روايتي الرابعه ~ قـَرين فجر ~ واقعية 100% .. اللي يخااف لا يدش ReRez

[توتا كويتيه]

حبيبتي ما قصرتي والله اقرا البارت وانا دموعي تنزل خووووووووووووووووش بارت

يعطيج العافيه
والله يعينها فجر

ننطرج حبيبتي

 

[صباح الليل]

هاااااااي ريريز
توني اطيح على الروايه بالصدفه
خلاص زعلت ليش ماعلمتيني(اضحك وياج خخخخخخخخ)
بس كنت حابه اعيش احداث القصه يوم بيوم معاج

عمووووووما الروااااااايه رووووووووووووووووووووووووووووووووووووووووووووووووووووووعه
بصراحه تسلم ايدينج
صج ابداع وهذا مو غريبه عليج انتي دايما مبدعه

ناطره البارت الاخير

 

[أم@الحلوين]

وااااااااااااااااي الله يعنينج يافجر وحمدالله على سلامتها والله لا يوفق مرت ابوها وانشاءالله تشوف حوبت فجر بعيالها يارب

مشكوره ريري ع البارت ويعطيج الف عافيه صج قصه تستحق القراءه

ناطرين البارت الياي

 

[_zahra]

يعطيج العااافيه ريري ,,قصه اتحفتينا فيها والله وانا شخصيا استمتعت فيها كثير وياريت كانت اطول

 

[g76aniya]

واااااااااااااايد استانست من ان فجووور صارت بخييييييير ..
عساااها دووم مووو يوووووم .. ...

بانتظار النهاائي ..

 

[♥ الــزيــن ♥]

الحمدلله على سلامة فجور

حسبي الله ونعم الوكيل على مرت ابوها الله ينتقم منها ان شاء الله :eh_s(14):

انصدمت يوم دريت ان مرت ابوها ساحرتها حسبي الله عليها..

مشكوره حياتي ع البارت الروووعهـ ..

وناطرين البارت الاخير...

البارتات صفحه 1 , 6 , 12 , 17 , 25 , 30 , 35 , 49 , 55 للتذكير....​

 

[JaN JaN]

اول شي هاذي حق المنتدى :eh_s(13):اللي ماخلاني اعلق عالبارت 8 معني قريته من اول مانزلتيه كان صج يخررررع اعوذ بالله


والحمدلله الف الحمدلله ان فجر بخير :eh_s(6): واكثر وحده عورت قلبي ام فجر مسكينه تشوف بنتها واهي بهالحال خنت حيلي :eh_s(2):

وحسبي الله على مرت ابوها لهدرجة حقد!! ..اعوذ بالله والله يحفظنا انشالله


واقولج الصج ريريز بعد قلبي ابدددعععتتتتييييي :icon30:

ماشالله عليج حتى ادق التفاصيل ذاكرتها خليتينا نتخيل كل شي جدامنا عساج عالقوة ونااطرين البارت الاخير يا حلوة :hjy5jewf:



تسلم الايـــــــــــــــادي




البارتات: 1 - 6 - 12 - 17 - 25 - 30 - 35 - 49 - 55

 

[_zahra]

يعطيج العااافيه ريري ,,قصه اتحفتينا فيها والله وانا شخصيا استمتعت فيها كثير وياريت كانت اطول

 

[كويتيه متفائله]

السلام عليكم ورحمة الله وبركاته

شلوونج حبيبتي ريريز :eh_s(7):
قبل كل شي الله يعطيج ألف ألف عافيه
ماادري ذكرتيني ولا لأ :wqedqw:
رديت الكويت وهذي أنا على طول على قصتج أسجل ملاحظاتي وتعليقاتي << مصدقه عمرها لوووول
لا صج صج شفت دعاية الروايه قبل لا تنزلينها وقلت لازم أقراها بس قررت ان بعد ماتنزلين كل البارتات إن شاءالله
واليوم الفير قررت أقراها لأن خلاص بارت وتنتهي فقلت اللي فيها فيها وتوكلت على الله ..

