أحس نفسي تغيرت صرت شريره

[.:!:. ونس .:!:.]

آخ عورني قلبي عليج
ياحياتي هذا ابتلاء من رب العالمين
والله ياجرج عليه ان شاء الله
احتسبي الاجر
وحقج اذا ماخذيتيه بالدنيا ماراح يضيع بالآخره
الله يعوضج خير يارب

 

[AmoOona_29]

العين بالعين والسن بالسن

حسبي الله عليها والله لا يوفقها ان جانها ظلمتج
بصراحه ما الومج على اللي سويتيه تستاهل وان شا الله تبشريني انها تطلقت
وبالعكس منتي شريره .. هذا اقل شي ممكن انج تسوينه كافي ان سمعتج تشوهت وطلعتي راعية تلفونات وخرابيط
وهي متزوجه ومستانسه .. حسسبي آلله عليهآآ وعلى كل ظالم
..

 

[حجيه هيونه]

اممممممممممم

اهو حرام
وغلط

بس وبصراحه شديده يتروالي لو بنات غيرج كان هم تصرفوا بنفس الطريقه ويمكن اكثر


الواحد ينحرق قلبه لمن ينظلم ومحد يصدقه

انا ماقدر اقولج شي استغفري وان شاء الله الله يغفر لج وقولي حسبي الله ونعم الوكيل

تأكدي راح يجي يوم وينكشف كل شي وبيعرفون انها كانت جذابه ماكو شي يظل مخشوش للابد

 

[najla86]

ؤفففففففففففففففففففففففففففففف

والله داهيه هالحماة

اعوذبالله

قلبها ميت

الله ياجرج

صدقيني يا قلبي ربي بيعوضج لانه مو شي هين اللي صارلج

 

[بحر الذكريات]

لاحول ولا قوة الا بالله

عورتي قلبي

مالج الا ربج هو بيجازيها

 

[!! شوق !!]

الله يلوم اللي يومج .. انتي انظلمتي ..
والله لا يذوووق احد طعم الظلم لانه مرر حنظل ..
واللي تقول ان زوج البنت بحبها اكثر ومادري شنو فانا اقولها ترا اللي طبعها جذي مستحيل تتغير تتم تحن لايام الصياعه مهما دللها زوجها والعيار اللي مايصيب يدوووووش ..
ربي ييسر امورج ويهدي بالج ويريح قلبج ..
والله مادري شقولج بس قولي حسبي الله هو نعم الوكيل .. لانه ربج كفيل فيهااا وباخوها

 

[EnGiNeeRa_92]

عــلى الظــالم تدور الدوايــر ..
والله ظلمتــج ، مــا تنلاميــن عــلى اللي سويــتيــه فيــهــا ..
بــس كــان المفروض أنتــي ترديــن على التلفون وتكلميــنهــم ..
لازم الحــق يطلــع .. هــذي انســانــه خبيـــثــه ، آسفــه على هالكلمــه ..
ادعــي كــل يوم وقولــي اللهم لاتســلط عليــنــا مــن لا يخــافــك فيــنــا ولا يرحمــا ، اللهــم إنــي أعوذ بــك أن أظْلِم أو أُظْلَم .. والله يطلــع الحــق ..​

 

[عهود الحب]

رد : أحس نفسي تغيرت صرت شريره

شوفي
الحياة ما توقف تمشي واحنا لازم نمشي معاها

انا ما الومج بأي تصرف بدر منج صح ولا غلط
لأنه انتي للحينج فيج مرارة الظلم والي جرب الظلم ما يلومج


بس انتي مظلومة تأكدي لو لج حق بتاخذينه آجل أو عاجل

حقج بيوصلج بس موب الطريقة هذي

الحق بتاخذينه من ايد رب العالمين

ربي له حكمة

وانتي ابتليتي و ربي حب يجربج شلون تصرفج بالمصيبة

مشي حياتج صح

والغلط تجنبيه



الغلط لاترضين فيه حتى على نفسج
نصيحة قربي من ربج اكثر
واشكي حالج له وربي قادر ينصرج


سؤال : شنو علاقتج حاليا ً بأخوج ؟
و شلون وضعج بعد الطلاق

 

[ياشوقي للجوري]

رد : أحس نفسي تغيرت صرت شريره

لو وكلتي امرج لله وتحسبتي عليها كان احسن ينتقم لج منها الله
ولا تتوقعين انها بتتهنى بحياتها وهي دمرت بيتج
حسبي الله على كل من بقى الشر
بس الي سويتية من القهر الي فيج ماتنلامين
الله يعوضج بالي احسن منة

 

[& مــشــايــخ &]

انتي انظلمتي ظلم كبـــــــــــــيــــــــــــــــــــــــــر

عسا الله يبرد على قلبج

وتدرين ؟

انتي دعوتج مستجابه لو داعيه ربج جان حقق لج كل دعاويج

انا ماقدر الومج عاللي سويتيه ولا أشجعج عليه الل يسامحج

لكن هم لو داعيه ربج أبرك
وعسا الله يكبر حظج ويعوضج خير

 

[sweet_girl ^_^]

ربي يختارلج اللي فيه الخير حبوبه

 

[يوآش يوآش]

والله اللي سويته غلط

بس لو انا بمكانج ما سكتت لها

تخرب حياتي وتروح تتزوج


والله تستاهل هالواطيه ..

