل جم شهر


يومها كنت قاعده بالبيت ناطرته على ما ايي ..

أول ما دش كنت خايفه يكون سكران

بس الحمدالله دش و بيده اكل يايبه من مطعم قلت بعد احسن عشان بوقت العشا اقوله

ابتسمتله و رحت خذيت الاكل من ايده وقال : حبيبتي رتبي السفره على ما ابدل و ايي مييت من اليوع


اقول بقلبي يا حلاتك و انت جذي .. بس ياريت اقدر اغيره كل شي فيه زين بس شي واحد مو زين فيه الا و هو انه يسكر


المهم حطيت السفره و وقعدنا نتعشى ..


جان اقوله : مم ناصر ..

ناصر : هلا حبيبتي

شدن : اذا يالك ولد شنو ودك تسمي

ناصر : ما يبيله فهد --> اسم ابوه

شدن : واذا بنت

ناصر : عاد البنت بخليها عليج

شدن : زين حبيبي ودك تصير ابوو

ناصر : في احد ما يبي ييصير ابو

شدن : مم

ناصر : شتبين تقولين

شدن : أ نــا حـــامــــل

شفت ابتسامته حلجه انشق من الابتسامه و قالي : والله شدون يعني بصير ابو

هزيت راسي باي و دموعي على خدي

هد الاكل من ايده و قام لمني

وقالي : اللللللللللللله شعوور حلووووو وناسه بصير ابوووو .. زين زين حبيبتي من يوم و رايح ما تنظفين البيت اانا بييب وحده تيي تنظف الصبح كل شي ..مابيج تجيسين شي واحد


شدن : يعني انت مستانس


ناصر : و طااير من الفرحه بعد


بهاليوم احس ردتلي السعاده و الفرحه و البسمه من بعد ما كنت فاقدتهم ..
و شوي ارتحت ..
و نمت يومها و انا مرتتتتاااااااااااااحه



بعد شهرين ..


بتعرفون حالنا طبعاً الحمال ما غير ناصر .. صج فرحان .. بس عادته ما بطلها ...
حاولت سوييت المستحييل عشان اخلييه ما يروح كنت الهيي بس ما قدرت ..
و لمن اكلمه بالموضوع يصرخ و يعصب و يتحول لناصر ثاني
فقمت اوخر .. قلت اصبر و اتحمل بس عشان الي ببطني


المهم بيوم ..


كنت قاعده بالصاله اشوف تلفزيون جان يرن تلفوني ولا رقم من الكويت بس رقم ما اعرفه


شلته : الوو

زيون صوتها تعبان : هلا شدون

شدن : زييوون شنو غيرتي رقمج؟؟

زيون : اي

شدن : زيون شفيج شفيييه صوتج؟؟




شفيها زينه .. شصاير .. معقوله صاير بينها و بين علي شي عشان جذي صوتها تعبان .. ولا مافيها شي و بس مريضه .. ولا شنو بالضبط ..؟؟


توقعاتكم ..
و اتمنى هالبارت يعجبكم ..:eh_s(7):

:bye22:

 

[rayona]

عاشت ريون عاااااااشت ريون عاااااشت ريون:ada::ada:
بتنزل البارت وبتنزل البارت:aha::eh_s(6):

مشكوورة قلبي .. و كاهو البارت 11 نزل انشاءالله يعجبج

 

[Miss.blue berry]

رد : •●( الـــدنــيــا مــا تـــســـوى)●•

واااااااااااااااي امبي عاد توقعت كل شي من نااااصر الا هالشي ~~
ويع صج صج صج صج صج طااح من عيني
و حراام عليه بيله ولد بالطرييج و ليلحينه على هالحال ~~
و الله يستر حاسه انه صار شي بين زيوون و علي ~~
ثيينكيو ريوون على الارت الحلوو ~~

 

[rayona]

احم :weight_lift: بــنــات الــبــارت يفشل قصير ما عجبني :jumpon: .. بس ولا يهمكم في بارت بعد ثاني اليوم .. الحين قاعده اكتب بعد بارت و اول ما اخلصه بنزله لــكـــم .. نطروني :tek: ..

