كل وحده تدش وتسولفلنا عن تجربتها مع الولاده

[Cute Kitty]

الحمد الله على سلامتج حبيبتي
والف مبروك ما ياكم ويتربى بعزكم ان شاء الله

 

[مشمشه_كويتيه]

الف الف مبروووووووووووووووووووووووووووووووك والحمدالله علي سلامتج ويتربي بعزكم يالغااااااااااااااااااااااااااااااااااااااااااليه

 

[rainbow_brite]

العفو يا بنات ما قصرتو



سبحان الله والحمد الله ....... ذكريات اطل علينا بين فتره وفتره والحمد الله اهي بخير والباجي والله ما ادري عنهم




مشمشه كويتيه استانست يوم شفت ردج ما قصرتي .... بس شرايج بعبودي

 

[mrmr mrmora]

الحمد الله على سلامتج

ومبروك ماياج ويتربى بعزكم

 

[شمس و قمر]

الحمدلله على السلامة ومبروك اللافي
وعقبالي يارب

 

[ام ناصروحنين]

مبروك والله يحفظه لكم ويقرعينكم به

ويجعله من عباده الزاهدين الصالحين،،

لاكن عندي سؤال حبيبتي جم تكاليف ولادتج؟؟

 

[بمبرة]

الف الحمدلله على سلامتج ومبروك عليكم اللافي ويتربى بعزكم ان شاء الله:eh_s(17)::eh_s(17)::eh_s(17)::eh_s(17)::eh_s(17)::eh_s(17):

 

[b6o6a]

الحمدالله على سلامتج

السهاله من الله

 

[atooma]

الف الف حمدلله على سلااااامتج

ومبرووووووووووووووووووووك

 

[جروح تبتسم]

الحمدلله على السلامه ومبروك ماياكم .. يتربى بعزكم والفال لي يااااااااارب

 

[جروح تبتسم]

ماشاءالله الف الف مبروك و الحمدلله على السلامة والفال لي ياااااااااارب

 

[rzaan77]

الحمدالله على السلامه يتربي بعزج انشالله
ويكون من الذريه الصالحه

 

[lailalaila]

الف حمدلله على سلامتج و يتربى بعزكم

 

[شمس الوفا]

ألف مبــــــــــــــــــــــــــــــــــــــروك حبيبتي نونيا على أحمداني
و يتربى بعزكم وتشوفينه معرس ان شاء الله

 

[نفيشه2007]

الف مبروووووووووووك ويتربى بعزكم

 

[makeup story]

قصة ولادتي <<< ازقرتية

:eh_s(15):احم احم ...
ارتفع علي الضغط بيووم 15 \7 ضغط حمل صار فيني بهاليوووم فرحت ع اساس اجيك كان يايني عوار رحت للعدان ومااادراك مالعدان دشيت ع الدكتورة ولا لما جيكت ع الضغط تقوولي مرتفع حييل ولااازم ندخلج ملاحظة الولادة هني انصدمت انااا كنت يايه ع اساس عوار بسيط طلع ضغطي مرتفع المهم قلت لزوجي جان يقولي دشي خل يجيكوون طبعاا اهم ماخلوني اطلع اساسا ودشيت جني رااايحه للجهااد لما دشيت الملاحظة لانه نظامهم الداخل مفقوود والخارج مولود محد يدري عني داخل شنو صاير فيني وطبعااا اعترض ع كل دكتوور ياني اقولهم بطلع وويخرعوني يصير فيج جذي ... وبالبييبي لازم تولدين طلعت لهم قروون لين وقعت وطلعت منهم الحمدالله وطبعاا انا ببالي بروح الهادي مابي اولد عندهم

للحين مابدى الفلم الهندي :eh_s(8):

