زوجت سكسي يا ناس !!

[najdeya]

مساااا الخير

بدخل بالموضوع على طووووووووووووووول

بقولكم مشهدين من قصتين مختلفين و انتوا علقوا



المكان: بيت ريم

كانت ريم قاعد بالصاله تطالع التلفزيون ... ناطره ريلها يرجع من الديوانيه

كانت توها متحممه و مدهنه جسمها كله بكريم كوكو شانيل و مسشوره شعرها و فالته بطريقه ناعمه و مبخرته و راشه عطر على رقبتها و بين صدرها و لابسه بيجامه حرير بسيطه عباره عن شورت و توب اسود و فيه حرير صوب الصدر و مصبغه اظافرها صبغ بيج لونه طبيعي و حاظه شويه ماسكرا و حمره بيج هم لونها طبيعي ...

مسكت التلفون و دزت مسج حق خالد (زوجها) : ولهت عليك :*


خالد كان قاعد بالديوانيه و اول ما شاف المسج لا شعوريا ابتسم و خلص اللي بيده و على طول ركب السياره و اتصل على ريم ..

ريم: الو (بكل نعومه ...نعومه مو دلع باصج يلوع الجبد!!)
خالد: هلا حبيبتي
ريم: هلا فيك...تعشيت؟
خالد: اي الحمدالله ... يلا راجع البيت
ريم: شوي شوي و انت تسوق
خالد: حاظر
ريم: خالد
خالد: عيونه
ريم: بليز ما عليك امر ابي شغله ظروري من الجمعيه تقدر تمر تيبها لي؟
خالد: شنو؟؟
ريم: ماكو حليب حق حمودي
خالد: انشالله
ريم: و اذا تعبان مو مشكله اطرش السايق الصبح مبجر
خالد: لا افا عليج
ريم: مشكور حبيبي


و فعلا راح خالد الجمعيه و عقب ربع ساعه تقريبا فتح باب البيت ... ريم ابتسمت له اول ما شافته و قامت شالت اغراض الجمعيه من ايده و باسته بوسه خفيفه على خده

ريم: الله لا يحرمني منك ... يلا تحمم بسرعه بيبدي خوش فيلم بشوفه وياك

و اول ما طلع خالد من الشاور لقاها حاظه شموع بالصاله و قاعده تنطره .... راح قعد يمها و لمها ... مسكت ايده و باستها و قعدت تسولفله شنو اللي طافه من اول الفبلم... و تموا يشوفون الفيلم لما خلص و راحوا غرفتهم ...


المشهد الثاني:

المكان: شقه مي

كانت مي قاعده ابلصاله و توها متحممه و لابسه بيجاما عاديه و منشفه شعرها و رافعته ... و حاظه كريم و راشه شوية عطر على البجاما و قاعده تشوف التلفزيون... قامت اتصلت على عزيز (زوجها)

عزيز: الو
مي: هلا عزيز (بصوت عادي و كلش ما فيه انوثه )
عزيز: هلا والله
مي: وينك؟
عزيز: عند الربع بالديوانيه
مي: اها... بتتاخر؟؟
عزيز: لا شوي و بطلع
مي: اوكي

سكر عزيز التلفون و كمل لعب الجنجفه مع ربعه

و عقب ربع ساعه ارجعت تاتصلت عليه ..

عزيز: هلا
مي: عزيز و انت ياي يب بامبرز حق دلوله من الجمعيه
عزيز: اوكي
مي: مو تنسى
عزيز: انشالله
مي: انطرك؟ و لا بتتاخر؟
عزيز: ليش بتنامين؟
مي: دايخه اذا بتتأخر بنام
عزيز: لا خلاص كاني ياي
مي: اوكي

شوي ولا عزيز داخل الشقه و معاه اغراض الجمعيه ...

مي التفت عليه و هي كانت تطالع التلفزيون و بسرعه ردت تتابع الفيلم لانها كانت مندمجه

مي: هلا عزيز
عزيز: هلا و الله ... وين احط الاغراض
مي: عفيه حطهم بالدار وياك

دخل عزيز تحمم و طلع لها الصاله... قعد يمها و هي مندمجه بالفيلم

عزيز: من متى بادي؟
مي: صار له شوي..خوش فيلم!
عزيز: منو هذا؟؟
مي: هذا ريل هذي ..