 

[rayona]

رد: رد : •●( الـــدنــيــا مــا تـــســـوى)●•

واااااااااااااااي امبي عاد توقعت كل شي من نااااصر الا هالشي ~~
ويع صج صج صج صج صج طااح من عيني
و حراام عليه بيله ولد بالطرييج و ليلحينه على هالحال ~~
و الله يستر حاسه انه صار شي بين زيوون و علي ~~
ثيينكيو ريوون على الارت الحلوو ~~

العفو حبيبتي .. اي والله هالناصر طلع موشي ووايد مثله ترى على ببو انه يدرسون برا و اهلهم ما يدرون عنهم يسوون الي يبونه .. بس ما تدرين يمكن يتغير .. مثل ما قال انه بحاول و يمكن يتغير مع الايام ..
و زيون بتعرفين شفيها انشاءالله بالبارت الي الحين قاعده اكتبه بس اخلصه انشاءالله بنزله نطريني ..

 

[فتاة الكئابه]

واااااااااااااااااااااااااااااااااااااااي عجيب البارت يالله نبي البارت الياي

 

[فتاة الكئابه]

ايوا ايوا ع الي قاعده تكتبلنا بارت الحين عاااااااااااااااااااشت ريووووووووووووون عاااااااااااااااااشت ريووووون ايوا ايوا :eh_s(3):

 

[Miss.blue berry]

رد : رد: •●( الـــدنــيــا مــا تـــســـوى)●•

احم :weight_lift: بــنــات الــبــارت يفشل قصير ما عجبني :jumpon: .. بس ولا يهمكم في بارت بعد ثاني اليوم .. الحين قاعده اكتب بعد بارت و اول ما اخلصه بنزله لــكـــم .. نطروني :tek: ..

laa lool shd3wa ma yfashel 3ad
bs etha fe part ma ngoul la2 :wqedqw:

 

[miss disaster]

اووووووووووووف كله تخليني متشائمه اكيد صار شي بينها وبين علي

وادري انا قايله هالناصر ما وراه خير انزين خيروح مصح اعادة تأهيل


يسلمو ريون وناطرين الياي

 

[rayona]

واااااااااااااااااااااااااااااااااااااااي عجيب البارت يالله نبي البارت الياي

ايوا ايوا ع الي قاعده تكتبلنا بارت الحين عاااااااااااااااااااشت ريووووووووووووون عاااااااااااااااااشت ريووووون ايوا ايوا :eh_s(3):

b3ad galbii entay el 3ajeba .. OOo enshallah thwani oo el part bkon Jahez lkum .. Oo tslmen 7yatu 3La iLtshjee3

 

[rayona]

رد: رد : رد: •●( الـــدنــيــا مــا تـــســـوى)●•

laa lool shd3wa ma yfashel 3ad
bs etha fe part ma ngoul la2 :wqedqw:

hhhhh madri b3ad ana a7es chethi 89eer ymkin lish t3wdt anazel a6wal mena wallah madri .. 3aL 3moom 7yatii iLpart thwani oo bnzlah

 

[rayona]

اووووووووووووف كله تخليني متشائمه اكيد صار شي بينها وبين علي

وادري انا قايله هالناصر ما وراه خير انزين خيروح مصح اعادة تأهيل


يسلمو ريون وناطرين الياي

a7im y3nii enshallah mu shai binha oo bain 3alii ymkin 9ayer feha shai thanii la tetsha2main wayed ..
allah yslmiich 7abibtii

 

[6amni bs]

رد : •●( الـــدنــيــا مــا تـــســـوى)●•

نبي البارت بس بشوف شفيها << ملقوفه
كملي ناطرينج

 

[rayona]

الــبــارت الــثــانــــــي عــــــشــــــر



كنت قاعده بالصاله اشوف تلفزيون جان يرن تلفوني ولا رقم من الكويت بس رقم ما اعرفه

شلته : الوو

زيون صوتها تعبان : هلا شدون

شدن : زييوون شنو غيرتي رقمج؟؟

زيون : اي

شدن : زيون شفيج شفيييه صوتج؟؟


زيون : زييينه امي و ابوي توفوو بحادث سياره صارلهم شهر


شدن : شهههرر ليش محد قالي ..


زيون : شنقولج انتي لاهيه بالامتحانات كنتي .. و بعدين حامل و مو زينلج الطياره شلون بتردين


شدن : ليش ليش ما قلتي .. شنو يعني عل اقل اوقف معاج بالعزاا .. رفيجه عمري يصير فيها جذي و ما اكون يمها شلوون


زيون : شدوون بييج تعبانه ..


شدن : والجامعه


زيون : شخباري زيون خلصتها ..