رحت الهادي عطتني دكتورت دخول صبح 16 \ 7 تولدني

دشيت الهادي الساعه 5 الفير وبدواا الساعه 11 حطولي تحاميل للولادة
وحطولي جهاز التخطيط مال البيبي وكل شوي انااا ادقق فييه بشووف في طلق في شي خوو صرت خبرة من كثر ماااحطيته بهالحمال
المهم مرت علي الدكتورة السااعه 2 قالت مبطل 2 سم بس ونطرت لين الاربع ويت ولا زايد 4 قالت زييين المهم ع الست صااار 6 قااالت لااا بولد عالثمان جذي المهم بعديييييين يت ولا تجيك ع البيبي ولا البيبي راسه تحت بس مرتفع عن الحووض يعني مااقدر اولد اذاا مرتفع مو نازل بالحووض شغلولي الكمام ويالله شمي خو الكمام فظييييييع وناسه حده بس انا كنت احطه واشيله ولااا اسمع الدكتورة تقووول للسسترات عني ( راح تكون ولادتها صعبه وممكن اخر شي نولدهاا قيصري بس بنحاول طبيعي لانه حراام اهي توولد طبيعي ) يزاها الله خييير والله ومسكيينه تحاول تنزل البيبي ماكوو وطبعااا انااا ضاااااااق خلقي حده مو عارفه شنوو يعني اقدر اسوي
ولا تقووول للسسترات يبوو حزام وتييب الحزاام وتضغط بطني فييه جنه كورسيه :eh_s(6): حيييييل اضغطتني طبعا الحزام عشااان ينزل البيبي بالحووض انفعص مسكيييين لوووووول هني اناا قعدت ابجي حيييل من قلبي وادعي الله خوو اللي دعيتهم ع كيف كيفهم لوووووول طلقي طول حييل حييل عاد اهني من كثر ماطولت بغرفة الولاده قمت اترجاهم ايشربوني مااي ويقولون لي مايصيير والله انا احس اللهاة لصقت بحلجي من فوووق من العطش بعدين عطوني شوي ماي وبعد جم ساعه صارت 12 قالت البيبي نزل ودش الحووض الحمدالله والرحم تبطل 8 وللحين مافي بوادر ولادة جان تقعد السرير وانا فيه طبعاا يعني على جلووس المهم وتقولي خلييج جذي علشان ينزل عدل البيبي وتلف حوالي شرشف علشان يضغط البيبي وينزل وع الساعه 3 الفير 17 \ 7 عدلوا السرير وقمت اصيح من قمة راسي بدا الجد واتي السستر وتمسك الكمام وتصكر حلجي شمي شمي لوووول جان ارفع الكمام اقول لهاا بصووت واطي ترا البيبي بيطلع جان تقولي ماما مو الحيين بيبي يطلع شمي شمي :eh_s(9): شوي ولا تطل جان تقووول لا يدز ماما وتنادي الدكتورة في بيبي يبي يطلع لوووول وانا اقوول شنو قاعده اقوول لكم المهم حسيت باول دزة بعدييين ماوعيت الا انا بغرفتي والحمدالله اخر شي ولدت طبيعي بفضل الله وبفضل الدكتورة الشقرديه مسكييينه تحملتني انا وفلمي الهندي بس بصرااحه كاانت اصعب ولاااادة لي بجييييت من كل قلبي والله يسهل ع الحوامل ويرزق كل محروووم يارب

وتوته توته خلصت الحدوووته:eh_s(20):

 

[أم الطيب]

اااااااااااااااااااااااااااااااالف الحمدلله على سلاامتك عمري
ومبروووووووووووووووووك اللافي

 

[makeup story]

الله يبارك فيج حبيبتي

 

[rainbow_brite]

قصة ولادتي بالغالي عبودي حياتي ونظر عيني ........

