‘ لا وحسآإفه .. كنت أشوفك ملاآكي ..! ~ قصه واقعية .. روايتي الثانية .!

[Dalal.E]

wa3laikom isalam wira7ma...

wanaasaa !! 3ad nabeeh i6wel ;p

 

[UNiQe^PRiNceSs]

waiting​

 

[com-teacher]

ناطرييييينج حبووو

وجهازج ما يشوف شر ان شاء الله

 

[احب الصالحين]

نااطرينج

 

[&اسرار العشق&]

waiting

 

[حكاية انثى]

Weeh 3ad jihazch mlee8 ma lga ela y5trb al7eeeen :x , Lol , Yallah waiting w y36eeeeech el3afya ;**

 

[Danya =)]

البارت 24 والاخير




فواز يطالع حنين منصدم ..

حنين : فواز تكفففى اسمعني بشرح لك
فواز : شنو تشرحين لي شنوو !!!
حنين : اسمعني فواز والله العظيم الله يشهد علي انا ما غلطت مع احد

فواز كان منصدم ويطالعها ودموعه بس تنزل .. خلاها وطلع من الغرفه ..

ظلت حنين بالغرفه تبجي .. حتى يوم عرسهاا واليوم اللي لازم تفرح فيه انقلب حزن ..

" هذي انا مكتوب علي الحزن "


حطت راسها على المخده وبجت .. ويت الف فكره في بالها .. فواز راح يسامحها .. راح يصدقها .. والا شنو راح يصير ..

ظلت تنطر الصبح ليما يطلع ..



..


فواز طلع الصاله حس الدنيا تدور .. معقوله حنين .. حنين اللي حبيتها واللي تمنيت اشوفها زوجتي وتمنيت اقضي باقي حياتي معاها تخوني !

قعد عالكرسي وحط يدينه على راسه وبجى ..

وده يسمع منها .. يبي يسمع تبرير يخليه يصدق انها مو غلطه ..

بس كان هذا مثل الجرح .. حنين خدعته .. وما يقدر ينسى ..



..


بهالوقت نزلت وجدان من الطائره ..

وكلمت اهلها وخذت تاكسي وردت بيتهم ..

واول ما وصلت راحت غرفتها وانسدحت ..


واول ما يه على بالها ناصر ..

خذت موبايلها وفكرت تدق الحين والا الوقت متأخر وما يصللح ..

قررت انها تدق باجر ..
حطت موبايلها يمها ونامت ..



..


بهالوقت كانت جود تنطر حمد .. صار لها جم ساعه تدق عليه ما يرد

وبدت تحاتيه .. قررت تدق على بيت عمها تشوفه .

دقت ونطرت بس ماكو رد ..

كان قلبها ناغزها ان اكو شي صاير .. بس شنو ما تدري ..

تعوذت من بليس ودعت ربها يرد لها ريلها بالسلامه ..


..


الصبح الساعه 7 ..

دش فواز على حنين الغرفه ..

حنين اول ما شافته صارت تطالعه وعيونه مغورقه ..

حنين : فواز بكلمك
فواز : قومي روحي بيت امج
حنين ( مصدومه ) : شنوو !
فواز : مثل ما سمعتي قومي بسرعه مابي اشوفج هني
حنين : فواز اسمعني
فواز : مابي اسمعجج انتي خاينه وقذره .. خنتيني واستغليتيني وجذبتي علي وتبيني اصدقج ؟ حرام عليج .. حرام اللي سويتيه فيني
حنين : فواز انا مالي ذنب تكفى اسمعني
حرام : شوفي كلمه ما راح اثنيها .. انا مابي اسمع منج شي خلاص نفسي عافتج قومي جهزي اغراضج وذلفي بيت امج
حنين ( بجت وطحت على ريول فواز ): فواز تكفى اسمعني انا مظلومه
فواز ( رفسها ) : وخري وان رديت وانتي هني والله لتشوفين شي عمرج ما شفتيه

وطلع عنها

وظلت حنين تبجي عالارض ..

تبجي على حظها .. تبجي على حب حياتها اللي راح منها .. تبجي على امها اللي ما درت عنها .. تبجي على ابوها اللي من طلق امها واهوه ما كلف نفسه يسأل عنها .. تبجي على خالها اللي سلبها كل شي وحطمها وخرب حياتها ..


حبيتك وذي غلطه حسافه حبي واحساسي
وعمري ما تخيلتك تكون اقسى من القاسي

قامت حنين وزهبت هدومها ..