شدن : خلاص حياتي انتي تعالي .. ادزلج عنوانه و كل شي مسج و اول ما توصلين المطار قوليلي عشان استقبلج


زيون : زين .. اخليج انا و بس الاقي حجز .. اعطيج خبر


شدن : اوكي


زينه : يالله عيل بباي


شدن : باي


من بعد ما صكيت التلفون منها


قعدت ابجي على زيووون .. و انا ادري انه مالها احد .. عمامها ما يسألون عنها لو شصير و خوالها ما عندها غير خال واحد و مرته نسره يعني لو شصير ماراح يوقف مع بنت اخوو لانه بختصار سكانه مرته ..
و بعد وفاتهم ما عندها غيرنا احنا اهلها ..




بعد اسبوع وصلت زينه امريكا ..


استقبلتها و وصلتها لي الفندق الي حاجزه تقعد فيه معني انا و ناصر صمننا عليها تيي تقعد عندنا بس اهيا راسها يابس و ما رضت تقول عييب شلون اقعد معاكم انتو متزوجين بتاخذون راحتكم ايي اقعد معاكم ما يصير


المهم بيوم يتنيي الشقه ..


ووقتها ناصر موموجود طالع كالعاده ..


قعدت اسولف معاها وسالتها عن عليوي اخوي : شلون علاوي معاج للحينكم نفس ما انتو .. رميو و جوليت ولا لا


زينه : لا الحمدالله نفس ما احنا .. حبيبي تخيلي طار من الفرحه لمن تخرجت و تشقق و قال بخطبج خلاص .. والله كان بالسياره و بس قلتله بالتلفون قم يطق هرنااااات سوه عرس بالشارع


شدن : يبووووووووووووووي اخويي خببل


زينه : اي والله خبل .. بس فدييت خباله .. المهم .. بس وفاة امي و ابوي الله يرحمهم ( نزلت دمعه من عيونها ) ..
اي فأجلت المووضوع


شدن: حياتي زيون لا تبجين خلاص هذا يومهم .. و امي و ابوج بحسبه امج و ابوج الثانين والله .. و اي شي تبينه لا يردج شي قوليلي مو انا بحسبة اختج .. و انشاءالله اذا خذيتي عليوي بتيين تعيشين عندنا


زينه : شدوون يومها لمن سمعت الخبر صرت مثل المينونه امي و ابوي اثنينهم يروحون زين لو واحد منهم .. شوي اهون .. بس اثنينهم والله صعبه


لميتها وما عرفت اقول شي غير اني اقعد و ابجي معاها .. لانه لو شنو بقول ماراح ينفع ..

بعدها شوي شوي ردت السوالف بينا و صار الوضع عادي شوي مو واايد ..


بعدها قلتلها : زيوون بنزل السوبر ماركت .. شوي بيبلنا اكل بسويلج طبخه علمتني ياها وحده تعرفت عليها بالجامعه


زينه : زين


شدن : تيين معاي


زينه : لا مالي خلق انزل و اروح مكان ..عادي روحي اناا انطرج


شدن :خلاص حياتي على راحتج .. وانشاءالله ما اطول خو السوبر ماركت يمنا


زينه : اوكي


شدن : يالله جاو جاو مؤقتا


زينه : هههه .. جاو




نزلت و خليت زينه بروحها ..


رحت السوبر ماركت و شريت الاغراض و انا يايه بطلع جان اشوف وحده اعرفها معاي بنفس الجامعه قعدت اسولف معاها طولت شوي بالسوالف معاها و نسيت روحي .. بعدها استأذنت منها قلتلها عندي ضيوف لازم اروحلهم ما اتاخر و رديت الشقه


فتحت الباب .. حطيت الاكل على الطاوله .. رفعت راسي بسأل زيون سؤال بس ماكانت موجوده قلت يمكن بالحمام .. رحت الحمام ماكو احد


شوي جان اشوف ناصر طالع من غرفة النوم قلتله : ناصر لمن ييت ما شفت احد اهني


ناصر : لا .. احد مثل منو


شدن : زيون رفيجتي كانت عندي و مادري وين راحت ...


ناصر : لا والله ما شفت احد .. دقي عليها شوفي شفيها


شدن : شكله جذي .. دقيت عليها .. قالتلي شوي تعبانه و انشاءالله اييج يوم ثاني .. بس حسيت من صوتها فيها شي مو طبيعي .. و ظليت احن عليها عشان تقولي .. بس ماكانت تقولي غير اني تعبت شوي و رديت الفندق بنام ..
قتلتها على راحتج .. بس مره ثانيه مااهدج بروحج اخذج معاي عشان ما تنحاشين ,, وسديته منها ..


