نـقاش حول تخصصاتكمـ رجاءاً الكل يدخل ويعرض مشاركتـه كلكــمـ كلكـــمـ ياطالبـات ;d

[الطخمه]

وعليكم السلام ورحمه الله وبركـــاته

مشكوور هحبيبتى علمووضوع شحلاته

بس وووين بنات الحقوووق

 

[<<عـيـونـ آلـمـهـآ>>]

محد في العلوم الطبيه ؟!
ونبي بعد بنااات الهندسه والطب والحقوق

 

[ريتااال]

up
up

وينكم بنات هذا وقتكم محتاجينكم

 

[нάγoηά cнεмίsтяγ]

يه وقت اجابتي

1) في أي جامعـة تدرسيـن و شنو تخـصصـج الحآلي ؟

كلية الدراسات التكنولوجية - تخصصي " كيمياء تطبيقية "

2) سبب اختيـارج للتخصص ؟

بصراحة آنا كان تخصصي هندسة إلكترونية بنفس الكليه و اخترت هندسه إلكترونية من كثر ما امدحولي اياه اهلي و الناس عموماً يعني ما اخترته عشان ميولي.. بس لمه جربته ما لقيت نفسي فيه و ما حبيته كلش لأني اكره الفيزيا و هالتخصص كله فيزيا و رياضيات .. و ميولي كانت بيولوجيا و كيميا حاولت أحول بره الكليه ما صار نصيب .. فـ اخترت تخصص كيمياء تطبيقية بنفس الكلية لأن الأقرب حق ميوولي .. و يوم جربته حبيته وااايد .. و حسيت انّ يناسب ميولي

3) مجالات عمل التخصص بعد التخرج ؟

شركات البترول و النقط و الصناعات الكيميائية \ الهيئة العامة للبيئة \ الهيئة العامة للصناعه \ وزارة الدفاع المستشفى العسكري - المنشآت العسكرية \ معهد الكويت للأبحاث العلمية \ وزارة الأشغال \ وزارة الداخليه الأدلة الجنائية \ الهيئة العامة للثروة السمكية \ مختبرات التدريس والأبحاث بجامعة الكويت والهيئة العامة للتطبيقي \ الأرصاد الجوية \ وزارة التربية " مختبرات " \ وزارة الصحة مراقبة الأغذية أو مركز الرقابة الدوائية ....

المسمى الوظيفي لتخصصنا " مساعد مهندس " ما عدا اذا اشتغلنا بالتربية نصير محضرات علوم و طبعا مساعد مهندس أحسن

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)

عن الكيمياء بشكل عام و موادنا التخصصيه اهيا ( كيمياء عامة - كيمياء عضوية - كيمياء غير عضوية - بترول و بتروكيماويات - تلوث بيئي - كيمياء تحليلية - كيمياء فيزيائية - كيمياء تحليلية تطبيقية - كيمياء عضوية تطبيقية - تحليل بالأجهزة 1 و 2 - تطبيقات الحاسوب في الكيمياء - كيمياء اشعاعية و نووية .. )

وفيه مواد تخصصيه اختيارية مثل تحليل أدوية و تحليل عينات و تحليل أغذية ....

5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟

لا بالعكس مو متحسفة الحمدلله
حاسه انها خيره لي مع اني ما كنت حاطة في بالي هالتخصص
و بيوم وليلة دخلت له حتى بدون تفكير الله كاتبلي اياه و الحمدلله حابته :wqedqw:

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟

اكتشفت ان الكيميا حلو و ممتع و على قولتهم سحر تجاربنا حلوة .. بعد ما فهمت جزء من الكيميا عرفت شلون يسوون الصابون .. و الصراحة صناعة المنظفات و الشامبو و والمكياج و العطور كلها لها علاقه بالكيميا هالشي ما تعلمناه بالكلية بس تعلمت لحد الحين الاساسيات و هالشغله ساعدتني لمه اقرا المواضيع افهمها واحاول اطبق .. و خذيت فكرة علمية عن التلوث البيئي و طرق معالجة التلوث و هالشي استفدت منه بحياتي العمليه يعني صرت اهتم أكثر بالنظافه و اخذ حذري مو اي شي استخدمه و تعلمت طريقة تنقية مياه الشرب المعدنية و اكتشفت ان مو كلهم مياه نقية بعضهم يغشون و يعني هذا اللي اتذكره الحين :eh_s(10):

بصراحة موادنا ما فيها شي بس علّتنا بالأساتذه يعني احيانا تطيحين عند استاذات والله مادري شقول يكرهونج بالمادة و انتي متحمسه لها هالشغله احسها مخربة على التخصص
بس طبعا فيه مدرسات زينين و يهبلون و احترمهم وايد


7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟

مناسب للأثنين .. بس ما ادري ليش حاسته يناسب الطالبات اكثر ..

