زياده معاش المدرسات

[( المـلاك )]

عليهم بالعافيه اللي زادوهم

و المدرسات اتوقع فيه زياده وايد اسمع هالايام هالاخبار

 

[شموع & دافئه]

ليش اختى
اذا قنعتى برزقك الله بيزيدك
اكثر واكثر
وراح يبارك بمعاشك
ليش الحسد ؟؟؟؟؟؟؟
انتى تدرين هالفئه على اى درجه ؟؟ ومعاشاتهم شويه ونفس ساعات العمل وظروفه مع المعلمات
واذا حصلو على زياده مهما كانت راح تكون ضئيله والحمدلله على كل شىء
والمعلمات تبارك الرحمن ما تطوف 3 سنوات الا ويزيدونهم وزيادتهم فوق ال 100 ماشاء الله
وعليهم بالعافيه
انا مالى علاقه بالصوبين
بس الكل يستاهل
مشكلتنا بالكويت الحسد لولا هالصفه الذميمه كان احنا بالف خير

ولله الحمد من قبل ومن بعد

 

[جبروت امرأة]

ليش اختي شموع دافئه

هذا مو حسد اللي جتهم الزياده عليهم بالف و600 عافيه

لكن هذا اسمه الحق

يعني قارني بين المعلمات والاداريات من حيث كل شي وانتي راح تعرفين

المسؤوليات اللي علي المعلمات

1- فتره الدوام شنو المهام علي كل من المعلمات والاداريات
المعلمه تشرح وتحضر وفرصه ومناوبه وامور كثيره لكن الاداريه مالها شغل بالطالبات بس في المكتب وبالتكييف

2- فتره وجودها بالمنزل
المعلمات تحضير وضعط وهذا من وقت عيالها وزوجها وبيتها وحتي نفسها ومن مكتبه للثانيه ودروس نموذجيه وموجه داخله وناظره طالعه ومشرفه أو رئيسه قسم ، هذا غير الوسائل اللي تشتريها من راتبها الخاص
أما الاداريه في البيت وقتها كله لها ماتاخذ شي من الشغل معاها للبيت

وطبعا هذي مقارنه بسيطه علي السريع

والحين هل نستاهل الزياده ولا لأ ؟؟؟؟؟

اسمحولي عالاطاله

 

[أبلة كويتية]

شوفوا يالغاليات الإداريات حرام يتعبون ومعاشاتهم شوية ويستاهلون الزيادة ..وعلى فكرة هم مع الزيادة ما وصلوا لمعاشاتنا


بس عموما المعلمات بالكويت معاشاتهم شوية بالنسبة للشغل والتعب

يعني بصراحة نستحق زيادة على قدر تعبنا وعلى قدر وظيفتنا

لأن معاشنا ألحين صج أعلى من الإداريات بس ما صار فرق كبير بينا وبينهم
وبين الوزارات الثانية ..وبما أن المعلم جهده مضاغف لأن شغله بالبيت والمدرسة عشان جذي لازم تصير معاشاتنا اعلى من جذي

الحمدلله الموضوع مافيه حسد بالعكس الكل عليه بالعافية

بس هذا حق والحق ما ينزعل منه ...معاش المعلمات بهالوقت وبالنسبة لباقي الوظايف الإدارية صار شوووووية وخلى الأكثرية يفكرون بالتحويل للوزارات الثانية ...الوزارة لازم تتلاحق نفسها وتزيد المعاشات عشان لا يصير عندهم عجز ...وساعتها مالهم غير المعلمين الوافدين مع إحترامي الشديد للجميع ..

موفقين إن شاء الله

والله يبارك بمعاشات الجميع

7

7

 

[Golden]

حبيبتي انا سئلت البنات اللي اعرفهم موظفات واداريات بالوزارات يقولون للحين ما شافو شي من الزيادات !!

صج هالحجي عاد ؟

 

[أم كادي]

الله يسمع منكم قربت افلس لوووووووووووول

 

[hotchocolatee]

ارتاحو لاتركضون وراء الاحلام مافيه زياده

 

[نور الضي]

حبيبتي ما زادوا الا الجامعيات
وما وصلنا لمعاشات المدرسات
لا تحاتون انتوا اكثر بواااااااااااااايد
عليكم بالعافيه
ولعلمكم ما نزل شي لي الحين

 

[تشوكليت]

انا تدربت ميداني وماتخيلت ان المدرسة تتعب كل هالتعب والله المفروض معاشات المدرسات فوق الالف

 

[cuteya1986]

مستحيل معاش الادارية يكون نفس معاش الابلة او حتى مقارب لها وهذا حتى مع الزيادة
الادارية معاشها 500 ومع الزيادة 600 والابلات يوصل معاشهم للالف ولل800
يعني ماكو وجه مقارنة
وترى مثل ما الابلات يتعبون هم الاداريات خاصة السكرتارية وشؤون الطلبة يعني عندج الطبيات والانذارات والدرجات والقوائم والبيانات وملفات الطالبات والمناوبة والمقصف وغييييييره

وهم الابلة عندها الشرح والتحضير والوسايل و التصحيح ودفتر الدرجات والاختبارات والتسميع ... وغيره
طبعن كل عمل وله متااااعبه

وانا قريت بالجريدة انه مافي تعيين للاداريين من حملة التطبيقي خلاص راح يعينوون جامعيات