و شوي شوي هو يسألها و هي تشرحله الفيلم ...


شفتوا مشهدين من شقتين لازواج صار لهم تقريبا نتين متزوجين ...

برايكم لو انتي ريال اي وحده منهم تبينها زوجه لج؟؟ و ليش اخترتيها و ما اخترتي الثانيه؟؟

انا شخصيا اختار ريم ببساطه لاني اشوفها قمه في الانوثه و النعومه و السنع !!

باختصار اشوف فيها تعريف الزوجه اللي تكون سكسيه بطريقه ذربه و دون ابتذال !!

راح اعطيكم المايك و عقب ما اشوف ردودكم راح اكتب لكم تقرير مفصل عن كل زوجه و شنو عيوبها و مميزاتها و شنو نظرة الرجل لها

اول شي شاكرة كل اللي شاركوا ما قصرتوا :**

ناس اختاروا مي و ناس اختاروا ريم و ناس اختاروا الثنتين

و على سالفة العنوان ادري جرىء و غريب و يمكن تحسونه مو راكب بس الحين بتعرفون ليش

انا لما قلت اي وحده تختارون ما كنت اقصد ان ريم على طوووول جذي و مي على طوووول جذي بس تعمدت اكتب شخصيتين مختلفين و اسالكم عن رايكم


اول شي من وين يت فكرة العنوان :

لاحظت ان وايد مواضيع بالقسم تركز على شلون المراه تغري الريال سواء باللبس او بالشكل او بالحركات يعني باختصار شلون تكون "سكسيه" و على فكره الكلمه بحد ذاتها ما هي عيب او غلط بكل بساطه معناها المراة الجذابه "sexy"

سؤال ليش الاغلبيه يعطون نصايح لبسي جذي و حطي جذي و قولي جذي؟؟
ليش كم كبير من المواضيع تناقش شنو الاشياء اللي يحبها الريال اللي يكرهها؟
ليش وايد بنات ينزلون مواضيع زوجي مو معطيني ويه علموني شسوي؟؟
او انا استحي و ابي اسوي حركات اغراء لكن ما اعرف؟
او زوجي يستحي شسوي؟


راح اسأل كل وحده سؤال صريح و كل وحده تجاوب نفسها .... لو زوجج شاف انج "سكسي" او خنقول "جذابه" بالعربي تعجبينه و تشدينه حتى لو مرت فتره على زواجكم؟؟

ما راح تحسين انج انثى؟

العنوان عباره عن الكلام اللي دار بقلب و عقل "خالد" او الزوج لما شاف نعومة زوجته قال حق نفسه (زوجتي سكسي يا ناس) و ما اظن عيب الريال يفكر بالهشي اذا اللي في باله زوجته و حلاله

انتقل الحين حق النقطه الثانيه :

اللي حبيت اوضحه بالموضوع ان مو شرط عشان تغرين زوجج و تحبيبنه فيج تسوين "ليله حمره " و "ليله رومانسيه" و حركات اغراء واضحه عشان يفكر فيج هالتفكير او يشوفج بالهصوره اللي الكثير منكم يتمناه ... ممكن بنعومتج االلي جزء من فطرتج كمراة تخلينه يحس انج احسن البنات و ان انتي الشي اللي كان يدوره بشريكة حياته


الفكره من الموضوع ان صحيح اغلب الوقت نكون "مي" يعني اسلوب عادي جدا و هذا شي طبيعي بالاخير الانسان بشر و المراة عندها مشاغل وايده و مو فاضيه بس تتكشخ و تتدلع بس مثل ما كلنا نكون "مي" ترى داخل كل وحده منا موجوده "ريم" و مو شرط اتدلع و اتصنع و اتجهز و ايب زينه و البس احمر و اكشخ عشان احبب زوجي فيني و اجدد علاقتنا عقب فتره خمول!!

اللي حبيت اوصله ان الشخصيتين هم وحده و تمثل كل وحده منا و ان كل وحده فيكم من فتره لي فتره تقدر تجدد المشاعر اللي بينها و بين زوجها بحركات بسييييييييطه بدون ليالي حمره و قمصان نوم واو .... صحيح هالاشياء نحتاجها و مطلوبه بس ما هي الحل الوحيد !!