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟

أفضل تخصص بالنسبة لي .. يمكن هندسة كمبيوتر يكون مجالات العمل أوسع .. بس دراستنا وايد احلى ..

9) شنو النصيحـة اللي تقدمينهـا للطالبـات الراغبـات بدراسـه تخصصج ؟

اللي تحب الكيمياء تدخل هالتخصص بدون لا تخاف و ترى اهو غير عن كيميا الثانوي .. مو غير بمعنى شي يديد لا غير لأن تبتدين بالكيميا من الأساسيات لي التعمق بالتدريج و حبه حبه فالواحد يفهم شوي .. تصدقون يوم كنت بالثانوية كنت اكره الكيميا .. المنهج بصراحة كان عبيط و كان على بعضه مو مرتب و الواحد ما يفهم شسالفته .. بس لمه تخصصت الكيميا و بديت افهم حسيت ان وايد حلو و تمنيت ارجع للثانوي و أعوض نقص الفهم اللي كان عندي :wqedqw:

​

​

​

 

[عاشقة المايسترو]

1) في أي جامعـة تدرسيـن و شنو تخـصصـج الحآلي ؟

جامعه الكويت .. كليـَه علوم إداريه .. تخصص محآسبه بإذن الله .. ~

2) سبب اختيـارج للتخصص ؟

مِـن أكثر التخصصات المرغوبه , وتخصص حلو .. ~

3) مجالات عمل التخصص بعد التخرج ؟

فـي كل البنوك والشركآت والوزارات , بإختصار مافي مكان ما يبي محاسبين .. ~

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)

البزنس والعمل في الشركآت وهيك , عموماً للحين ما دشيت بمواد التخصص .. ~

5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟

وااااااااايد حآبته أول ما دشيت كلش ما كنت حابته بس ألحيـن الحمد لله حدي حآبته .. ~

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟

للحيـن ما دشيت بالعميق , بس بدايةً إنجليزيتي واايد تحسنت .. ~

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟

منآسب للأثنين معاً .. ~

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟

إي .. الإيجابيات : كادر قوي , مرغوب , ممتع ..
السلبيات : المسمى .. ~

9) شنو النصيحـة اللي تقدمينهـا للطالبـات الراغبـات بدراسـه تخصصج ؟

يمكن محد يكون حآبه مِـن أول شي بس بعدين بتحبونه واللي ما عنده ميول له يحاول يقرا ويشوف نفسه يقدر ولا لا .. ~

بالنسبه إذا كان نادر ولا لأ حبيبتي ألحين الإقبال على المحآسبه جداً كبير بسبه الفرض الوظيفيه والكادر القوي .. والجامعات الخاصه كلها بطلت هالتخصص فـ مو نادر ..

 

[no0of]

نبــــــــــي حقـــــــــووووق بليــز

بنــآآت الحقــوق وينكـم ؟؟؟...؟؟؟

 

[ريماس21]

لووووووووووووووووووووووووووول مافي احد بالتربيه تصميم داخلي شدعووووووووووووه

 

[هـاجر]

نبي بناااااااااااااااااااااااااات الهندسة المعماريه بليييييييييييييييييييييييييييييييييز



عفيييييييييييييييه انا غرامي هالتخصص سولفوا عنه بليييييييييييز


وبش
مسكورييييين

 

[нάγoηά cнεмίsтяγ]

أأأأأأأأأأأأأأأأأأب

 

[قَلبيْ صُويبكْ !]

,


آآآآآآب

 

[~ miss NERD ~]

ونااسه ..
وين الهندسه المدنيه ؟

 

[G!RLooNa]

1) في أي جامعـة تدرسيـن و شنو تخـصصـج الحآلي ؟

جامعه الكويت كليه الصيدله


2) سبب اختيـارج للتخصص ؟

والله مادري من 3 ثنوي وانا متحمستله وسألت عنه وكلمت جم بنت درسو و تخرجو من هناك شجعوني اكثر

3) مجالات عمل التخصص بعد التخرج ؟

صيدلانيه بمستشفى او مستوصف قطاع خاص او حكومه و قبل ما اتخصص سألت قالولي اقدر اكمل دراستي وادرس بالتطبيقي او الجامعه بس الحين يقولون جنه ما يصير مادري عاد :tomato2:


4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)

