‘ لا وحسآإفه .. كنت أشوفك ملاآكي ..! ~ قصه واقعية .. روايتي الثانية .!

[UNiQe^PRiNceSs]

لوووووووووووول دانيا

حمشه = قويه

​

 

[Danya =)]

البارت 13


خذت الرقم وتربعت على فراشها

وخذت موبايلها وكتبت الرقم ودقت

هنادي : الو
سلوى : الو
هنادي : شلونج خاله
سلوى : الحمدالله .. مسامحه بس ما عرفتج
هنادي ( تمثل البجي ) : خاله ممكن اشووفج
سلوى : منوو انتي وشتبين ؟ ومن ويننلج رقمي وليش تبين تشوفيني!
هنادي : خاله بكلمج بموضوع عن عيسى
سلوى : عيسى ؟ ولدي ؟!
هنادي : أي موضوع ضروري !
سلوى : قوليه شنو شصاير عيسى فيه شي؟
هنادي : مافيه شي بس الموضوع ما ينقال بالتلفون ابي اشوفج !
سلوى : زين زين وين ؟
هنادي : وقت ما تبين ومكان اللي تبين !
سلوى : خلاص اشوفج بكوفي شوب
هنادي : اوكي متى
سلوى : الحيين !
هنادي : صار

سكرت سلوى الموبايل وكانت ترجف .. ريولها مو شايتلتها .. حست ان ورا هالاتصال شي كبير

بدلت بسرعه ونزلت شافت ليال قاعده بالصاله ..

ليال : ها يما طالعه

سلوى ما ترد عليها

ليال : يمماا وين رايحه

حقرتها وطلعت .. شغلت سيارتها ومشت ..


واهيه بالطريج دقت على هنادي

سلوى : انتي وين
هنادي : بالكوفي شوب اللي قلتليلي بنشوف بعض فيه
سلوى : زين انا يايه

..


حنين بغرفتها حاسه بضيقه

تفكر في فواز

فكره اتييبها وفكره اتوديها

مو عارفه شلون تكلمه

تقوله الصج ! بصدقها والا تسكت وتعيش باقي حياتها بوحدتها !

دشت الحمام وخذت شور .. بدلت هدومها

وقررت تطلع من دارها شوي

نزلت الصاله .. وفتحت التلفزيون

شوي والا يدخل عادل ..

عادل : السلام عليكم
حنين : ..
عادل : سلمنا !
حنين : عليكم السلام
عادل : وين امج
حنين : روح دورها .. مو صار عندك عادي تدخل البيت وبس
عادل : اممم

تركها وصعد فووق .. و بعد شوي دخلت مريم

مريم : حنين ما يه عادل؟
حنين : ههه ! روحي دوريه فوق
مريم : زين زين

وصعدت فوق

حنين حز بخاطرها .. صج امها ما تدري عنها بس عالاقل كانت تسألها عن اخبارها لما تشوفها

الحين ما صارت تهمها !!

اندمجت مع التلفزيون

ليما نزلت امها مع عادل ماسكين بعض

مريم : يما احنا بنطلع
حنين : زين
مريم : تامرين على شي؟
حنين : سلامتج

اطلعوا جدامهما يضحكون

والالم فيها يكبر .. يكبر .. ودها تنسى الحزن اللي فيها .. بس شاللي ينسيها

ماكو غير

" فواز "

هالمره قررت تصارحه .. ما تدري شتبتقول .. بس راح تكلمه ..

دقت موبايلها

رن مره مرتين ثلاث

سكر الخط بويها

انصدمت حنين منه ! لي هالدرجه كرهها !

حذفت بالموبايل عالارض وداست عليه

وبجت ..

" حتى انت يا فواز "

..


فواز قاعد مع ربعه وشاف حنين تدق سكر الخط بوييها

فواز : عن اذنكم شوي
ناصر : ويين
فواز : بس عندي مكالمه اخلصها واييكم
ناصر : اوكي لا تطول
فواز : صار

طلع ودش سياره .. دق على حنين

شاف موبايلها مسكر ..

دز مسج " حنين وينج ؟ صاير شي ؟ "



هاللحظه كانت حنين بفراشها تبجي


كل ما تحملت الألم ابكي وضحكاتي وهم ..

اخفي جروحي ..

امشي وحيده بدنيتي ولحد يدري بقصتي

أشكي لروحي ..!!


..


