‘ لا وحسآإفه .. كنت أشوفك ملاآكي ..! ~ قصه واقعية .. روايتي الثانية .!

[so_what]

مااادري شلون بصبر ليما باجر على ما ينزل البارت ، ناطرينج حبيبتي

 

[zooz92]

ناااطرينج :friends:​

 

[miss disaster]

ناااطرينج

 

[فيلجـ كول ـاويه]

انشالله اصبر لي باجر

 

[cute princess]

ابي بارت

 

[بيـــشو17]

صباح الخير القصه حدها اتينن والااحلى انها واقعيه :blueSmCLR::wqedqw:
مشكوره حبيبتي دانيا:balo::eh_s(21):
وننطر البارت:aha:

 

[noof>>]

نااطرينج =)

 

[♥ الــزيــن ♥]

ناطرينج حبيبتي

 

[توتا كويتيه]

يلا متى البارت

 

[ReRez]

waiting

 

[G!RLooNa]

ماصارت

 

[UNiQe^PRiNceSs]

نـــاطريـــن :friends:​

 

[Danya =)]

البارت 9

ليال قاعده بغرفتها

فجأه رن موبايلها

رقم غريب .. ردت

ليال : الوو ؟
.. : مرحبا ؟
ليال : مرحبتين منو معاي ؟
.. : اقولج وما تصكرينه بويهي ؟
ليال : بسرعه ترى انا مو فاضيه حق هالسوالف !
.. : ممكن تسمعيني لي الآخر
ليال : تفضل
.. : انا ناصر
ليال : ناصر ؟ ممم اللي بالمعرض؟
ناصر : أي
ليال : اهاا .. آمر ؟
ناصر : مم والله مادري شقولج
ليال : تفضل
ناصر : امم قصدي .. انا .. عندي معرض وودي اتيين
ليال : اممم اول من وين يايب رقمي؟
ناصر : اللي يدور ما يضيع
ليال : اسمعني ناصر .. انا مو مالت هالسوالف كلش ولا تدق مره ثانيه اوكي؟
ناصر : ليال نطري سمعيني
ليال :نعم ؟
ناصر : انا من شفتج وانا افكر فيج
ليال : ولييييين !؟ شهالسواالف .. ترى مال اول !
ناصر : ليال والله سمعيني
ليال : لا اسمعك ولاشي لو سمحت لا تدق والا اشتكي علييك
ناصر : ليال عطيني فرصة
ليال : لا فرصة ولا بطيخ .. باي

صكرت الخط بويهه .. وانسدحت على فراشها وحطت الموبايل يمه ..

" معقوله يحبني " !

..

حس ناصر بضيق وتأنيب ضمير

لأن هذي مو اخلاقه ..

عمره ما كلم بنت ولا اعترف لها بحبه

عشان جذي ما قدر يجيد الدور صح !

قط موبايله عالارض

وطلع يقعد مع امه واخوانه ..


..


صحت حنين من النوم ..

حاسه بتعب .. حاسه انها نامت وايد وجسمها مخدر

الممرضه : الحمدالله على السلامه
حنين : الله يسلمج

وفجأه دشت مريم ..

مريم : حنيين حبيبتي

( ولمتها )

مريم : الحمدالله عالسلامه
حنين : الله يسلمج
مريم : ليش جذي يا حبيبتي تسوين بعمرج
حنين ( تبجي ) : يمه تعبت
مريم : يمه قوليلي شفيج ريحيني
حنين : مافيني شي
مريم : ما يصير حبيبتي والله ان قلبي يحترق عليج اشوفج جذي
حنين : يمه خلااص

الممرضه : لو سمحتي ميخالف تخلينها ترتاح ولا تفتحون مواضيع تضيق الخلق ما نبي حنين تتعب
مريم : ان شاء الله متى تقدر تطلع ؟
الممرضه : يومين بالكثير
مريم : ان شاء الله

..

