روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

[تيناا]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

يسلموووووووووووووووووووووو عالبارت

 

[أميرة البجع]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

هاااااااااااااي حبيبات قلبي بنزلكم بارت ثاني اليوم
ترى اليوم نزلت واحد الظهر والحين اثنين لعيونكم
حبيبات قلبي
تفضلو
***********


البارت الخامس والعشرين
***********

وأخيرا
(نقاء)
****


ناصر: ها نقاء شقلتي؟

نقاء: آنا موافقة.. بس بشرط

ناصر: آمريني

نقاء: تغير رقمك وتقطع علاقاتك

ناصر: خوووووووووش.. ريحتيني الله يريحج.. عبالي شرط قوي.. أصلا من غير ما تقوليلي راح أغيره

نقاء: ههههههههههههههه عفيه عليك


وتمت نقاء تروح عندهم كل يوم.. وتنام عندهم بس بغرفة خاصة.. يعني مو عنده بغرفته

وظلو فترة مع بعض.. وفعلا غير رقمه.. وقطع حتى من ربعه الخايسين على قولة نقاء

صار كله يجابلها.. ومايطلع من البيت

وبهالفترة ناصر كلش حتى ما لمس ايدها

وبيوم.. ناصر: نقاء.. خلاص احنا لازم نتزوج

نقاء: انت تدري أهلي بيرفضونك.. يعني خريج سجون وما تشتغل.. حتى لو ظلم.. ماراح يوافقون

ناصر: أدري أدري وانتي قايلتلي كل هالكلام.. عشان جذي آنا كلمت محامي.. وقالي مالكم الا العقد العرفي.. وبعدين نصدقه بالمحكمة

نقاء: يعني شلون؟

ناصر: يعني نتزوج عادي.. بس بعقد عرفي.. يكون فيه شهود وكل شي.. وبعد 3 شهور تروحين تشتكين علي بامحكمة عشان أصدق
العقد.. ونصدقه هناك

نقاء: وانت ترضاها أشتكي عليك؟

ناصر: بعد مالنا الا هالحل
**************


وفعلا تزوجو بعقد عرفي من غير ما أهل نقاء يدرون.. اصلا بو خالد ماكان يتواجد باديرة الا اسبوعين كل 3 او 4 شهور.. ومايدري كلش
عن نقاء

المهم تمو مع بعض 3 شهور وبهالشهور حملت نقاء

ونقاء مهي عارفة شلون تواجه اهلها.. بس ناصر كان دايما يطمنها وان بيوقف معاها ويواجه أهلها.. بس هم كانت خايفة

ناصر: يعني ليه متى بتخافين نقووء؟ احنا ياينا ياهل الحين اهلج لازم يدرون عني

نقاء: شسوي ناصر.. شقولهم تزوجت من غير شوركم؟

ناصر: انتي دقي على اختج مشاعل.. وقوليلها

نقاء: لالالالالالالالالا الا هاذي.. أخااف ناصر اخاف

ناصر: من شنو تخافين عمري؟ خلاص دقي على جنان

نقاء: ممممممممم يعني لازم

ناصر (ابتسم لها ولمها عالخفيف): اي لازم .. يلا حبيبتي دقي

نقاء (خذت التليفون بايد ترجف ودقت على جنان): ألووو

جنان: هلا نقاء.. شلونج؟

نقاء: الحمدلله بخير انتي شلونج وشلون عيالج؟

جنان: الحمدلله كلهم بخير

نقاء: جنان بقولج..

جنان: قولي حبيبتي

نقاء: آنا مسوية شي

جنان: يعني شيمسوية؟

نقاء: آناااااا .. آنا تزوجت

جنان: كلولولولولولولولولولولولولولوش

نقاء: ليش تيببين؟ أمبييييييييه يعني انتي مو منصدمة؟

جنان: وليش أنصدم؟ والله زييييييييين تسوين.. انتي من يدري عنج.. عفيه عليج سترتي روحج.. ما عيج من أحد.. الله يهنيج ويوفقج

نقاء: انزين في شي ثاني

جنان: شفيج حبيبتي؟

نقاء: آنا حامل

جنان (شوي وتبجي من الوناسة): صج.. الله يتمم عليج ويقومج بالسلامة ان شاااااااء الله

نقاء (دمعت عينها): الله يسلمج حبيبتي

بعد ما سكرته.. لمت ناصر: حبيبي أختي يببتلي

ناصر: هههههههههههه آنا قايلج من زمااااان بس انتي الله يهداج مادري شفيج خايفة

نقاء: ههههههه اي والله صدقت

وشوي جان يرن تليفونها: أمبييييييييه هاذي مشاعل

ناصر: ردي عليها

نقاء: لالالا ألا مشاعل.. اهي اللي مربيتني وحسبة امي.. وأخاف أكون مضايقتها.. وتزعل علي