هاي بنات

شلونكم وشخباركم


قصة ولادتي بالغالي عبد الله


الله يحفظه ويجعله من الذريه الصالحه



يوم الاثنين 17-7 كان عندي موعد فحصتني الدكتوره وقالتلي كل شي زين النبض والضغط وجاست بطني وقالتلي شوي فاج وعادي عطتني موعد على الاثنين الياي عاد وانا طالعه اقول بقلبي جان زين ما ايي الموعد الياي واكون والده عاد انا اخر موعد لي كان بتاريخ 1-8 -2007 وانا من النوع كل
مره اكمل شهري تقريبا قبل الموعد باربع ايام اولد المهم طلعت من الطبيب ورحت الشقه كنت حدي تعبانه وبالليل كنت سهرانه عالنت جان احط راسي وانام لي صلاة العصر ولم قعدت تكرمون رحت الحمام والا اشوف نقطه دم انا تصروعت العاده بولاداتي اللي قبل ينزل علي الماي واول مره دم واطلع تكرمون من الحمام واقول حق ريلي جذي السالفه المهم قالي
نزلي اليهال وديهم بيت امج مع الخدامه وصار عندي حالة استنفار نزلت اغراضي كلها من الشقه على اساس خلاص حتى لو ما ياني الطلق انام بيت امي
رحت بيت امي وقتلها السالفه عاد قالتلي اذا نزل دم يمكن بالليل اييج الطلق اهي قالتلي جذي وانا اذا ياني اي عوار اقول بقلبي جان زين يزيد عشان اولد وارتاح ولي الساعه ثمان ما ياني شي جان اقول حق وحده من خواتي اتوديني الافنيوس عشان امشي ورحنا ومشيت بنات مشي حتى لم بنرد وبنروح السياره ضيعناها قلت بقلبي احسن عشان امشي زياده ورديت البيت وانا انطر الطلق لاياني طلق ولاشي وظليت طول الليل على اعصابي وصار الصبح ولافي شي وصار العصر ولاشي
بس الدم اللي نازل مني صار شوي اكثر مع افرازات ثقيله عاد هني انا قلت خل اروح المستشفى افحص واروح طواري الصباح وكان في دكتوره باكستانيه قالتلي اسوي تخطيط وعقب ما سويته وشافته قالتلي حركة الياهل خفيفه روحي اكلي وردي عيدي مره ثانية شربت عصير برتقال ومشيت شوي وعدت التخطيط جان تقولي الدكتوره هذا التخطيط احسن من اللي قبله وقتلها عن الدم جان تقولي لازم افحصج اهي قالت فحص انا بغيت انحاش بس توكلت على الله الفحص لابد منه بالولاده وسويته بس اتصدقون عادي ما تعورت الحمد الله عدى على خير
جان تقولي هذا اللي ينزل مني افرازات السداده المخاطية اللي تسد عنق الرحم والرحم مصكر مو مفتوح ولاسانتي انا ظاق خلقي توقعت على الاقل مفتوح 2 سم المهم قالتلي الاحسن انج تمشين واحتمال انتي هاليومين ولاده واطلع من المستشفى واقول حق ريلي الدكتوره قالتلي امشي ومو اي مكان الا الافنيوس هاهاهاهاها استغل الفرصه عشان يوديني ريلي الافنيوس من فتح ومو راضي يروحله المهم قالي اوكي واروح الافنيوس وامشي وامشي وامشي وارد البيت هم ماكو شي واقوم الصبح وانا على اعصابي وناطرة الطلق وما كو شي واقعد لي العصر وادق على
ريلي واقوله ودني امشي بس هالمره مو الافنيوس هالمره بسيتي سنتر السالميه المهم خذيت دوش ورحنا ومشيت وانا امشي احس الافرازات تزيد عاد قاعده اقول حق ريلي امبي تخيل ينزل على الماي وانا بالسوق فشله من الاوادم انا قتله جذي اخترع جان يقول يالله يالله عالبيت وداني بيت اهلي وحدي كنت يوعانه وانا من نزل على الدم وانا كله مالي خلق اكل حتى يومها ما تغديت المهم عقب صلاة المغرب دقيت على ريلي جان اقوله اذا ما عندك شي ودني امشي اي مكان احس هني جني مصختها وقالي قعدي ريحي توج مشيتي واصكره من عنده وكنت منسدحه على السرير
مره وحده بنات احس جنه شي ينزل علبابي الدم زاد والا بنات الماي نزل بكمية كبيره دقيت على ريلي وقتله تعال جذي السالفه واقول حق امي والبس عبايتي واروح طواري الصباح وانا ناطره دوري ادش عالفحص والا وحده سوريه ما ادري لبنانية كانت موصله حدها وما مداها ادش عالدكتوره واتصارخ وبسرعه دخلوها جناح الولاده انا شفت جذي تصروعت وقمت اناقز وامي تهدي فيني جان اقول حق امي ما ابي اولد ابي اروح البيت والله بنات انا والده مرتين بس شعور الخوف لابد منه المهم دشيت الفحص والا الدكتوره مصرية وشكلها حنون افحصتني وقالتلي ماي الياهل نزل وولاده ولبسوني لبس
