غرائب القصص الوواقعيه .. من ايدكم ..

[mooomooo]

شالقصص اللي تعور القلب

معاكم بنات اذا تذكرت ان شاء الله ماراح ابخل عليكم

 

[بتبوتااا]

في موقف بعد صار لي ومارح انساه
مره قبل لا اتزوج كنت قاعده بغرفتي مع رفيجتي نسمع اغاني..
وباب غرفتي زجاجي الي يمر نشوفه..
وكانت الساعه 2 ونص الفير
ومره وحده تمر خدامتنااستغربت قلت شمقعدها هالحزه؟؟
المهم ولا اطلع وراها بالتخشخش والاقيها رايحه السطح ؟
واهيا ماشيه مادري شتهذر وشتخربط؟
واشوفها تأشر مادري شتسوي!!واطلعتمن السطح
ونازله من الدري .. وتطيح..
انا من خرعتي قمت اصارخ واناديها واطقها واهيا جنها طايحه غشانه!!
المهم قامت وتستغفر ربها ومادري شتقول وانا اقول لها شفيج؟؟
قولي الصج شنو فيج؟
واهيا تقول مادري مدام
مادري انا قمت اقول ايات قلت لاتكون مسكونه ولا شي الله الحافظ!
ومن يومها وانا ميته خرعه منها!!
وبث

 

[منوووووله]

من كثر مايعبدووون بهلبقر صاررو مثلهم الحمدالله والشكر

لا ورفيجتي مره يايبه لعبة بقره الي تتفخينها ولا اتلاقي خدامتها اتعبد في وماترضى احد يجيسه !!!


ومره يبنا خدامه امطلعه الدياي وتسوي حركت ايدهم مالت العباده مالتهم وماتاكل الدياي لووو تموت واذا طبخنا دياااي اتموووت من البجي اخر شي قامت اتخشهم ويخيسووون ولا انا ناكلهم بعدين ذلفناها المكتب !!

 

[منوووووله]

حيااج حبيبتي ناطرينج

 

[3w!Shni]

ياربي الدنيا تخرع صايره

كملوا و نحنو معكوم

لا تذكرت شي بقولة

 

[brettey]

منوله سالفه خدامه اختج حدها قويه
والله بلاوي

 

[أم السنع]

هلا بالبنات الحلويــــــــــــــــــــــــــن

الموضوع واااايد حلو

قصص واقعيه مؤثرة

سمعو هالقصه - قصدي اقروها

انا متعودة يوم السبت اقول حق زميلاتي بالعمل

شلونكم مع اجازة اخر الاسبوع؟؟

ان شاء الله استمتعو فيها

ومره عندنا موظفه صغيرة جت يوم السبت وشكلها متأثره وااايد

جان اقولها فلانه شلونج ؟ شلونج مع الويك اند ؟؟

جان تقول اوووف الويك اند كان سئ جدا

وقالت لي القصه :

تقول بيت جيرانا عندهم بنت متزوجه من كم سنه وما عندها عيال

وعلى طول مشاكل مع زوجهاالمسكينه واهلها يصبرونها ويحلاولون يحلون مشاكلها

لما جه يوم الخميس

ينطرونها تزور ما جت

جاهم اتصال غريب على موبايل ابوها

ولا يقول بقلبه ( اوووه اكيد زوج بنتي ولا حمولتها ومشكله جديده )

وما رد عليهم

بعد شوي الرقم جه للولد ( ما يدري ان ابوه مارد)

رد ولا يقولون له :

معاك المباحث الجنائية

اختك زوجها قتلها تعال عشان تتعرف على الجثة:eh_s(16)::eh_s(11):

الله لا يبلانا يارب

راح طبعا مع ابوه واكتشفوان البنت كانت بينها وبين زوجها مشاده كلاميه

وهربت منه راحت الصاله

ركض وراها وقتلها :eh_s(13):