كانت متحطمه وقلبها مكسور .. يعز عليها تطلع من هني قبل لا تبين حق فواز الصج ..

وقررت تنطره ليما يرد وتحاول تقوله يمكن يكون هادي وتقدر تكلمه ..


..


وعت جود من النوم لفت يمها شافت حمد ..

حطت يدها عليه ولمته .. وعى حمد ..

حمد : جود
جود : احبك
حمد : وانا اموت فيج
جود : سامحني حمد ادري اني غلطت عليك وغلطت بحقك وايد
حمد : مسامحج حياتي خلي كل هذا ورا ظهرج
جود : وين كنت امس احاتيك والله
حمد : كنت بشوفج تشتاقين لي والا لا
جود : خرعتني علييك هههههه
حمد : فدييت اللي يحاتوني

ولمها ..


..


في بيت راشد ..

كانت سلوى وراشد ولمياء قاعديت يتريقون ويسولفون ..

وفجأه نزل عيسى يصرخ ..

عيسى: آآآآه يباا الحقني
راشد : شفييك عيسى
سلوى : يمه ولللدي شفييك
عيسى : يمه بموووت
راشد : يمه عيسى اهدى وقول لنا وين يعورك
عيسى : كل جسمي يعورني .. احس الدنيا تدور فيني
راشد : قوم يبه نروح المستشفى


وخذوا عيسى المستشفى وظلوا ينطرونه ..

وطلع الطبيب ..

راشد : ها بشر
الطبيب : ولدك مافيه شي كل شي سليم
راشد : @@ شنوو
الطبيب : انا اتوقع ان اللي فيه شي نفسي
راشد : شلون يعني
الطبيب : ولدك مافيه شي صاحي وسلييم
راشد : وشالدبره دكتور ؟
الطبيب : مادري شقولك بس خذوه حق احد يقرا عليه او شي
راشد : ان شاء الله مشكور دكتور ما قصرت
سلوى : كله من هذي هنادي من خذاها وهوه موو مترقع
راشد : هدي يا ام حمد ترى الولد مافيه شي
سلوى : شلون مافيه شي واهوه حالته جذي
راشد : ان شاء الله يتشافى بس ادعيله ..

ودشوا على عيسى الغرفه .. وكان يبجي ..

سلوى : اسم الله علييك يمه لا تبجييي
عيسى : يمه تعبان
سلوى : شفيك قولي حبيبي شفيك
عيسى : احس بخنقه بصدري
سلوى : اسم الله عليك

مسحت على صدره وقرت عليه


عيسى كان مخنوق .. يومين ما ذاق طعم النوم .. صورة هنادي في باله .. حاس بتأنيب الضمير .. حاس بصراع داخه .. ما يحبها ولا يقدر يردها .. بس هم متضايق لأنه خرب حياتها ..


كانت المره الاولى اللي يصحى فيها ضمير عيسى ..


..

وجدان تكلم ناصر ..

وجدان : السلام عليكم
ناصر : عليكم السلام آمري؟
وجدان : انا وجدان رفجيه ليال
ناصر : أي آمري ليال فيها شي؟ صاير شي؟
وجدان : امم مادري شقولك
ناصر : قولي لا تخرعيني
وجدان : ماقدر اقول بالتلفون
ناصر : شلون يعني !
وجدان : ممكن اشوفك واكلمك بالموضوع اذا ما عندك مانع ؟؟
ناصر : أي متى ووين ما تبين
وجدان : اوكي الحين انا ما عندي شي
ناصر : خلاص صار

سكرت وجدان التلفون وكانت طايره من الفرح .. ليال رفيجتها .. او لا ما تقدر تعتبرها رفجيتها .. كلها جم يوم صارت معاها .. اللي يهمها ناصر .. حبته من كثر ما تكلمت عنه ليال ..
حبته واهيه ما شافته ..


لبست احلى ثيابها .. وحطت مكياج خفيف واطلعت من غرفتها ..

شافت امها

ام وجدان : شنو هذا ما جنه عندج ام اتيين امس ما تسلمين علينا
وجدان : سوري يمه ييت متأخره ما بغيت اقعدكم
ام وجدان : أي خير
وجدان ( لمت امها ) : حبيبتي يمه عندي مشوار اخلصه وايي اقعد معااج وايد
ام وجدان : اوكي بس لا تطولين
وجدان : ان شاء الله


واطلعت وجدان وصلت حق لاكوفي الشوب اللي اتفقوا اهيه وناصر يشوفون بعض فيهم وقعدت تنطره ..

