روايتي الرابعه ~ قـَرين فجر ~ واقعية 100% .. اللي يخااف لا يدش ReRez

[warood]

Na6reeeeeeeeenn !! :S o Allaaaah y3eeenniich Fajooorraa ;** waaayiid kasraa 5a6riii :S

 

[ام هديل 87]

حدي استانست لما عرفت انج راح تنزلين قصة لأنج حدج ابداع
الله يوفقج
راح اقرها لما تخلص بإذن الله

 

[cup-cacke]

ريرزوووو يا مالج العافيه
تدرين امس جم مره فزيت من فراشي بسبتج
بس قاومت قلت ماراح ادق عليها ... كسرتي خاطري ادري فيج مو نايمه وايد امس
شوفي عندج اختيارين... يا تعطيني اعفاء من متابعة القصه ! يا كل يوم بدق وتنامين معاي عالخط :|
اختاري الصحيح :|
ناطره اجابتج باسرع وقت ممكن :|

هههههههههههههههههههههههههههههههههههههههههههههههههههههههههههههههههههه

اشوووه مو بس انا في احد غيري..انا الفجر شابكه مسن واسولف..ماوعيت الا شي باارد على رقبتي@@

حذفت الاب تووووووووب وطييييييييييييييييييييييييييييييييييييييييييييييييييييييييييييييييييرااااان عند اخواااااااااااااااني

بس هــــــــــــــــــــــــــــــــــم راااح اكمل القصه:eh_s(3):

 

[DALLY]

تسجيـــل حضور

 

[Zozαĺiиaђ]

الذين تشاهدون محتوى الموضوع الآن : ٢٠ ( العضوات ٥ و الزائرات ١٥ )
روح ابوها ,.sadtear.,brownycake ‎,ام هديل 87,‎ meme33

 

[Zozαĺiиaђ]

الذين تشاهدون محتوى الموضوع الآن :20‎ ‎ ( العضوات 5 و الزائرات 15 )
روح ابوها,‎ ,‎ ,‎.sadtear.‎ ‎,‎brownycake ‎ام هديل 87,‎ meme33‎ ‎

 

[warood]

الذين تشاهدون محتوى الموضوع الآن : 23 ( العضوات 10 والزائرات 13)
‏warood, ‏.sadtear., ‏brownycake, ‏ام هديل 87, ‏جيكوو, ‏meme33, ‏روح ابوها, ‏فديتني وبس, ‏كيوتيه كويتيه

 

[Zozαĺiиaђ]

واااي راح انتحر من المنتدى افف !‏
‏ ‏ ناطرينج ريريز انشالله ما يعلق عليج المنتدى =)
[/COLOR‏[‏

 

[warood]

Yallaaa RezRez 7beeeebtii !! Pllllzz na6reeeniich 3ala Naaaaaaarr !!! ;*** :S

 

[فديتني وبس]

na6reeeeench yallah pllllz

 

[كتكوته و اموره]

ريرييييييييييييييييييييز يالله قاعدة احاتي فجر من امس

 

[DALLY]

الذين تشاهدون محتوى الموضوع الآن : 17 ( العضوات 8 والزائرات 9)
‏DALLY, ‏ام هديل 87, ‏حبيبه امي, ‏miss disaster, ‏روح ابوها, ‏SofT GirL, ‏عآصمة.النوؤر, ‏كيوتيه كويتيه

 

[منيرة خالد]

قـــــــــــوه اشلونج / ريريز


قصة من بدايتها مشوقه وفيها رعب وخوف واحداث اجتماعية

تسلم الايادي اللي اكتبت


متابعه لج


يا ليت تحطين بالتوقيع الصفحات اللي فيها البارتات علشان ما نقعد نتصفح كل صفحه وانتي تدرين ان المنتدى دايم يعلق ساعدينا بليز



بالتوفيق

 

[كيكة حبيبي]

سلااااام علييييكم
ريررررز حبي بسسسسسسسج نووووووم هههههههه نوم العوافي وناطرررره البارت على نااااااااااااااار