بس تقدرين تجددين العلاقه بينج و بين زوجج و الحميميه بينكم بحركات بسييييطه تبين له انج فعلا تحبينه

اتمنى الموضوع عجبكم و استفدتوا منه لاني حبيت اوصل مسج كبيييييير بموضوع بسيط و فكرته بسيطه

و الحين اعطيكم المايك تقولون اللي ودكم تقولونه

 

[اشتياق]

ما اتخيل نفسي ريال عشان احكم خخخخخخ

بس حلو خوش موضوع


كملي متابعين

 

[رواسي الشوق]

بصراحه انا اشجع ريم بس مو كلهم ينفع معاهم هالاسلووووب

 

[قطوووة]

هذي اسمها انوثه

 

[لجين]

رووووعه

واكيد اسلوب ريم احسن ..

 

[سنعه بس مظلومه]

أختار ريم وانا مغمضه دلع وادب هههههههه انثى بصراحه تابعي حبوبه

 

[غرشة عطر]

العنوان يجذب خخخخخخخخخخخخخخخخخ

انا اختار ريم طبعا لواني رجال لوووووووووووول قمة النعومه والانوثه والسنع وهم يرجع تري للزوج في بعضهم تسوين لهم نفس ريم واهو مثل الصنم مافي اي احساس ولااهتم لابريحة عطرج ولاحتي شاف وجهج هذا الحااااااااصل الحين تحسين رياجيل ملواااا من مقابل حريمهم يادفع البلي ههههههههههههههههههههههههههههه

 

[meshmeshaa]

العنوان غريب ما فهمته
بس القصه حلوه واكيد انامع الاولى بس يعتمد هم على الريال يستاهل ولا لأ
يمكن الثانيه ملت منه من كثر ما سوت ليالى وحالتها حاله وبالاخير نفس الشئ <<<<<<<< حاسه فيها

 

[احلى ـآ وحده]

رووعه الاسلووووووووووب .. والانوثه تييب راس الريال ..

كملي متابعينج

 

[sowsan]

اب اب اب متابعينج

 

[رافعه الحاجب]

اكيد طبعااا الاولى

 

[أحلى جوري]

هههههههههههههههههههههههههههههههههاي
والله ضحكت من قلب على مي لأن الحرمه مرات تكون جاده وناشفه بالحجي مع زوجها بسبب لوية البيت والعيال والدوام والزوج الله خير يبيله وحده فاضيتله عالآخر مثل ريووم بس الصج ينقال لازم الوحدة تجاهد وتقاوم كل العقبات علشان تصير مثل ريم وأحسن بعد
والله المستعان

 

[قلبي سلومي]

حلوة القصة انا اختار ريم صراحة احسها نعومة وانوثة وهذا اللي يبيه الريال

 

[الأميرة جوري]

اختار مي ...............لان زوجي يحب النوووووووع اللي جذي شالاسبااااااااااااب نعرفها مع تفصيلج لشخصيتين ....!!

 

[روح مغليهآ]

اكيد ريم
بس انا نفس مي لووول
ناطرين التفاصيل

 

[Deeda]

العنوان مو شي

 

[نور وشموع]

اكيد ريم

 

[najdeya]

مشكورييييين على المتابعه .... و راح اكمل الموضوع بشخصيات اكثر صدقوني وعد ما راح اخلص الموضوع الا وكل وحده منكم مستفيده بأذن الله

 

[تعويذه الحب]

اكيد ريم بس انا اتوقع ان كل يوم ريم بتسوي جذي ريلها راح يحس بالملل اما مي فهي مره عمليه وطبيعيه يعني احسها مهتمه بنفسها وبنظافتها

وانها خلت الريال على راحته يعني متى ما شبع من الديوانيه برد وبالنسبه حق اغراض الياهل الريال من حقه اييبها لانها واجب عليه ومي

حسيت ان بالها طويل لانها قعدت تشرح الفلم لزوجها لو وحده ثانيه جان ملت , هذا اللي انا اشوفه وناطره التكمله

 

[شيخة الحلوين *]

يعطيج العافية

اكـــــيد بختار ريم ..