حملة نبيها "حنة" خلونا نرجع للشي الطبيعي يابنااات

[فـرفـر]

قووووة فرفر
اليوم انا حاطة حنة
شعري قصيته حيل
والحين حطيت مع الحنة سدر ومغلي البابونج وشوية مسمار مطحون تقريبا عشر حبات

والله ابي شعري يطول لان الكل امعصب علي لما قصيت شعري
شسوي انحديت اقصه لان الصبغ لاعب فيه لعب
واضطريت اقصه تقريبا نفس البوي بس على اطول شوي عشان اتخلص من الشعر التالف

ان شالله يطول ويوصل لاكتافي عالاقل

نعيمااااااااااااااااااااا

عادي حبوبه نيوولوووك


انتى استمري علي الحنه ودابر املا تري يطول الشعر بسرعه بس استمري عليييه مرتين بالاسبوع


وغمضي وفتحي عينج ان شاء الله الا شعرج واصل لكتفج بس استمري :ggdw:

 

[فـرفـر]

عاد انا احب السدر اكثر من الحنه واحس نفس الفايده
الحنه كلش ماحبها من وانا صغيره

السدر يهبل بس الحنه فايدتها حلووه بعد :eh_s(6):

 

[فـرفـر]

اشلونكم بنات الحملة

عندي سؤال ... انا الحمدلله احط حنه بشعري .. بس فيه شيب

والشيب مع الحنه ما يصبغ بس يصير لونه برتقالي شنو الحل؟؟ ابي الشيب يصير غامج ما يبين

بخير ياقلبوو

حبوبه امي تصبغ شعرها بصبغه بيت بني غامج وبعدها ترجع للحنه
بس في الحنه السوده والكتم بس ماعرف طريقتهم
وحياج الله

 

[Miss sensitive]

هدوء

حطي حنه
وبعدها بيوم حطي قفشة كتم مع قوطي روب وان شا الله يصبغ ويصير اسود
هذي طريقه امي والحمد لله يتغطى الشيب

 

[@الياسمين@]

انا اليوم حاطه حنه

ودي اجرب السدر ... شلون طريقته وشنو فايدته؟؟

 

[Turquoiseya]

سمعت ان منقوع المرمية مع الاستخدام الطويل يغمج الشيب وتوقف ظهوره
للحين ماجربت بس ان شالله عن قريبا احطه مع منقوع الاس واخلطه مع الحنة

 

[بنت الاحلام]

انا حطيت حنه اول امس احس براحه ووناسه
البنات الي عندهم مشكله الشيب انا كاتبه موضوع كامل عن الشيب وعلاجه وتغطيه جيكو ملفي

 

[فـرفـر]

اب

اب

وحياكم الله

 

[ام بشبش]

الله وناسه انا ابي بعد احط حنه لان والله يابنات من كثر مايقولون على شعري جنه باروكه والله العظيم الحين قاعد يحت خصله بخصله وماادري شسوي غيرت الشامبو واستعمل الحين طبي وادهنه بسبوع مره بس ابي اشتري دابر الاصلي بو ريحه هذا احسن شي وعن تجربه والحين ابي احط حنه بس عندي مشكله انا شعري اسود اذا حطيت حنه يصير اشقر ماادري ليش ابي حنه سوده من وين تشترون اصليه وشنو الكتم ويعطيكم الف عافيه

 

[فجر العنزي]

شعري مادري اشفيه يطيح
مع اني احط حنا وسدر وادهنه

لكن لازال يتساقط

الحمدلله على كل حااااااااااااال

 

[Turquoiseya]

شلوووونج فرفر

اليوم حطيت حنة وشريت من الحواج زيت السمسم وزيت الاس عشان احطهم عقب ما اغسل راسي من الحنة
يقولون ان زيت الاس يطول الشعر
دابر املا ما اقدر احطه00 حطيته مرة وحدة وبالصدفة دخل زوجي الشقة وانصرع 00 مع اني قايلة له لاتجي البيت كلش 00 بس حصل انه جا لانه كان ناسي شغلة وبياخذها
وقال انا متزوج كويتية ولا سيلانية 00 لاعاد اتحطينه 00 ماتوقعت ريحته قوية لهالدرجة

وقتها تمنيت الارض انشقت وابلعتني 00 اسم الله علي

خن جرب زيت الاس يمكن يعطي مفعول قوي ان شالله

 