وبس

 

[الغيســاء]

رفع

 

[أم مشْعلْ]

مهما تحجيتوا ماكو وجه مقارنه بين تعب المدرسه وتعب السكرتيره على الاقل السكرتيره تتقوى تسولف وحنا حصه بظهر حصه غير الصوت والتعب والوسائل ... الخ والسكرتيره تخلص شغلها بالدوام وكان الله غفور رحيم اما احنا تحضير ووسائل وغثا وتصحيح دفاتر وتصحيح اختبارت غير الاختبارات اللي نسويها والا جتماعات الفنيه والبرامج الاذاعيه

 

[قلب راشد]

عليهم بالعافيه الزياده

والله يرزقنا ان شاء الله

 

[دعواتكم]

رد : زياده معاش المدرسات

ليش الحسد والمقارنه يابنات

انتم تدرون منو زادوا

السكرتيرات مازادوهم

ولا امينات المخزن ولا المحضرات


اللي اعرفه اعتقد شئون الطلبه

والتقنيات اللي هم اساسا بكالوريوس

والفئه اللي شبعوا تعزير اللي هم الاخصائيات خريجات الجاامعه اللي كان اول تعينهم رواتبهم ماتتعدى ال 420

يعني لو زادواهم ما راح يوصلون ال800

تدرييين من متى يطالبون بالزياده من اكثر من 25 سنه وغير جذي مالهم صوت بالمره


وللعلم 50 بابا جابر الله يرحمه ماخذوها عشان تفرحيين

وهالكلام من اخصائيه اشبعت تطفيش وكرااااااااااااااف وماكو راحه ولا فرصه ولا وقت بريك شغاله من الصبح مع الطلبه الى نهايه الدوام

ولا حمدا ولا شكوووورا ومشاكل ورا بعض من الطلبه واولياء اموورهم


تكفون كاااافي مقارنه وحسد كاااااااااااااافي وللحين مانزل شي

 

[مناوى 99]

رد : زياده معاش المدرسات

لا اله الا الله
كافى حسد
اللى حاشته الزياده عليه بالف عافيه يستاهلووون
وكلكم بمجال واحد
والتربيه حتى الحارس يكرف كرف

يعنى الكل


بلاش حسد عشان ربكم يبارك بمعاشاتكم
يا ناس

 

[طيف الندى]

رد: رد : زياده معاش المدرسات

لا اله الا الله
كافى حسد
اللى حاشته الزياده عليه بالف عافيه يستاهلووون
وكلكم بمجال واحد
والتربيه حتى الحارس يكرف كرف

يعنى الكل


بلاش حسد عشان ربكم يبارك بمعاشاتكم
يا ناس

كلاااااااااااااااااااااااام سليم 100%

 

[@ نجمة العطااا @]

بنات احسن شي اي موضوع فيه زيادة ما نتكلم فيه والله جد
لاننا ما نراعي مشاعر بعض خاصة بعض الردوووووود!!!!!!!!!

واصلا لو نكتب معلقات مو بس رد محد معبرناااا ولا احد منتبه لنا !!!!!

انا معلمة ما ابي الزيادة بس اللي ابيه يفكونا من الامور الادارية اللي مالها علاقة بوظيفتنا كمعلمات!!!!
وما يخلون الميزانية بايد زيد وعبيد اللي ما يندون الفلس تقول من جيبهم مو من الوزارة!!!!!!
لا تتوزع الميزانية على كل قسم ومنها على كل معلمة حسب احتياجها يعني من اول السنة كل مدرسة تحدد وسائلها اللي تبيها بناء على الدروس والمنهج والوزارة لا هانت اما انها ترسل لها المبلغ او توفر لها الوسائل والله هذا اللي انا ابيه وبس!!!

الناس تتطور لقدام واحنا نتهاوش على من زاد ومن مازاد!!!!!!! والوزارة كل مالها واردى من قبل!!!
جد جد والله حطموني تحطيم انا كان عندي طموح واحلام وافكار غريبه عجيبه للتدريس كلها رااااحت تبرخت والله من الكرف اللي ماله معنى!!! ومن الناس اللي ما ادري كيف صاروا مسؤولين لاذمة ولا ضمير ولاخوف من الله وحسبي الله ونعم الوكيل
وادري ان غيري كثيييييييييييييييييييييييييييييييييييييييير تحطموا لكن الشكوى لله تعالى والله يصبرنا ويآجرنا

 

[كرز حالي.]

رد : زياده معاش المدرسات

عليهم بالعافيه بس بصراحه مايتقارنوووووووون فينا
يكفي ان احنا اخر السنه نسوي شغلهم
عيل في مدرسه اتشيك على سجلات تاسع اللي بيودونهم للثانوي وترتب ملفاتهم
بصراحه مدلعين الاداريات

 

[Ameeraaaaaa]

لا تعليق
ههههههههههههههههههههههههه

 

[أم توفي]

أنا قريت نفس الخبر بالجريده وانشالله في زيادة لأن فعلا معاشاتنا كلش تفشل قبل كانت المدرسة اهي الكشيخة اللي الناس تتكلم عنها وعن معاشها الحين من أحد يدري انج مدرسة والله ينكسر خاطرة ويقول بينة وبين نفسة وعليا الله يعينها