بس ما قدرت انام قعدت يومها افكر فيها و حاولت ادور سبب روحتها بس للاسف ما لقييت ..



بعد شهر و نص تقريباً ..


دش ناصر و بيده وحده .. انا اهني اختبصت .. ولا تطلع زييوون
وقفت شفتها و دموعي على خدي ..



قلتله : ما لقيت غير رفيجة عمري تاخذها علي


ناصر : الشرع حلل اربع و كيفي انا اخذ الي ابييه


لفيت ويهي على زينه و قلتلها : وانتي ما لقيتي غير رييلييييييييييييي يا الجلبه يا بواقة الرياييل .. اشوفج ليش يايه اهني اثاريج مخططه حق هالشي مالت عليج و عليه .. وركضت دشيت غرفتي


قعدت ابجيي دم .. بجييت على رفيجتي الي دخلتها بيتي و عديتها اختي .. و ما قصرت معاها بشي و آخر شي تااااخذ منو ريليي ...

يومها كرهتهم و كرهت الساعه الي تعرفت فيها على زينه ..

و هالمره كنت مصممه على الطلاق .. بس بعدين ارد افكر بالياهل الي ببطني الي ياي بالطريج .. شلون بيعيش انا مابييه يعيش مع امه بس بدون ابووه ..

استبعدت فكره الطلاق .. و تأقلمت مع الوضع ..بس اول ايام المكان الي يقعدون فيه ما كنت اقعد فييه كنت احبس روحي بغرفتي ..

صرت اعد الايام و الليالي عشان ارد الكويت .. بس للأسف ما نقدر

ناصر باقيله كورس و يخلص .. و انا اخاف ارد بالطياره لانه الدكتور قال في خطوره على الطفل


المهم بيوم كنا قاعدين انا و ناصر على الغدا بس زينه ماكانت معانا

شفت ناصر قام و راحلها الغرفه يكلمها .. كان ودي اعرف شنو بقولها .. بس قلت انا شكو بالطقاق الي يطقهم بلعنه ..

بعد فتره طلع من الغرفه معصب ..

و قعد ياكل غصب .. و انا اطالعه و صار فيني فضول اعرف شفيه سألته : ناصر شفيك معصب .. فيك شي ..؟؟

طول على مارد ..

جان اقوله : مم كيفك ..


جان يقولي : ماكو بس زينه حامل و مو راضيه تاكل .. ميصير


انا اهني انصدمت .. عيوني اطلعوا برا حاامل .. خنقتني العبره .. بس اول مره قدرت اتحكم بدموعي و ما نزلوا و
قلتله : اي مبروك .. من متى


ناصر: ما قالتلج


شدن : لا والله ..


ناصر: سأليها


شدن : مـ--- وي تلفوني يرن خل اشوف منو


ناصر : اوكي


رحت اشوف منو داق ولا عليوي مادري ليش خفت اشيله بس بعدين شلته
: الووو هلا والله


علي : هلا فيج ..


شدن : شلونك





تتوقعون شدن بتقول حق علي عن زينه ...؟؟!!؟؟
و نفرض درا شنو بصير فيه شنو بسويي ..؟؟!!؟؟
نــاصــر بــتـــغــيـــر ..؟؟!!؟؟
زينه و شدن شنو بصير بحياتهم ..؟؟؟!؟؟؟
معقوله صداقتهم بتنتهي خلاص و بيتخلون عن بعض بسهوله .. و شدن معقوله كرهت زينه ..؟؟!!؟؟

كـــــــــــــــــل هالتساؤلات راح نجاوب عليها بالبارت الــثــالـــث عــــشـــر و الأخــيـــر ..

اتمنى بنات هالبارت يعجبكم .. و إنشاءالله ما يكون قصير ..
توقعاتكم و ردرودكم .. و نطروني باجر بالبارت الاخير ..

:bye22:

 

[rayona]

رد: رد : •●( الـــدنــيــا مــا تـــســـوى)●•

نبي البارت بس بشوف شفيها << ملقوفه
كملي ناطرينج

Kahoo 7yatii el part nezaL .. enshallah y3jbich :sfg:

 

[ام جوري89]

آكيييد مليون بآلمية مآ أخذته زينه عشآن سوآد عيونه @@

آتوقع آغتصبهآ ولآ شي @@!

وبعدين غصبن عليهآ تتزوجه :/

آممم مشكورة حبيبتي ع آلبآرت :$
ويتنق :$