 

[ReRez]

احم كنت شيسمونه نايمه :ssssso:
:eh_s(22): :eh_s(22): :eh_s(22):

و قبل لا احط لكم البارت بذكر ان البارتات اللي قبل كانو بصفحة
1 و 6
تذكير حق اللي مضيعه
---

- 3-

( امي حطت بغرفتي مسجل و خلت سورة البقرة 24 ساعه شغالة .. و طبعا انا كنت انام عند امي .. وغرفتي ما ادشها كلش .. اذا ابي شي اخلي امي او الخدامه اييبونه لي .. لأن حتى فاطمة صارت تخاف من الغرفه وماتدشها )

الحمدلله مرّت عطلة الصيف على خير و ماصارلي شي و بدت المدارس و ردت فاطمة تداوم .. وانا قاعده بالبيت .. ماقدمت على أي كلية .. بصراحة ماكنت شاطره بالثانويه و تخرجت بنسبة حييل قليلة .. و ماودي ادش معهد فقعدت بالبيت و ماداومت مكان
و بيوم كانت امي طالعة توصّل فاطمة المدرسه .. وانا كنت قاعده اتريق مع يدتي ..

ماما آمنة : ( صبتلي جاي مع حليب كارنيشن ) اكلي تغذي عدل .. صايره خيزرانه
فجر : قاعده آكل يمه اشفيج ؟ وبعدين اصلا احلى جذي .. ماتشوفين كله يقولون عن العارضات اجسامهم عود خيزران
ماما آمنة : بلا عود خيزران بلا عود جبريت .. ( لفتلي لفة بيض وجبن وعطتني اياها ) اكلي يللا خل اشوف
فجر : ( كليت لقمه منها ) كا شفتي ؟
ماما آمنة : اي هذي بنيتي الحلوه
---
( بعد ماخلصنا الريوق.. يت سوما شالت الصينية )
فجر : يمه احس دايخه وماشبعت نوم .. بنام اهني يمج بالصالة
ماما آمنة : روحي ييبي غطاج وتعالي
( رحت بسرعة غرفة امي ويبت غطى و انسدحت عالغنفه و نمت )

( بعد شوي يت امي من بره )
سعاد : ( واهي تفصخ ملفعها ) واااي موووت حر مو طبيعي بره
ماما آمنة : اي والله وايد حر .. بس أمر عالحوش بروح الحمام احترق
سعاد : زين يمه قومي لبسي عباتج خل اوديج المستوصف لازم يعطونج جدول مواعيد السكري حق ارمضان
ماما آمنة : اي والله ارمضان بعد اسبوعين .. زين عيل خل اقوم .. و فجر اشلون عليها
سعاد : خليها نايمه ما انطول
ماما آمنة : بس اهي صايره تخاف و ماتنام بروحها
سعاد : سوما موجوده و كل شوي راح تطل عليها
ماما آمنة : على خير ( قامت غرفتها البست عباتها واطلعت مع امي المستوصف )
--

