الإبتدائي ..مبروك عليكم إطالة الدوام ...عشان الوجبات

[معلمة_منكوبة]

الأنباء اخبارها خرطي اشلون قبل جم يوم منزلين بجريدتهم انه دوامنا يخلص 1:20!!

والخوات اللي يقولون اشوا زين سووا ولا يخلونه ليساعه 3 !!! حبيبتي الزياده بس

للابتدائي جان زادوا الكل عشر دقايق !! مو بس الابتدائي ..

اللي يسمع هالقرار يقول انه اليهال يايين من مجاعه !!

ياجماعه مانصدق احنا من التعب نطلع من المدرسه عشر دقايق اشلون ماتفرق

كلمة طيبة بس كافي الله يعطيكم العافيه مو زين سووا !! زين سووا حق منو يعني


هذا يخدم منو بالضبط علشان استانستوا من القرار اظاهر ماشفتوا اليهال من الحصه

السادسه اشلون تصير اشكالهم !! والله يعيننا على الزحمه بس انشالله يطلع مجرد حجي

جرايد !! وياريت ياجماعه الاخبار اللي تضيق الخلق بالعطله ماننشرها والله موناقصين

 

[غلا الأيام]

شنو هل الخبر اللي يبجي ، انا اخصائية في الابتدائية ، يا ربي متى برجع البيت ومتى اتغدى ومتى ارتاح اشوي

ومتى يمديني اروح الجامعة حق الماستر ، الحين الناظرة راح تحبسني اهىء اهىء

 

[عطراللافندر.]

الله يهديكم يابلات الابتدائي؟؟؟ ترى ماتفرق عشر دقايق وكله عشان عيالنا,,, شلون لومثلي ثانوي وبيت وريل ويهاااال وطباااخ وحمااال ... وتصحيح لي الساعه خمس المغرب و6 وكرااف الثانوي.. والطلعه وحده ونص على الزحمه ماتوصلين الا طالعه روحج ع الساعه 3

الله يعين الكل.. انشالله

 

[هيبة ملك]

مالت عليهم


وبعدين يعني ؟

لأنا ساكتين ونتقبل كل شئ منهم

أقول ماااااااااااااااااالت

 

[أبلة كويتية]

حياكم الله جميعا منورين الموضوع

أبلات واولياء أمور

شاكرة لكم التفاعل الرائع

عادي ال 10 دقايق بوجهة نظري مو فارقة

بس لا تكون مفتاح لزيادة الدوام أكثر وأكثر :wqedqw:

الأنباء اخبارها خرطي اشلون قبل جم يوم منزلين بجريدتهم انه دوامنا يخلص 1:20!!

والخوات اللي يقولون اشوا زين سووا ولا يخلونه ليساعه 3 !!! حبيبتي الزياده بس

للابتدائي جان زادوا الكل عشر دقايق !! مو بس الابتدائي ..

اللي يسمع هالقرار يقول انه اليهال يايين من مجاعه !!

ياجماعه مانصدق احنا من التعب نطلع من المدرسه عشر دقايق اشلون ماتفرق

كلمة طيبة بس كافي الله يعطيكم العافيه مو زين سووا !! زين سووا حق منو يعني


هذا يخدم منو بالضبط علشان استانستوا من القرار اظاهر ماشفتوا اليهال من الحصه

السادسه اشلون تصير اشكالهم !! والله يعيننا على الزحمه بس انشالله يطلع مجرد حجي

جرايد !! وياريت ياجماعه الاخبار اللي تضيق الخلق بالعطله ماننشرها والله موناقصين

فعلا يا الغالية كانت الجريدة حاطة نهاية الدوام لي ال 1 ,20 دقيقة

بس عقب عدلوا القرار لي ال وحدة ونص

والخبر على فكرة اكيد واكثر من جريدة كانت حاطته

موفقة يالغالية

7

7

نكج معلمة منكوبة :wqedqw:

ليش منكوبة ؟؟؟؟ :bbbiu:

هالكثر التربية مطلعة الشيب من راسج

صج ما ألومج الله يعينج ويعينا على التربية

أحب التدريس ..بس ما أحب الوزارة لأنها مو معطيتنا حقنا كامل فعلا منكوبين بالنسبة لباقي الوزارات

الله المستعان :hearting:

 

[ساندريلا]

انا ولدي اسااسا يطلع 1ونص

يسلمو حبيبتي

 

[الاميره]

يعني الفرصة اطووووول
يالله عشان يرتاحون الأبلات
بين الحصص
احسن من الساعه 3 العصررررررررررررر
يووه لو الساعه 3
ماني قادرة اتخييل الموقف
لوووووووووووووووووووووول

منو قالج يرتاحون الأبلات يوقفون مناوبة بالفرص وممنوع ترتاحين على الكرسي حتى لو وراج حصص ورا بعض

 

[شوق&حنين]

الله يعين

 

[Om JooD]