يا ربي لا تبلانا

طبعا امها وابوها تحطمو وتعبت نفسيتهم

يقولون ان زوجها كان سكراااان

والبنت فوق الشبهات فتاة صالحه

وما يطلع صوتها

آآآآآآآه يا قلبي



ديرو بالكم يا بنات احيانا توصل الحياة الى مرحلة

ان الطلاق يصير وااااااجب للحفاظ على الحياة

اللي زوجها يضربها بعنف ويهددها بالقتل

وغيره لازم تنتبه على نفسها يا جماعة الخير مو كل زوج ينصبر عليه

رب العالمين ما يشرع عبث

ما شرع الطلاق الا ليكون حل للحياة المستحيله

ديرووووووو بالكم على انفسكم

 

[أم السنع]

قصه ثانية ؟؟

في احد الدوائر الحكومية كانت تشتغل موظفه

مسكينه مثل باقي الكويتيات هي اللتصرف على البيت

وتجيب وتودي الاولاد وعيشتها صعبه

وبيتها بمنطقه حكومية جديده

وما اثثت الا بالقروض والديون

وتعبانه مع الزوج الا اللي يا بالدوانيه يا مسافر يا هايت

ومره من المرات حست ان الاهمال زااايد

وان العيشه صعبه معاه

قعد حعاها جانيقول لها

انتي العزيزة والغاليه وام عيالي

بس انا .........

.............

تزوجت :eh_s(12):

انصدمت قالت من ياخذه ( فقران ومديون وكبير وعنده عيال)

قالت له ما اصدق

من خذيت

جن يقول لها وحده قريبا منج

طبعا اهيه انبهرت من هالقريبه خلصنا

تصدقون موظفه معاه بنفس المكان ؟؟؟:eh_s(14):

كان بيوم من الايام جاي ياخذ لها ورقه مرضيه وتعرف عليها وخذاها

تصوروا الوقاحه

وكل البنات بالدوام عرفو انه ماخذ فلانه

وان زوجته الاوليه فلانه

تخيلو

وخذت اجازة ( العروس)

وقسمها يطبخون من الغضب والغيظ

وردت لهم عااااااااااادي تسولف وتتكلم عن وضعها الجديد

والمسكينه الأولية ياربي ترحم ضعفها تكسر الخااااااطر

مره دقو عليها مدرسة ولدها مريض

طلعت ولا تلقى زوجها بالشارع

كاشخ بسيارة العروس وواقف ينطر عند الباب بياخذها

يتريقون بره :eh_s(10):عشتووووو

يوم شافها بدل ما يرقع حق عمره

زفها ..... يعني جاكها

وين راايح؟؟:eh_s(14):

قالت له هاك موبايلي شوف ياني اتصال من مدرسة الولد يقولون صدره منحشر

بروح اوديه الطبيب

وقصتها طويله بس هذا الملخص


لا تتكلمون عن ازواجكم جدام موظفات علاقتج معاهم

مو قوية وحتى لو قوية

لا تقولين لا زين ولا شين

عشان ما ترسم عليه وحده ما تخاف من الله

وتطيحه بفخ ما يطلع منه

 

[أم السنع]

ها تبون قصص بعد

؟؟؟؟؟؟؟؟؟؟؟

 

[الجــادل]

واااااااااااي قصص تعور القلب

 

[همسات ليالي]

اي والله كملي يا ام السنع كله

 

[مرت ريلي]

من كثر مايعبدووون بهلبقر صاررو مثلهم الحمدالله والشكر

لوووول منوله اعجبتني هذي وايد

 

[منوووووله]

ها تبون قصص بعد

؟؟؟؟؟؟؟؟؟؟؟

واااااي شنوو هاذا يذبح زووجته الله لايبلانه
والثاني منتف وحالته حاله يتزوج والعرووس مستانسه انه تزوجها ماتدري انه منتف وبيعتمد على معاش الاثنين الحمدالله والشكر على كده رجاله قطيعه

واكـــــــــــــــــيد نبي قصص بعد خنشوووف تجارب الحياة الصعبه

 

[BlackRose]

بنات وايد حلو الموضوع بس بليز مانبي اشياء تعور القلب ترى والله مو ناقصين الله يرضى عليكم

