‘ لا وحسآإفه .. كنت أشوفك ملاآكي ..! ~ قصه واقعية .. روايتي الثانية .!

[G!RLooNa]

امبيه ترا تطولين وايد والله ننسى القصه

 

[com-teacher]

حبيبتي عسى الماااانع خيييييييير

قاعدين نحاتيييج

 

[so_what]

waiting

 

[باربي حلوة]

: (
حدي متحمسه حق القصة بس وايد طولتي

 

[Danya =)]

سوري بنات انا كاتبته من امس بس توه رضى يفتح معاي المنتدى
سوري ما راح اقدر ارد عليكم وحده وحده ان شاء الله المره اليايه

البارت 21



فواز : يمه
ام فواز: هلا يمه أمر
فواز : يمه ابيج تخطبيلي !
ام فواز : هذا الساعه المباركه .. تبيني ادور لك والا حاط بالك تبي وحده ؟
فواز : لا ابيج تخطبيلي وحده ببالي !
ام فواز : منو اللي في بالك ؟
فواز : بنت خالتي حنين
ام فواز : حنين ؟!
فواز : أي يمه شفيها
ام فواز : مافيها شي يحليلها مافي مثلها واحسن شي انها بنت خالتك ونعرفها
فواز : أي يمه
ام فواز : بس يمه انت صغير عالاقل انطر ليما تتخرج ويصير خير
فواز : لا يمه انا ابيها الحين نملج وبعد ما اتخرج نتزوج
ام فواز : ولا يهمك الحين ادق على خالتك واقول لها
فواز : مشكورة يمه

خذت ام فواز التلفون ودقت على مريم ..

ام فواز : ألسلام عليكم
مريم : عليكم السلام
ام فواز : شلونج شخبارج
مريم : والله بخير انتي شلوونج
ام فواز : ألحمدالله بخيرر .. والله داقه يا اختي ابيج بموضوع
مريم : آممري
ام فواز : والله ولدي فواز طالب يد بنتج حنين
مريم : فواز ؟!
ام فواز : أي والله توه مكلمني
مريم : والله مادري شقولج
ام فواز : شنو ؟
مريم : والله حنين ما تبي تتزوج
ام فواز : ليش؟؟؟؟؟
مريم : توه من قبل جم يوم متقدم لها واحد من طرف عادل ورفضته
ام فواز : يمكن ما تبيه
مريم : اهيه مو رافضته بس .. رافضه فكره الزواج نهائيا
ام فواز : وييي شدعووه
مريم : أي شدراني عنها
ام فواز : زين كلميها
مريم : ولله ما ودي اردج بس اهيه قايله بلسانها ان ما تبي تتزوج
ام فواز : يصير خير يالله عيل مع السلامه
مريم : الله يسلمج


..

صعدت ام فواز لفواز ..

ام فواز : فواز يمه
فواز : هلا يما ها كلمتي خالتي
ام فواز : أي
فواز : ها شصار ؟
ام فواز : كلمت مريم بس تقول حنين رافضه فكره الزواج وما تبي تتزوج
فواز : شنوو ؟! زين جان سألتها !؟!
ام فواز : تقول تو متقدم لها واحد وقالت اهيه رافضه فكره الزواج
فواز : زين خير

خذ موبايله وطلع بره ..

ام فواز : يممه فواز شفيك

فواز ما رد عليها وطلع من البيت وصعد سيارته .. ما يدري وين يروح

بس يحس بغصه في قلبه

خذ موبايله ودق على حنين ..

حنين : الو
فواز : حرام علييج حرام ليش تسوين فيني جذي
حنين : انا شسوويت شفييك
فواز : حنين والله ابيج كفايه عذاب
حنين : فواز انت شتخربط ؟!
فواز : ما تفهميني ولا راح تفهميني آآه

وسكر الخط ..

حنين كانت منصدمه من فواز .. كان كلامه مثل السم ..

كانت صوته متغير .. كلامه متغير .. مو فواز اللي تعرفه .!!

تحبه .. تعشقه .. بس حاسه الظروف ضدهم !!


خير شفيه صوتك خير .. حبيبي قول وعلمني
والله لأقلب الدنيا علشانك وازلزلها
أحس بنبرتك شي غيير .. شي يوجع وذااابحني
والله يا حبيب الروح حياتي فدوة لك خذها

*

إذا خوفك من الفرقا خذها يا الغلا مني
انا والله من دونك دروب الحب ما ادلها
واذا خايف من الدنيا تعال بجنبي واحضني
وخلي بكره لبكره واكيد الله يسهلهاا

*

..

بالطائره ..