بعد شوي شافت واحد داش .. حست انه ناصر .. قام قلبها يرقع .. رفعت يده له ويه صوبها ..

ناصر : السلام .. وجدان ؟
وجدان : عليكم السلام أي انا وجدان
ناصر : شصاير ؟ ليال فيها شي ؟
وجدان : ناصر استريح وانا اقولك
ناصر : شنو قولي ؟
وجدان : ليال ما تبيك !
ناصر : شنوو شتقولين
وجدان : اللي سمعته .. اهيه قايلتلي هالكلام واهيه من كثر ما تتكلم عنك عرفت انك خوش ريال
ناصر : اهيه قالت لج !
وجدان : أي بس ما راح تقولك .. تقول انها راح تخليك جذي لعبه ليما تتزوج بس مستحيل تاخذك
ناصر : وانا شفيني ليش ما تاخذني !
وجدان : تقول ان انت عندك امك وتخاف تظل معاك وتاخذك وتتورط
ناصر : استغفر الله شالكلام انا بدق عليها الحين
وجدان : لو انا منك ما ادق عليها .. ليش تذل نفسك لوحده عندها الف غيرك
ناصر: اهيه تكلم غيري ؟
وجدان :أي عندها غيرك .. واحد يدرس معانا
ناصر : مو مصدق اللي تقولينه
وجدان : ناصر اتمنى اني ما كون ضايقتك بس مماقدر اسكت واشوفك تنظلم معاها
ناصر : الله كريم .. اصلا اهيه ما تصلحلي
وجدان : الله يعوضك باللي احسن منها ونصيحه مني اللي ما يبيك لا تبيه انت الف من يتمناك لا توقف عليها واذا دقت احقرها ولا ترد ..
ناصر : مثثل ما قلتي .. يالله انا اخليج بمشي .. مع السلامه


ناصر طلع من الكوفي شوب متضايق .. معقوله ليال جذي ..

قرر ان يتركها ويشوف حياتها .. بدل لا ينطرها جم سنه على ما تكمل دراستها بره ..

" طحتي من عيني يا ليال .. هذا وانا مكلم امي عشان تخطبج لي اول ما تردين "


وجدان حست بانتصار .. حست انها سوت شي كبير .. حست انها بتاخذ ناصر في صفها وبتخليه يحبها غصبا عنه ..

..


رد فواز البيت ولقى حنين قاعده تنطره ..

فواز : انتي ليلحين هني !!!
حنين :فواز ابي اكلمك تكفى
فواز : مابي اسمع منج ولاشي ما تفهمين ؟ ما عندج كرامه يا الوصخه يا الخاينه
حنين : فوااز تكفى لا تغلط خلينا نتناقش

قرب منها فواز وعطاها طراق علة ويها خلاها تطيح عالارضى ..

فواز : حنين خليني ليلحين هادي لا اعصب واسوي شي عمرج ما شفتيه
حنين : ارووح بيتناا شقول لهم شقوول
فواز : قوليلهم هذا يزاي لأني قذره !
حنين : فواز انا احبك ارجوك اسمعني
فواز : اوووف انتي ما ينفع معاج الا القوة

اخذ جنطها وقطاها بره البيت وسحبها من يدها واهيه تبجي وتصرخ وقطاها بره البيت وقفل الباب ..


ظلت حنين تبجي يم الباب والناس تطالعها ..

خذت جنطتها وطلبت تاكسي ورددت بيتهم ..


طقت الباب وفتحت مريم الباب ..

حنين : يمممه ( ولمت امها تبجي )
مريم : شفييج حنين شصايررر
حنين : يمه اااه خليني معاج
مريم : يممه فهميني شصاااير

يه عادل يركضى : حنين شفيج يبه
حنين : تعباانه يمه
مريم :شصاير فهميني
عادل : مريم مو وقته خليها ترتاح الحين

وخذت مريم حنين دارها وخلتاه ترتاح ونزلت دقت على فواز ما يرد .. ودقت على ام فواز هم ما ترد ..


صارت الف فكره تدور في بال مريم وقررت انها تروح بيت اختها تشوف شصاير ..