سلوى وصلت الكوفي شوب وتمت تدور

دقت عليها

سلوى : وين انتي ؟

هنادي صارت تأشر لها واهيه على الطاوله

راحت سلوى يم هنادي

سلوى : السلام
هنادي : عليكم السلام انا هنادي
سلوى : حياج الله

قعدت على الكرسي

سلوى : شصاير ؟
هنادي : ادري بتقولين انا قويه عين .. وشلون يايبتج اقولج هالكلام بس انا بنت ناس ومارضى على نفسي
سلوى ( حست ان عيسى مسوي شي ) : خلصيني شصاير ؟
هنادي : انا حامل من ولدج !

سلوى وقفت مصدومه .. ما تدري تنصدم من ولدها .. والا من جرأه هنادي !

صارت ترجف وويها يعرق ..

قعدت عالكرسي وحطت يدها على راسها


هنادي : شوفي خاله انا كلمتج بيني وبينج ماحب توصل الامور حق شرطه وطب شرعي وهالسوالف ولا اقول حق اهلي
سلوى : انتي جذابه .. شالي يثبت لي

هنادي فتحت موبايله وورت سلوى صورها مع عيسى .. و مسجاته وكل شي ..

سلوى : وشتبين ؟! شالمطلوب ؟
هنادي : انا حامل ؟ وتسأليني شلمطلوب ؟
سلوى : شوفي انا ماقدر اصدقج اول اكلم عيسى!
هنادي : زين لو سمحتي لا تطولون بالموضوع

سلوى بخاطرها " صج وقحه "

سلوى : عن اذنج
هنادي : ومتى راح تردين علي
سلوى : اكلمه وارد عليج


طلعت سلوى من الكوفي شوب .. وريولها مو شايلتها

دشت سيارهتها وحطت راسها على السكان

وبجت ..

" يعني انا ماعرفت اربي عيال "!


..

ناصر بغرفته يكلم ليال ..


ليال : اووف ناصر شفيك تحن
ناصر : ليال والله احبج
ليال : اممم
ناصر :قولي تحبيني
ليال : ماقدر ليلحين ما حسيت بهالشعور
ناصر : كل هذا وما حسيتي ؟ انتي تحبيني بس ماتبين تعترفين
ليال : امممم
ناصر : عالعموم انا ما بغصبج على شي ما تبينه براحتج
ليال : زين
ناصر : عيل اسبوع الياي الدوام
ليال : أي
ناصر :وناسه بشوفج بالجامعه
ليال : مو متشجعه كلش
ناصر : ليش ؟
ليال : مو حابه الدراسه
ناصر : ميخالف شوي وبتحبينها

صوت يه من بره " نااصر .. ناصر .. "

ناصر : ليال امي تناديني
ليال : شفيها امك كله تناديك .. كل ما ييت اكلمك تناديك
ناصر : امم لا بس جذي تبيني اساعدها
ليال : شفيها مريضه ؟
ناصر : بعدين اقولج يالله باي


سكر الموبايل

ليال تفكر فيه

" انا من صجي اكلمه .. وبديت احبه ؟! "

شلون بس !!

..


بشقه حمد وجود ..

جود منسدجه بالفراش .. تبجي

صار لهم اسبوع من تزوجوا

ولا حياى لمن تنادي

عايشين نفس الغرب ببيت واحد

دش عليها حمد

حمد : جود ؟ شفيج
جود : مافيني شي
حمد : مافيج شي وانتي تبجين
جود : انت اللي شفيك ؟ من خذيتك وانت بهالبرود ؟! ما احس اني متزوجه شخص .. انت ليش جذي .. عايشه مع صنم !
حمد : خلصتي؟
جود : لا ما خلصت ! دام انت جذي وبتعاملني جذي ليش خذيتني .. عبالك شنو الزواج ؟! بس بالاسم .. ياليتني ما وافقت علييك
حمد : تبين طلاق ؟
جود ( انصدمت من رد حمد ) وسكتت

طلع حمد من الشقه وصار يفتر بسياره

محتار وين يروح

" عذبت البنت معاي .. بس مو بيدي "

..

