زواج الحضري للبدويه

[ام نايف وشهد]

السلام عليكم خواتي بسالكم سؤال وهو خاص بالفتاة الكويتية عندكم باالكويت بالنسبة للزواج ممكن يزوجون البدو بناتهم لحضري او فيه استثنا يعني ممكن ايه وممكن لا موضوع يهمني كثير

 

[المدينه]

عادي حبيبتي في ناس وناس ماترضى الا بطلعة الروح

بس احضري وبدوي شالفرق اللي بينهم كلهم كويتين

 

[pink*paradise]

انا بدوية متزوجة حضري عادي
محد بأهلنا خذا بدوي كلنا خذينا حضر
واحنا بدو بس حييييييييييييل متحضرين
ولما نخطب حق اخوي بدوية اوووووووو أهلها يطيرون من الفرحة

 

[DooLy88]

التفرقة حرام الله مايرضى للأسف للحين في ناس عقليتهم من عصر الجاهلية

 

[حرم راشد الماجد]

النصيب يصيب ماله شغل حضري ولا بدوي

 

[رافعه الحاجب]

مادري اتوقع الحين عادي اول كانوا حيل متشدين .. الحين تفتح وصار الوضع عادي ومافي فرق

 

[ابله رشا]

ذاك اول الحين عادي نصيب و كتبة ربج

 

[ديناا كوليكشن]

التقاليد والعادات ماتتغير على حسب حضرى عن

حضرى يفرق اعقد مفهوم قصدى

 

[هيبة فتاه]

الله يوفق الكل سواء حضري ولا بدوي

 

[miss_jamsheer]

الحضر عادي تقريبا بس البدو شوي متشددين يعني عندهم بنت العم لولد العم بس طبعا مو الكل

 

[ريماس77]

حبيبتي عادي شالفرق بس في ناس مايرضون انا اخو لرفيجتي خطب بدويه بس ابوها وافق تالي قام يعذرب اخاف يعايرج انج بدويه شسالفه عاد اهو تبارك الرحمن ملتزم واخلاق وبس ينطر ابوها يمكن يغير رايه /COLOR]

 

[ام بديير]

اوااافق كلام اختي حررررم ...

 

[a7la_7b]

عادي حبيبتي أنا بدويه و زوجي حضري بس الموافقه اتم بعد طلعت الرووح لازم يسألون مليون مره عن الولد
وبالاخير أهم شي اخلاق الولد سواء كان حضري او بدوي والله يوفق الجميع

 

[لجين]

انا حضريه وزوجي بدوي

وعادي ما احس في فرق او مشاكل

الامور خلطبيطه ..

والناس الحين تدور الستر ما تفكر

بحضر ولا بدووووو

 

[راعية الطويلة]

ما فيها فرق كلهم كويتين

و ما راح يفرق شي

:tek::tek::tek:​

 

[miss_math]

عادي

المهم الدين والاخلاق

 

[sunshine22]

وليش يعايرهااااا حبايبي


بنات
الصباح <<<<ساسهم بدو من قبيله عنزه
الخرافي <<<<ساسهم بدو من روضه سدير
العيسى
الوزان
العوائل الراقيه بالكويت <<<<اصلها بدوووو
وحكام الخليج اصلهم عنزي


اشفيهم البدو
ساسهم الكـــــــــرم هالصفه اللي مو عند كل احد اللي ما نشوفه عند غالبيه الحضر وهالشي بحد ذاته فخر لكل بدوي وبدويه ولا يزعلون الحضر ترا هذا الوااااقع





حتى لاحظو الحضر لي قااامو يتفاخرون بساسهم واصلهم قالو احنا (( حضر نجـــــــادى )) يعني ارقى من اللي ساسهم ايراني او عراقي...من نجد من السعوديه



مااشوف فيها عيب اساساااااا

وترا نظرتي نظرت المجتمع الكويتي بشكل عاااااااااااااااااااااااااااااااااااام وكل من قلتلته وجهت هالنظر هذي قالو اااااااااي صاااااجه يعني لا تجي وحده تتفلسف وتقول عيب وما عيب خلونا نصير واقعيين

===================================================

 

[ام احلى خلودى]

مافيها شى اهم شى الاخلاق .. بس فى بعض العوايل ماترضى

 

[G!RLooNa]

على حسب اذا بدو حجرين وايد و لي الحين تفكيرهم نفس قبل ما يرضون,,, اكو بدو متحضرين يرضون,,, و يمكن حتى لو متحضرين اكو الحين ياخذون من بعض

 

[al7lwa` `]

حبيبتي على حسب

البدو عاادي يزوجوون حضري بس على شررررط ان يكووون اصييييييييييييييييييييييييييييييييييل مو شرط من نفس القبيله

بس يكون معرووف أصله من وين!