كنت نايمه .. بعز نومي متلحفة و مرتاحه .. حسيت ان الغطى انسحب مني شوي .. وانا نايمه لا شعوريا رديت سحبته علي .. نفس العمليه رد انسحب عن جسمي .. وانا لاشعوريا ارده اسحبه علي .. شوي جان احس شي بارد ماسك فخذي .. من كثر ما اهو بارد قمت من النوم .. أو هذا اللي حسيته .. حسيت اني قمت .. بس ماكنت اقدر اقوم .. ماكنت اقدر ابطل عيوني .. ولا كنت اقدر احرك الساني او ايدي او أي شي من جسمي .. حاولت اصرخ وانادي .. بس ماكنت اقدر .. حسيت بثقل على صدري جنه في شي قاعد علي و الاحساس البارد قعد يتحسس فخذي من تحت لي فوق وصوت النسم قوي بأذني .. و انا ماكنت اقدر اسوي أي شي .. بس كنت اردد ( اعوذ بالله من الشيطان الرجيم .. اعوذ بالله من الشيطان الرجيم ) قعدت اردد هالكلمات بقلبي و احس ان دموعي تنزل مادري اهي كانت تنزل صج او لأ .. بس انا كنت ابجي بصراخ بس كان صراخ داخلي .. ماكنت اقدر اطلع شي لي بره لأني وقتها كنت مقيده و حركتي مشلوله .. قعدت اسمع صوت مخمّه .. اسمع سوما تدندن و اهي تخم الممر اللي يم الصاله .. حاولت اناديها .. سووما انا فجر .. سوووما شوفيني انا بالصاله و في شي قاعد علي بس مادري شنو اهو .. سووما شوفيني .. قعدت اناديها واحاول اطلـّع الصوت لي بره بس كنت عااجزه صوتي مايطلع و لا شي فيني يتحرك .. قرب صوت سوما و دشت الصالة واقعدت تخمها .. فجأة حسيت الثقل راح عني وقدرت أتحرك .. قعدت اصرخ وابجي حييل حسيت ان صارلي وقت طوييل احاول اصرخ و اتحرك بس مو قادرة والله حسيتها ساعات طوييلة بس اهي بالحقيقة مجرد ثواني

سوما : ( يتلي تركض ) فجوور شنو فيه ؟
( قعدت ابجي و قلت اشياء مادري شنو اهي بس كنت مهسترة )
سوما : بروح جيب ماي
فجر : ( صرخت ) لاااء ماتروحين قعدي معاي
( وتميت ابجي واايد وسوما تحاول تهديني لين ارتحت قعدت خذيت التلفون ودقيت على امي وقلتلهم يردون البيت بسرعة )
---

( وصفت اللي صار حق امي و امي قالت حق خوالي .. وكلهم قالو ان هذي اعراض الياثوم ( الجاثوم ) .. و هذي كانت اول مره اختبر فيها هالشي )

سعاد : يمه حبيبتي بقولج شي بس والله ماودي اخرعج بس الله يهداه فهد خالج ملزم اني اسألج هالسؤال
فجر : ( خفت من طريقة كلامها ) شنو سألي
سعاد : يمه انتي مو كنتي تحسين في شي يتحسس فخذج ؟
فجر : ( ارتعش جسمي ) اي ؟
سعاد : كنتي لابسه بجاما ولا نفنوف بيت ؟
فجر : لا نفنوف ليش ؟
سعاد : ( ترددت وماعرفت شتقولي )
فجر : يمه اشفيج شنو بتقولين ؟
سعاد : خالج بيعرف اذا كان في شي لاسمح الله صارلج يعني هالشي سوالج شي لاسمح الله
فجر : ( حيييل انصدمت من سؤالها ماتتوقعون اشكثر انصدمت ) هالشي اهو شنو اساسا ؟
سعاد : مو مهم .. بس المهم بنعرف سوالج شي شين او لأ
فجر : ( كنت خايفه وايد بس كنت معصبه اكثر وكلمتها بنبرة صراخ ) يمه كلميني بلغة افهمها .. هالشي تقصدين ينـّي يعني ؟؟
سعاد : اعوذ بالله يمه مادري بس اقصد لمسج اهناك حسيتي بهالشي يعني ؟
فجر : ( قعدت اصرخ واسكر اذني ) مادري مادري ومابي ادري عن شي و خلاااص مابي اتكلم بهالموضووع
سعاد : زين خلاص اهدي ( لمتني واقعدت تقرى علي )

( اذا كان قصدها ان الاحساس البارد وصل لي تحت الملابس الداخليه .. فـ لأ اهو ماوصل .. بس كلمتها خوفتني .. خفت حيل من سؤالها .. وقعدت ابجي و اهي تقرى علي .. كنت ابي كل هذا يطلع كابوس واصحى منه بس حسافة كان واقع )
--

- بعد يومين يالنا خالي فهد مع بناته شيخه و شيماء -
( بغرفة فاطمة )