جني مصختها وقرقت واايد وشكلي بقرق زيااده بس ميخالف تحمليني لوووول توني راده المنتدى وفيني سوالف وبعد روايتج صارت السوالف كلها براسج
بس لا تحاتين السالفه كلها بتكوون عن رواايتج :016:
شوفي أنا ماأخاف وعادي عندي سوالف الرعب يمكن بالبدايه يحوشني خوف بس بعدين عادي
وبروايتج توقعت إن اللي بتكتبينه عن فجر بيكووون شي ثاني تماما سوالف ينانوه بس بصوره ثانيه
بس بعد ما وصلت لنص الروايه انصدمت واايد وااايد مو لأن شي أول مره يمر علي ..
للأسف انصدمت لأن كل اللي كتبتيه مار علي :eh_s(16)::eh_s(16):
شفت نفس الشغلات وسمعتها بعد عن وحده من لحمي ودمي بس اللي فيها مو سحر للأسف شي ثاني ..

ريرييز ماأقدر أوصفلج مشاعري وأنا أقرا كنت برووحي قاعده وخفت بس ما خفت علشان شي
خفت لأني تذكرت لحظات كنت ناسيتها أو يمكن تناسيتها ومابي أتذكرها وأصلن أنا مع بداية البارت الثاني وخصوصا وقت دخلتها الحمام تكرمين يوم دريت ان بيصير شي قمت شغلت سورة البقره ورحت توظيت علشان أصلي الفير وصكرت الباب علي وبعد الصلاة كملت أقرا لوووووووول
المهم اني طول ما أقرا دموعي بعيوني ونزلت وايد في بعض المواقف وهم بعد ضحكت في بعض المواقف مع انه يمكن ما أضحك بس ماادري احاسيسي صارت ملخبطه ببعضها ..
الله يرحم ماما آمنه يارب ويسكنها بفسيح جناته يااارب ويصبرهم على فراقها
وسوما كسرت خاطري مسكينه اللي شافته مو شويه
وفاطمه ماتنلام يوم انها طلعت من البيت بكبره وراحت عند خالها
أما سعاد فصج صج الله يعوضها خير على كل اللي شافته بحياتها ويصبرها ويخليلها بناتها ويخليها لهم ياااارب
وفجر بعد عمري والله شافت الويل وتعذبت وااايد ووالله حاسه بشعورها لأن مو أي أحد يحس فيه ويعرفه
الله يتمم عليها يااارب الصحه والعافيه ويبعد عنها شر السحره والحساد يااارب
وخل اتحط بالها على روووحها ودوووم تذكر الله سبحانه
وحسبي الله ونعم الوكيل على اللي تسببت لها بكل هذا ولها يوم إن شاءالله وحسابها عسير عند رب العالمين

بالنهايه ريريز انتي أكثر من مبدعه ووالله تدخلين القلب بدون إستأذاان الله يوفقج ياااارب ويحقق لج كل ماتتمنين إن شاءالله
وديري بالج على رووووحج ودايما رقي نفسج ..

<<< ما بغت اتخلص لووووووول
سوري حبيبتي طولت عليج وقرقت واااايد سامحيني :eh_s(22):
ننطر البارت الأخير وموفقه ياااارب

 

[كتكوته و اموره]

ويتنج ريريز

 

[كويتيه متفائله]

للتذكيرالبارتات صفحه :
1 - 6 - 12 - 17 - 25 - 30 - 35 - 49 - 55

 

[shaja]

والله حسيت انه الشي اللي اقراه صار جدامي مشالله صج بدعتي

والحمدالله على سلامتها الحمدالله ارتاحت من اللي فيها صج عورت قلبي وامها بعد شلون تشوف بنتها جدامها يصير فيها جذي

ننطر البارت الاخير حبي

 

[اخت google]

rerez شنو سويتي فيني والله اني صرت من عشاقج الله يوفقج ويحفظج ويحميج قولي امين

والله يحمي فجورة
امممم انا غاصة بهالكلمة والا بقولها (انا كنت متابعة بصمت لاني خفت ما اكمل لكن الحمدالله صامده معاج )ادري اني قلت قصت حياتي لوول
بس شكرا حياتي على القصة )والله يحفظ الجميع

