اسمحيلي اعلق على كل شيء
اول شيء توفقتي بختيار عنوان القصه يجذب حيل وانا هذي اول روايه اقراها بيوم انا من عادتي لا قريت روايه اقعد اشهر يالله اخلصها لاني اقعد اعيش جو اوتخيل المشهد بس هالقصه تحمس وتشد تخلي الواحد غصب يقراها
اكثر شيء قهرني بالقصه شخصيه عواطف اذا كانت هذي شخصيتها جد تراها اكبر حقيره عرفها التاريخ لان كلامها ينرفز يعني انا لو من جميله لعنت صداقتها وحطيت عليها اكس طبعي ماحب الصديقه الي تحبط ياما رفيجات كنت وياهم حيل ونفس طقتها شطبت عليهم ولا سألت عنهم ماحب الناس السلبيه الحقوده
هذا اولا ثانيا اتمنى من كل من قرا القصه يتحسب على عم جميله ومرت عمها وخواتها والله طول ما انا اقرا القصه وانا اتحسب عليهم عساهم ما يتهنون بعيشتهم
ثالثا صراحه شخصيه سلمان عجيييبه تهبل احسه بطل بالروايه وعقليته متحضره والله حبيته حيل بطل بطل
رابعا شخصيه مثايل واختها كلهم ماحبيتهم ولا بلعتهم بس مثايل لعوب وبنفس الوقت تكسر الخاطر
وبالنسبه لداوود اموووت واعرف شصله ومن اي عائله وشنو هالكويتي الي بهالرومنسيه والله روميو مشالله عليه اهم شيء انه حبها حب نظيف عذري اتمنى احب انسان نفسه حتى لو ماكان مقدر انه يكون من نصيبي بس يحبني نفس حب جميله فعلا انسان نادر الوجود
وبالنسبه لجميله مسكينه عورت قلبي مادري شلون تحملت عيشتها هذي انا لو منها يمكن انتحرت بس كان قويه والله عطاها على قد نيتها والله يحبها الي خلاها من بد كل البشر تحب داوود
وانا صراحه النهايه عجبتني لانها تدل ان للحين كل واحد منهم يحمل حب للثاني لا احسهم يعشقون بعض واهم شيء ان نفوسهم متصافيه ومو كارهين بعض والحلو سمو عيالهم باسامي بعض
انا متأكده ان مو هذي النهايه واكيد النهايه بتكون احلى نهايه الروايه تقول ان في أمل يرجعون لبعض يارب يرجعون لبعض يارب
اتمنى ان جميله تتزوج فارس احلامها حرام عانت حيل بحياتها هي كانت ضحيه لعانه عمها وحقاره مثايل مسكينه حيل عانت جا الوقت الي ترتاح فيه
عسى الله يرزقها بحبيب قلبها وللحين في امل يردون لبعض لا ييأسون كلش
وعندي سؤال اموت واعرفه
صج المحبه من الله بس شلون قدرت جميله تخلي داوود يموت فيها وهو مثل ماكان واضح بالقصه انه لعوب
قوليلها شنو الخلطه السريه ياجميله خل يقوم حضنا من بعدج
تسلمين قلبي على كل تعليق
بالنسبه لعواطف ترى هذي شخصيه خياليه
بس توقعت لازم احط احد تشكيله جميله ولا بصير الحوار جنها تكلم روحها
اما عمها الله لا يوفقه، هذي معروفه عمها اهو اللي رد داوود و سلمان و ترى بصج بطاها بويهم وقال لهم انا مااعطي الا من قبيلتي !
وبنات عمها عرفتهم من امي وخالتي ويدتي ( صوب عايلتي ترى له دور كبير بس ماحبيت احطه فقلت اختصر الموضوع ومااحط خوال داوود ،، ماانتبهتوا !) راحوا اخطبوا من مرت عم جميله وهم ردووهم ،، عاد امي تقول ان المراه كانت حليله بس بناتها العلل فحطيت الفكره البناات في القصه =)
اما عن داوود انا مااعرفه لما كان صغير راعي سوالف بس لو سالتي يدتي كيف تصفين داوود بثلاث كلمات بتقولج : طايش و اناني و دلوووع ،، لان كاان واايد غثيث ع قولتهم وراعي سوالف وسفرات وخرابيط
بس بالنسبه ع قولتج روميو
ماادري ، بس انا اتوقع بسبت انها تربيه رياال ، يمكن كان راعي سوالف لان كان ع قوله يدتي ماله والي
بسبب وظيفه ابوه
اما شلون جميله قدرت تحول داوود ، انا قلت لج داوود تربيه ريال بس لما يكون الواحد مو فوقه رقيب و الفلوس بيده يضيع وجميله ردته لحياته و شغلتها له ،، واتوقع كان بالاول ماخذها مغازل بس لان اهي معطته ويه فحب غصب يكسبها ، بس ماتوقع انها يحبها جذي
بنات خالتي يقولون تعاطف معاها لان فيها وايد من قصته
مادري يمكن جذي بعد تعلق فيها
بس انا اقولج جميله صج انسانه جميله حلوه ، اناا ماشفتها بس استخبارات قبل راحوا لها الكليه و انصدموا وقالوا مانلوم داوود فيها ويمكن هذا سبب
ان شاء الله يكوون ردي كافي ووافي
=)