انا بقولكم سالفة

في واحدة نعرفها كله تقول خالتي اخت امي ماتحبنا وماتواطنا وتكرهنا ومن هالسوالف وعقب عشرة سنين معاها اكتشفنا ان ابوها كان زوج خالتها وحب امها وقام طلق الخالة واخذ امها من عذر الخالة تكرهم

في وايد سوالف بس ناسيتهم

 

[مرت ريلي]

لوووول شهالقصة المعقدة افتر راسي والله

 

[منوووووله]

هههههههههههههههه

عيل سمعووو هالسالفه الصجيه مره كنت بيت رفيجت امي كنت صغيره عمري يمكن 11 او 12 وكانت رفيجت امي بنتها حامل واحنا قاعدين بالصاله ولا نسمع اصرااخ عزكم الله بالحمام قبووو الحريم يشوفون شسالفه ولا بنتها
ولدت بالحمام تكرمووون ومنظر لايحوووشكم المنظر مخييييف حده ويشولونها ويشيلووون لبيبي ويدقوون على ريلها والاسعاف بس كاان يووووم
وااااااااااي ليلحين ابالي

 

[أميرة الورد]

والله خوووش قصص منولة ما قصرتي على هالموضوع

ام السنع كملي نحن بالانتظار

 

[منوووووله]

ناطرين الطيبين

 

[بتبوتااا]

واي عوار قلب
انا مره صارت لي سالفه سمعو سمعو
لو سمحتي منووله قعدي ولدت ما اعرف اسولف واهوه يحوس
المهم انا كنت قاعده بشقتي وشقتي بالدور السادس << الله يعيني لي انقطعت الكهربا
وكان ريلي طالع رايح النادي ومره وحده اسمع صراخ بالشارع
قمت اطل من البلكونه واشوف ريلي قاعد يتهاوش ؟؟
امبي مت من الخوف اخاف انزل انزف !!
نطرت لما صعد قلت له شفيك شنو صاير؟؟
ولا يقول راعي التنكر يضرط على مخي؟
قلت له شلون؟ وشكو وشحقه وليش ؟
المهم راعي التنكر واقف سوالف مع الهنود وريلي يناديه علشان يوخر التنكر
وهذاك كاشت فيه!!
ولا ريلي يروح له يقول له
انت ماتسمعني اناديك ؟؟
ولا يقول امبله انا يسمع @@
جان يقول له وليش ما ييجي؟
ولا يقول له الهندي ليش ييجي ؟؟
<< الهندي يضرط؟؟
ولا يقول له انا اكلمك بحترام تكلم عدل!!
ولا يقول له الهندي شنو يعني علشان انته كويتي يبي قرقر على مخي؟
امممممممممممممممممم
الهندي مسوي روحه جاكي شان جدام ربعه ؟
المهم ولا ريلي يسبه ومامسك اعصابه وقام مسح فيه القاع!!
والهندي يقول له اسف بابا والله مره ثانيه ما يسوي جذي
واخر الهواش ريلي قال له مره ثانيه اذا يشوف انا تنزل عينك بالارض يا << (( سب ))
وصعد فوق وبعدها ياله راعي العماره يقول شفيك ومافيك وجذي المهم قال له ريلي
السالفه ولا يقول الهندي قال لي انه بينتقم منك!!
صار فلم هندي لووووووووووووووووووووووول
ولا ريلي ينزل مره ثانيه حق الهندي واول ما شافه الهندي قام يتاسف
ولا اضراط على الفاضي لووووووووووووووول يالله طولتها ادري انه السالفه
مالها شغل بالموضوع بس شنسوي ماكو شغل

 

[منوووووله]

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

ذكرتيني يووم دقيتي علي مخترعه ههههههههههههههههه

جان كملتي القصه وقلتي لما الهندي ضرط فووق راسي بعد مايبي

يوخر من ورا سيارتي ونزل ريلج بالحفر

<< اهم شي الحفر عشان يطلع العضلات ويخرع الهندي

هههههههههههههههههههههههههه واول ماشاف ريلج وخر سيارته ههههههههههههههههههههههههه