اول سنه تمهيديه ندرسها مع طلبه الطب نكون كلنا دفعه وحده ندرس كيميا حيويه وفيزيا حيويه و انجليش طبعا كله مصطلحات طبيه و احصاء حيوي يعني كل المواد عامه بس تتعلق بس الطب و اكو مواد اختياريه عقب تبدا المواد تتخصص اكثر ندرس كيميا صيدلانيه و علم الادويه و فيزيا الاوديه و الامراض و اجهزه الجسم يعني دراسه مواد طب و صيدله5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟

بصراحه لا مو حابته و كنت بحول السنه اللي طافت معني وصلت سنه 3 بس ما رضو احول و وقفت قيدي الكورس الثاني والحين توها بدت الدراسه مره ثانيه امس بدينا والله يسهل


6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟

امممم والله الانجليش صار احسن وايد لانه الدراسه كلها انجليش وكله اشياء ومصطلحات طبيه و مادري اكيد اكو ايجابيات ثانيه بس لاني مو حابه الكليه مو قادره اذكرهم لي نزل علي حب الكليه اقولج

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟

اهوا حق البنات والشباب بس شباب الدفعه ينعدون عالاصابع عموما كليتنا صغيرونه الدفعه كلها يمكن 30 تلقين 1 او 2 شباب ودفعتنا كانت اكبر دفعه فيها شباب وعددهم 8 :dddds:



8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟

والله اهوا التخصص زين معنا مظلوم بالكويت بس مستقبله زين لو اتخرج اليوم اقدم اوراقي باجر اداوم لانه عدد الخريجين شويه والمعاش زين وتوا قبل جم شهر زادونا الحمدالله و في مطالبات انه ينحسب تخصص نادر واهوا تخصص نادر و بالتطبيقي يحسبون لهم اياه تخصص نادر مادري ليش الجامعه ما اعتبروه تخصص نادر و سلبياته الدراسه وايد وايد واااااااايد صعبه ونظام الكليه زفت ماكو صيفي و الجدول ثابت حق كل السنين بكل الكورسات يعني الماده تنزل مره وحده بالسنه يعني اللي يسقط بماده يتاخر سنه ينطر لي السنه اللي وراها على ما تنزل و الدكاتره كلش ماكو تساهل ولا تسامح لا بالاعذار الطبيه ولا الدرجات الكيرف عندنا الحلم المستحيل لو يبقالج 0.2 "بوينت 2 " عالنجاح ما يعطونج اياهم لو تفحطين جدامهم و سلبيات اخرى يطول الكلام عنها :dddds:
9) شنو النصيحـة اللي تقدمينهـا للطالبـات الراغبـات بدراسـه تخصصج ؟

والله التخصص مستقبله زين وبادين يهتمون فيه بس اللي بتدشه تحط ابالها انه مو لعب ويبيله مجابل وكراف وطوله بال


_________________________________________________________________
و مشكوره عالموضوع الحلو :tek:

 

[~ miss NERD ~]

^ :rerrerek: :eh_s(21):

 

[G!RLooNa]

ابببب يالله ابي اشوف بنات معاي

 

[bnt-alri7]

نبي هندسه معمااااااااااااااااااااااارية يا حلوووووووووووووووين

up
up
up

 

[M!Ss 3B8RiNOaH]

رد : رد: نـقاش حول تخصصاتكمـ رجاءاً الكل يدخل ويعرض مشاركتـه كلكــمـ كلكـــمـ ياطالبـ

وينكم بنات الطب بعرف شلون صاير ترى حلمي

 

[محبوبه25]

رد : نـقاش حول تخصصاتكمـ رجاءاً الكل يدخل ويعرض مشاركتـه كلكــمـ كلكـــمـ ياطالبـات ;

وين اللي ادرسو هالتخصصات
حاسب الي
2_ خدمة عملاء
3_ سكرتاريه

لان بصراحه اذا نجحت راح اختار هالتخصصات
احسها خفيفه وحلوه

 

[محبوبه25]

رد : نـقاش حول تخصصاتكمـ رجاءاً الكل يدخل ويعرض مشاركتـه كلكــمـ كلكـــمـ ياطالبـات ;

للرررفعععع

 

[G!RLooNa]

miss 3b8rinoah مادري عاد صح ولا غلط انا مو طب بس قريبه من الطب درسنا اول سنه سوا سوا و ويا بعض :ada: و كلنا بنفس المبنى و اعرف نظام الكليه و رفيجاتي هناك اذا عندج سؤال

 

[M!Ss 3B8RiNOaH]

رد : رد: نـقاش حول تخصصاتكمـ رجاءاً الكل يدخل ويعرض مشاركتـه كلكــمـ كلكـــمـ ياطالبـ

ههه لا صح حبيبتي
صج عاد ودي اعرف نظامها شلون ماعرف ولا شي بس كان ودي استفسر وياليت اجابات تكون اجابات الاسئلة مالت الموضوع