ياا المستمرات نصاايحكم للمستجدات بشكل عام لاا هنتواا,,,

[تنايفـ]

رد : ياا المستمرات نصاايحكم للمستجدات بشكل عام لاا هنتواا,,,

ماشاء الله البنات كفو ووفو انا تخرجت السنة الي طافت وما ازيد على نصايحكم شي الا بشغلة وحده وياريت تتقبلونها بصدر رحب

مع احترامي الشديد للقوائم وللمتعصبين لها
لا تعطون القوائم اهتمام قوي خصوصا اذا انتوا ماتحبون مجال القوائم والانتخابات .. ولاتخلونهم يقصون عليكم ويسحبون منكم الاصوات لانه غالبا الي يشتغلون بالقوائم يتصيدون المستجدين لانهم يعتبرون صواتكم سهله وانتو بالعربي مقصة لهم وسوري عالتعبير .. تلقونهم يتخامطونكم عند باب الجامعه ويلزقون فيكم لزقة عنزروت وقولوا تنايف ماقالت .. فإذا ماتبين تصوتين حق احد لا تصوتين واذا مالج ميول لأي قائمة تركيهم عنج وامشي ترى بالنهاية بتدرسين وبتخرجين ولا بتدرين عن هوا دارهم .. واذا انتي تحبين قائمة ومتعصبةلها هذا شي ثاني عاد .. بس انا اتكلم مع البنات الي بسرعه يكوكون راسهم ويسحبون منهم الاصوات وقت الانتخابات واهما ياغافلين لكم الله مايدرون شالسالفة ولا شالطبخه او يصوتون للقائمة عشان متفشلين من وحده موصيتهم مثلا .. وبس هذي نصيحتي
ارد واقول مع احترامي الشديد لكل القوائم ولكل المتعصبين لها انا حطيت هالكلام كنصايح للمستجدات الي مايحبون خرابيط الانتخابات فلا تتهاوشون وياي وتسوونها سالفة علبوا ردي موعاجبكم

ودمتم
​

 

[عاشقة المايسترو]

تنآيف ..

حبيبتـي محد بيتهآوش وياج ولا شي :*

بس بالعكـس أنا مستجده كنت الكورس اللي طاف والقوائم مشآركه فعآله فـي إنتخابات الجامعه وشي حلؤ الوآحد يشارك فيها !
والمستجد مو صيد سهل ولا ينقص عليهم بالعكس المستجدين ألحين عآرفيـن واايد شغلات ويسألون عنها حتن قبل لا يدشون ..

أنا مثلاً يـؤم دشيت ما قلت بصؤت حق اللي يشتغلـي لأن أدري الكِـل بيشتغلي دؤرت اللي مبادئهم تعجبني وأحس أن ما في تنآقض وهيك سوالف .. وبالنهايـه كِل وآحد وتوجهه .. ~

في نآس تحب هالسوآلف وفي نآس لأ !

أنا شخصياً ألحيـن أساعد رفيجاتي والبنآت اللي أعرفهم مَـع إني أدري 100% بيصوتون حق قآئمَـه ثانيـه ..
وكلنآ جذي في بنآت يشتغلون مَـع قائمَـه ثانيه وهيك وحضرو حفل التفوق اللي سوينآه وبالعكس العلاقه طيبه جداً ..

وإن شاء الله ما يكؤن فـي تعصب وحقد وهالسوآلف عشَـان إنتخابات بالنهايه إهيه مشآركه فعآله إذا فزنآ فزنآ وإذا خسرنآ
هذا حظنا وهذا إختيار الطلبه .. ~

ورآيج عالعيـن والرآس حبيبتـي كل إنسان وقناعته ..

موفقـه خيـر ومبرؤؤؤك التخرج :*

 

[anjelena]

رد : ياا المستمرات نصاايحكم للمستجدات بشكل عام لاا هنتواا,,,

والله ما قريت الردود بس ما قصروا الاخوات وبقول اللي عندي

اهم اهم اهم اهم اهم شي بالنسبة للمستجدة اول كورس والله يابنات اول كورس اهوا المعدل كثر ما تقدرين شدي حيلج فيه عشان المعدل يصير عاااااالي والله ترا باجر حتى رفعته بتصير صعبة فديروا بالكم اول كورس لازم معدل قوي وعشان باجر ترتاحين صدقوني نصيحة مني

ثاني شي الحضور الحضور الحضور اهم شي ترا كثرة الغياب تسبب فصل وهذا اعتقد اغلب الطلبة غافلين عنه فلازم تحضرين

اذكر في دكتور ما كان ياخذ الحضور فسحبتها عليه غياب والله امتحان الفاينل طلع كله من شرحه اللي كان يحضر عرف شلون يحل وبالنسبة لي تنحت بالامتحان :/ فلازم الحضور مهم جدا

 