وفعلا راحت واول ما طقت الباب فتحت لها الباب الخدامه

مريم : وين مدام

نزلت ام فواز من الدري وشافت مريم

ام فواز : شتبوون بعد شتبين
مريم : شصااير ؟
ام فواز : خدعتون ولدي وقصيتوا عليه
مريم : احناا ؟ شصاير فهميني مو فاهمه شي
ام فواز : بنتج مو شريفه
مريم : هاا @@
ام فواز : روحي شوفي شنو كانت تسوي بغيابج !
مريم : انتي شقاعده تقوليين
ام فواز : هذا اللي سمعتيه .. طعنتوا ولدي وجرحتوه مابي اشوفج طلعي بره انتي وبنتج
مريم :فهميني يا اختي لا تسوين جذي
ام فواز : ولدي تعب بسبب بنتج .. طلعي مابي اشوفج

اطلعت مريم وفي قلبها حره .. كانت تسوق سيارتها وتبجي .. معقوله انا ما عرفت اربي بنتي ..


وصلت البيت ونزلت وراحت غرفه حنين لقت حنين تبجي ..

مريمم : حنين !
حنين : نعم
مريم : فهميني كل شي .. !
حنين : مادري يمه مادري
مريم : ترى انا كنت عند خالتج وقالتلي كلام يسم البدن
حنين : شنوو قالت لج
مريم : حنين صج انتي مو بنت من قبل لا ياخذج فواز !!!
حنين ( بجت ) : يمممه سمعيني ..
مريم : قولي انا اسمعج !

وقالت حنين حق امها كل شي عن خالها وشاللي صار معاها .. كانت هالمره اول مره تفتح حنين قلبها لأمها وتقول لها عن كل شي بخاطرها ..

كانت مريم تسمع كلام حنين وقلبتها يتقطع على بنتها .. لمتها وقامت تبجي معاها ..

مريم : خلاص يمه اللي ما يبيج لا تيبنه .. وخالج يزاه عند ربج ..
حنين : يمه لا تخليني مالي غيرج
مريم : انا معاج حبيبتي



مرت الايام وحنين بحالها بس بجي بدون اكل ولا شي وامها يمها تواسيها وتحاول تعوضها عن كل اللي فات .. وجدان تحاول تكلم ناصر وتسأل عن احواله وتتقرب منه .. ليال عيزت واهيه تدق على ناصر وتدق على حنين ووجدان بس محد يرد منهم .. اما عيسى كانت حالته تعبانه ما بقى احد اللي قرى عليه .. مابقى طبيب ما راح له بس ماكو فايده

قرر راشد يسافر مع عيسى العمره يمكن يرتاح شوي .. وليال قررت ترد الديره تشوف شصاير لأنها قامت تحاتي ..


وفعلا سافر راشد واخذ عيسى معاه .. وردت ليال الديره ..

ليال : يمه ولهت عليكم والله
سلوى : واحنا بعد حبيبتي
ليال : ومتى بيردون ابوي وعيسى
سلوى : بعد يومين
ليال : أي الله يشافيه
سلوى : آميين
ليال : انا بصعد غرفتي برتاح
سلوى : اوكي حبيبتي

صعدت ليال غرفتها وقامت تدق على ناصر .. بس ما يرد عليها .. حطت راسها عالمخده .. تحس بصداع .. وتحس ان شي صاير بس شنو ما تدري ..


..

مريم : انا لازم اقول حق اختي
عادل : يمكن ما تصدقج
مريم : لا مو بكيفها يظنون في بنتي سوء
عادل : خلاص حبيبتي روحي قوليلهم وتبين انا ايي معاج
مريم : أي ياليت

وراحت مريم مع عادل لبيت ام فواز .. ودشت وكانت ام فواز وفواز وابو فواز قاعدين ..

بالبدايه رفضت ام فواز تكلم اختها .. لكن بعد محاولات عادل وابو فواز اقتنعت انها تكلم بنتها

وقالت مريم كل السالفه .. سالفه اخوها وشلون اعتدى على حنين ..

مريم : وهذي كل السالفه

كانت ام فواز تبجي .. وفواز عيونه تدمع .. خلاهم وطلع ..

حس انه ظلم حنين .. ظلمها لأنه ما عطاها فرصه تتكلم ..

الافكار تدور في باله " بعد اللي سويته فيها راح ترضى ترد لي "


..

مر يومين ورد عيسى مع راشد من العمره وكان عيسى بصحه وتحسن وايد عن قبل .. و قرر يترك كل خرابيطه واول شي سواه دق على هنادي ..