 

[اخت google]

ناطرة على نار حق البارت الاخير واتمنى ان في البارت الاخير يرد ابو فجر لهم ويهتم فيهم واذا كانت الي مسوية السحر مرت ابوها ما اقول الا الله لا يوفقها

 

[ReRez]

- 10 -
الأخيــــــــــــر

كنت قاعده مع خالتي ام خلف بالصالة الثانية و حاطه راسي على صدرها و دموعي تنزل .. كنت تعبانة وايد .. ويهي ازرق و ريولي خدرانه و ماقدر أحركها من الألم

( دشت علينا امي )
سعاد : ( يت يمي و حاوطتني بيدها ) حبيبتي الشيخ يبيج
فجر : يمه انا تعبت بنام
سعاد : ( عدّلـَت ملفعي اللي كان مقطوط قط على راسي ) ميخالف شوي حبيبتي ماراح يطول

( قمت معاها و انا غصب امشي من التعب .. رحنا الصالة وقعدت يم امي )

الشيخ : ها فجر اشلونج الحين ؟
فجر : الحمدلله
الشيخ : اكيد ؟
فجر : اي الحمدلله بس ريولي تعورني
الشيخ : كلها يومين و تصير أحسن .. فجر انتي لازم تعرفين اللي صارلج .. انتي كنتي مسحورة بسحر قوي .. و الحمدلله طلع منج على خير
فجر : ( بتردد ) و منو مسوي السحر ؟؟
الشيخ : وحده من طرف ابوج
فجر : ( بطلت عيني و طالعت امي و دموعي انزلت ) اي اهي ماكو غيرها .. انا رحت عندها و من وقتها و انا اتعب و تصيرلي اشياء تخوّف .. حرام عليها ليش سوت فيني جذي
( قعدت ابجي لأني والله ما استاهل اللي سوته فيني )
سعاد : ( لمتني تهديني ) بس حبيبتي ربي ياخذ حقج منها سواء اهي او غيرها
فجر : ( قعدت اشاهق ) ليش سوت جذي ماتخاف من الله ؟؟
فهد : خلاص حبيبتي انتي الحين بخير الحمدلله
فجر : واللي صارلي اشلون انساه و اشلون اضمن ان مايرجع ؟؟
سعاد : ( باست راسي ) خلاص يا بعد عمري اهدي
فجر : ( مسحت دموعي ) الله فوق كل ظالم
أحمد : الحمدلله على سلامتج يبه .. انا الحين ماشي تبون شي ؟
سعاد : الله معاك
أحمد : مشكور يا شيخ و هذا اقل من حقـك... ( كان بيطلـّع من بوكه فلوس )
الشيخ : ( رفع ايده ) انا ما آخذ اجر .. اجري عند ربي سبحانه
أحمد : والنعم بالله بس هذا من حقك
الشيخ : مشكورين و حقي واصل ماقصرتوا
أحمد : جزاك الله خير عيل انا اترخص مع السلامه
الكل : مع السلامه
الشيخ : فجر طبيعي اتكونين خايفه ان اللي صار يرجعلج .. بس تقدرين تحصنين نفسج بكلام الله و مع الأدعية محد يقدر يأذيج بإذن الله
فجر : اشلون ؟
الشيخ : اول شي لازم تحافظين على الصلوات بوقتها .. من يأذن أذني معاه بعدها توضي و صلي على طول .. و ان دخلتي الحمام أكرمج الله دخلي بالريل اليسرى و لا تنسين دعاء الدخول مايضيّع و سهل جدا " اللهم اني اعوذ بك من الخبث و الخبائث " و ان طلعتي قدمي ريلج اليمنى قبل اليسرى و قولي " غفرانك "
و في شي مهم جدا يغفل عنه ناس كثيرين .. و هو التسمية .. سمي قبل كل شي .. مو بس قبل الاكل .. سمي حتى قبل لا تفتحين ماي حار لأن ممكن تأذين جان لا سمح الله .. خلي التسمية دائما على لسانج قبل الشروع بأي عمل .. و قبل النوم كوني على وضوء أفضل .. و اقرئي سورة الملك .. و آية الكرسي .. المعوذات .. حافظي على أذكار الصباح والمساء