وجدان : ليال ؟
ليال : هلا
وجدان : شفيج كله ساكته
ليال : مادري
وجدان : اول مره تسافرين بروحج ؟
ليال :أي اول مره اسافر بروحي واول سنه بدرس بره
وجدان : يحليلح انا هذي ثاني سنه
ليال : تدرسين طب بعد ؟
وجدان : أي
ليال: اها بالتوفيق
وجدان : اجمعين
ليال : مادري شبسوي احس ما اعرف احد ولا ادري شلون اتصرف
وجدان : افا عليج انا عندج ولا يهمج أي شي تبينه لا يردج الا لسانج
ليال : مشكورة والله ما تقصرين

وتموا ليال ووجدان يسولفون مع بعض واكتشوا انهم مع بعض بالسكن وبالجامعه ..

وجدان : حبييتج والله
ليال : وانا بعد
وجدان : عاد اول ما كلمتج عبالي مغرورة
ليال : هههه الكل يقول عني جذي مادري ليش
وجدان : أي ليش كلمتج ولفيتي ويهج هههههه
ليال : مادري مو بسرعه اتأقلم مع ناس ما اعرفهم
وجدان : كا وصلناا

ليال كانت خايفه من اللي ياي .. وهم ودها تحط بالها على دراستها وترد الديره واهيه دكتورة كبيرة يفتخرون فيها اهلها ..

وصلوا السكن وجدان وليال ..

وحطت ليال اغراضها بالغرفه ..

وجدان : ونااسه ترى انا يمج هذي داري اوكي أي شي تبينه قوليلي
ليال : ان شاء الله عاد تعالي زوريني علطول
وجدان : من عيوني

حست ليال بالراحه من وجدان .. وحست انها راح تهون عليها الغربه

خذت موبايلها ودقت على اهلها ..

راشد : هلا والله ببنيتي
ليال : ييييبه ولهت علييكم
راشد : يه توج يووم شدعووه
ليال : مو قادره اعيش بدونكم
راشد : يبه شالكلام كملي دراستج وخلينا نستانس فيج
ليال : ان شاء الله خلني اكلم امي ولمياء

وكلمت ليال امها ولمياء .. وسكرت الخط

حست بوحشه الغربه من اول يوم ..

انسدحت بفراشها ولمت مخدتها وصارت تبجي ..


..

بشقه عيسى ..

عيسى قاعد ويتكلم بالتلفون واول ما دشت هنادي

عيسى : اوكي حياتي اكلمج بعدين
هنادي : منوو هذي
عيسى : وانتي شكوو
هنادي: شنو انا شكو انا مرتك
عيسى : يالله ذلفي
هنادي: عيسى شفيك امس كنت شحلاتك
عيسى : مو عبالج لأن صار بينا شي يعني انا احبج!
هنادي: عيل !؟
عيسى : انتي غصبا عنج تسويلي اللي ابي فاهمه
هنادي: مو بكيفك
عيسى : انا مو بكيفي

وقام وطقها طق ..على راسها .. وجسمها ..

وهنادي تبجي وتصرخ حييل ..

دشت سلوى تركض لما سمعت صوت صراخ هنادي ..

ومسكت عيسى ..

سلوى : انت شتسسوووي
عيسى : خليني اذبحها وافتك منهاا
سلوى : حرام عليك شمسوي بالبنت
عيسى : خليني اذبحها مابيهاا الوصخه
سلوى : عيسى خلاااص شفيك

عيسى تركهم وطلع معصب ..

سلوى راحت يم هنادي وحاولت تشيلها .. بس هنادي كانت تعبانه ومهدود حيلها ..

وشالتها وحطتها على الفراش وهنادي تبجي وتون من الالم ..

سلوى : ميخالف
هنادي: ماقدر اتحمل اكثر
سلوى : انتوا حطيتوا نفسكم بهالموقف وضيعتي نفسج
هنادي :الحين صرت انا الغلطانه
سلوى : مو بس انتي .. انتي واهوا
هنادي: ابي ارد بيتنا
سلوى : شنو ؟
هنادي: ماقدر اتحمل برد بيتنا خل يطلقني
سلوى : ممم اللي تشوفينه
هنادي: بقوم اشيل اغراضي
سلوى : خلاص انادي الخدامه تساعدج
هنادي : اوكي


حست هنادي انها حامله عبء كبير على راسها .. وقررت انها تنهي هالموضوع .. تحملته وايد على أمل ان يتغير .. حست انها ذلت نفسها .. حست انهاطيحت بكرامتها .. لي هني وكفايه

لمت اغراضها وراحت بيت امها ..

