.·:*¨`*:·. دوانيه المغتربات .·:*¨`*:·.

[q8_toffee]

هلا والله درقاء والله البرد راح بس ياييلنا مطر وعواصف شوي بس الجو احسن من قبل واحسن من البرد والثلج
انتي شلونج شخبارج مع حر الكويت ؟؟ متى ناويه اتيين امريكا انشاءالله ؟؟ وباي ولايه بتقعدين ؟؟

ام برطم الله يسهل عليج يارب وتولدين بسلامة

مجنونه احنا امس شوينا الجو عجيب واليوم ماكو شي يديد بالبيت والنادي

 

[o_mermaid_o]

بنات اليوم ايستر داي وما في شي امبطل فشنو قاعدين اتسوون

الصبح رحت جمعيه الاسلاميه وقلت العصر بروح تارقت ورحت مع رفيجتي وابوها انصدمنا كلشي مسكر ماعدا ول مارت بس مالنا مافيه خضرا عقبها حسنا لما صدنا جمعيه فاتحه

 

[o_mermaid_o]

بنات البيض اذا انتهى شسوي فيه اقطى

 

[q8_toffee]

بنات البيض اذا انتهى شسوي فيه اقطى

امممم ... والله ماادري
توني ادري ان البيض له مده صلاحيه ويخترب

 

[مجنونة حبه]

والله احنا رحنا بقاله عربيه واشترينا من مطعمهم كباب عراقي حده عجيب
والمطر اليوم غزير والجو بارد
<<<<<<<<<<<<<
مرميد قطي البيض بعد اخترب

 

[غلاتي ♥ الكويت]

صباح الخير ​

 

[q8_toffee]

صباح الخير ​

صباح النور والسرور

 

[De3La^85]

امبيه انا توني ادري ان البيض يخترب !!

توفي تروحين نادي ؟ اشلون الوضع ؟ انا متحجبه بس ودي اروح

 

[o_mermaid_o]

امبيه انا توني ادري ان البيض يخترب !!

توفي تروحين نادي ؟ اشلون الوضع ؟ انا متحجبه بس ودي اروح

تصدقون ب سكنا نادي بس والله مره رحت لا ويم شقتي بس بنتي وين اخليها الصبح اكون نايمه والعصر بنتي مجابلتني وممنوع اوديها

 

[o_mermaid_o]

اي انا بعد اول مره ادري شفت على الكرتون تاريخ الانتهاء واستغربت

 

[o_mermaid_o]

صباح الخير ​

صباح النور شلونج

 

[irresistible]

اهلا يا جميلات يا عسلات تشوفون صبايا علي mbc واااااي يونس بس لي حطو ريلي يتنح يبي يجابلهم عاد انا نحاسة اغير و ارد اشوفة بليل الجو هالايام مو طبيعي الثلج مو راضي يوقف استغفر الله شنو هذا يعني ماراح نشووف الربيع كلش بيصير حر مرة وحدا و اليوم كل شي مسكر قطع بس رحت فريت بالجمعية و شريت فواكة لزوم الريجيم

درقاء اول شي للاسف ممنوع يندز لان سوائل اهو عصير طعمة مثل قمر دين اقرب شي ممكن اوصلج اياة من طعم تاخذينة علي يومين يقولج شكثر ماي تحطين وياة تشربينة 4 مرات باليوم ارد و اكرر في اي موضوع اقولة ممكن اللي يمشي معاي ما يمشي معاج او اي احد بس بالعموم اهو نظامة ديتوكس يعني ينظف الجسم من السموم

 

[De3La^85]

مرميد انا كومبلكسنا مافيه جيم بس فيه جمام سباحه بس الحين مسكرينه بيفتحونه على شهر 5 يمكن وانا حدي مشتطه عليه ناطره يفتحونه علشان اتطمش عالاوادم