و هذا دعاء تحصين عجيب قوليه يوميا :
اللهم انت ربي لا اله الا انت عليك توكلت وانت رب العرش العظيم .. ما شاء الله كان وما لم يشأ أن يكن .. ولا حول ولا قوهالا بالله العلي العظيم .. اعلم ان الله على كل شيء قدير وان الله قد احاط بكل شيء علما .. اللهم اني اعوذ بك من شرنفسي ومن شر كل دابه ربي آخذ ناصيتها .. ان ربي على صراط مستقيم

- بعد هالنصايح عطاني رقية شرعية .. و ماي مقري .. و أمي عطته هدية عبارة عن شماغ .. و خشـّت داخله 200 دينار .. لأن الشيخ ياخذ هدية بس ماياخذ أجر .. و امي ماحبت تخليه يروح من غير ما تكافئة عاللي سواه -

- بعد هاليوم صرت احس براحه عجيبة .. و الحمدلله حفظت اللي قاله و زدت عليه اشياء زيادة و ادعية صرت ما انسى اقولها يوميا -

- غيرنا البيت و سكنـّا بدور أرضي يم بيت خالي فهد و صارت امي كل يووم ترش ماي مقري بالبيت و كل يوم تقرى قرآن .. و انا الحمدلله تحجبت .. و فاطمة بعد تحجبت -

- و بنهاية 2007 رحنا العمرة انا و امي و خالي فهد .. الحمدلله وايد ارتحت .. و عند الكعبه قعدت ابجي يالله اشكثر رحمتك واسعه .. ربي احفظ كل مسلم من شر كل ساحر بفضلك يا ارحم الراحمين .. ربي رجعلي حقي و حق امي و حق اختي و حق كل شخص مظلوم .. ربي ارحم يدتي آمنة و ادخلها فسيح جناتك اللهم آمين -

- بسنة 2008 .. كنا قاعدين نتغدى عند خالي فهد .. و بهالوقت رن تلفونه -

فهد : الو ؟
... : السلام عليكم اخوي انت فهد الـ...
فهد : اي نعم من معاي ؟
.... : حضرتك اخو سعاد الـ... ؟
فهد : اي خير ان شاءالله ؟
.... : معاك الدكتور خالد من مستشفى ( .... )
فهد : ( قعد يطالع امي بنظرات متوتره ) خير صاير شي ؟
الدكتور خالد : عندنا مريض اسمه سالم الـ... و حالته صعبة و طالب يشوف الاخت سعاد ضروري .. وانا مالقيت لها رقم .. ماقدرت احصل رقم احد من اهلها غيرك
فهد : و ليش يبي يشوفها ؟؟
الدكتور خالد : مادري.. انا بس حبيت أبلغكم باللي طلبه لأن اهو كل ما يشوفني يصر على هالطلب .. وانا حبيت اعطيكم خبر لأن الصراحه حالته ماتبشـّر
فهد : اهو اشفيه بالضبط ؟
الدكتور خالد : جلطة بالمخ .. و في احتمال كبير ان اذا صارله أي جلطة ثانيه حتى لو خفيفه راح يدش بغيبوبة
فهد : لا حول ولا قوة الا بالله .. انا راح ابلغها مشكور دكتور
الدكتور خالد : العفو مع السلامه
فهد : ( سكر التلفون ) سعاد في خبر مو زين عن سالم
فاطمة : ابوي ؟؟
( رفعت راسي اطالع خالي وماتكلمت )
سعاد : اشصاير ؟
فهد : سالم حاشته جلطة و حالته خطيرة و طالبج بالاسم
سعاد : و ليش طالبني ؟
فهد : مادري بس يبي يشوفج ضروري
سعاد : انا عارفه اشيبي شكله يبي يشوف بناته قبل لا يموت .. بس حريمته ماراح اروح و لا راح اخليه يشوف البنات .. وخل يموت بحسرته عليهم
فهد : سعاد اهو ماطلب البنات .. اهو يبيج انتي في شي يبي يقولج اياه
سعاد : ( صوتها بدى يرجف ) ماراح اروح خلاص فهد سكر الموضوع
فهد : على راحتج

