مساكم الله بالخير
بنات ما يصير جذي انا تدودهت بين الصفحات نبي ارقام الصفحات الي فيهم المعلومات
ام العيال عاونيني على فلوريدا انتي وعدتيني انج تسنعين خطتي بفلوريدا علميني شسوي فيها شغبر؟؟ وين اسكن ابي فلا وحمام سباحه خبرج الجسم موت بيونسي:krkrkr: لا والله علشان اليهال
واي ابيه حاسه ان سفرتي السنه مو اوكي ما اعرف شي عن امريكا
تصدقون من كثر ما انا ضايعه امس اقول حق ابونا ليش ما نروح السنه مثل كل مره المانيا والنمسا ونخلي امريكا داير:eh_s(6):
جان يعطيني ذيج الخزه الي قمت اتنافض عاد ابتسمت ابتسامه صفرا وقلت اتغشمر معاك حوبي:dddds:
حبيبتي ظلال شوفي بسالفة الفيلا اللي تقدر تفيدج اماني لانها ماجرة السنة فيلا شوفي شلون
وشوفي انتي جم يوم بتقعدين باورلاندو ؟؟؟؟؟؟؟؟؟ظ
خلي يومين حق اليونيفيرسال ستوديو مع الادفانجر ايلاند
ويوم السي وورد
وثلاث ايام الديزني بس نصيحة لاتروحين الانيمال كنج دوم
ونصيحة نصيحة تسوقي من اورلاندو لان ضرايبهم ارخص واااااااااااايد من كالي 6.5% وكالي على ماعتقد12 عاد انتي حسبيها
خلي يوم حق الاوت ليت البرايم وبالليل تمشوا بالانترناشيونال درايف في العاب هناك
ويوم حق ملينيوم مول وبعدين روحوا البيوت اللي بالانترناشيونال درايف تراهي وايد طبي وتخيري مثل البيت المقلوب وبيت الرعب والبيت العوي وهلم جرة وهم بالليل روحي الدوان تاون ديزني اليهال يستانسون حتا انتي
وعندج فلوريدا مول هم حلو وهناك محل ام اند امز ابيييييييييييييييي مو صج اصلا ادوخين هناك
ها خلصت ايامج والابعد
وبالعكس لا تتشائمين خلج كوووووووووووووووووول احنا مو قلن نركب الطيارة ونضمن بعدين نسوي اللي نبي
وصدقيني راح تقولين ياليتني من زمان ياية امريكا
