تجمع مسافرات لندن في صيف 2010

[$$ ام فهد $$]

هلا بناتي

شلونج وشخبارج

متى سفرتج بناتي

 

[بناتي زينة حياتي]

أختي على الدنيا سلام_ جو لندن ماينقال عليه
اليوم حر تلقين بعد
شوي غيمت ومطر

إخذي لج ملابس ربيعيه وجاكيت واحد

حتى بردهم حلو مايدخل بالعظم وإلا شرايكم
لندنيات

 

[mr000]

أم فهد آنا العاده سفراتي كلها أعزم قبلها بفتره قصيره ماقط خططت من قبل..ساعات قبلها باسبوع حسب الظروف هذي المره الوحيده اللي صارلي 6 اشهر ناطره..يعني اذا الله ماكتب لي هالسفره مادري اشبيصير فيني..واللي ازيد منيي بنتي مسكينه وايد طاقه جبدها من الكورس الصيفي..الله كريم

 

[$$ ام فهد $$]

انا مثلج سفراتنا بدون تخطيط وبسرعة نسوي كل شي العام قررنا نسافرلندن خلال اسبوع سوينا الفيز وحجزنا التذاكر والفندق

وهذي السنة بعد ماكنت مفكرة اسافر كلش وعيالي حنو علي كلو قلبي وقلت يلا بس بيني وبينج انا اللي ودي بالسفرة يعني اتعزز اقولهم موكل

سنة مايصير000000 والحمدلله حجزنا التذاكر والحين قاعدة ادور شقة ماابي فندق

وان شاءالله يامرووو هالسفرة بتصير احلى سفرة لج انتي وبنتج وبعدشتبين النوتة ومتروسه عناوين وسايتات

 

[سارونهh_a_z]

سارونه تروحين وتوصلين بالسلامة ان شاءالله

رحلة موفقه ان شاءالله

يافديت روووحج الله يسلمج ​

 

[كويتيه ذربه]

السلام اشلوووونكم


بسالكم عن شغله فيزتي تنتهي 14\10
يصير اسافر بالعيد يعني يكون باقي على الفيزا اقل من شهر
انا مقرره اروح من 9\9 لى 16\9
عشان لااتوهق

وبعدين منو حاجز حق العيد ابي اعرف البرتش جم صار سعر التذكره حق العيد ؟؟؟ لان حجزي على القطريه وافضل البريتش لانها دايركت

 

[$$ ام فهد $$]

هلا وغلا كويتية ذربة

شوفي حبيبتي عادي تروحين مافي مشكلة لان باقيلج شهر والفيزا صالحة لو باقيلج يوم واحد حتى لو رحتي السفارة ماراح يسوون لج فيزا

لانها صالحة الى 14/10

 

[miss_british]

صح كلام ام فهد انا لما سافرت بشهر 12 كان باقي على الفيزا شهر وتنتهي وعادي سافرت ماقالو شي

 

[miss_british]

انا عيل كل سفراتي احجز قبلها بمده شهرين وجذي بس هالمره انا حاجزه من شهر 5 حق 9 احس واااااااااااايد مافيني صبر

 

[$$ ام فهد $$]

مس بريتش

احنا قلبنا حار ودنا نحجز ونطير ولا نفعد نحن مثل العيايز

 

[كويتيه ذربه]

مشكووووووووورين وماقصرتوا مس وام فهد

 

[ملح و سكر]

السلام عليكم اشلونكم ياحلوين ....انا الحين فى مانشستر والجو حلو بريد وتونى واصله بس حبيت اسال شنو الاماكن الحلوه فيها ويقولون


ان فيه الاوت ليت بس موعارفه مكانه اللى تعرفه تقوله وين صايره بالضبط واكون شاكره لكم وللعلم انا للحين ماشريت شى ماشاء الله الخليجيات ماخلو شى بالمره ...خخخخخ يالله عليهم بالعافيه ...قلت ايى مانشستر يمكن احصل شى حقى .....ام عيال اشلونج ..ها تسوقتى ولا مثل حلاتى .....بس تفرفر على المطاعم ....للعلم انا راح اقعد فيها بس اربع ليال ...يعنى اللى تعرف اماكن تقوله لى الحين ...لان مافى وقت ...ومشكورين .