عيسى : السلام عليكم
هنادي : عليكم السلام
عيسى : شلونج هنادي
هنادي : بخير وانت
عيسى : بخير
عيسى : هنادي انا توني راد من العمر
هنادي : تقبل الله
عيسى : منا ومنج
هنادي : آمر بغيت شي ؟
عيسى : شوفي هنادي انا غلطت معاج وايد ادري واتمنى انج تسامحيني
هنادي : امم
عيسى : اللي تبينه انا بسويه .. تبين تردين لي حياج الله ما تبين ورقتج توصل
هنادي: بعد كل اللي سويته ما اقدر ارد لك .. اتمنى ورقه طلاقي توصلني
عيسى : اوكي من حقج والله يوفقج
هنادي : اجمعين من السلامه


..

راشد : زين ما سويت يا ولدي
عيسى : الله يغفر لي ان شاء الله
راشد : آميين
سلوى : ألمهم انك ما ترد حق خرابيطم
عيسى : إن شاء الله

فجأه نزلت ليال تصرخ وتبجي .. ورايحه يم الباب بتطلع من البيت

راشد ( سحبها ) : انتي شفيج وين رايحه
ليال: خلني خلني بذبحه
راشد : بتذبحين منوو !
ليال : نااصر ااااااه يبه ناصر بيتزوججج ..و بيتزوج منووو ! وجدان رفيجتي
راشد : شنو منو ناصر ومنو وجدان فهميني


كانت ليال في حاله هستيريه .. كانت تبجي ووتصرخ .. ساعه تسب وجدان .. وساعه تسب ناصر ..

محد كان فاهم منها شي غير عيسى اللي كان يعرف بسالفه ناصر ..

راشد : اخذيها غرفتها خل ترتاح
سلوى : ان شاء الله .. قومي يا يمه لا تسوين بعمرج جذي


وخذت سلوى ليال غرفتها ترتاح ليما نامت ونزلت ..

راشد : ها شلونها ؟
سلوى : الحمدالله هدت ونامت
راشد : شفيها شسالفه منو ناصر ومنو وجدان .!؟
عيسى : يبه انا ادري وراح اقولكم الحين


..


حنين قاعده مع امها .. كانت حنين متغيره نفسيتها شوي .. تضحك شوي وتقعد مع امها ومع عادل اللي اكتشفت انها حكمت عليه غلط ..

وكانت مستانسه مع اخوها الصغير ..

فجأه وصلها مسج من فواز

" احبج .. فيه امل نرد لبعض "

فجأه تغيرت ملامح حنين وبدت الضيقه تبين على ويها ..

مريم : شفيج حنيين يمه من وصلج المسج وانتي مو على بعضج
حنين : يمه هذا فواز يبيني ارد له
مريم : اممممم وانتي شرايج
حنين : مادري يمه
مريم : يمه هذا قرارج وانتي كيفج
حنين : افكر وارد عليه..


..


عيسى : وهذي كل السالفه
سلوى : وشكله هذي رفيجتها بتتزوجه
عيسى : أي
راشد : لا حول ولا قوة الا بالله
عيسى : يمه .. يبه تكفوون تكلموا معاها بلين وتفاهموا معاها
راشد : أي اكيد يبه ان شاءا لله ما يصير الا الخير
سلوى : الله كرييم

وصعدت سلوى مع راشد غرفه ليال .. وحاولوا يهدونها ويفهمونها ان مو كل شخص تصدقه ..

مع شويه عتاب .. بس فهمت ليال ان اللي سوته غلط .. وبنظرها ماكو شاب يستحق ان تضيعين عمرج عشانه


كان ناصر كل شي بالنسبه حق ليال .. ولكن الحين صار ولاشي عندها .. تقدر تنساه بسهوله دام باعها برخيص عشان رفيجتها


" لا وحسآإفه .. كنت أشوفك ملاآكي "


..



حنين دزت مسج حق فواز


" سامحني فواز .. بس انت جرحتني وغلطت علي وايد وما اتوقع اقدر استمر معاك ولا اتوقع ان علاقتنا رح تنجح .. ما اقدر ارد لك .. والله يوفقك كنت كل شي حقي بس الفرحه ما تكمل "


" لا وحسآإفه .. كنت أشوفك ملاآكي "


مرت سنه على اللي صار


حنين تركت فواز .. وتحاول ما تفكر فيه .. بس كانت كل يوم تذكره لما تطلع للدوام وتشوف ورده على سياره او هديه .. كانت تاخذهم وتحتفظ فيهم بس ما تفكر انها ترد له .. وايد يخطبونها بس شالت فكره الزواج من بالها .. وعايشه مع امها وعادل واخوها الصغير وحاسه ان جمعتها معاهم تكفيها ..


