شوفوا لوين وصلت فيني ! ! أريد زوجه ! !

[عليـا]

السلام عليكم ورحمه الله وبركاته
شلونكم خواتي عضوات منتدى كويتيـات


بدش في الموضوع على طول


يمكن مشكلتي يشوفونها البعض عنده سهله او تضحك .. لكن مادري اللي اعرفه ان شاغله بالي ليل ونهار

اقولكم شلون . . . مشكلتي تعتب وانا . . .( ادور حق اخوي مـــره )

لاتقولون لي اكثر ما كثر الله البنات . . ادري البنات اشكثر بس سبحان الله مادري حزه الجد ماكو شي

مليت وانا احوس على بنت حلال وطبعاً ما اؤمن بموضوع الخطــابه . . وسويت ســيرج على قرايبنا

ماكو يا اكبر من عمره او اصغر حيييل او تكوون يعني مو ذاك الزود .. وتعرفون طبعاً الشباب ونظرتهم

(ما يبيون البنت الصاروخ ولا الشينه ) = وسط شوي

بنات لاتقولون لي سالفه سهله نفس رفيجاتي يقعدون يضحكون لما اقول الخطبه مو سهله والزواج مو خبط لزق

واعتقد اللي اخطبت حق اخوها من قبل حاسه بمعاناتي اصلاً مادري ليش انا كاتبه موضوعي يمكن ببفضفض


وياليت اذا احد يقدر يساعدني لو بفكره بسيطه سالفه اي شي مادري المهم اني مليت من هالحاله . .​

 

[Q8iYa'87]

اي حبيبتي اكيد انا معاج احنا قبل يوم امي تخطب حق اخوي كان وضعنا حوسة صج ما طول يعني اخذ الموضوع 8 شهور مو وايد نوعا ما بس كان الوضع لوووية

مادري يعني شوفي من رفيجاتج او ناس معاج بالدوام .. وصي وحدة قريبة منج انها ادورلج بعد و الله ييسر ان شا الله

 

[كسر قلبي زماني]

بهالزمن صعب تلاقين بنت زينه
بصرااحه اقوولج

 

[قـہۈه فـرنسيـہ™]

قسمه ونصيب ,,,بعدييين أخووج لا يتشرط واجد يعني يبي وحده super women وان شاء الله تلاقون بنت الحلال ...

 

[بنوتة طموحة]

واي الله يعينج

غير انج يالله تلقين وحدة سنعة

هم تقعدين تحاتين وتحسين بمسؤولية كبيرة

لكن شوفي من اللي معاج بالدوام وقولي حق صديقاتج اللي تثقين بنظرتهم للبنت يدورون معاج

إيد وحدة ما تصفق

يعني سوي فريق بحث وتحري

وبالتوفيق إن شاء الله

 

[عمة الزين]

ان شاءالله تحصلين بنت الحلال اللي تسر قلوبكم

 

[زينة الشرق]

الزواج قسمة ونصيب والله يسهل عليج ان شاء الله وتوفقون بوحدة مناسبة لأخوج ..

 

[عليـا]

اي حبيبتي اكيد انا معاج احنا قبل يوم امي تخطب حق اخوي كان وضعنا حوسة صج ما طول يعني اخذ الموضوع 8 شهور مو وايد نوعا ما بس كان الوضع لوووية

مادري يعني شوفي من رفيجاتج او ناس معاج بالدوام .. وصي وحدة قريبة منج انها ادورلج بعد و الله ييسر ان شا الله

حـــــــــياتي انتي

اي والله حــدا لوويه . . . الله يخليج من صجج اشوف ناس بالدوام . .

انتي شايفه نفسيات البنات في الدوام ​

 

[راعية الطويلة]

((فاظفر بذات الدين تربت يداكـ ))

الله يوفقكم

 

[عليـا]

بهالزمن صعب تلاقين بنت زينه
بصرااحه اقوولج

آآمبيـــه ليش هالنظره التشاؤميه منج

خرعتيني انا بروحي احوووس بهالموضوع

حياتي مشكورة وماتقرين على مشاركتج

 

[Q8iYa'87]

اي والله خخخ بس جود تطلع وحدة زينة

 

[قيد الغرام]

كل شي نصيب والله يوفقكم وتلقون بنت الحلال

 

[MissDaNDoOoNa88]

اهم شي انه لما تختارين البنت حق اخوج خلي اخوج يصلي استخاره وهمن انتي صلي استخاره والله يكتب لكم الي فيه الخير

 

[عليـا]

قسمه ونصيب ,,,بعدييين أخووج لا يتشرط واجد يعني يبي وحده super women وان شاء الله تلاقون بنت الحلال ...

هاهاهاهاي مسكين والله مايتشرط بعد قلبي قلبه اهم شي تكون بنيه حلال


حبيبتي مشكورة وماتقصرين

 

[L.H.LADY]

والله صاجه اكيد لووووويه عقبال ما ادورر لاخووووي حبيبي اتمنى هاليوم من كل قلبي مع ان يقوولي تو الناس انتي اول لوووووول بس مثل ما قالت اللاخت اللي قبلي سوووووي حملة والله يوفقه ويرزقه على نيته وادعي له انشاءالله يلقى بنت الحلال

 

[النهج الاسمى]

خو من كثرهم

يمكن تسوين سيرج بقوقل>>>>تلقينهم مسطرين لووووووووول

انا بعد اخوي يبي يتزوج واحنا متوهقين ندورله>>>>>بس ودنا اهو اللي يختار ويفكنا

عشان مايحط اللوم علينا

 

[هدوء.]

ههههههههههه اي والله لعوزه
بس صدقيني بتلاقين وبنات الحلال كثير

 

[رواااااح]

اسئلي الي حولينج بالدوام ورفيجاتج اواي احد تثقين فيه مثلا اذاعندكم جيران ،،،،،،،،،،،،،،،،،،،،،،،،،،،،والله يوفقه بنت الحلال

 

[• قلبه نصيبي •]

ياقلبي حاسسه فيج والله ! بس ان شاءالله بتلقون بنت الحلال ويتزوج اخوج

 

[صااااحبة السمو]

مريت بهالتجربه من قبل لما كنا ندور لاخواني
البنات شكثرهم حولج ومن تصير الصجيه وتدورين يختفون البنات مادري وين يروحون
اذا في وحده من اهلك تعرف ناس خل تذكرهم لج والله يكتب اللي فيه الخير
والله يعلي مقدارج يا علياا ​