[تنايفـ]

رد : ياا المستمرات نصاايحكم للمستجدات بشكل عام لاا هنتواا,,,

mostaqilla~CBA فديتج والله الله يبارك بعمرج حبيبتي والفال لج نشوفج متخرجة وبمعدل عالي بعد
شسوي يختج صرت اخاف من هالبنات والهوشات توني رادة على ىموضوع على نياتي كتبت مثل كويتي قديم جان تسفل فيني وحده تقولي شحقة تتكلمين عن المذاهب والسنة والشيعه واي يما يما اكلتني! ماتشوفيني كاتبه لحد يتهاوش وياي بالبولد العريض لوووول مالي خلق عوار راس

وعلى قولتج الانتخابات شي راقي وحلو ومشاركة فعالة تحسسج بوجودج .. بس في ناس مثلي ماتواطن هالفعاليات وبيني وبينج ينقص عليهم اي وحده بتساعدها وتقول لها صوتيلنا بتقولها حاضرة وبالشوفة وعلى طول تصوت .. الناس الي فاهمين وواعين مثلج سمالله عليج تعرف تختار قائمة تصوت لها عشان التوجهات وجذي .. بس في ناس على الله ينقص عليهم علبوا هالقائمة شرت لي جم كتاب يستاهلون اصوت لهم .. وفي بنات الله يهديهم يلزقون بالمستجدات وحتى المستمرات يا تصوتين يا بنزعل عليج .. عشان جذي نبهت البنات اخاف ينقص عليهم
ومثل ماقلتي كلن عقله براسه يعرف خلاصة وموفقه حبيبتي بدراستج وعسى الله يوفق القائمة الي تشتغلين وياها
​

 

[عاشقة المايسترو]

تنآيف ..

عاادي حبيبتـي هالسوآلف بكل مكآن الله يعينج ..

صح في بنآت جذي بس ألحيـن أغلب المستجديـن قع يحآولون يعرفؤن أكثر عن الإنتخابات ..
وأهوه توقيتهم غلط يعني المستجد يدش إسبوع ولا إنتخابات :/ شلؤن بيعرف شَـي !!

بس ويييع شنو يا تصوتيلي يا أزعل الحمد لله ما نسؤي جذي :/

حبيبتـي الله يوفقج ويوفق الجميـع .. :*

أجمعيـن .. ~

 

[قمر^خالد]

رد: رد : ياا المستمرات نصاايحكم للمستجدات بشكل عام لاا هنتواا,,,

ماشاء الله البنات كفو ووفو انا تخرجت السنة الي طافت وما ازيد على نصايحكم شي الا بشغلة وحده وياريت تتقبلونها بصدر رحب

مع احترامي الشديد للقوائم وللمتعصبين لها
لا تعطون القوائم اهتمام قوي خصوصا اذا انتوا ماتحبون مجال القوائم والانتخابات .. ولاتخلونهم يقصون عليكم ويسحبون منكم الاصوات لانه غالبا الي يشتغلون بالقوائم يتصيدون المستجدين لانهم يعتبرون صواتكم سهله وانتو بالعربي مقصة لهم وسوري عالتعبير .. تلقونهم يتخامطونكم عند باب الجامعه ويلزقون فيكم لزقة عنزروت وقولوا تنايف ماقالت .. فإذا ماتبين تصوتين حق احد لا تصوتين واذا مالج ميول لأي قائمة تركيهم عنج وامشي ترى بالنهاية بتدرسين وبتخرجين ولا بتدرين عن هوا دارهم .. واذا انتي تحبين قائمة ومتعصبةلها هذا شي ثاني عاد .. بس انا اتكلم مع البنات الي بسرعه يكوكون راسهم ويسحبون منهم الاصوات وقت الانتخابات واهما ياغافلين لكم الله مايدرون شالسالفة ولا شالطبخه او يصوتون للقائمة عشان متفشلين من وحده موصيتهم مثلا .. وبس هذي نصيحتي
ارد واقول مع احترامي الشديد لكل القوائم ولكل المتعصبين لها انا حطيت هالكلام كنصايح للمستجدات الي مايحبون خرابيط الانتخابات فلا تتهاوشون وياي وتسوونها سالفة علبوا ردي موعاجبكم

ودمتم
​

آنه معاااااااااااااااج 100%

 

[عاليهـ ..~!]

رد : ياا المستمرات نصاايحكم للمستجدات بشكل عام لاا هنتواا,,,

مشكووورين حبايب قلبي ع ردوودكم

بس احنا المستجداات نفهم اكثر منكم من البحوث والاستكشافات اللي

سويناها وانااا بنسبه لي صعب اقتنع ومع معرفت حوليني والبحوث اللي سويته

اتخذت قائمه الأئتلافيه هي من تستحق صوتي واطمح اني اكون من مرشحاتها مع احترامي لباجي القوائم...

