تخصص تكنولوجيا التعليم

[ام فوااز]

قوة امييره شلونج
ابي اسالج انا باجر ماعندي محاضرات كلش بس ميداني
شلوون اداوم ولا لا
انتي بداومين باجر تهقين في شي مهم باجر؟؟

 

[)(MoOoNy)(]

السلام عليكم

لمستمرات تخصص تكنلوجيا تعليم وسبق ماخذين مقرر اسس تصوير ضوئي

منو عندها الكاميرا المطلوبه للمقرر ( مانيول ) للهوات والمبتدئين

ابيها بشتريها منها ؟؟؟

للجادين فقط ياريت يراسلوني على الخاص منتظرتكم

 

[ماانويلا]

السلام عليكم بنات التكنولوجيا
اليوم سمعت ان اجتماع التدريب الميداني الثلاثاء او الاربعاء

 

[أميرة 22]

ما عندي الكاميرا اللي تبينها ....... !

 

[ام فوااز]

شلونكم يابنات تخصصي
شمسوين مع هالكورس غطيتوا عن التجمع

 

[~اح ــساس~]

مررررررررررررررحبا تكنولوجياااااااااااااااات

 

[. . A . .]

السسلام عليكم ..

بسأل عن الدكتور حامد الرشيدي زين ولا لأ وامتحاناته شلون صايره

وعبدالله المديرس بعد


وشووكرآ .,

 

[*غلااااااااااااااااااااي*]

حامد الرشيدي سمعت انه زين بس ما أخذت عنده بصراحه

عبدالله المديريس محترم حيل امتحاناته زينه موضوعيه وأنا ماخذه عنده مبادئ حاسوب

موفقه حبيبتي

 

[صلوح ملوح]

شلونكم بنات شخباركم

معاكم اخوكم صالح

انا خريج هالكورس ان شاء الله

اي سؤال عن التخصص او اي دكتور ان شاء الله راح اساعدكم فيه

 

[Q8iYa'87]

قوة بنات كيفكون ؟؟ ..

أنا دشيت الكلية 08-09 الكورس الثاني .. يايتكم من الجامعة p;
صارلي سنة و صيفي .. اول شي كنت بحول بعدين عجبني حيل الوضع بالقسم :")

بس انا بسأل عن شغلة .. الحين صج صج اذا تخرجنا ما نشتغل الا بوزارة التربية؟؟ بليز اللي عندها المعلومة الأكيدة تقولي .. !

كوز حدي مو مفكرة اشتغل بمدرسة .. عفية بنات اللي تعرف عن هالموضوع تقولي

 

[برموشي اداويك]

تكفيييييييين بنوتات لاتخلووووون التجمع ينقرض



حركووووووه اشوى بليييييييييز رجااء خاص

 

[D.Z.7BOBA]

هاى بنات شرايكم تقولون لنا شلون التخصص و شلون دكاتره اللى فيه و شنو تنصحون فيه بهالتخصص
يقولون على طول طلبات و طلبات تكلف و يقولون الدكاتره عسل ووووو يا ريت تفيدونا علشان اللى يبي يحول عندكم
يستفيد وشكرا

 

[nadamarz]

up <<

 

[D.Z.7BOBA]

 

[princess89]

صبااح الخير

أخبااركم ؟؟

بنات انا صارلي سنه وكورس صيفي ليلحين ما خذيت مواد تخصص لانهم ماا يبطلوون لي ولا مااده ماادري ليش رحت التسجيل وكلمتهم قال خلاص ع التسجيل الجااي راح نبطل جااء التسجيل وماا بطلوو الا مااده وحده عند الدكتوره ربااب ...

 

[Doulii]

رد : تخصص تكنولوجيا التعليم

هااااي بنات شلوونكم
انا خريجة ونسبتي 76.75
ابي ادخل الكلية التربية الاساسية وانا صراحة احترت شختااار بس طاحت عيني واانا اطالع جدول القبول مادري تكنولوجيا التعليم
قلت ابي ادشه بس ابوووي يقووولي لاتدخلينها مو زين ماتترغين بعدين وكله كراااف شغل وايد مايصير تشتغلين اله في التربية عفية بنات فيدووني انا ودي ادخله لان قاعد اشوووف كلامكم عنها وعن دكاترتها وااايد زينين بس خايفة يطلع كلام ابووي صح اتوهق ياريت اتفيدوني الله يخليكم لان انا سويت جدولي اوول مره وترددت كنت حاطه مواادي اول رغبة رياض اطفال بعدين تربية اسلامية بعدين اللغة عربية بعدين تكنولوجيا التعليم بعدين ترددت وغيرت جدولي من يده ويديد وحطيت رياض اطفال او تكنولوجيا بليز سااعدووني الله يخليكم انا خريجة ابي الخبرة منكم

 

[D.Z.7BOBA]

حبيبتى تكنلوجيا التعليم تخصص واااايد حلو بس عيبه وظيفته تعرفين مدرسه التقنيات اللى تسوي شفافيات هذى وظيفته
بس عشان جذى غير مرغوب بس دراسته حلوه وممتعه الا اذا كنتى تبين تصيرين مدرسه اخذى تخصصات غيره مثل فنيه بدنيه اقتصاد منزلى و في حاسوب وفي كهرباء وتصميم داخلى اللى اهوا ديكور هذول حلوين ومرغوبين والله يوفقج حبيبتى

 

[D.Z.7BOBA]

اى صج نسيت اقولج ترا كل التخصصات اجبارى تشتغلين بوزارة التربيه وهذا قرار يديد يعنى ما تقدرين تشتغلين باى مكان غير التربيه

 

[Doulii]

رد : تخصص تكنولوجيا التعليم

مشكووورة حبيبتي ويعطيج الف عافية وااايد فدتيني انتي داشه اي تخصص...؟؟؟

 

[jewelry]

صباح الخير
شلونكم بنات

اذا سمحتوا عندي استفسارات عن التخصص يفترة الدراسه و بعد التخرج

انا مستجده و بترشيح من ديوان الخدمه المدنيه يعني اجازه دراشيه انشاءالله

بالنسبه لفترة الدراسه
اول شي تنصحوني فيه او لا و انا اساسا عندي دبلوم حاسب الي بس ما حصل لي اكمل على نفس تخصصي
بشكل عام التخصص دراسته سهله ولا صعبه ؟
و من الناحية المادية ، يعني الادوات و المكملات المستعملة بالدراسه ، مكلف او لا ؟
و شنو الادوات الي استخدمتوها ؟
و بفترة العصر اقصد بعد ما تخلص المحاضرات و الدوام الرسمي ، ياخذ من وقتكم وايد كوني متزوجه و ما عندي خادمه حابه اعرف ، و سؤال غريب شوي احتاج اسوي لي ورشه بالبيت ؟

و بعد التخرج

اذا ممكن بعرف جم رواتبكم للي توظفو بوزارة التربيه او خارجها ، يعني انا حاليا راتبي مع الكادروالبدلات الحمدالله مكفيني و عايشه ، بس حابه اني اكمل ، يسوى اكمل و اتنازل عن الكادر لانه بفترة الدراسه يسقط عني الكادر و البدلات حسب قانون ديوان الخدمه المدنيه


و بنات جو الدراسه شلونه حلو
خبري فيه من 10 سنين انا اذكر اني كنت مستانسه ايام المعهد و زميلاتي صارو صديقات عمر

اجوبتكم مصيريه بالنسبه لي لاني احتمال اسحب الترشيح اذا خفت من الوضع

و مشكورين و ما قصرتوا و سامحوني طولت عليكم