رد : الإبتدائي ..مبروك عليكم إطالة الدوام ...عشان الوجبات

ابله كويتيه ..لييييييييش جذي دايما مواضيعج اتكون حلوه هالمرة مو خوش شي

بس ماعليه عشر دقايق اتعدي ..ولا الساعة ثلاث

وبحاول ازرق قبل هالعشر دقايق كل يوم

 

[السحر؛؛؛الحلال]

هذي حركات إشوي إشوي وإلا صايرة 3 وشي طبييييييييييعي إن المدرسات هم إللي يباشرون التلاميذ عند أكل الوجبات لأن الوزيرة سمعتها مرة قالت حق معلم يشكي من شدة الضغط على المعلم قالت له إن التلميذ متعود على معلمه!!!!!!!!!!!!! خوش عذر
أتمنى من الوزيرة ترحم المعلم عشان ينتبه للتعليم ويترك باجي الشغل إللي موتخصصه خلاص عاد ملينا وصار التعليم بيئه طاردة

 

[^ حـلـــــوى و رهـــــش ^]

وااااي
ابله كويتيه ..
دستي على الجرح .. قلبي متروسه من هالسالفه _03BA:

بذمتكم ..
الوجبات شدخلهاا بـ العشر دقايق
يعني الفرصه تصير نص ساعه عشان هالوجبه يعني:eh_s(4):

يعني معلش خل يكون أكثر جرأه وأكثر وعي وثقافه
انتم تكلموون ابلات متعلميـن وواصلين مرحله متقدمه من التعليم ..
شكو العشر دقايق بـ الوجبه
قولوا نبي نطول الدوام وخلاص ..:ggdw:


الله والوجبه .. لا يكون بوفيه ..شنو هالوجبه اللي خلوتا الفرصه نص ساعه عشانها :dddds:

والله جني أشوفها .. توسته وتفاحه وحليب
لا وعيالنا ما راح ياكلوونها ..
وتشوفين الأمهات تارسين جناط عيالهم بـ كل خير ونعمه ..
هم من زمان ما ياكلون من المدرسـه .. الا الحلويات والكاكاو اللي يصير بالفرصه الثانيه ..
اما صمونهم وبيتزتهم ما ياكلون شكثرها مقطوطه بالمقصف الله يزيد النعمه ..

تشوفين كل ولد أمه حاطتله ما لذ وطاب ..

لا تخافون يا التربيه ما راح تصيرون أحرص عليهم من أمهاتهم ..



انا والله ما همتني العشر دقايق
بس لا يقولون عشان الوجبـــــه .. يعني احنا مو يهال عشان يستخفون بـ عقولنا جذي :rgewrg:



وعمار يا تربيــــــــــــــــــــــــــــــــــه :dddds:

 

[مهموومه]

ليش جذي ياربي انا ادري انه بيخلونها لي 3

 

[نونا 3000]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شذنبهم اليهال عشان تقولين عنهم ما اكلوا إلي ماشي عليكم ماشي عليهم

ولا انتو ما تتريقون ؟؟؟

ولا هذول مو عيالج وعيالنا ...... خلي روحج يا ابله رياضيه لانه هذول عيالنا وعليييييييييييييهم بالعافيـــــــــــه

حبيبتي اعيالنا لما يطلعون من بيتهم مو جواعا اهل موكلينهم ولله الحمد مو محتاجين منتهم عاد والله والاكل اللي يديمه ولا بعد فيه منه

 

[سويتي الحلوه]

رد : الإبتدائي ..مبروك عليكم إطالة الدوام ...عشان الوجبات

حسبي الله ونعم الوكيل عليهم

 

[( المـلاك )]

مشكورة حبوبة على نقل الخبر الكئيب لول

 

[أسيرة الكتمان]

لالالالالالالاحول ولا قوة إلا بالله العظيم
الله يستر منهم ومن زياداتهم وقراراتهم اللي من ورى المكتب صج ماااااااااكو شغل

مشكووووووووووووووووووووووووووورة

 

[أبلة كويتية]

إي والله يالتربية لا تلعبونها علينا

ترى فاهمينكم عدل مدل

شاااااااااااااااااكرة لكم المرور والتفاعل الرائع

7
7

 

[دارين]

رد : الإبتدائي ..مبروك عليكم إطالة الدوام ...عشان الوجبات

لا لا لا تراكم فاهمين الموضوع غلط الوزيرة قالت ياخذون العشر الدقايق من الطابور ومن الحصص مو اطالت اليوم الدراسي ..اشفيكم الله يهداكم ....استعجلتم (((الحين وين البشارة مالتي )))؟؟؟؟؟؟؟؟؟؟؟؟؟؟؟؟؟؟(:

 

[رضاهم جنه]

:lkmnkl: :lkmnkl: :lkmnkl:

 

[om mariam]

لوووووووووووووووووووووووول
من حلات المدارس ولا التكييفل علشان يطولون الدوام مالت بس
احنا مشتركة يعني اول المتوسط يطلعون ويانا الحين مساكين احنا بنطلع وياهم