- في بيتنا بالليل -
( رحت غرفة امي كانت منسدحه تحاول تنام )

فجر : يمه نايمه ؟
سعاد : لا يمه تعالي حبيبتي
فجر : ( رحت انسدحت يمها ) يمه كنت افكر بأبوي و شاللي ممكن يكون يبيه ؟
سعاد : مادري حبيبتي و مولازم ندري خلينا بعيدين عنهم احسن

( دشت علينا فاطمة )
فاطمة : كلكم قاعدين اهني ومخليني .. هذي خيانه
سعاد : ( اضحكت ) تعالي يا قلبي
فاطمة : ( انسدحت الصوب الثاني يم امي ) يمه ماراح تروحين حق ابوي ؟
سعاد : يمه منكم متفقين ؟
فجر : ( ابتـِسـَمْت ) لا والله
سعاد : يللا عيل لا تفكرون بهالموضوع و روحوا نامو
فجر : ( قمت ) اوكي لا تنسين الأذكار و المعوذات .. و توضي يكون احسن
سعاد : ( اضحكت ) توضيت وراح اقرى الأدعية و المعوذات بس روحو خلصوني
فجر : يللا فطوم

( طلعنا من الغرفة و خلينا امي تفكـّر )

- اليوم الثاني امي قررت انها تروح حق ابوي .. بتشوف شاللي يبيه منها .. واهي طول الطريج تتحصن بالأدعية .. و تدعي ان مرت ابوي ماتكون موجودة اهناك .. لأنها ماتضمن ردة فعلها لو شافتها -

- اوصلت امي المستشفى .. اسألت عن سالم الـ.... بس اوصلت بعد فوات الأوان .. ابوي دش غيبوبة .. و الأجهزة اهي السبب الوحيد اللي مخلي قلبه ينبض -

سعاد : زين دكتور اهو في احتمال ان يرد يصحى ؟
الدكتور خالد : للأسف الاحتمال اللي مقدرينه اهو 1% لأن كل الأعضاء ميته حاليا .. و اهو عايش عالأجهزة
سعاد : زين انت ماتدري اهو شنو كان يبي فيني ؟
الدكتور خالد : لا والله ماعندي علم .. بس كان ينطر أهله يروحون و بعدها يطلبني شخصيا و يوصيني اناديج لأن عنده شي يقوله لج .. الظاهر ماكان يبي اهله يدرون ان طالبج .. و انا والله مادري شنو كان يبي بس نبرة صوته كانت حزينه .. انا ما اعرف شاللي صاير بينكم بس اللي حسيته من طريقة كلامه ان اهو ندمان و يبي يرتاح
سعاد : ماظنتي ندمان
الدكتور خالد : حالته وايد صعبه و ما اتوقع راح يقوم .. اذا كان غلطان بحقج حاولي تحللينه .. لأن والله كان باين عليه الندم
سعاد : ( اسكتت )

- شوي جان ايي يمهم شاب تقريبا فيه 27 أو 28 سنه -
الشاب : دكتور معاك عبدالله ولد سالم الـ.... انا توني راد من السفر واذا في مجال ابيك تكلمني عن حالة الوالد
سعاد : انت ولد سالم العود ؟
عبدالله : اي نعم من حضرتج ؟
سعاد : انا سعاد .. ام خواتك فجر و فاطمة
عبدالله : ( عفس ويهه ) انا ماعندي خوات .. و بعدين انتي ليش ييتي اهني ؟ تبين تشوفينه يموت عشان تطالبين بالورث ؟؟
الدكتور خالد : لا يا اخ عبدالله عيب مايصير هالكلام
عبدالله : لو سمحت دكتور لا تتدخل .. اذا انتي يايه حق هالسبب فحامض على بوزج انتي و بناتج .. و سواء ابوي بغيبوبه او ميت ماراح تطولون من فلوسه أي شي غير اللي يمشي لكم كل شهر
سعاد : ( مادري اشلون يتلها القوه و ابتسمت ) غلطان .. حقنا راح يرد لنا و انت بنفسك راح تعطينا اياه
عبدالله : لا تحلمون وايد