ليال قررت تكمل دراستها بالديره يم اهلها وهم قررت انها تشيل فكره الزواج من بالها لأن بنظرها كل الشباب نفس الشي ..

عيسى ترك سوالفه وخرابيطه .. وصار خوش ريال يعتمد عليه ويحبه الكل وتزوج وحده ما يعرفها ولا تعرفه وعايش حياته ومستانس معاها ..


جود وحمد عندهم ولد ومستانسين وعايشين حياتهم بخير وسعاده ..

هنادي تابت لربها وقررت تكمل دراستها .. وتترك سوالف الشباب اللي ما اتيي منها الا عوار الراس ..


تمت بحمد الله



وفي النهايه اتمنى ان القصه عجبتكم .. لا توثقين بأي شاب يقولج انا احبج .. ومثل الشي لا توثقين بأي صديقه وتقولين لها اسرارج .. واحذري من كل شي حتى القريب منج !



وسامحوني على القصور واعذروني على التأخير في تنزيل البارتات .. والله اني احبكم مع ان بعض ردود البنات وايد ضايقتني بس حاولت اني اكمل القصه بسرعه وان شاء الله تكون هذي آخر روايه حقي

اتمنى انكم استمتعوا بالبارت

احبــــــــكم

 

[zooz92]

حرااام النهاااية تعوور القلب

يعطييج العااافية على القصة الحلووة حبيبتي

ولا توقفين كتااابة نااطرين يدييج

الله يووفقج ويحفظج يااااارب :**

 

[&اسرار العشق&]

وااى عوار قلب ليش حنين ماردت حق فواز مت قهر
وحيااتى دندووش تسلمين عالروايه الحلوه مثلج وبالعكس انتى فهمتينا عندج ضروف
وان شالله ماتكون اخر روايه حقج لان اسلووبج روعه يسلمووو عسووله

 

[miss disaster]

النهايه لا تعليق


يسلمو دانيا وناطرين يديدج

 

[جمال رباني]

يسلمووو ع الروايه

 

[Dalal.E]

7aaaa8eeeera rfeeejat layaaaaaaal 8ahaar wraabi !!!



thnx 3al story ;***

 

[step up]

لو ليالي ماسحه رقم ناصر من فون وجدان جان ما صار اللي صار

حراام حنين عورت قلبي

حيات والله حدها حلوه القصه يعطيج العاافيه

 

[cute princess]

وجدان :| ويع :| ارف :|
وناصر هم ويع ارف بعد
والله يعين البنات :\\\
ومشكوره تسلم ايدج :**

 

[كويتية و النعم]

وجدان وعع من قلب اهي ونااصر !!
و حنين مسكيينة عورت قلـبي و ليال بعد ..
مشكووورة حيااتي و ما قصرتي
و الله يووفقج و يسعدج ان شااء الله ..

 

[Bent extra 3asal]

يسلمووو حبوبه

 

[G!RLooNa]

تسلم ايدج بس صج النهايه تعور القلب

و ليش اخر روايه لا انشالله تكتبين غيرها

 

[Virgoan]

يعطـــــــــــــــــــيــج ألف عافية قلبي,,
من ايد ان شالله ما نعدمهــــــا

النهاية تشد, بس أخخخخ ما قلتيلنا شـ صار على هالخال العوي

فواز قهرني ليش ما سمع حنين!!! طايحله بجي من غير لا يسمع!!! شخلى حق الحريم @؟@

اما ناصر و ليال انا من اول ماحبهم كيفهم


مشكوووووووووووورة حيل و لا تيأسين من المنتدى اذا حسيتي في شي تقدمينه كتبي بليز :eh_s(6):

We Love You Sweetie

الله يحفظج لاهلج اسم الله عليج تهبلين

 

[توتا كويتيه]

الروايه روووووووووووووووووووووووووووعه

مشوره حبيبتي وما قصرتي

 

[UNiQe^PRiNceSs]

وااااااي

عوار قلب

كنت متوقعه ان وجدان حقييييره

ويعه

بس شنسوي بعد :denya:

ثانكس حبيبتي على القصه الروعه ناطرييين قصتج اليديده دندووووووش

:tomato2::tomato2:
​