 

[نـس ـونئ غ ـلآهـم]

مششكوريين بنات ع النصصايح الحلوه

 

[عاليهـ ..~!]

رد : ياا المستمرات نصاايحكم للمستجدات بشكل عام لاا هنتواا,,,

اب
اب
اب

 

[قدساويه مصرقعه]

اذا ضاق خلقج بالمحاضره حطي السماعه وسمعي الاف ام <<< بالله هذي نصيحه @@ :bbbiu:

لا لا صج اذا زفج الدكتور لا تردين عليه بعدين يحط عليج :eh_s(11):
واذا دخلتي متأخر سوي نفسج راكضه وصاعده الدرج وتعبانه تكسرين خاطر الدكتور <<< كله تضبط معاي :lololoe:
وا اشتري المذكرات اول بأول .... هذي نصييييييييييحه مني للكل:yaaaaaarb:

 

[katoya]

يعطيكم الف عافية خووش موضوع وناسة -=-> عسى اتعض لوول
الي عنده بعد خل يقول خل نستفيد

 

[~.ąvȍƈaȚ.~]

وااي يالجامعه <<< وحده تكره الجامعه

انا بصراحه من دشيت الجامعه و انا احس اني فاشله فما عندي نصايح للأسف

ما راح ازيد عن كلام خواتي

اهم شي الحضوور... حتى لو كان المنهج موجود بالكتاب و الا مذكره و حتى لو غبتوا و ما نزل انذار ... الكورس اللي طاف خذيت عند دكتور والله اهوا كان خوش دكتور بس الماده نوعا ما صعبه و وقتها سخيف (ألساعه 3) المهم في بنات كانوا يغيبون وايد مع العلم ان كل يوم ياخذ الغياب و لما شافوا ان ما نزل انذارات و سحبوا لي آخر الكورس ... آخر شي سطرهم كلهم F !!

و همن شدوا حيلكم اول كورس ... اللي ماخذه تمهيدي و ماده شدوووا حيلكم بهالمادة و حطوا ابالكم اذا يبتوا فيها A معدلكم يصير 4 نقاط و تعرفون شنو يعني 4 نقاط ؟! يعني صعب معدلج ينزل و العكس صحيح تخيلي يبتي D يعني نقطة و شي و صــــــــــعب معدلج يرتفع...
و اصلا لي شفتي الـ4 نقاط راح تتشجعين و تستانسين و تكملين هالمشوار بتفوق بالجامعه حتى لو ما كنت متفوقه بالثانوية !!

و اللبس ... لو سمحتوا لحد يهلق و جنه رايح حفله

و نقطه اخيره حبيت أنبه عليها

حطي ابالج ان مجتمع الجامعه غييييييير عن الثانوية ... فيها شباب و مختلطه و جذي
يعني لا تاخذييين راحتج واايد بالسوالف مع رفيجاتج و صوتج لا يرتفع وايد بعد ... استغفر الله في بنات يفشلووون ظحكتهم تسمعينها آخر الممر واهيا بأوله وااي و تخيلوا النظرة و الا السمعه اللي تنقال عليهم حتى لو كانوا خوش بنات
و حركات الثانوية لازم تبطلين منها
اهم شي بالجامعه سمعة البنية سوالف مني مناك ما عليكم منها

و اممممممم شنو بعد

الدكتوره <<< بصراحه ما طبيت الا عند دكتوره وحده و كانت زينه بس شوي مليقه بس خووش وحده للأمانه و بالتمهيدي طبيت عند دكتوره و استاذتين بس ما كان احتكاكي فيهم وايد
المهم ان لا تراددينها ترى 80% من دكتورات جامعة الكويت حاطين عالبنات فاذا زفتج و الا شي سواء دكتور و الا دكتوره سكتي و لج الاجر انشالله

و سلامتكم

 

[بالحيـل ذباحـه]

يعطييكم العآإآإفيييه ع النصآإآيح الحلووه ..~
واتمنى تفيدونآ بعد .,, ومشكووره صآإآإآإحبه الموضوع على هالموضووع الروؤوعه ...|~

 

[يالبيه 17]

رد : ياا المستمرات نصاايحكم للمستجدات بشكل عام لاا هنتواا,,,

دنيا غريبه + دخيل الغلا

حدكم منغثين شكلكم هههههههههههههههههه خرعتوني هههههههههههههههههه

لا والله يختج ودي اداوم واستانس لحد يخوفني ههههههههههههههههههههه

 

[PiNk^MoOoN]