وما كان احد يدري من بيتهم شاللي صاير .. بس هنادي خبرتهم ان اهيه وعيسى مو متفاهمين وما يصلحون حق بعض ..


..

حمد دش حق جود الغرفه وكانت نايمه ..

حمد : جوود
جود : نعم
حمد : قومي بسج نوم
جود : اوف حمد خلني تعبانه
حمد : شنو تعبانه كله نايمه انتي بس ما صارت
جود : شنوو انت ما تحسس !ّ انا تعبانه وحامل وانت تحن على راسي
حمد : انتي ليش تكلميني جذي ليش اسلوبج معاي خايس
جود : اووف
حمد : كلميني
جود : بس
حمد : جود انا مضايقج ؟
جود : لا بس مو مشتهيه شي خلني بروحي تكفى

طلع حمد من الغرفه متضايق .. راح بيت اهله واول ما دش شاف امه بالصاله ..

حمد : السلام عليكم
سلوى : عليكم السلام هلا يمه
حمد : شلونكم
سلوى : بخير
حمد : ها شلون ليال دقت عليكم؟
سلوى : أي دقت وكلمناها الحمدالله بخير
حمد : زين
سلوى : عيل وين جود من زمان ما نشوفها
حمد : شدراني عنها
سلوى : شفيك ؟ صاير شي بينكم انتوا بعد
حمد : مادري يمه صايره كله عصبيه وما تتحملني
سلوى : هههههه ميخالف يا يمه لأن حامل
حمد : حامل جذي تعاملني وتكرهني
سلوى : أي ميخالف نساتها جذي
حمد : الله كريم .. شصاير ليش قلتلي صاير بينكم شي انتوا بعد
سلوى : والله اخوك مأذني البنت
حمد : ليش شصاير ؟
سلوى : مو متافهمين والبنت تبي طلاق
حمد : مداهم
سلوى : أي عن المشاكل
حمد : اهاا

..

في بيت مريم ..

مريم : عاااااادل الحقني

يه عادل يركض ..

عادل : شفييج عسى ما شر
مريم : مادري مادري شكلي بولد
عادل : ويييييي نطري . اووف شسوي
مريم : مادري تصصرف بموووت ااه

عادل ركض وخذ الموبايل ودق على اخت مريم ام فواز ..

وبالمستشفى ..

كان عادل وام فواز ينطرون الطبيب يطلع ..

وبعدها بدقايق وصلت حنين و تمت تنطر معاهم ..

طلع الطبيب : انتوا اهلها ؟
عادل : أي انا زوجها

 

[حقووقيــــــه]

ونااسه اناا اول وحده اررد


يعطيييج الف عافيييه دانيه .. ولهناااعليج ....

والبارت عجيييب بس حساااافه جاان زين حنين تصارح فوااااااااااااااااااز :s

 

[foshiya]

oooooo555 la ykon tmoot bss @@
laaaaaaaaa2 7ram 7anen
lool alaft ge9a 3adi it's oka
yeslamo 7yati 3la elpart kmlay 7da good :*

 

[shoOshii]

laaa2 7raam la tmout
o0 7anen mskena bs loo tgoul 7g omha aw fwaz
o0 thanq 3la al.part 7ubii
wating u

 

[توتا كويتيه]

كملللللللللللللللللللللللللللللي بليز

 

[احب الصالحين]

يسلموعلى البارت
مشكورة وبارك الله فيك

 

[$ فراولة $]

الا عندي سؤال ..........
شاللي كان مانع حمد من جود اول زواجهم ؟ وكان كله يقووول مو بايدي ؟ ليش اهو شنو كان فيه بالضبط ؟

 

[هاناا]

يسلموووووووووووو

على البارت المشوق

 

[com-teacher]

ويييييييييييييتنغ

ادري اذيناااج

 

[@أحلاهم وأتحداهم@]

يسلمو على البارت الحلو بس حاسه انه ام حنين صار معاها شي
بلييييييييييييييييييييييييييز لاطويلن علينا وايد بديت انسى القصه

 

[قلب نواف]

كملي

 

[G!RLooNa]

يعطيج العافيه

 

[miss-_-smart]

يعطيييج العافيه.....ناطررينج

 

[دمعه حزينه]

بانتظاااااارج حبيبتي ..


عسى مو البيبي فيه شي؟

 

[ladeen]

اوووف يالله عاد كل هالنطره اخرتها هالبارت
ونهايته اللي مادري شلون قايله :/

 

[zooz92]

وييي الله يستر شفييها ام حنين !!

يعطيييج العاافية على الباارت دندووشة

ناااطرينج ..~