فضفضة أبلة قلبه متروسا وايد مقهورا + قلاص جاي مخدر

[عهود الحب]

السالفه متشربكه لووول

بس والله انقهرت انا معاج واحتريت

مارضى عليج يا ابلتي :hjy5jewf:

تسلمين ليلاس
سلامتك من القهر يارب
لاتحترين باجر اخذ بازوكا وافجر الروضة ههههههههههههههههه
ارهابية صرت

 

[عهود الحب]

هلا عهود

اول شي حابه اقول ان ردودج كثير تعجبني


شوفي حبيبتي انتي اذا مو عاجبج جو الروضه شاللي حادج تقعدين فيها .. ترى ان انتقلتي هم الخسرانين

انتقلي انتقلي وانتقلي لحد ما تلقين الروضه اللي تقدرج وتقدر جهدج

وربي يوفقج

هلا احساس بنت

تسلمين اول شي عالكلام الحلو عسى ربي يحلي ايامج

وتوقيعج حلو والله تعلمت منه استغفر الله كل ما اقدر واتذكر
جزاك الله خير عليه وعسى ربي يرزقج الاجر عن كل من ذكرتيه واستغفر


بالنسبة للروضة


ياقلبي انا لي سنيييييييييين مدرسة خلاص صرت على قولتهم بعنق الزجاجة

يا اتقاعد ولا اترقى

اهو الوضع صعب بحكم السن والصحة كل مالها تصير اي كلام ياعبدالسلام

و بحكم انه الحين محد يعطي من قلب مثل الجيل القديم

يمكن انا كبرت وبديت اتعب
بس ما اذخر من عمري
ياربي الواحد لازم يحلل معاشه شلون اجل ؟؟؟


والله يهدي كل من يظن انه المعاش يجي ببلاش
اتمنى الكل يحس مثل ما احس انا انه المعاش لازم نحلله ماناخذه وبس لازم نتحرى الحلال من الحرام

وشاكرة لج اهتمامج وردج عسى ربي يعلي شانج :edbf4317b9:

 

[أبوي تاج راسي]

الحين ياعهود اللي يفضفض يقولون له ما عندك سالفة وصارت فيني ونصيحة من القلب سوي اللي عليج وباقي الاشياء خليها عليها وصارحيها وقولي لها واذا ما شفت منها رد فعل ايجابي فهذي انسانة صراحة عجيبة . لان والله انا وحدة واعوذ بالله من كلمت انا انه مرات اداوم وانا تعبانة والسبب اني افتشل اغيب ويصير الشغل على اللي معاي .فليش الوقت هذا ياكثر المدرسات الجدد من النوعية بس والله مع اني معاي عملي بس ضليمتها شينة من فهمتها طريقتي ان انشيل اغراضنا بعد الحلقة ونرتب المخزن ونرتب الاركان الحمدلله مرتاحة من السالفة هذي بس الغياب وترتيب سجلات الاطفال والمناسبات وفما زالت ولاتزال على مر سنتين واهو على راسي والسبب العام المدرسة اللي معاي غابت بسبب ظروفها العائلية .والسنة مدرسة عملي وبعد اربع مواد معها الله يعينها يعني مستحيل اطلب منها شئ .
وللعلم خبرتي خمس سنوات وما سكة صف صارلي ثلاث سنوات .فلا تشكين لي ابكي لك ....ههههههههههههه

 

[*أم*خالد*]

يا خواتي ترى احنا على اللي نشوفه بالروضة لازم نشتكي ونقول غير جذي اذا حبسناه بقلبنا ننفجر

عهود يعني بازوكا احسن من السحر ؟؟ هيهيهيهي رفقا بالقوارير يا اختي

باجر انا اييبلج ذاك الطبوب اللي يخلي كل الروضة تحب راسج والناظرة بكبرها كشرتها شاقه حلجها من فرحتها فيج لا وتصيرلج جذي :082502bye_prv:

 

[انفاسي]

اقري كتاب لا تحزن لعايض القرني راح تستفيدين

 

[التحدى والاصرار]