شيماء : ابوي قالنا عن اللي صارلج
فجر : مابي اتكلم بهالموضوع
شيخه : بالعكس لازم تتكلمين لا تخلين شي بقلبج
فجر : ( انزلت دموعي يوم تذكرت اللي صارلي )
شيخه : فجور حبيبتي لا تبجين و خلي ايمانج بالله قوي ان شاءالله مافي الا كل خير
فجر : وشاللي قاعد يصيرلي يعني ؟
شيخه : كوابيس و تروح ان شاءالله بس انتي كل يوم اقري قرآن قبل النوم
فجر : كوابيس؟ لا الشي اكبر من جذي
فاطمة : خلاص بنات والله ماحب اسمع هالسوالف اتعرفوني خوافه
شيماء : زين صج بنات دام اليوم خميس اشرايكم تيون تنامون عندنا غيرو هالجو الكئيب
فاطمة : ( حيل افرحت ) ايييي والله وناااسه
فجر : لا ماقدر بقعد مع امي
فاطمة : تقعدين مع امي ولا تقعدين بحضن امي
شيخه : ( بصوت عالي ) فطوم اشفيج ؟
( انا سكتّ ماحبيت اتكلم بشي ماراح يفهمونه )
فاطمة : فجور والله ماقصدت بس تعالي معانا صدقيني بتنسين الخوف وبنتم نسووولف لي الصبح لو تبين
شيماء : عفيه فجوور لا تقولين لأ
فجر : بنات الله يخليكم لا تضغطون علي .. مابي اروح
شيخه : عيل احنا اننام عندج ولا ماتبينا ؟
فجر : ( استانست وايد ) صجججج ؟؟
فاطمة : الله شيوووم بتنامين عندي
شيخه : هيي انتي ماتستحين انا مقترحه الفكره و انتي ما استانستي الا عشان شيوم بتنام عندج
فاطمة : ( انحرجَت ) اشفيج شيوخ مو قصدي

( استأذنو البنات من خالي عشان ينامون عندنا وبعد حنة و مساعدة من امي وافق .. و لأن غرفتي ماقمت ادخلها و غرفة فاطمة تنام فيها سوما .. قررنا اننام بالصالة فرشنا عند التلفزيون و قعدنا نسولف ونطالع فلم كوميدي white checks يومها ضحكنا وايد لين تعبنا .. صج استانست ذاك اليوم بس للأسف وناستي ما اكملت .. بعد ماخلص الفلم دخنا كلنا و قامت فاطمة سكرت الليتات )

فجر : ليش سكرتيهم
فاطمة : ( ردت مكانها بعد ماطفتهم ) شنو ماتبون تنامون ؟ شيوم نامت بنص الفلم و انتي كل شوي تتثاوبين
فجر : اي بنام بس لا تسكرينهم كلهم عالأقل خلي واحد مبطل
فاطمة : ماعرف انام بالليت
شيخه : خلاص بسكم نجره .. فجور انا كاني نايمه يمج سولفي معاي لين تغفين ماراح انام قبل لا اسمع شخيرج
فجر : ( ابتسَمْت ) اوكي

و قعدنا نسولف انا و شيخه بصوت واطي عشان لا نزعج البنات .. لين دخت حيل و قلتلها بنام .. مسكينه جنها ماصدقت بسرعه راحت بسابع نومة .. قعدت اقرى المعوذات و آية الكرسي و سميت بالرحمن و نمت