احم احم ... اذا كنتي بالخالدية سواء هندسة او علوم
لا تسوقين سيارة يديدة لانج راح تدعمين و تندعمين 100000%
و لا تسدين على احد ترى صاير عادي عندنا ندعم اللي ساد علينا و نطلع لوووووووووووول
اذا كنتي بالهندسة لبسي لبس عملي و فلاتاااااااااااااااااااااات لان اكيد راح يكون عندج لابات و فرارة
بتروحين من العلوم لي الهندسة و بالعكس
و لا تطوفون جو الانتخابات ترى ونااااااااااسة حتى لو مالج شغل فيهم لوووول
و الدكاترة اكيد سائلين عنهم مليون الف مرة
اذا انتي تدرسين اول باول مهما يكون الدكتور نحيس او نفسية
ما راح يقدر يظلمج
و عقب كل امتحان روحوا حق الدكتور و ناقشوه بالامتحان حتى لو ما عندكم اسئلة
بس علشان يحفظ ويوهكم و يعرف انكم مهتمين بالمادة و اكثرهم اذا حسوا انكم مهتمين راح يرفعونكم اخر الكورس
ولا تهملون الكوزات و الهومووركات لانها راح اتاثر بالقريد
و موفقيييييييييييييييين ان شاء الله
اذا تذكرت اي شي بعد اكتبلكم اياه

 

[sawaranza]

انا انصحهم اذا عندهم تمهيدي ماث يشدون حيلهم وينجحون من اول مره لانه ثاني مره الوحده تقعد على اعصابها وتحت رحمتهم الاحسن انها تخلص وتفتك من اول مره

 

[DaLa3 BeBe]

السلام عليكم

انا نصايحي لكم

1_ حاولو تكونون صداقات لان الصديقات بيسهلون عليج مشوار الجامعه يعني بيعدي الوقت بسرعه

بس مو اي وحده تلقطوونها لا شوفي وحده سنعه ومهتمه بالدراسه واخلاقها زينه لانها بتأثر عليج
وفيه بنات مصالح بس عالعموم انتو عارفين شلون تختارون

2_ مثل ماقالت وحده من الخوات راقبي نفسج يعني لاتستقلون الحريه بالعكس افتخرو بثقة اهلكم ورفعو راسهم

3_ خلكم مأدبين بالمحاضره ولا تسولفون عشان ماياخذ عنكم الدكتور فكره

4_ ركزو بالمحاضره وفهمو اسلوب الدكتور وراح تعرفون طريقته من الاختبار يعني في بعضهم يعتمد
عالكتاب ويحدد المهم وفيه بعضهم يركز ويقول هذا مهم << راح يكون بالامتحان السؤال تقريبا
وفيه اللي يزيدون معلومات من برا الكتاب يقولها ويركز فيها ويدقق يعني سجلوها << وهالنوع سجلو معاه اول باول اللي يقوله ويقول مهم


5_ اذا ماعندج شي بالفراغ حاولي تدرسين اذا كان عندج امتحان وردي راجعي عليه بالبيت يعني تتشجعين تكونين مخلصه كميه
او حلي الهوم وورك

6_ اللي يتحرشون برا ماعندهم شغل لا تعطون احد ويه باجر بعد لاسمح الله يبوقونكم ولا شي نفس اللي قالو عنه ببرنامج الدوانيه لول
ولا تجاوبون عالشباب اللي يسوون روحهم بريئين ويسألونكم لان بعضهم يتحرشون بطريقه غير مباشره

وحاولو تقعدون جدام بالقاعه اول سطره ثاني سطره عشان تركزين مع الدكتور وتسجلين المهم واهو راح يحفظكم ويحس انكم شطار
مو تقعدون ورا تنخشون ترا تنامون ولا تدرون شالسالفه

وبعد النتايج اذا حسيتي انج مظلومه بالنتيجه ولا باقيلج شوي على قريد كلمي الدكتور شوي بعضهم يرفعون بس مو تزودونها دربالكم

لاتطيحين الميانه مع الدكتور بالنهايه اهو مو ابله << حرمه يعني طالبه ودكتور لايتعدى ذلك مهما كان ظريف ومطيح الميانه بالمحاظره

وسلامتكم وبالتوفيق للكل

 

[كِــيــوي]

أول نصيحه لكم

لا تاخذون مواد اختياريه وااااجد من البدايه حاولوا انكم تخلصون المتطلبات الجامعيه

ثاني نصيحه لكم

لاتاخذون المواد الالزاميه حقت التخصص الا لمن تتخصصون ,,لان مرات لا سمح الله الواحد يغير شنو بيتخصص

فثالث نصيحه لكم

درسوا اول بأول ولا تستهينون بالدراسه وسووا بحوث و برزينتشينز والهوم ورك .. ولا تستحون

وربي يوفقكم

 

[دنيا غريبه]

لبيه
اي والله ملينا نبي نتخرج >> وترى بعد سنه بتقولين نفس هالكلام وأكثر صدقيني

 

[دنيا غريبه]

دخيل الغلاا
اي تربيه
وتخصصي عربي مساند دين