ناصر: نقووء يعني انتي ليه متى جذي.. الحين الكل بيدري عادي

واهم قاعدين يسولفون كانت مشاعل تدق جم مرة بس نقاء مو راضية تشيله

وبالأخير دقت عليها جنان: ألوو نقوء شفيج ما تردين على مشاعل؟ ترى اهي متضايقة.. لأنج ما رديتي عليها

نقاء: مادري خايفة

جنان: من شنو؟ يلا عاد عن الدلع دقي عليها

نقاء: أوكي باي

ودقت على مشاعل.. وأول ما شالته.. نقاء قامت تبجي: لا تزفيني الله يخليج.. واه مو مسويه شي غلط

مشاعل: لا والله ماني زعلانة حبيبتي.. بس بغينا نفرح فيج

نقاء: فرحتو فيني اول مرة وشنو صار؟ ولا استفدت شي.. خلوني بسكات أحسنلي

مشاعل: خلاص حبيبتي الله يوفقج ويهنيج يا حبيبتي

وبعد فترة راحت مع محمد حق أبوها وخالد.. وسلمو عليهم.. بس ما علقو على شي كلش

وتمت نقاء عايشة مع ناصر في قمة الرومانسية ووناسة
*************************


لكن بيوم واهي نايمة حلمت نقاء.. جنه صاير يوم الحساب.. وان اهي مضيعه طريجها وما تدري وين تروح

فزت من النوم.. تشهق: بسم الله الرحمن الرحيم بسم الله الرحمن الرحيم

ناصر (فز من نومه): خير حبيبتي شفيج؟

نقاء (لمته حييل): وااي ناصر خايفة والله خايفة

ناصر: شفيج حبيبتي من شنو؟

نقاء: ناصر الله يخليك بطلبك طلب

ناصر: عيوني لج.. آمريني

نقاء: تكفى ودني العمرة بروح العمرة

ناصر: حبيبتي انتي الحين حامل بالشهر السادس شلون تروحين؟

نقاء (قامت تبجي): الله يخليك.. عشاني اخاف أمووت ومو رايحة العمرة

ناصر: خلاص خلاص حبيبتي أوديج لا تبجين.. حبيبتي انتي.. يلا عاد مسحي دموعج.. يلا عاااد ضحكي يا حلوة

نقاء مسحت دموعها وضحكت بويها

ناصر: ياااااا ربي تخليها لي وما تحرمني منها.. يلا حبيبتي نامي الحين ومن الصبح أروح أحجز تذاكر حق العمرة

نقاء (باسته وانسدحت): مشكور حبيبي

وفعلا حجز ناصر حقه ولنقاء حق العمرة.. وراحو العمرة

وأول ما شافت نقاء الكعبة.. قامت تبجي.. تشاهق وطاحت من طولها

ناصر (رفعها بسرعة): حبيبتي نقاء شفيج؟ ليش تسوين بعمرج جذي؟

نقاء (تبجي بصوت عالي): استغفر الله وأتوب اليه.. استغفر الله ربي وأتوب اليه

ناصر: استغفر الله.. استغفر الله.. اسم الله عليج شفيج؟

نقاء: خلني خلني يا ناصر.. مع ربي

ناصر: ان شاء الله ان شاء الله.. بس ريحي شوي حبيبتي

نقاء (هدت شوي): خلاص حبيبي ارتحت.. خلني شوي

ناصر: بخليج وأروح أطوف وأرجعلج.. بس لا اتعبين نفسج.. أوكي؟

نقاء: ان شاء الله

وراح ناصر.. وخلاها.. قامت تبجي وترجف من اخوف من رب العالمين

" ربي حبيبي.. سترت علي.. وآنا تماديت بغلطاتي وزلاتي.. سامحني يا ربي.. استغفر الله ربي وأتوب اليه..استغفر الله ربي وأتوب اليه"

ولما رجعو من العمرة رجعت نقاء انسانة ثانية.. انسانة نقية.. نظيفة تخاف ربها

مالها خلق حق يمعات وروحات وييات.. يالله يالله تجابل زوجها وبيتها وربها
***********************

يلا حبي تصبحون على خير يا قلبي

 

[*غلااااااااااااااااااااي*]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

حددددددددددددددددده عجييييييييييييييييييييييب الباااااااااااارت



ناطرينج حبي

 

[نرنورا]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

احس جنه القصه خلصت صح؟؟؟

 

[so_what]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

واخيييييرا نقاء عقلت الحمدالله

 

[ReRez]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

البارت وااايد حلو الحمدلله ان نقاء تابت ربي يثبتها ان شاءالله .. ومشكووره حبي اميره على هالبارت

بس اللي صدمني اهو اشلون اهلها ما عصبو لأنها متزوجه بالسر

بس صج والله ماكانو يدرون عنها .. الله كريم .. ان شاءالله يقبل توبتها ويثبتها يارب


مشكوووره اميره ^_^

 

[ba6re8a]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

اول شي عندي سؤال قعده بنات اهوا شكو كلمره مرتز وقاعد معاهم؟؟؟؟؟ نعم شكو اشتبي


واشلون يرضا على نفسه ياخذ وحده تروح حفلات!!!!!!!!!!!!!!!!!!!!!!