اخ اخ يا عهود همى من همج

 

[عهود الحب]

الله يسامحج رفعتي هالموضوع
قلبتي الموااااااااااااااااااااااااااااااااااااااااااااااااااااااااجع

 

[{ملاك}]

ياريت مجلس الامة يوافقون على التقاعد المبكر للمرأة لأن اذبحونا

والله يعيننا وإياج حبيبتي .. وايد مثل نمونتج .. ومنهم أنا حتى اللي بالصف معاي مقروده ، كله طايحين علينا الادارة بمواقف بايخه ..
مادري شلون .. مثال بسيط .. كل الابلات اللي تحبهم الادارة يطلعون فترة الاركان يسولفون مع الصف اللي يمهم ، وانا واللي معاي لو بس نطلع شوي ناخذ شغله من صف يمنا ، طاحوا علينا :/ نقول شالحظ استغفر الله .. وغيره وغيره مثل ما تفضلتي

 

[lolowawa1234]

عهوووود

انتقلييييي روضه يديده

واذا تبين اسم روضه ترتاحين فيها وتلاقين ناس تفهمج وتقدرج والله عندي

انا معلمه يديده بقراطيسي ماعرف شي بس للامانه لما اشوف اللي وياي تكرف وتسنع وانا مامني فايده اروح ارز فيسي وياها احاول اريحها بشغلات اشيل عنها اشياء
لما تكون تعبانه اقدرها اساعدها بكل شي اقدر عليه وكل شي اطل عليها حتى لو ماعندي شي فلانه محتاجه شي!!

فلانه ريحي شوي شكلج ماسكه طول اليوم ومو نايمه عدل

على عيني وعلى راسي شايلتني شي اشيلها نفس ماهي شايلتني وزود اما اللي تسولفين عنها اسمحيلي مادري شلون صايره

اما الناظره فهي الكل بالكل لايمكن اقعد بروضه وانا مو متفاهمه مع ناظرتها
بعدين شخبااااري ناظرات اللي جذي عبالها انها صاحبة سمو ملكي؟؟؟

الناظرات اللي الحين الموديل اليديد قصدي رواقه وحلاة وسنع
ابله تشتغل اشيلها فوق راسي واقدرها واللي ماتبي تشتغل وماسكه صفها على اكمل وجه مو لااااازم الله الغني عنهاا
اما بقايا العصر الحجري يتراوالي انهم اتقرضو....

اللي احب اقوله يا عهوود لا تقعدين بمكان مايعطيج المكانه اللي انتي تطمحين لهاا
بعدين صج بقولج على شغله
خبري المعلمات الخبره يخففون عنهم كل شي ويتقاضون عنهم حتى لو مو نازلها اشراف يمكن اهي ماتبي

اذا تبين الروضه اقولج عليها

 

[عهود الحب]

شنو اسم الروضة لولوة


انا انتقلت الحمدلله



بس اكتشفت انه رياض الأطفال بكل مكان اهمه اهمه مافي شي يتبدل اللهم الا الوجيه والاسماء


اما التصرفات والعقليات هيا هيا

 

[غزيل الفله]

أمبيييييييييه عنوانج عجيييييييييب يابنت الحلال هذى الدنيا مالنانصيب نتعب ونتغربل عالفاضى أحتسبى الأجربس عند رب العالمين

 

[عهود الحب]

يحليلج غزيل الفلة من وين طلعتي تبارك الرحمن
عاش من شافج

اي صدقتي
الحمدلله محتسبة الاجر عند الله

 

[المستغفرة 74]

نظام الروضة عموما هو
ان حبتك عيني ما ضامك الدهر
وهذي نظرتي الي من خلال تجربة عمرها 12 سنة كراف
والله يعين

 

[قهوه وشاهي]

عهوده الغاليه انا بتقهوى واقرا موضوعج اللي كل عاده ( مايخبر )

ولن اناقش في كلماتج اللي دايم درر ونقل حي ومباشر لواقعنا المر

 

[شيري]