( امي خلته و عطته ظهرها و مشت .. واهي حاطه في بالها شي ماراح تتخلى عنه اكثر من جذي )

- بعد ما اوصلت البيت اطلبت من خوالي اييون و بعد ما اوصلوا اقعدت تكلمهم بموضوع يخصنا انا و فاطمة -

سعاد : مادري ليش من رحت حسيت ان هذي لازم اتكون آخر مره نسكت فيها عن حقنا .. من كلمني ولد سالم و قالي ماراح تطولون من الورث شي حسيت بنار شبـّت داخلي وانا ماراح استسلم لهم ولا راح اسكت عن حق بناتي بعد هاليوم
أحمد : وماتخافين من سحر مرته ؟
سعاد : لا ماراح اخاف .. ربي معاي و بحصن بيتي و اعيالي .. وبعدين اهي ماتدل بيتنا و ماراح احط تلفون البيت باسمي .. ولا راح احط أي شي باسمي عشان لا تدل لنا طريج .. وان شاءالله ربي راح يحمينا منها بس لازم ناخذ حق هالبنات المساكين
فهد : و انا راح اوقف معاج .. و راح أوكـّل لج احسن محامي حق هالقضايا

- و فعلا هذا اللي صار .. خالي ياب حق امي محامي شاطر .. قعد يشتغل عالقضية و اهو متأكد من نتيجتها .. وكل يوم كان يطمّن امي -

المحامي علي : لا تحاتين يا ام فجر اتعابي مابيها الحين لأن انا متأكد ان حقكم راح يرجع لكم تعويض عن السنين اللي فاتت و اللي راح اتيي بعد .. و بعدها حاسبيني على شغلي
سعاد : والله مادري شقولك جد مشكور ماقصرت
المحامي علي : لا تشكريني الحين .. ان شاءالله بنربح القضية ساعتها اشكريني على راحتج
سعاد : ( ابتسمت ) ان شاءالله نربحها
المحامي علي : انا متفائل و خليج متفائلة انتي بعد

- المحامي رفع الدعوى .. وطالب بتعويض مادي لنا .. و الكل تفاجئ ان رفعنا قضية عليهم .. و يوم شاف محماميهم ان قضيتنا ناجحه .. بعد ما تشاور مع عبدالله قرر يقترح علينا اقتراح -

محامي ( عبدالله ) : يا اخ علي عندي لكم اقتراح كلـّم فجر بخصوصه كونها اهي الكبيرة .. واهي الوحيدة لها حق بالموافقة او الرفض
المحامي علي : تفضل اسمعك
محامي ( عبدالله ) : احنا قررنا نعطيكم 10 ملايين كتعويض .. بس نبي منها توقيع انها متنازله عن الورث
المحامي علي : خلاص انا راح اكلمها و ارد لك خبر
محامي ( عبدالله ) : ناطرك لا تتأخر بالرد
المحامي علي : ان شاءالله

- ثاني يوم رحنا حق المحامي انا و امي .. و قالنا عن الاقتراح -
فجر : انا مابي شي منهم والله اخاف يأذونا يمه
المحامي علي : لا يافجر حرام تسكتون عن حقكم اكثر من جذي والله حرام ابوج من أغنياء الدولة و ريال معروف فيها .. يعني والله ربج مايرضى بالظلم اللي انتو فيه
سعاد : صح كلامك واحنا ماراح نتنازل وحقهم لازم يرد لهم
فجر : ( طالعت المحامي ) زين انت اشرايك بالاقتراح ؟
المحامي علي : انا عندي راي بس كنت بسمع رايكم اول عشان لا تتأثرون برايي
فجر : انا مادري اشوف المبلغ كبير و زين
المحامي علي : بس انا للأمانه اشوفه كلش مو زين .. انتي ماتدري ان ابوج عنده أراضي وشركات بالكويت و بره الكويت ؟؟ و عنده عماير بعد .. ابوج عنده خير بكذا دولة مو بس اهني .. يعني هالمبلغ اللي بيسكتونكم فيه يعتبر نقطة ببحر الاملاك اللي يملكونها
فجر : يعني أرفض ؟
المحامي علي : اي رفضي و راح يوصل لكم حقكم بالتدريج بس بالطريقة الصح
سعاد : تسلم ماقصرت و عسى ربي يكثـّر من امثالك ان شاءالله
المحامي علي : انا ماسويت الا شغلي