امبيه الدنيا صارت اي شي علامات يوم القيااااااااااااااامه

وريل سلوى ويييينه اووووووووووووووووووووف

 

[ba6re8a]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

الله يثبتها انشاء الله

 

[cute princess]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

1. الاخ ناصر كان يدري انها تروح حفلات وهم خذاها ؟؟؟؟؟
2. الاخ اللطيف طويل العمر كان مسجون :××× الطيور على اشكالها تقع اذا ماكان مظلوم :×
3. الحمدلله انها تابت والله يثبتها :×

 

[PinKiSHo]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

<<<< جااان تفصخ دراااعه الصمت

القصه رووووووووووعه رووووووووووووووعه رووووووووعه

صج ان نقااء خارتها شووي لا موشووي واايد بس المهم انها تااابت وهذي الهبره ويمكن الله سخر لها ناصر عشان يستر عليهااا

الله يثبتهااا انشالله بس بعررررف شنووو يااابت؟؟؟؟

 

[cute princess]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

كيوووووووووت اخواني موجودين 4 مو متزوجين افا عليج طبي و تخيري .... جم كيوت برنسس عندي وحده اطالع الله ثم اطالعها >>>> وحده عيااااااااااااره

صج ؟ اي يلا عيل باجر يايه بيتكم اخطب الي يعجبني :$
حده بيتكم بيصير ازعاج مني :krkrkr:

يعطيج العافيه اميره
بس البنات يحليلهم يضحكون خافو يخلصون الريايل بصراحه معاهم حق :dddds:

بذمتج بذمتج لنا حق ولا لا ؟؟؟ :eh_s(4):

يونيك وكيوت بدعتووووووووووووووووا لووول

لووووووووووول شنسوي بعد
اميره كان ضايق خلقها من قصة ريريز قلنا انيي اهني نضحكها :$
واحنا جنه ارقوزات نص المنتدى ضحك علينا مو بس اهيه :$

 

[ba6re8a]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

شلونجججججججججج كيووووووووووووووت احب اقرا ردووودج والله تونسسسسسسسسسسسسني :krkrkr:

:krkrkr:

 

[أم@الحلوين]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

ناصر ليش كان يقعد مع رفيجات امه؟؟؟
انا عبالي جنس @@ بس لمن تزوج نقاء استغربت!!
ومشكوره اموره عالبارت

 

[نملة زقرتية]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

زييييييييييييييين الحمدلله
الله هداها وسخرلها ناصر

حتى لو اهو خريج سجون ويعرف ماضيها
بس ربج يحبها
زرع حبها بقلب ناصر وخله طريج هدايتها معاه

الله يثبتها ويوفقها

اميرة تسلم ايدج عالقصة الروووووعة

 

[~*~الملكة~*~]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

يماااااااا صارت فيني قشعريره قووويه

يااااااااااااااااارب ثبتها ياااااااارب ثبتها على طاعتك ورضاك

وثبتني وثبت المسلمين والمسلمات على طاعتك ورضاك ياارحم الراحمين

 

[cute princess]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

شلونجججججججججج كيووووووووووووووت احب اقرا ردووودج والله تونسسسسسسسسسسسسني :krkrkr:

:krkrkr:

لووول انا تمام الله يسلمج :$
جني صايره نكتة المنتدى هاليومين ؟ :$ لووووووول :$

 

[NaB'9 QaLBi]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

Nqaaa2 al7emdalla ena allaaah hdaaahaa o rj3ha 7ag 9wabha
alllaaah ythabtch yaa raaaab

 

[shaja]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

الله يثبتها انشالله

بس احس انها خلاص ملت من سوالفها لازم تعقل شوي

البااارت اينن ثانكيوو حيااتي

 

[DALLY]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

:eh_s(2)::eh_s(2):يعطيج العافيه امورررره


:eh_s(2)::eh_s(2):خلصت الروايه وبعدنا ماشبعنا منج


:eh_s(2)::eh_s(2):الله يثبت نقاء ويوفقها ويعوضها ويهدي اللي غرقانين بالحرام ياررررب


:eh_s(2):بتوحشينا:eh_s(2):

 

[MeeMeeYoo_2]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

انا طلعت من صمتي :$

اول مره ما اشمئز منها بصراحه !! بس ماكنت اعلق لاني ناطره النهايه


يعطيج الف الف الف عافيه