زوزو ماشاءلله شاده حيلج بالرجيم يلله عسا ان شاءلله توصلين للوزن الي تبينه
انا عكسج ما اكل الا وجبه وحده باليوم حدي ميته من الضعف بس ما اشتهي اكل بروحي احس اكسر الخاطر اقعد واكل بروحي لول

 

[irresistible]

تري المشكلة مو بالاكل تري انا مو اكيلة كلش بس انا وايد اخذت ادوية من فترة كان فيها كورتيزون و الحمد لله وقفت يعني باقي 2 كيلو بالطول و العرض بينزلون انا طولي 156 و لازم يكون وزني 65 عشان يكون الطول و الوزن المثالي

 

[De3La^85]

زوزو حبيبتي انتي ما تشوفين شر ولله يفكج من هالادويه بصحه وعافيه

 

[irresistible]

الله يسلمج يا دعدوعة الحمد لله هديتهم و اخذت علاج ثاني وااااايد احسن و علي الله

 

[Filakawyia]

اهلين غلاتي انا بخير و اموري كلها تمام انتي شلونج و شلون المعهد؟؟؟؟

شلووووونكم بنات شخبااااااركم ؟؟؟ ولهت عليييييكم

شنو برنامج صبايا على ال ام بي سي؟؟؟؟

 

[كندية]

حمدالله على سلامتج وكل شي يهون عشان ردتنا الكويت والله بعد شنو نسوي الله يحفظنا بطياير الكويتيه زين ماطيح على يوم الله يستر

الله يسلمج حبيبتي...اي والله لما توصلين خلاص تنسيين التعب والله....

السلام يا حلوين
يحليلكم باديين رجيم
لو انا اقولكم جم وزني تكفخوني و راضي يصعد كلش
47 ومرات يوصل 45 مع ان طولي 160
<<<<<<<<<<<<<<<<<<

والله امس كنتي بالي كندووووووووووووووووووووووووش
الف حمدالله على السلامه
معلييييه الكل يطيح بمواقف خايسه بالسفر بس مو كثري

الله يسلمج حبيبتي....

كوكي الف حمد الله علي السلامة اخييييييييرا

مرميد تلاقينة في الوول مارت سعرا 14 و بالوول جرينز سعرة 20

هلالالالالالالالالا والله زوزو الله يسلمج حبيبتي..اي والله واخيراااااااااا....مابغينااا...اقدم متغربه ترجع ...الفاال للك يااارب...
عااد قوليلي متى بتيين ....

الحمدالله على السلامه ... والكويت نورت كنديه

موقلنا مابلاش من الكويجي ... التيران مش حلو ... بس يالله عدت على خير

الله يسلمج حبيبتي منووره في اهلها...عاد والله لي الحين ماشفت الديره...اول ماوصلت طحت مريضه...​

 

[Filakawyia]

ماتشوفين شر كوكو

 

[درقاء]

هلا والله درقاء والله البرد راح بس ياييلنا مطر وعواصف شوي بس الجو احسن من قبل واحسن من البرد والثلج
انتي شلونج شخبارج مع حر الكويت ؟؟ متى ناويه اتيين امريكا انشاءالله ؟؟ وباي ولايه بتقعدين ؟؟

ام برطم الله يسهل عليج يارب وتولدين بسلامة

مجنونه احنا امس شوينا الجو عجيب واليوم ماكو شي يديد بالبيت والنادي

هلا فيج حبيبتي ... يا حلات المطر بس الله يعينكم ويحفظكم من العواصف
انا بخير .. والجو حر اليوم وغبااار
ناويه ايي على شهر 6 لأنه عندي آخر جلسة ليزر 1-6 قلت اخلصها وغقبها باسبوع أو اسبوعين اروح باذن الله
ان شاء الله بفرجينيا... واسم المنطقة برنس جورج ... ماعرف عنها شي صراحه ومادري شنو فيها مافيها .. حلوه مو حلوه !
انتوا شلونكم