قولولي ششتري سياره ؟

[مسالمه]

قوه صبايا جمعه مباركه

حبايبي بغيت أخذ رايكم بشتري سياره وماني عارفه شنو أشتري صالون ولا جيب

وأي ماركه انا عجبني جاكور 2011 بس الكل يسبها هالماركه وهم عجبني جيب لكزس شنو أختار وهم عجبني جيب بي أم دبليو

عفيه بنات قولولي شختار ماابي سياره سعرها فوق. 13الف

 

[pure.soul]

بالنسبة لي ما احب شكل البنيه بالجيب حددي افضل الصالون ..

mercedes فئة الـ E و الـ C حدهم ذربين ..
Lexus GS
Audi A5

 

[Arabian Beauty]

جيب bmw x6 خطييييييييير

 

[نساني نومي]

اي والله بنـات .. عطوهـا رايكم < لأني نفس الحـاله


> متاابعه

 

[ديـمه]

هاي انا احب الجيب وايد
الجاغوار كشخه وبرايي احلى خيار من خياراتج انا ماادري ليه مااحب البي ام بكل انواعه مايلفتني بالشارع
واللكزس الموديل الجديد ملموم وماهوب دفش ويوالم البنات
اعطيج خيار رابع وحلو وكشخه
وهو الكادليك اسكاليد الجيب والعادي يهبلون السعر ماني متأكده بس ان ماادري اذا الي حاطتهم مايطوفون المبلغ الي حاطته الا اذا كانت موديلات اقدم بس مااكثير والله اعرف باسعار السيايير بالكويت
على كل الله يهنيك بها ويبارك لك فيها من قبل ماتشترينها يابعدي

 

[أم حمودي**MALL**]

احس الجيب مو حلو حق البنات
الصالون اذرب
احلى شي مرسيديس e , c
او bmw

 

[بنوته جامعية]

انا ما اعرف بالسيارات

بس نصيحتي قبل لا تسوفين شكل السيارة او اي شي ثاني

عرفي مميزاتها وحوسي بمواقع السيارات شوفي الاحسن مواصفات

وطبعا لا تستغنين عن راي اللي حولج

و مبرووووك مقدما وشوي شوي لا تطيرين بالسيارة خخخخخخخخ

 

[سمراء كويتية]

على فكره يا الغاليه سيارتج تعبر عن شخصيتج
اختاري سياره ما تتعبين في تصليحها
ويعطيج خيرها و يكافيج شرها يارب

 

[عيش و مرق]

لكزس اى فئه كد ومد كشخه وسياقتها حلوه ولى بغيتى تبيعين تطير الجاكوار يطيح ابجبدج محد يبى بس شكل ما انكر يهبل ميته على بس مستحيل اشترى وابلش نفسي

 

[Model Look]

وااااي انا ميته على جيب لكزس اليديد يهبببببببل وحلو للبناااات

وربي يعطيج خيرها ويكافيج شرها

بس انا مشكلتي اهلي ما يحبون الجيب يقولون نخاف عليييييج منه وسببهم الجيب يقلب بسرعه لما يصير حااادث

وانا الحين قاعده اقنعهم فيه

 

[مسالمه]

بنات حياتي ماقصرتو انا بروح. الوكاله وبشوف اللي قلتو عنه لاني مااحفظ اساميهم

بي ام x6 يجنن بس غالي حيل


في بي ام جيب سعره 11ونص شكل جديد اللي تعرفه تقولي حلو ولا لا

والجاكور صح قالولي يطيح سعره مايسوى

امانه بنات اللي ماتعرف السيارات تقولي عالاقل اشتري جيب ولا صالون اي اكشخ بينهم

وتسلمون عالدعاوي الحلوه لكم بمثلها ان شاءالله

 

[Čut!e Quèéи]

والله الجاكور كانت عندي الصراحه بايخه وسعرها يطييييح بالارض ما تنباع كلش

جيب بي ام اي واحد تقصدين x5 ? x6

البي ام حلوه وكلاس بس ترى مع الايام خراباتها وايد لاعت جبدي منها

عندي بي ام بعد سنه بلش الخراب فيها كل اشوي يطلع لي شي وحتى الي اعرفهم مثلي

اللكزس راحه وخراباته قليله وقطع غياره متوفره بكل مكان وحتى لو تبين قطع الغيار اصلي تلقينه رخيص

سياره مريحه وهاديه و حلوه انصحج فيها والله

 

[Čut!e Quèéи]

نسيت اقول ان الكزس مرغوب حيل لو تبين بعدين تبيعينه يشترونه بطقت صبع

 

[مسالمه]

كيوت والله كنت مفكره بجيب لكزس بس أنتي والبنات قنعتوني اني اشتريه الله يفتحها بوجهكم وين ماتروحون

صالون لكزس شكله نفس الهوندا وسعر الهوندا رخيص حيل ب 5 و 6 الاف

شكلي باخذ الجيب الله يسرها لي تسلمون

 

[بحوور الشوق]

انا اقوول والله الوانيت احسن ويكد كد عندج وما يخرب خخخخخخخخخخخخخخخخ


اضحك انا اقووول جيب لكزس احسن وافضل ..

 

[مسالمه]

عجيب الوانيت لوووووووووووووووووووووول يابحورالشوق علاقل مايصرف بانزين وايد بس سلميلي على وانيتج

 

[بحوور الشوق]

حبيبتي مسالمة وانيتي يسلم عليج لوووووووووووووول

 

[LaDy-M]

لكزس احسها سياره انثويه وايد

 

[مسالمه]

ريحتو قلبي الله يريح قلبكم خلاص بشتري لكزس له شعبيه حلوه فديتكم

 

[الغلا الصعب]

اي والله انا مع البناات وايد مرغووبه اللكزس

وماتعبج


والله يوفقج باختياارج