الساعه 12 ونص بالليل

وصل عيسى البيت وتوه داش

شاف سلوى قاعده تنطره

سلوى : شرفت !​

 

[Danya =)]

لوووووووووووول دانيا

حمشه = قويه

​

لوووووووووووووول

عيل ليش حسيتها نوع من الاكل :$

 

[zooz92]

ويي صج هناادي وقحة :s

مسكييينة حنييين واايد تكسر الخاااطر

وامها الصرااحة ولا كأن يهمها بنتها تقهر

يعطيييج العااافية على البااارت دندوووشة

نااطرينج ^^ ( شرااايج غيرته )

 

[Zozαĺiиaђ]

7adii et7mst iny a3rf shno b9eeeer !!

thanks 3l part na6reenich :**

 

[كويتية و النعم]

امبييه هناادي صج صج قووية عيين
تقطها بويه المررة " انا حامل " !!!!!
ولياال مو بالعتها واقفة لي ببلعوومي لوول
مشكووورة حياتي دانيا و يعطيج العافية =)

 

[غيآبڪ عذآبي]

هنآدي وقحه نفسس عيسس ـى

وليآل للحين مو حآبتهآ كلشش

وحنين حيل كآسسسسسسس ـره خآطري

حمد وجود مآدري ششس ـآلفتهم !!!

آلبآرت حددده عجيب ، ثآنكس حبيبتي ~

 

[تفداك روحي]

اول شي اسلوووووووووبج اشووؤوؤوؤوقـ وثااني شي القصة حلوووه ,,
بس البااااااااااااااارت قصيـــــــــــــر !

 

[فيلجـ كول ـاويه]

البارت رووعه ناطرنج حبيبتي ومشكوووووره وايد

 

[cute princess]

عاشت عاشت هنادي
اقوى اقوى عفيه !! لووول
مشكوره ناطرينج

 

[spongebob93]

amby hnaady '97ktny looooooool
w lyay no comment leish t7achi Na9er chi mako eslob a7san shway :eh_s(4)::eh_s(4):
7neeeen 7yaaaati ksrat 5a6ry y3ni fwaz kan yQdar yred yGolha dQeQa w ared a7san mn enna ysakra bwyhha :eh_s(16)::eh_s(16):
w thaaaanx danya 3al.paart alrw3a nfsech

 

[UNiQe^PRiNceSs]

لوووووووووووووووووووول اهمشي اكله ابدا مو اكله لووووووووووووووول

هنادي شهالقوه ماكو اقوى لووووووووووووووووول

حنين مسكييينه كل فاهمه فوواز غلط

وحمد خل يقول شفيييه ترى نرفزني

ثانكس حبيبتي كملي :eh_s(20):​

 

[توتا كويتيه]

حساااااااااااااااااااااافه ليش خلص البارت
وهنادي عليها جراه وقلة ادب موصج
اما جود الله يصبرها

 

[Babya Doll]

بيييييييه هنادي قوية حدها !
شهالجرأة !!
مشكورة دانيا حبي يعطيج العافية :*

 

[أميرة البجع]

سلالالالالالالالام دندوووش حياتي
يعطيج ألف عافية على البارتات الروعة
ليااااااال اكرهها مادري ليش
وعيسى وهنادي اثنينهم يستاهلون بعض ويستاهلون اللي بيصيرلهم
وحمد شسااالفتك بالله؟؟ ليش خذيت البنت اذا ما تبيها؟
بنات الناس مو لعبة
أما حنييييييييين حبي انتي الله يكون بعونج وفواز رياال قوليله وراح يوقف معاج
يلا حبي ناطرينج

 

[7sawya 3sal]

aaa7 3eso byeeee 6rag 8we lol ;p

 

[G!RLooNa]

هنادي حدددها وقحه فوق شينها قوات عينها

و حنين وفواز كاسرين خاطري

يعطج العافيه

بس سؤال انتي لج وقت معين تنزلين البارت يعني كل يوم ولا شنو لأنج تتأخرين ؟

 

[so_what]

لا هنادي مو صج هذا و اهيا حامل بالحرام لو بالحلال شسوت ، يسلمو على البارت

 

[ReRez]

هنادي اغلطت ولازم تسوي اي شي ترقع فيه عمرها حتى لو تستخدم اساليب وقحه وتفشل

و حنين مسرع كسرتي التلفون خو عطيه فرصه شوي عصبتني بس هم اكسرت خاطري

حمد ؟؟ اخوي ممكن يعني لو سمحت انعرف اللي فيك تره بديت اتنرفز

ليال ولا اقول مالي خلق اكتب شي عنها لوول

مشكوره دندووش

 

[احب الصالحين]

قصة رائعة مشكورة
كملي متابعتك
جزاك الله كل خير