والشرهه على اخوج وريلج اللي صدقوا

وحده نفسها ...

لا تانيب ضمير ولا شي انتي ما تبليتي عليهاا


هذا الصج ..مو اهيا لزقت فيج سوالف انتي مالج


شغل فيها ..انتي ما تبليتي نفسها

وحبيبتي كل خاينه وعليها باينه

يعني اهيا مثل ماغلطت وحاجت و ظلمت وخربطت

لازم ايلها اليوم اللي تتادب فيه


وزين انج انتقمتي عشان تبرد حرتج

اهيا بس كانت مستضعفتج ..وهذا رايي

بكل صراحه خلينا من المثاليات : )

 

[ضحـاوي]

لاحول ولا قوة الا بالله

اكيد انت غلطتي ,, لكن الحمدالله انج عارفه انج غلطانه بسالفة المسج ومو اي احد يعترف انه غلطان الا الي قلبه حي ونظيف

وسالفتج صج تعور القلب

سلمي امرج لله والله ياخذ لج حقج منها

 

[نهايتنا قبر و موت]

الووومج وبنفس الوقت ما الوومج .. لكن احناا ما نبي نتكلم بالماضي خلاص اللي صار صار والمسج وووصل ..~


لكن الحين ما لج ألا انج تكثرررين من الاستغفار هي خلاص اتووقع اتووقع اتووقع بتطلق بس يمكن لما تطلق اتخسف وترجع

الووقت لي ورا وتذكر اللي سوتة فيييييج ...~


والله يريح قلبج يا رب .~

 

[شموع & دافئه]

اختى اللى سويتيه اكبر غلط
تدرين ان اللى يفرق بين اثنين ما يشم ريحة الجنة
استغفرى وتوبى
الله يغفر لج
وهم لج حوبه ما راح تتعداهم
ويا بخت من بات مظلوم ولا ظالم

كثرى استغفار وتحسبى ربج عليهم
وقومى الليل وعليج بالدعاء
ان الله ينصرج

غير ربج لا تلجائين له
هو اللى عارف وشايف
الله يستر على بنات المسلمين

 

[lovely jojo]

الله يرزقج باللي احسن منه ...
وديري بالج لا يصير قلبج اسود ...

 

[blue ocean]

والله هذي مشكلة ان الزوجه تصادق اخت زوجها .. حلاته العلاقه رسميه

وبحالتج صراحه اختي زين سويتي فيها صراحه بردتي جبدي لأنها صج خربت بيتج

الله يكون بالعون

 

[m&ms2]

حسبيي الله ونعم الوكيل علا اخوج بس
انتي عرضه سوا لج جي ولله لو انا منج لا اطل ابويها ولا اكلمه مو مال حشيمه
ولا اسامحه ليوم الدين وباجر بيشوفها ابناته دام هدي تصرفاته مع اخته الله يستر علينا دنيا واخره انلله يعينج وياجرج انشالله وعسى هديج الجلبه الله يعطيها جزاها واكثر الصخه الزباله :yaaaaaarb:

 

[ناتشوو]

السالفة غريبة عجيبة
الحين اهلج حسبالهم انت لج علاقة بأحد وعلشان جذي صار طلاقج؟
اهل زوجج يحسبونج تغازلين وهذا سبب طلاقج؟
طليقج حاط ف باله انج تغازلين؟
الله يكون بعونج
ودي اعرف علاقتج بأخوج؟
الله يهديه

انت غلطت لما سمحتي لها تروح معاج تغازل وتواعد
وهي ربي سلطج عليها واحتمال يتفركش زواجها

دايما ادعي ربي يعوضج وياجرج ف اللي صار لج
واطوي الصفحة خلاص
حتى لو تم زواجها خلاص
ربي مايظلم احد
واكيد حوبتج ماتتعداها
واهم شي
خط الخدامة لا يكون باسم احد من عايلتج
لا يدرون انت مطرشة

 

[صفاءء]

لاحول ولاقوة ألا بالله
شوفي ياعمري الي سويتيه غلط بس انا عاذرتج وماألومج الشي الي صارلج مو شوية وبيتج اخترب
ياعمري لو تاركة هالشي لرب العالمين صدقيني احسن لج انتي ماراح تاخذين حقج منها احسن من ربج ربج موجود ويشوف كل شي ويمهل ولا يهمل خليها وبتشوفين فيها يوم
دايما قولي حسبي الله ونعم الوكيل وردديها وبتشوفين عجايب منها وحقج راح يوصلج لي عندج
استغفري ربج عالي سويتيه وفوضي أمرج لله وحطي هالايه في بالج (وأفوض أمري الى الله ان الله بصير بالعباد)

عجبني هالرد واأكد لج عليه يالغاليه