( انا منسدحه بمكان كئيب مافيه أي صوت حتى مافيه صوت هوا كان حييل صخـّه .. ييت بقوم بس ماقدرت .. طالعت نفسي وشفت اني مربوطة بحبال متان لافينها علي من فوق لي تحت تلفـّت ابي احد يساعدني بس ماكو فايدة المكان مافيه الا انا .. فجأة سمعت صوت خطوات نفس اللي سمعتهم يوم كنت بغرفتي .. بس هالمره ماكانت خطوات شخص واحد .. كانت مجموعة خطوات مع بعض .. والصوت كل ماله ويقرّب مني اكثر .. طالعت بعيد لقيت مجموعة رياييل يايين صوبي يوم صاروا يمي شفت منظر عمري ماراح انساه كان ويههم كله سواد مافي ملامح .. بدوا يمسكون ريلي ويسحبونها .. كنت اصرخ حييل ابي احد ينقذني منهم .. قعدت اصرخ بأقوى ماعندي بس ماكان في احد يسمعني كنت بروحي معاهم .. كملوا يسحبوني من ريلي و انا اصرخ و ابجي .. كنت اقاومهم واسمع اصوات نسمهم تثور أكثر وأكثر .. قعدت اصرخ بأعلى صوتي .. و فجأة سمعت صوت يناديني .. هالصوت اعرفه عدل .. زاد الصوت ينادي و يهزني بهاللحظة قدرت اتحرك بطلت عيني شفت شيخه قاعده يمي تهزني )

شيخه : قومي فجوور قوومي
فجر : ( قمت وانا حييل خايفه ولقيت نفسي ملفوفة بالغطى عدل مثل مايلفون الميت بالكفن ) وخروووهم عنييي وخروووهم
شيخه : ( تمسح على شعري ) بسم الله الرحمن الرحيم .. لاتخافين شكله كابوس كنتي تونـّين وقعدتج .. اهدي الحين
فجر : ( هسترت وقعدت احاول اوخـّر الغطى عني ) ليش لافيني جذييي بطلوووووووه
شيخه : ( خافت من طريقة صراخي وساعدتني و اقدرت توخره عني ) بطلته خلاص لا تخافين

( الكل قام من صراخي وامي اطلعت من غرفتها و يت عندي تهديني و انا كل اللي براسي كان شكلهم بالسواد اللي مغطيهم اشلون كانو يسحبوني من ريولي )

سعاد : ( تلمني ) اهدي يمه خلاص كاني يمج
فجر : ( وانا ابجي ) ريوولي يمه ريوولي كانو يسحبووني حييل
سعاد : مافيج يمه الا كل خير تعوذي من ابليس حلم وقمتي منه خلاص
فجر : ( قعدت احرك ريلي حيل جني بطرد الصورة اللي براسي ) اقولج والله كانو يسحبوني من ريووولي
( شيخه حطت ايدها على ريلي عشان تهديني و حست انهم مثلجين حيل .. جان تشيل ايدها بسرعة )
شيخه : خالتي ريولها وايد بارده
( بس ماردت عليها و اقعدت تكمل تقرا علي قرآن )

كنت ادري ان في احد مسك ريلي كنت حاسه بالبروده .. بس كل اللي قالولياه وحاولوا يخلوني اصدقه ان هالشي مجرد حلم مزعج .. بس انا ادري ان اللي صار اكبر من مجرد حلم
---

الحمدلله يانا ارمضان .. يا حلات هالشهر .. منزمان ما نمت مرتاحه و بهالشهر الحمدلله نمت من غير أي كوابيس .. جد تمنيت كل السنه ارمضان

( اليوم ال20 من ارمضان .. امي كانت قاعدة بالصالة مع رفيجتها أم خلف و كانت معاهم يدتي )