عيسى توه راد البيت

فتح الباب ودش .. وراشد كان قاعد

عيسى (يكلم نفسه ) : وليين الحين بنبدي المحاضرات

راشد : صباح الخير !
عيسى : هلا يبه شخبارك
راشد : توك تدري ان عندك ابو وان عندك بيت !
عيسى : وليين .. يبه توني راد وتعبان تكفى بروح انام
رااشد : أي طبعا تعبان من الهياته
عيسى : لازم المحاضرات اللي مالها داعي
راشد : تدري ان اخوك بيملج ؟
عيسى : حمد ؟!
راشد : أي بياخذ بنت خالتك جود
عيسى : زين !

نزلت سلوى ..

سلوى : عيسى اخيرا يمه ييت وينك
عيسى : اووووووف والله مليت انا مو ياهل خوو !
راشد : كللم امك عدل شهالاخلاق !
عيسى : تدرون انا اطلع احسن
سلوى : لا تطلع خلاص يمه روح ريح بغرفتك
عيسى : اووف

وصعد داره

راشد : محد مخربه غيرج !

..


عند فواز ..

ام فواز ( دشت على فواز غرفته ) : فوااااز يماا
فواز : هلا يما
ام فواز : ابيك توديني المستشفى
فواز : ليش شصاير ؟
ام فواز : حنين بالمستشفى وبزورها
فواز : حنيييييين !! شفيها يماا ؟!
ام فواز : تعبانه شوي وطاحت عليهم وخذوها الطبيب
فواز ( حس بضييق ) وقعد عالفراش
ام فواز : شفيك فواز ؟ منته ياي معاي؟
فواز : لا يمه ياي معاج ابدل والحقج
ام فواز : خلاص انا ناطرتك تحت

بدل فواز هدومه

وكان كل شفي فيه مع حنين

عقله

قلبه

روحه

حياته

حس بالتأنيب الضمير لأن رد عليها متأخر ..

اكيد ما شافت المسج ..

قررت بنفسه ان يعترف لها بكل شي !

بحبه الي مخبنه بقلبه
.
.

لبس هدومه .. وصعد مع امه السياره وراحوا المستشفى

بالمستشفى

حنين : يما مابي شي خليني
مريم : يا حياتي اكليلج شي ما يصير
حنين : يما لو سمحتي مابي شي خلاص خليني براحتي لا تغصبيني
مريم : خلاص يمه على راحتج

فجأه دشت ام فواز .. سلمت على مريم ويت لمت حنين

ام فواز : ما تشوفين شر حبيبتي والله
حنين : الشر ما اييج خاله ليش امتعبه نفسج
ام فواز : حبيبتي والله خفت عليج واحاتيج
حنين : مافيني شي لا تحاتين
ام فواز : أي صج فواز معاي عادي يدش
حنين : عادي
مريم اطلعت حق فواز : فواز حياك يما
فواز : الله يحييج

دش فواز وشاف حنين

ذابله .. تعبانه ..

حس ودها يلمها .. ودها يعوضها عن الايام اللي فاتت

حس بدموعه راح تنزل .. بس تمالك نفسه لأخر وقت ..

فواز : ما تشوفين شر حنين
حنين : الشر ما اييك

تم فواز مع حنين ومريم وامه ..

كان بس يطالعها ..

كان نظراته فيها كلام وايد

.. ​

 

[zooz92]

مسكيين فواااز يحلييله خله يعتررف لها بسررعة

وليال لو عطيتيه فرصة وايد احسن

يعطيييج العااافية على البااارت حبيبتي

نااااطرينج ..~~

 

[UNiQe^PRiNceSs]

ليال تنرفزني مادري شي لوووول :eh_s(20):


حنين مسكييينه :eh_s(20):

عيسى اكرها :eh_s(20):


ثانكس حبي :sfg:​

 

[so_what]

waiting

 

[ReRez]

يعطيج العااافيه خوش بارت ماقصرتي ^_^

يارب فواز يعوض حنين عن كل شي مسكينه والله ماتستاهل

 

[G!RLooNa]

يعطيج العافيه

 

[كويتية و النعم]

لياال تغثنــــــــي كرهتهاا =\ بدوون سبب
وان شاء الله فواز يعوض حنين =)
يعطيج العاففية حببي ..!
ما قصررتي ..~

 

[spongebob93]

امبي لياال و عيسى نو كومنت ! =\ ..,
انشالله فواز يعوض حنين d;
وثاانكس عالبارت