- بعد ما رفضنا اقتراحهم .. استمرت رحلة المطالبة بحقنا سنة ثانية و دشينا 2009 .. و الحمدلله بهالسنة بدى يرجع لنا حقنا شوي شوي .. صار يدش علينا مبلغ كبير شهريا .. انا و فاطمة تعلمنا عالسياقة .. و خذيتلي جيب انفينيتي و فاطمة خذت جيب لكزس طبعا كاش مو اقساط لأن المحامي طلب منهم هالشي و اضطرو يوافقون عليه .. و مانسينا امنا الغالية خذينالها مرسيدس مديل السنة -

- و بيوم كنا قاعدين انا و البنات فاطمة و شيخه و شيماء بالغرفة -
شيخه : فجر أسألج يسؤال بس عفية مو تزعلين
فجر : سألي
شيخه : ابوج صارله وايد بغيبوبه و ماندري اذا بيقوم او لأ .. وو عفية مو تزعلين بس ...
فجر : سألي اشفيج ؟
شيخه : بغيت اعرف اذا مات تبجين ولا لأ ؟
فجر : ( سكتّ مده ) .... اي ابجي بس مو لأن ابوي مات .. ابجي لأن ابوي عاش كل هالسنين و ماحاول يعرفنا ( انزلت دمعتي جان امسحها )
فاطمة : ( انزلت دموعها ) صح كلامج
شيخه : آسفه بنات ماقصدت ازعلكم
فجر : لا تحاتين والله مازعلت
فاطمة : ( امسحت دموعها ) اوو اشفينا بنقلبها نكد ؟؟ امشو نطلع نغير جو
فجر : مااالي خلق
شيخه : قوومي عاااد
فاطمة : عن السخافة فجور امشي خل نستانس
فجر : اوكي بس على شرط ناخذ امي معانا
الكل : صار
--

الحمدلله حياتنا صارت وايد احسن .. و صحتي بخير و ماردلي أي شي من اللي كان يصير فيني الف حمد وشكر لله .. ولي طلب من كل اللي قرى قصتي .. لا تنسون نصايح الشيخ اللي نصحني اياها .. سمّو قبل كل شي .. و قولوا اذكار الصباح والمساء .. توضوا قبل لا تنامون و اقروا كل اللي قالي عنه .. و في أشياء ماقالي عنها بس انا صرت أسويها و الحمدلله مرتاحه منها .. اذا ركبتو السيارة اقروا آية الكرسي و بعد ماتقولون دعاء الركوب قولوا هالدعاء

بسم الله الرحمن الرحيم... بسم الله خير الأسماء، بسم الله رب الأرض والسماء، بسم الله الذي لا يضر مع اسمه أذى، بسم الله الكافي، بسم الله المعافي، بسم الله الذي لا يضر مع اسمه شيء في الأرض ولا في السماء وهو السميع العليم، بسم الله على نفسي وديني، بسم الله على أهلي ومالي، بسم الله على كل شيء أعطانيه ربي، الله أكبر الله أكبر الله أكبر، أعوذ بالله مما أخاف وأحذر... الله ربي ولا أشرك به شيئاً... عز جارك وجل ثناؤك وتقدست أسماؤك، ولا إله غيرك. اللهم إني أعوذ بك من شر كل جبار عنيد وشيطان مريد ومن شر قضاء السوء ومن شر كل دابة أنت آخذ بناصيتها، إنَّ ربي على صراط مستقيم

