شنو تسوون بقمصان نومكم القديمة؟

[فيرووزه]

والله خووش مو ضوع الصراحه انا اوزعهم مع الملابس الى ماابيهم يعنى حرام انتفهم واقطهم اخلى غيري يلبسهم لاانهم غالين والله انا انصحج انج تتصدقين فيهم

 

[حجيه هيونه]

ماحب اعطي قمصان النوم لاحد احسهم شي حيل خاص

القديم الفه واقطه تكرمون بالزباله بس داخل كيس ثاني يعني اكثر من جيس وحوله اغراض ما يبين

 

[حرم_طيار]

رد : شنو تسوون بقمصان نومكم القديمة؟

خوش سؤال
انا حاطتهم بجيس اسود وخاشتهم وشكلي راح اقلهم قريبا

 

[LA TROO7]

انتي نفسي قبل فترة طلعت مجموعه من تجهيزي قبل اربع سنوات بعضهم مالبسته ومايجوز اتصدق بملابس نووم وملابس داخليه

فقطعتهم صغار صغار وحذفتهم بالزباله

 

[ساندريلا]

بنات من صجكم تتبرعون بقمصان نومكم هالشي جدا خااص واعمال السحر اكثر شي يسوونها من هالاشياء الله يحمينا

انا اقصصهم صغار صغار واقطهم بالزباله لان مره قطيت ستياناتي بدون مااقصهم والا اشوف خدامتي ماخذتهم شصار فيني لاعت جبدي

 

[منوووووله]

غلفيهم بجيس وحطيهم بصندوق وخشيهم فوق الكبت تحت السرير المهم لاتقطينهم ترى بعد فتره بتردين تلبسينهم راح تحتاجين تغيرين

وخليهم ذكرى عندج لوووول

 

[ام اغلى الناس]

سوي نفسي .... عقب ولادتي ... لميت كل القمصان القديمه حطيتها بجنطة سفر و خشيتها ...
و قلت كل فتره ان زهقت من القمصان اللي بالكبت راح اخشهم و اطلع من الجنطه .... و كل فتره ابدلهم
حرام لا تقطينهم
غيري فيهم كل فتره
ترى الرجال ينسى بسرعه ... ما يذكر القمصان

 

[الماسه.80]

لا انا مااقطهم حرااام كلهم غااااالين خاشتهم المهم اني ما اكررهم بس خاشتهم جذي لان كل قميص وله ذكرى

صح كلامج :jbdwjbd:

 

[جبنة بيضة]

انتفه و اقطه بالزبالة

 

[amoon]

رد : رد: شنو تسوون بقمصان نومكم القديمة؟

انا عن نفسي اخذهم واقصصهم اصغار اصغار
بحيث ايبين هاذا شنو كان شكلا
وبعدين احطهم بجيس واخذهم اقطهم بزباله الشارع
وبس

وانا نفسج

 

[ام كوشه منكووشه]

رد : شنو تسوون بقمصان نومكم القديمة؟

انا عن نفسي احب احتفظ فيهم لانهم شي خاص حيل وذكري وغير جذي انا جسمي ما تغير فساعات اكرر واللى عندي الله خير ما يلاحظ كل ما البس عباله يديد ويمدح وانا اخليه على فاله

 

[طيفـك]

هلا حبيبتي توني اشوف موضوعج--انا كل سنة اجدد وانطر عطلة الربيغ احطهم بكيس واحرقهم عالاقل تكونين متاكدة محد يفتشهم فشلة شغلات خاصة

 

[ام ناصر 2009]

رد : شنو تسوون بقمصان نومكم القديمة؟

وانا والله ما قطهم لأن كل قميص له ذكرى عندي أحطه بجنطه كبيره
بعد فتره ارجع البسه له لأنه ينسى

 

[ديانا سبنسر]

بالزبالة لبسة لبستين والزبالة سيدا

 

[Pissy Missy]

شكرا على مروركم

شكلي اخر شي شكلي بشتري جياس النايلون المتين الي من دايسو وبحطهم فيه وداخل جنطة وبخزنهم بالمخزن

 

[غالية زمانها]

انا احب احتفط بقمصاني ..لاني احبهم ..
حتى لو قديم .. بس انا عموما .. اذا ملابسي الداخليه
بقطهم من صروايل .. شلحات .. فانيل داخليه ..
اقصصهم صغااااااااااار .. واللمهم بجيس وانا اقطهم

 

[^مرايم^]

اقطهم بس طبعاً بعد ما اقصصهم بالمقص علشان محد ياخذهم و يستعملهم..

ما تدرين شيصير بالزبالة عقب ما تطلع من بيتج ..

 

[om MaRyooM]

انا مااستغربت غير اللي قالت تتصدق فيهم !! لوووووووووول شلون مافهمت بالظبط حق منو وليش

المووهم



اذا القمصان قديمة وموذاك الزود كشخة او قياسهم مو حلو اقطهم بالزبالة تكرمين

واذا حلوين وغالين احطهم على كتر وبين فترة والثانية اسوي جرد وارجع البسهم حتى لو عقب سنة او سنتين وريلي حسباله شي يديد لأن الرياييل ينسون مايدققون

 

[اميرة-الاحجار]

اذا ملبوسين قطيهم واذا يدد شوفي وحده من اهلج او ارفيدجاتج قوليلها يدد وعطيها ياهم

 

[معذبه ومشتقيه]

يوووه شخباري قصمان

الحين انام مفاصيخ انا وياه

والله وفر علي