الولاده وحطوني فوق الكرسي وسلمت على امي وريلي قاعد يضحك على شكلي مسكين يبي يسويلي جو ويسواسيني بس انا ماده البوز ماكو فايده ودشيت جناج الولاده طبعا اللي مجربة ولادة الصباح تعرف ان كل اثنين يولدون بنقس الغرفه وانا الغرفه اللي حطوني فيها حق الولاده كانت نايمه يمي وحده معديه شهرها ومو يايها طلق وناطره الدكتوره اتيي وتفحصها يوم يت الدكتوره وافحصتها قالت بعدها ودوها الجناح انا استغفر الله استالنست مو نحاسه مني بنات بس ما تمنيت تولد يمي وحده واتصير فيني خوف وحرب اعصاب مسكينه تلقونها ظاق خلقها كان ودها تولد وصعدوها وفضت لي الغرفه ابروحي وكانت الساعه 9 المهم نطرت لي الساعه عشر وطول هالفتره بس اسمع اصوات اللي يولدون بره الغرفه اللي انا كنت فيها وانا هني مو قادره اركز على اي شي او تلقون اسمع صوت ياهل توه مولود من غير ما اسمع صوت الام لان غالبيتهم معطينهم ابرة الظهر وحده اسمعها تقول بشويش بشويش مصريه والثانيه تقول خلاص اخر مره مش حعيدها ثاني وغالبية اللي بالمستشفى هنود واجانب يمكن انا الكويتية الوحيده خخخخخخخ المهم الساعه عشر تبدل شفت السسترات وانا قاعده بالسرير واتيي السستر اللي المفروض تكون المسؤوله عني بنات كلمة اتينن اشوية على هالسستر اهي هندية بس والله ودي ابوسها والمها من كثر ما اهي حنونه معاي الحمد الله اللي الله سخر لي هالسستر وطول الوقت كنت ادعي ان ربي هالليله يسخرلي كل الدكاتره والسسترات اللي بمستشفى الصباح
وبداية الخير كانت هالسستر المهم ما بلشت فيني وقالتلي اتمشي شوي بالغرفه من الاعصاب والخوف مو قادره امشي وبعد شوي يتلي وقالتلي يالله قعدي الحين عالسرير وحطتلي حقنه شرجية تكرمون وبدا معاي السهال وقالتلي اييب لها عينة بول وحطتلي مضاد حيوي لان اللي ينزل معاهم الماي لازم ياخذون مضاد عشان ما يصير معاهم التهاب وسوتلي تحليل بول وطلع الاسيتون مرتفع عاد انا اللي اعرفه الاسيتون يرتفع اذا الوحده تتنسى مو تولد المهم ركبتلي دريب وقعدت انطر الدكتوره الساعه 11 يت الدكتوره افحصت والا 1 سم بس مفتوح وحطتلي اول تحميله حق الطلق الصناعي وظليت بنات من الساعه 11 لي الساعه 3 وانا انطر الطلق وما في شي وما احس باي عوار وكل ساع اسال السستر ليش ما في طلق والله وانا اكلمها
عيوني دمعت تقولي ليش ماما تبجين قتلها خايفه جان تقولي لا اتخافين قولي يا ربي وقعدت ادعي ادعية الولاده ولم صارت الساعه 3 مرو علي دكتورتين كويتيات جان اقولهم ما في طلق مو مبين بالجهاز جان تقول الدكتوره انتي قوليلنا فيج عوار مالنا شغل بالجهاز انتي شنو اتحسين والله وانا بقمة الاحباط قتلها ما احس بشي بالمره المهم جان تقولي روحي الحمام وتعالي عقب ما خلصت فحصتني وانا ميته من الخرعه جان تقولي فاتح 2 سم اهي قالت 2 سم وانا وشوي انهار من الساعه 11 لي الساعه 3 بس 2 سم واهي تفحص والا تقول حق الدكتوره الثانيه انها اتجيس ايد الياهل وانا فاجه عيني جان تقول ترا ايد الياهل فوق راسه تحملي راح اعورج بس ما راح اطول وانا مو مستوعبه شي وتحط ايدها وحده تحت والثانية على بطني
تحت صدري وادز وتضغط وانا ميته من الخرعه مو من العوار جان تقولي خلاص انا دزيت ايده مع ان بنات كل مراجعاتي يقولولي الراس تحت الدكتوره تقول راسه تحت بس حاط ايده فوق راسه حبيبي ما ادري شعنده حاط ايده على راسه بس قالتلي انا وخرت ايده بس راس الياهل صعد فوق وحطتلي التحميله الثانيه وراحت بعد التحميله الثانيه بفتره بلش العوار خفيف ايي واروح وصار كل ربع ساعه وانا بس اقول هالدعاء اللهم لا سهل الا ما جعلته سهلا وانت تجعل الحزن ان شئت سهلا والحمد الله كان الالم مقدور عليه ويت السستر بعدها وحطتلي اوكسجين عشان نبظ الياهل ضعيف شوي الاكسجين