واذا حفظتوه قولوه كل وقت و بعد كل صلاة وان شاءالله ربي يحفظكم من كل شي

شكرا لكل شخص تابع قصتي و دعالي بالشفاء .. ادعولي آخذ حقي من اللي سحرني و ادعولي انسى اللي مريت فيه لأن مرات تحوشني كوابيس بسبة اللي صارلي ربي لا يعوده علي و لا على أي شخص

و بالنهاية هذي هديتي لكم

دعاء الاستعاذة من الجن و الشياطين و عيش بدون خوف

( اعوذ بالله من الشيطان الرجيم ، بسم الله الرحمن الرحيم ، رب اعوذ بك من همزات الشياطين ، واعوذ بك رب ان يحضرون ، اللهم اني اعوذ بك من الهم والحزن ، ، واعوذ بك من العجز والكسل ، واعوذ بك من الجبن والبخل ، واعوذ بك من غلبة الدين وقهر الرجال ، اللهم اني اعوذ بك من الفقر والعيّلة ، واعوذ بك من كل بلية ، اللهم اني اعوذ بك من الفقر الا اليك ، ومن الذل الا لك ، ومن الخوف الا منك ، واعوذ بك ان اقول زورا ، او اغشى فجورا ، او اكون بك مغرورا ، واعوذ بك من عضال الداء ، وخيبة الرجاء ، وشماتة الاعداء ، وزوال النعمة ، وفجأة النقمة ، اللهم اني اعوذ بك من شر الخلق وهم الرزق وسوء الخلق ، آمين آمين يا ارحم الراحمين . )
بالاضافة للمعوذتين
و اية الكرسي
ترديد الاذان
و اذا فعلت ذلك تاكد ان الله سيحميك
و اذا كنت مريض فسوف يشفيك
بأذن الله تعالى
--


The End



// مشكوره حبيبتي Q8ianet على الدعاء فعلا حلو أثره عجيب //
و مشكورين بنات كل وحده حطت دعاء و دعت حق فجر و اهلها

ربي يحمينا و يحميكم

الحين عندي شغل و اول ما اخلص منه راح ارد على كللللللللل وحده اكتبتلي تعليق ومارديت عليها

مشكورين على المتابعه

والله اني احبكم و راح اشتاق لكم

تذكروووني دااائماااا

ReRez


________________

واقعية 100% اللي تخاف من ( العالم الآخر ) لا تقراها
البارتات صفحه 1 , 6 , 12 , 17 , 25 , 30 , 35 , 49 , 55 , 59
--


-

 

[استبرق أم علاوي]

انا كنت متابعه بصمت

والحين اقولك مشكووووره على الروايه

 

[DALLY]

يعطيج العافيه فجور وام فجوره وريري

معاناتكم عمرها ماتنسي والله ماينسى عباده الصالحين وادعي ان يعوضكم اكثر واكثر دنيا واخره

والحمدلله قدر الله وما شاء فعل ف النهايه هذي الحياه وكلن ياخذ نصيبه وعقبال مانقرا خبر زواج فجوره وفطومه


واحنا بنشتاق لج ريري عمري ماقريت لج روايه وحسيتها عاديه صج متميزه

اب اب لعيونج

البارتات صفحه 1 , 6 , 12 , 17 , 25 , 30 , 35 , 49 , 55 , 59

الذين تشاهدون محتوى الموضوع الآن : 24 ( العضوات 4 والزائرات 20)
‏DALLY, ‏Cannibalism, ‏عاشقة^القمر

 

[Q8SeaGull]

يعطيج ألف عافية ومشكووورة على البارت والرواية الرائعة

ويارب تاخذ فجر حقها من اللي سحرها

وتنسى كل همومها واللي حصل لها



وناطرين الرواية الياية ​

 

[miss.3bi6a]

روووووووووووووووووووووعه يعطيج ألف عافيه

 

[BiiShOoO]

الحمدالله انها تعافيت و تشافت و الله يثبتج يا فجر و يبعدج عنج الشر انتي و اهلج


و مشكورة يا ريريز على الرواية