سعاد : ( بصوت واطي ) كانت ويين وصارت وين الف حمدلله يارب
ام خلف : يمكن اللي كان فيها شي نفسي .. يعني اول شي تخرجت و مسكينة مادشت أي مكان عشان تكمل دراستها .. و يوم اطلبت سيارة ماقدرتوا توفورنها لها يعني اتوقع من النفسية صار حالها جذي
سعاد : والاشياء اللي كانت تصيرلها ؟ و الكوابيس و الياثوم اللي كل شوي حايشها ؟
ام خلف : والله مادري .. عاد مسكينة صغيرة خنت حيلي .. بس الحمدلله انها الحين احسن
سعاد : اي الف حمدلله وايد وايد احسن
ماما آمنة : انا اقول البنت فيها بلا
سعاد : لا اسم الله عليها لاتقولين جذي
ماما آمنة : انتي و فهد واثقين بهالشي بس قاعده تقصين على روحج وانتي تدرين ان الاشياء اللي صارت ماهي طبيعية .. و اخوانا بالعالم الثاني لهم شغل باللي صار
ام خلف : اعوووذ بالله من الشيطان الرجيم .. لا ماتوقع .. يمكن البنت حايشتها عين ماصلت عالنبي
ماما آمنة : وهم على قولتج يمكن تكون عين
سعاد : خلاص عاد لا تخوفوني زيادة انا ماصدقت على الله انها الحين بخير
ماما آمنة : على الله ماترد السوالف بعد هالشهر الفضيل ويارب يطلع اللي في بالي كله غلط
ام خلف : وشنو اللي في بالج
ماما آمنة : اتوقع البيت و خصوصا غرفتها فيها شي ولازم نطلع من اهني
سعاد : بس انا 24 ساعه مشغلة قرآن و ان شاءالله كل شي بيتعدل
ماما آمنة : والنعم بكلام الله .. بس ممكن اللي فيها يكونون مسلمين واللي قاعدين يسوونه مجرد تطفيش .. صدقيني خل نطلع احسن
سعاد : ليش نسبق الأحداث .. اذا بعون الله ماردت حالتها مثل قبل خلاص ماله داعي نطلع
ماما آمنة : جان زين كل شي يرد مثل قبل والله هالبيت له معزه كبيرة
أم خلف : أي معزه واللي يعافيج .. اللي يسمعج يقول ساكنين بقصر
ماما آمنة : مو شرط يكون البيت قصر عشان نحبه .. اهم شي يكون دافي ويلمنا
سعاد : صاجه يمه
---

( خلص ارمضان ويانا العيد .. ولأن يدتي عايشة بهالبيت فـ الكل يجتمع عندنا .. خالي فهد ومرته ( ساره ) و بناته شيخه و شيماء و خالي أحمد و مرته ( هناء ) واعياله مشعل 9 سنين و مروه 5 سنين )

بهالعيد ما احس اني مستانسه مثل العام .. بالعكس احس مالي خلق اطلع معاهم .. قبل كنا كل يوم طالعين انا والبنات وخالي وامي .. ومرات حتى يدتي تطلع معانا .. بس الحين احس كلش مالي خلق

فهد : ( يوزّع عيادي ) عطيت الكل صح ؟
فاطمة : ( التفتت علي ) لا خالي ماعطيت فجور
فهد : ( ابتسم ) اي انا قاصد اخلي فجور للآخر .. غيرها الكل خذه صح ؟
شيماء : اي يبا عطيت الكل
فهد : عيل تعالي فجور
فجر : ( ابتسَمْت وقمت وقفت عنده ) هلا خالي
فهد : قعدي يمي
فجر : ( قعدت يمه وماقلت شي )
فهد : ( طلـّع من بوكة 40 دينار و عطاني اياها ) هاج عيديه لأحلى بنوته
فجر : ( خذيتهم و بست خده ) مشكور
فاطمة : ( تخصرَت ) احلف خالي تعطيها 40 وتعطيني 10 ؟!!
فهد : ( يضحك ) اذا صار عمرج 18 اعطيج 50 دينار وعلى هالخشم

( كان خالي محوطني بيد وحده ويسولف مع البنات .. وقعد يقولنا قصص كالعادة .. خالي يحب يقولنا قصص واحنا انحب نسمعه .. بس انا هالعيد نفسيتي غير عن كل عيد .. ماكنت صوب قصتهم .. كنت سرحانه وافكر بعييد
كنت افكر بأبوي .. يا ترى اعياله ملتمين حواليه مثل هاللمة .. يا ترى نسى احد فيهم وماعايده ؟؟ ولا بس ناسينا احنى ؟؟ )
----

( خلص ارمضان .. و عدا العيد على خير .. بس بعد العيد .. تتوقعون كل شي عدا على خير ؟؟ )
---

بنات تره مافي تواقيع واللي انا حاطته تحت البارت مو توقيع انا كاتبه وحاطه الصور ضمن المشاركه نفسها
فساعدوني مثل قبل يوم سويتوها بقصة ( يادنيا ارحميني )