ووويع يالروضه اللي الكل حاسدنا عليها:rgewrg: بسبب قصر الدوام اهم صح كلهم كم ساعه اللي نداومهم بس والله كل وقتنا مأسي وتعب وكراف انا احس نفسي ادور في حلقه مفرغه لحد ما قدرت اتشجع وقدمت استقالتي وبقعد بالبيت والحمدلله:dfgl: لاااااااااااا للروووووووضه:lkmnkl:​

 

[عهود الحب]

حبيبتي قهوة و شاي
اشلونج واشلون صحتج عساج طيبة
يا حلو الصبح اللي نتصبح فيه على قهوة وقدوع و بوسط عيالنا
بدال مراكض الصبح
يا الله راح الكثير وما بقى الا القليل الحمدلله

 

[عهود الحب]

ام الكتاكيت !
قدمتي استقالتج صج ؟؟؟؟؟؟؟؟؟؟

افا
والله كنتي مبدعة بشغلج

حسبي على من كرهنا بالدوام


طيب نستقيل وين نولي من وين نصرف
نبي فلوس نبي معاش شنسوي؟؟؟

 

[شيري]

حبيبتي عهود اشلونك ..............صج انا قدمت استقالتي والحمدلله وأخر يوم لي بالدوام أهو أخر يوم بالسنه الدراسيه وروضتي حلووووه وناظرتي ووكيلتي والمشرفات والابلات حتي الاطفال ما يتعوضووون روعه بس خلاص مليييت لي متي؟؟؟ والله ما طلعت من الروضه الا بأمراض الدنيا ولاحظي اكتر المدرسات اللي فيهم دسك وعوار رقبه ويد مدرسات الروضه وهذا كله من كثر المناقز والترقص ووقفه النشاط و الفرصه وغيرررررررررره

واذا علي مصرف الفلوس ياختك ما شفت الحريم القاعدات بالبيوت ماتوا ولا صار فيهم شي العكس ما شااء الله عليهم يلبسون أحسن لبس وبيوتهم قسايم ومفروشه أحسن فرش ووجيهم منوره من الراحه حتي سوالفهم غيررررر حياه حلوووووه مو احنا نروح ونطلع نفكر ..............باكر شقدم بالحلقه والصفي واللاصفي غير باقي الفترات ...... انا كني ماصدقت خبر وانيطييييييييييت شنو بقي بعد شي ما قلته :fun22:​

 

[صآعده تحت}..]

يوو عهـووود تعذيب يختـج [I

انا برايي قومـي بدورج لابزياده ولا بنقصـان

وقسمي النشاطات بينج وبين الانسه الثانيه

​

والله يكون بالعـوون ترا وربي ماكنت ناويه ارد

لان ماعندي ذيك الافكار بس خفت من ان بدلتي ينكب عليها مرق

هههههههههههههه الله يسامحج على هالدعوه

​

 

[عهود الحب]

هههههههههههههههههههههههههه صاعدة تحت حبيبتي والله سلامة البدلة وراعيتها

ام الكتاكيت
تصدقين ببجي
انا طول عمري افكر استقيل انتحر اقط روحي من الدريشة
الطم ابجي اصيح من قمة راسي

ضغط ضغط


بس ما جتني الشجاعة اني اسويها


انتي سويتيها وخلااااااااااص فونيش
عفية عليج والله

بس انا مشكلتي انا كادود البيت عرفتي
والرجال حالة حال الكبت الي ماله عازة وبابه مكسور بعد مساحة عالفاضي بس
عرفتي


والحمدلله انا باقي لي سنة و جم شهر والله مومصدقة
قاعدة اعد العد التنازلي


يا الله اللي صبرني 17 سنة مدري 17 قرن

يصبرني اخر مدة من عقابي بالحياة


وبس


صدقيني وقت ما اطلع من التربية والتعليم ماراح اطلع بسكات


يمكن اطلع على حنطور من الروضة للبيت وانا اغني و اركب الحنطور درقن درقن


اااااااااااااااااه بس خليني سااااااااااااااااااكتة
عسى ربي يوفقج بحياتج العملية والبيتوتية < شخباري هالجملة