بنات نشفلي حلجي وظايقني والالم بدا يزيد وصار كل خمس دقايق انا هني ما قدرت استحمل وناديت السستر قتلها ابي كمممممممااااااااااام بس اهي قالتلي نطري شوي لان البيبي محتاج الاكمسجين وخلتني لم يت الدكتوره فحصتني وطلع مفتوح 4 سم وحطتلي سلك داخل يلصقونه على صدر الياهل عشان يشوفون النبض بوضوح يوم حطت السلك والا الماي ينزل مني بكميه كبيره لدرجه السستر يابت قيصريه تكرمون وانترست ماي وشالو الاكسجين وحطولي الكمام اهي قالتلي وقت العوار شميه انا من كثر ما استانست عليه قمت اشمه طول الوقت وحسيت نفسي بعالم ثاني وما قمت اسمع لاقرقة السسترات ولا صراخ اللي يولدون حتى الساعه اللي جدامي ما قمت اشوفها وزاد معاي العوار ويا دكتور التخدير وقالي ان الدكتوره كتبتلي ابرة ظهر قتله ما ابي وانا اقوله يتني طلقه وما ادري اخذ والا لأ صار فيني تردد من العوار ودي بس الحمد الله ضغطت على نفسي قتله ما بي قالي كيفج وراح ومرت بعدين الدكتوره واحس بشي مو طبيعي ولوية والدكتوره خذت كرسي وقعدت مجابلتني وهذا مو طبع الدكاتره في مستشفى الصباح جان تقولي ترا نبض الياهل ضعيف ووايد نزل واذا ظل ينزل راح انصعدج القيصرية انا اخترعت وقتلها لييييييييييييييش بس انا والده مرتين طبيعي وقتلها ان ولدي
البجر نفس الشي نزل نبظه بس ولدته طبيعي بنات انا كلمة قيصرية خرعتني بس بعدين تحسفت اني قلت جذي مو مهم قيصرية اهم شي سلامة الياهل بعدين الدكتورة قالتلي قلبي عالجنب الثاني يمكن اريح حق البيبي عاد قلبت وعيني كل ساع على جهاز النبض والدكتوره تقولي لا اطالعين ولا تلفين شوي شوي ارتفع النبض وصار معتدل اهو المفروض 160 نزل لي 70 وصار بعدين بحدود 120 تقول الدكتوره الظاهر الجنب الثاني يريح الياهل وما يضغط عليه وراحت الدكتوره وكل شوي اسال السستر شلون نبض البيبي واقولها بيبي تعبان تقولي ماما بيبي زين وانا ادعي حق الياهل طول الوقت واالعوار يزيد وصارت الساعه 6 والتوسع وصل عندي 6 سم وصار الطلق ورا بعض والعوار مو محتمل وانا اشم بالكمام بعدين السستر عطتني ابره بالفخذ قالتلي راح اتحسين بدوخه نامي بنات اي كمام هالابره حسين نفسي عالم ثاني ورا الشمس وحسيت قمت اهلوس واخربط وانام واقوم عالعوار فجيت عيني لقيت ثلاث سسترات والدكتوره تقولي التوسع وصل 10 سم من الساعه 6 ليس الساعه 7 وصل 10 سم بس من الابره ما حسيت بالعوار الحمد الله وتقول الدكتوره اذا ياح عوار دزي واخذي نفس داخل لا اتصارخين عشان قوتج لا تطلع بره واتصير القوه داخل جسمج وانا مو قادره استوعب ولم ايي العوار ادز حيل باعلى قوتي بس ما اقدر مره ومرتين وثلاث مساكين قامو يسوولي تشجيع مو طبيعي شوي بيصفقون خخخخ والسستر تقولي يالله فطومه اخذي نفس عميق عشتو ادلعني والله خخخخخ جكيتوني اسمي مو ريمبو اسمي فاطمه هاهاهاهاها والدكتوره تقولي يالله انتي كلش بغيني تولدين قيصريه وصلتي عالاخير شدي حيلج وخوش تشجيع خخخخ لم دزيت حيل وطلع عبودي والدكتوره حدها مستانسه شكلها مستانسه اكثر مني خخخخ والسسترات يقولولي مبروك حمد الله على سلامتج وانا ارتحت والعبره تارسه قلبي وعيني وقلت الحمد الله الحمد الله اللي ولدت بالسلامه ويبت عبودي الغالي حياتي ونظر عيني بالسلامه

بنات هذي ثالث ولاده لي واطول ولاده واخرع ولاده وحتى عقب ما ولدت مر علي دكتور فحصني داخلي وكانو شاكين جزء من المشيمه داخل وسوولي سونار والحمد الله طلع ماكو شي
بنات انا نزل علي الماي االساعه 7 المغرب ولدت الساعه 7 الصبح يوم الخميس تاريخ 19 -7 -2007 والحمد الله على كل حال يوم شفت عبودي هان عندي التعب كله

وان شا الله يسهل عليكم يالحوامل وتولدون بالسلامه واللي سهل علي يسهل عليكم


والله يرزق كل محروم



وسلامتكم

 

[makeup story]

حمدالله ع السلااامه ومبرووك ماايااااااااج
يالله كل شي يهووون لخاطر عبودي هااا