كتبو ارقام البارتات عشان البنات اللي بيعرفون وين صفحات البارتات يدشون آخر صفحه و يقرون الارقام من مشاركاتكم

ببدي

البارتااات للحين بصفحة 1 - 6 - 12

مشكورين مقدما :33_1185028183:

اي بنات عفية مثل ماقالت ( zqertya ) جزاها الله خير .. لا تسبون ابو فجر .. صج ان ماله اي دور بحياتهم وهاملهم وايد
بس هم مايصير نقعد ونسبه نطرو النهاية بعدها قررو بتدعوله ولا تدعون عليه ؟؟
بس تره مسموحين تقولون يقهر يغث يخلي الواحد يعصب يبط الجبد الخ لول بس لا تسبونه


________________

واقعية 100% اللي تخاف من ( العالم الآخر ) لا تقراها
البارتات صفحه 1 , 6 , 12
--


-

 

[warood]

[ COLOR="Magenta"]RezRez 7uuuubiii !!! Naaabbiii Paaaaaaaarrtt Waaaiinnchh !! Pllllzz Mu tet2a5eraaiin 3alaaaaaaiiinnaa !! 7aaadii mitshaaawgaa 7g il paaart il yaaaaayy !! :S

الذين تشاهدون محتوى الموضوع الآن : 17 ( العضوات 7 والزائرات 10)
‏warood, ‏ام هديل 87, ‏FuTuRe DoC, ‏miss disaster, ‏SofT GirL, ‏نبع الحياء, ‏كيوتيه كويتيه


[/COLOR]

 

[Zozαĺiиaђ]

يمااا وايد احداث صارت !
الله يعين فجور على الي صارلها
انا قاعدة اقرا بس و قلبي يرقع لوول
عاد انا مسوية مود عشان اقرا القصة عدل مصكرة اليتات كلهم بس مبطلة الابجورة خخخ
جني بطالع فلم رعب مو قصة لوول
الله يستر شبصير الحين بعد ما خلص رمضان

انزين يعني شنو ياثوم / جاثوم ؟
ترا ما عرف كلمات قديم خخخخ

عاد انا بنات خالتي قالينلي اقرا القصة و بعدين اقولهم اذا تخرع وايد ولا شوي عشان يقرونها
يعني انا الشجاعة هههههههههه

يعطيج العافية عالبارت
ناطرينج حبيبتي

 

[DALLY]

يعطيج العافيه ريري وعسى شبعتي نوم!


انا حبيت خالها فهد حنون وطيب وكريم الله يكثر من امثاله ويخليه لهم


ولعيونج


البارتااات للحين بصفحة 1 - 6 - 12


الذين تشاهدون محتوى الموضوع الآن : 23 ( العضوات 10 والزائرات 13)
‏DALLY, ‏.sadtear., ‏FuTuRe DoC, ‏miss disaster, ‏روح ابوها, ‏SofT GirL, ‏عآصمة.النوؤر, ‏Zoz.Q8, ‏كيوتيه كويتيه


الله يزيد لووووول

 

[Zozαĺiиaђ]

توني استوعب شي بس مليق لوول
سالم هني متزوج وحدة نسرة
و سالم بعد في رواية احلاهم روح الروح متزوج وحدة نسرة خخخخ

البارتات في : 1-6-12

 

[كيكة حبيبي]

واااااااااااااااااااااي واااااااااااااااي وااااااااااااااااي واااااااااااااااي
قلبي قلبي قلبي بسسسسس ببجييي ماااقدر قلبي عورني عليها<<<<< زفت اختها زف تبيها تقرا البارت بصوت عالي لوووووووووووول
حياتي فديتها الله يعينها يارب واااي ريري مادري شقولج فديتج
انتيييي ابدااااااااااااااااااااااااااااااااااااااااااااع
وعفيه لا اطولييين علينا ترررررررررا صج متحمسسسسسسسسن حدناااااا
ويعطييييج العافيه