[بنت الاحلام]

حطيت حنه اليوم وغسلت

بنات يحت من الحر

الجو الحين مو شي حر ورطوبه ما يساعد الشعر

 

[ام بشبش]

بنات في زيت للشعر من هيمالايا حلو ومافي ريحه

 

[@ناعمه@]

آنا احط السدر والحنه مرتين بالشهر

مره حنه بالسدر (4 ملاعق حنه + 2 ملعقة سدر )

ومره سدر بالحنه (4 ملاعق سدر + 2 ملعقة حنه)

طبعا مع اشوية زيت + ماي البصل والثوم + قهوه

 

[بنت الاحلام]

مادري انا احب سنفرات الهملايا اما زيت ولا مره جربت مرتاحه ع زييتي

 

[فـرفـر]

شلوووووووونكم يالغزلاااااااااااان


انا هالفتررررررره كلش ماحطيت حنه
جدتي بالمستشفي لها اسبوعين وطول الوقت عنده مالي وقت كلش حتي اسوي شي لشعري





بس ان شاء الله احاول احط نهايه هالاسبووع

 

[فـرفـر]

شلوووونج فرفر

اليوم حطيت حنة وشريت من الحواج زيت السمسم وزيت الاس عشان احطهم عقب ما اغسل راسي من الحنة
يقولون ان زيت الاس يطول الشعر
دابر املا ما اقدر احطه00 حطيته مرة وحدة وبالصدفة دخل زوجي الشقة وانصرع 00 مع اني قايلة له لاتجي البيت كلش 00 بس حصل انه جا لانه كان ناسي شغلة وبياخذها
وقال انا متزوج كويتية ولا سيلانية 00 لاعاد اتحطينه 00 ماتوقعت ريحته قوية لهالدرجة

وقتها تمنيت الارض انشقت وابلعتني 00 اسم الله علي

خن جرب زيت الاس يمكن يعطي مفعول قوي ان شالله

بخير ياروحي انتى شلوووووونج

ياااااااااافشله ماتسوا عليج حطيتي دابر
لانه ريحته حتي لو تغسلينه تلزق يومين خايسه

خلج علي زيت الاس وقولي لنا نتايجه
وحياج الله يالمزيونه

 

[ليان كل الحلا]

مرحبا بنات شخباركم
حيل عجبني الموضوع قلت لازم اقولكم عن قصتي مع الحنه وانا الحمدالله من كنت صغيره امي مربيته ع الحنه وبقولكم الطريقه كانت امي تعجن الحنه وتاخذ قشر الرومان تلقونه عند الحواج وتخاذين منه كثر ايدج يعني خمطه مع كوب ماي ويطبخ بجدر صغيرلمايفوح ويتطابخ وتشخلين ماي ع الحنه مع قفشه شيقور تلقونه عند الحواج وخليه ع شعرج خمس ساعات لما تحسين الحنه تشربها شعرج ونشفت بعدين غسليها من شعرج لماينشف دهني شعرج بزيت الزيتون شوفي شعرج شلون يصير والله يابنات شعري يجنن غزير بس جاتني نفس وحده وبعيد الشرعنكم صارت لي نفس العقره كبيرة حيل اخر رقبتي من ورى عند شعري اضطرت امي وجدتي يقصون نهايه شعري شنو دم ووجع سبحانك ياربي نبت الشعر من جديد
الحين متزوجه ام عيال شعري طويل بس موكثيف نفس قبل بروح اقصص اطرافه اليوم عند هبه بصالون حنان دشتي ببدى معاكم الحمله وبعد بسوي شي ثاني بحط سدر مع كثيره مرة بالاسبوع كل اثين وانشاءالله يرجع نفس اول اميييييييين يارب

 

[ليان كل الحلا]

بنات ابي اسءلكم شنو زيت الاس في له ماركه معينه شلون اعرف الاصلي مشكورين؟؟

 

[*رموسه*]

الله يقوم جدتج بالسلامه يا فوفو

وماتشوف شر


اما بالنسبة للحملة انا مستمرة الحمد الله كل يوم اثنين احنى وانا اللحين اكتب والحنه على راسي
حطيت بالحنه ( حنا وسدر و محلب و زيت جوز الهند وعسل ) وعجنتها بماي الحلبة بس ريحتهاااااااا تصك الراس
بس شنسوي نبي الزين:eh_s(22):