 

[mr000]

lملح وسكر آنا مارحت مانشستر بس حضاره راحت تقول عندهم مجمع حلو اسمه ترافورد حاطه صورته حضاره بتقريرها عن مانشستر.. وعندهم بعد مجمع اسمه اعتقد ارانديل..والآوت لت في chesterيم مانشستر اعتقد يروحون له بقطار بس موبعيد وايد..بس الحدايق والاماكن الثانيه شوفيها بتقرير حضاره في قسم التقارير المصوره..ورحله سعيده ان شاءالله وموفقه..

 

[كريستال]

رد : رد: تجمع مسافرات لندن في صيف 2010

السلام لندنيات اشلونكم..سوووري كريستال نسيت والله ..بس عادي أنتي ليش مستغربه نسيتي إني يده وعيوز..بس عفيه لاتهونين عن السفره بليز علشان أشوفج بلندن..يلا عاد ورينا شطارتج واقنعي زوجج بالسفره...وي أم فهد حبيبتي اشفيج زعلتي اتغشمر معاكم..بعدين مو أنتي اللي قلتيلي لاتحطين سايتات لي يردون..أم العيال..شخبارج ..اشفيج مطنشتني هالأيام..الظاهر صرت ثقيله عليكم..ربوع والله بنتي اليوم قاعده تقول نفس كلامج..تقولي لو ما السفره شوي راح تخفف علي جان ماداومت الكورس الياي حيل تعبانه وطاقه جبدي..

فديييييييييييتج

انتي يمكن يده بس مو عيوز اسم الله عليج روحج حلووه ماشاء الله ودمج عسل بدون مجامله واذا ام العيال ملح وبهارات التجمع انتي روحه وعميدته

زوجي مقتنع بالسفره بس الظروف الهم :eh_s(13): شنسوي بعد ربج كريم

اما تشوفيني نو وي خل انزل هالكيلوات اللي انتفختهم وانا حامل:eh_s(3): بعدين تقولين صج كريستال اسم على مسمى مدحربه جنها كرستال ههههههههه

العمر رقم لايودي ولا يجيب في وجهة نظري <-- بدت فالتفلسف

 

[بناتي زينة حياتي]

أم فهد ياقلبي أنا بلندن حاليا باقي
جم يوم وأرد _ياحلو الكويت بحرها

 

[mr000]

أختي كويتيه..آنا حاجزه عالبريطانيه ب212 بس من زمان حاجزه من شهر وبالانترنت..بس ربوع جنها حاجزه حق الكريسمس ب169..شوفي السايت مالهم

 

[كريستال]

رد : تجمع مسافرات لندن في صيف 2010


عطر جينفر انيستون يقولون والعهده على الراوي انه حلو بس عادي وريحته على ورد

 

[بناتي زينة حياتي]

أنا ألحين بلندن زوو_حلوه وكبيره
فيها أشكال وألوان حيوانات أول مره
أشوفها_ بس فيها عيب مافيها مطاعم
حلال _الجو غيم وعجيب_

 

[ملح و سكر]

lملح وسكر آنا مارحت مانشستر بس حضاره راحت تقول عندهم مجمع حلو اسمه ترافورد حاطه صورته حضاره بتقريرها عن مانشستر.. وعندهم بعد مجمع اسمه اعتقد ارانديل..والآوت لت في chesterيم مانشستر اعتقد يروحون له بقطار بس موبعيد وايد..بس الحدايق والاماكن الثانيه شوفيها بتقرير حضاره في قسم التقارير المصوره..ورحله سعيده ان شاءالله وموفقه..

مشكوره مرو ماقصرتى ....يعطيج العافيه ...:hjy5jewf:

 

[بناتي زينة حياتي]

لندنيات لايطوفكم مطعم إيطالي ‏
بزا_وية بريمارك له فرع أسمه ‏ask